افتتاح محل لاهل الذوق حلويات ومعمول بشارع الثلاثين

[تولة عود]

الــــســــــــــــــــــلام عليــــكم ورحمـــة اللـــه
:97::t6::t28:
ابشركم يابنات فتح عندنا محل حلويات ومو اي حلويات كلة معمول وشكولاته كشخة وتواجهه:t180:
طبعا اسعار الكيلو من 100 وشوي بس يستاهل معمولهم غريب وحلو ان شـــاء الله نعبي منة صياني لزواج اخوي اريح من روحة للرياض
وعندهم كبة وسمبوسة وتوابعها تبع التفريز وقت الحاجة بس لزوم طلبية قبل الكبة كيلوها الظاهر 80 ريال وعنده انواع القهاااوي
وزعفران وتجهيز حفلات وتصميم وتأجير صياني وبيع وتوصيل طلبات مجانا
يقول انة عندهم فروع في الرياض قاليري ومخرج 5 والراشد بالخبر ومجمع بشرى بالرياض

انا رحت عندة اليوم والمحل لسى مااكتمل ديكورة واشوف عندةصياني فاضية يقول تابعه لناس طلبية للعيد
ارجوكم بنات سوو لة دعاية لبنات المجمعه والحوطة وتوابعها ياليتة ينجح بس ماهقيتة
خلونا نرتاح اذا بغينا نروح لصديقاتنا او نفاس احد من اقاربنا خالات وعمات اومناسبة او اعياد مانشيل هم نوصي من الرياض
بس مشكلتهم صياني بلاستيك الحلو انك تعطينة من عندك صينية يعبيها
اسم المحل سافرون
ترى والله مالي صلة او نسبةاو قرابة بالمحل بس خايفة ماينجح لان الاكثر يحبون حلاو مصاص وحلاو ابو 30 ريال
صح انا مااقول اني مااحبهم احبهم مثلكم بس فية مناسبات نحتاج لشي حلو ويواجه
لكم ودي وحبي واحترامي:a4:
تولة عــود

[كيوت "]

اها شكل العماره بكبرها حقت المحل فخمه وتوواجه اي احد يشتري منها

مووووفقين

وقريبا يفتحون عنده تموينااات ان شاء الله

[ملاك الروح]

واااااااو شكل المحل بيصير ررووعه


شكرا على نقل المعلومات عن هذا المحل


وبالتوفيق للجميــــــــــــع

تحيــــــــــــــاااتي

[ورده موف]

ايه صادقه مانبيه يقفل سوو دعايه للحوطه والمجمعه والتويم وجلاجل يعني لسديركلها
خليهم يعرفون عنه
مشكوره

[تولة عود]

مشكورين ع المرور حبايبي
صح ونسيت اقولكم بيفتح جنبة سوبر ماركت وااااو شكلة يفتح النفس اول سوبر ماركت في تميررر يواجه تقدر الوحدة تتقضى فية هي وعيالها بلاش روحة لهايبر بندة وكارفور والدانوب اذا جا الصدق اسعارهم هنا بتميرر ارخص علشان كذا بلاش تعب وزود غثا في السيارة ممكن نجيب اشياء مو موجودة في تمير منهم والباقي مايحتاج
لا وبعد خباااز يافرحة اهل الحي- وكلهم اسمهم زاااااد
الله يكثر الفتوحات الجميلة في مدينتا الحبيبة-

[كيوت "]

مشكورين ع المرور حبايبي
صح ونسيت اقولكم بيفتح جنبة سوبر ماركت وااااو شكلة يفتح النفس اول سوبر ماركت في تميررر يواجه تقدر الوحدة تتقضى فية هي وعيالها بلاش روحة لهايبر بندة وكارفور والدانوب اذا جا الصدق اسعارهم هنا بتميرر ارخص علشان كذا بلاش تعب وزود غثا في السيارة ممكن نجيب اشياء مو موجودة في تمير منهم والباقي مايحتاج
لا وبعد خباااز يافرحة اهل الحي- وكلهم اسمهم زاااااد
الله يكثر الفتوحات الجميلة في مدينتا الحبيبة-والله انك صااادقه احسن سوبر مااركت زااد

الله يوووفق اهله ومن فتحه

اامين

وان شاء الله يجيهم سووووق

بس لسا الحين يشتغلون فيه

[أم ليان]

ماشاء الله تبارك الرحمن فيه تطورات بتمير مرررررررررررررررره حلوه..
والله يرزقنا بعد بمحلات اكثر وحده طماعه ههههههههههههه..
وماشاء الله ع اللي بيرحون رجليه وناسسسسسسسسسسسسسسسسسسسه.

[زهره السوسن]

الله يقويكم ادعمو ديرتكم وخلو عنكم المكابر لو بمكان ثاني كان يازينه هذا الي حاصل في تمير الله يوفق من فتحه

[النهار741]

ماشاء الله
والله يوفق الجميع

[برفو2011]

الله يجزه خير الي فتح عندنا والبركه فيكم يا اهل تمير ادعموه

[عبد الله التميمي]

الله يوفق الجميع ويرزقنا ويرزق صاحب المحل والجميع

[تمير عمر]

الله يوفقهم

[بنت الاويسط !!]

ايه والله انا فرحنا به :a4:
وقريب لبيتنا > تقهرهم :5:a
وطعم حلوياته :sm5: :a4:

وبعد بيفتح سوبر ماركت وخباز !! :53:a



الله يجزاهم خير يفكون ازمات والله بدال هالمشاوير :a4:

[الكااايد]

شي جميل :)
الله يوفقهم يارب
وباذن الله ينجح ويستمر
لاتنسون تدعمون مثل هالاشياء
للمساعده على الرقي بمدينتنا العزيزه

[ام فوفو]

ماشاء الله فيه تطورات بتمير

[تولة عود]

حياكم في موضوعي
كما وردني من الفتوحات تم افتتاح محل اكسسوارات اسمة مزايا بجانب مكسرات ابو سامي ورحت سويت علية جولة ولقيت بضاعتة وااااو باسعار جميلة مقارنة بنفس البضاعه في الرياااض
ياناااااس شكلنا بنغطي عالرياض ههههههه
باسعار اقل
الله يوفق اهل المحلات وجعلهم دايمين
ادعموهم لا تبخلون عسا تنجح عندنا المحلات الراقية
لا تتكابرون وتشترون من الأرياف ترا محلاتنا اكشخ*

[جروحه]

الله يوفق الجميع
قابليني اذا نجح المشروع
يومين ويهون
مثل اامطاعم من قبل

[محتاره فيك]

ماشاء الله
والله يوفق الجميع

[ام منى]

موفقين ان شاء الله ..

[العالمي]

هذا غزو فكري
حنا في العزيزية مانرحب بهذا النوع لانه غزو للجيوب
وش فيه التمر طبيعي ومغذي ( مزحة)
الصراحة
كم حنا بحاجة في تمير لمثل ذلك المحل والمطاعم
جيراننا الحوطة والمجمعة اذا جاهم ضيف زنقة على راي (قذافي) ماينحرجون وحنا شفناهم بعيوننا مثل اكل البيت
حنا هنا مطاعمنا تفشل مدري دجاجهم تايواني او قبل يومين واكلهم بارد والبيبسي حار
ليتنا نشجع كل محل يفتح
تحياتي

[همس الجفاء]

الله يوفقهم ..

[مايكبرني لقب]

ماشاء الله تبارك الله

الله يتمم عليه ولا سكرونه مثل غيره

لازم نسوي دعايه له

بصراحه احنا البنات نحب الكشخه والرزه

ونزمل لروحات الرياض والتوصيات


يعطيك العافيه توله

ومبروك علينا المحل :t24:

[بداية هم]

ماشاء الله الله يبارك لهم مشكله مافيه الا الشارع العام يفتحون فيه محلات

[ميدوالمنتدى]

بالتوفيق للجميــــــــــــع

[الورر]

وين الموقع والله مدري وين المحل فيه الي تقولون والله اني ماامزح جاد ولكم جزيل الشكر

[خبرووووة]

شكرآآآآ من القلب يا توله عود
ماتعرفون المحل أأأأأأأأأأكيد في
عاصمه تمير دار العز خالديه الرخاء
شكرآآآآ ياعالمي على الهدية

[قالب ثلج]

مبروك عليكم المخبز وعقبال مغسله للـ

للـ
.
.
.
.
.
.
.
.

.
.
.
.
للـ
للملابس
خخخخخخخخخخخخخخخخخخخخخخخخخخخ

[الورر]

شكرآآآآ من القلب يا توله عود
ماتعرفون المحل أأأأأأأأأأكيد في
عاصمه تمير دار العز خالديه الرخاء
شكرآآآآ ياعالمي على الهدية
متي الخالديه عاصمة تميرنسيت اهل الرفاع الروس العز العزيزيه

[نوآف]

الله يخلف
اشوفكم كل يوم ذابحين واحد

[| Łβα 8Łβєє ●]

الله يوفقْ صَأـآحَبْ ألمحَل ||~

[الله يخلي لي حبوبه]

ياحليله فتح في تمير لهم فرع في الرياض في الغدير والله انا مجربتهم يجنن شغلهم والله حسافه يسكر بس الطلب قبل بيوم

[الله يخلي لي حبوبه]

والله روعه خاصه في رمضان للفرزنه راحه والله لاتخسرونه فرصه خلاص انا ابروح اطلب منهم انا واهلي يالله كل وحده تروح تطلب ههههههه والله صادقه

[الكنق]

مع نفسك انت وياه

[توليب2]

من جد الله يبشركم باالخير

[المغامس]

السلام عليكم انا رحت للمحل والله ممتاز بس يا اليت ينجح ونرتاح من الدوخات هنا وهناك وياليت يفتحون مطاعم حلوه مثل الي با الحوطه والمجمعه مره حلوه

[وآس آلتميمي]

-






آلله يبشرك بآلخير وآن شآء آلله من كذآ وآحسن : )

يعطيك آلعآفيه حبيبتي

[جروحه]

اقول من الحين تهاوشتوا
اهل الخالديه مع اهل العزيزيه

[عنيد الراس]

ليش كل شي بالخالديه يعني عشانهم مايعرفون يطبخون<امزح

صح لسانك الورر،،ومبروك افتتاح المحل وياليت تخفون رجلينكم عنه عشان ماتتعودون ع الجاهز ،،مافي احلى من شغل وطبخ البيت ،،وشكرآ

[وآس آلتميمي]

الله يقويكم ادعمو ديرتكم وخلو عنكم المكابر لو بمكان ثاني كان يازينه هذا الي حاصل في تمير الله يوفق من فتحه


+1

:t177:

[3]

غالي ومايستاهل هالصجه
ولاقي له حريم يلعب عليهن

[ورد الشوق]

اييه .. جنااان المحل ..
ذقت شوكولاتهم حلووووه وتحسسيهاا توااجه اذا خذتيهاا للمناسبه .. ولا المعمووول شكله جوووناان واشكاالهااا مثل اورااق او ورد الجوري ..
ويسستااهل من يشتري من عندهم ..

[ملاامح الخجل]

هههههههههههههههههههههههههههههههههههههههههههههههههه هههههههه حرام عليكم متى ضحك عليكم صجة ولجة ومبروك علينا المحل ياالى منعرف نطبخ هههههههههههههههههههههههههههه

[هدوء الورد]

الله يجزاه خير اللي فتحه يفك الزنقاات
احياان ماتقدرين تسووين وتخافين تجيبين جاهز يطلع اي كلالام
وهالمحل ماشاء الله الكل يمدحه ونحمد ربنا فتح عندنا شي زين