تحويل طريق تمير الرسمي ...

[المهند]

http://www.m5awitumair.com/up/folder1/tumair_UbjRbb0HUl.gif

مرحباً بكم ...

تم الشروع يوم أمس السبت الموافق 15 / 8 / 1432هـ في إغلاق الطريق الرسمي لمدينة تمير والقادمين من الطريق السريع .. وذلك تمهيداً للعمل في تجهيز كوبري للقطار .. ووضع الطريق العام في جسر فوق خط القطار ...
هذا وقد تم تحويل الطريق الرئيسي إلى طريق فرعي وبامتداد ما يقارب الكيلوين .. مع وضع جميع وسائل السلامة ... من إنارة وتنبيهات ومطبات ..

عدسة منتديات مدينة تمير ... تواجدت هناك ... لتنقل لكم الحدث ...


http://www.up-tumaer.net/up//uploads/images/tumaer-c1bad92473.jpg





http://www.up-tumaer.net/up//uploads/images/tumaer-c90c5ff8a2.jpg


http://www.up-tumaer.net/up//uploads/images/tumaer-0c03277d32.jpg




http://www.up-tumaer.net/up//uploads/images/tumaer-d67e465ea6.jpg


http://www.up-tumaer.net/up//uploads/images/tumaer-76154d1963.jpg



http://www.up-tumaer.net/up//uploads/images/tumaer-9d315dc231.jpg



http://www.up-tumaer.net/up//uploads/images/tumaer-8f3d43eb76.jpg



http://www.up-tumaer.net/up//uploads/images/tumaer-50e520936a.jpg


http://www.up-tumaer.net/up//uploads/images/tumaer-2092fb8837.jpg

















شكراً لمتابعتكم ...

[توأم الجود]

جيت معه قبل امس ؛ والله انه ضيق مره لو قدامك وايت او قلابي ؛؛ والله ان تحوم كبدك ما تفكر تسقط ابد ؛؛

لو يشوفونه حقين ساهر ؛ كان يبيعون كميراتهم و يحطون كل الخطوط مثله ؛؛

تسلم اخوي المهند ؛ ع التغطية

تحياتي

[عزوف]

الله يعينكم والله معيفين من خط عشيرة يجي هذا..

[قاصر عنوه]

جيت معه قبل امس ؛ والله انه ضيق مره لو قدامك وايت او قلابي ؛؛ والله ان تحوم كبدك ما تفكر تسقط ابد ؛؛

لو يشوفونه حقين ساهر ؛ كان يبيعون كميراتهم و يحطون كل الخطوط مثله ؛؛

تسلم اخوي المهند ؛ ع التغطية

تحياتي


رئيس البلديه ونائبه يتحملون المسئوليه كامله عن سلامة المواطن مع هذه التحويله (( المرعبه ))

[matab]

الله يستر على اهل الديرة ما يجي مشروع الا وفيه لعب وتلاعب

ما فيه ناس تشتغل باخلاص وامانه ... ناس ما تخاف الله

ما يدرون انه هو الطريق الوحيد المؤدي لسدير والرياض

ما اتوقع التحويله هذي توفي بالغرض لسلامة المواطنين

الكبري مطووووووووول وموسم الامطار بكره بيلعب فيها ويخربها

الله يعين الدفاع المدني بيرفع حالة التاهب

والله يعطينا من خيرها ويكفينا شرها

وحسبي الله على الظالم

[ابو مشعل]

غريبه ما حطوا خط رايح مع جهه وخط راجع مع جهه ثانيه

الف شكر اخوي المهند على متابعتك والله يعينا على الغثاء

[khaled_22-]

.مشكور اخوي المهند على التغطيـه ,,,

[مستشار تمير]

.مشكور ررررررررررر

[المكتب الخاص]

شي حلو والله انك نبهتنا يالمهند مبطين ماجينا من هناك....بس

ماعلمتنا متى ينتهون منه ؟

هل هو صحيح ضيق مثل ماقال توأم الجود ؟


تحياتي

[رقيق المشاعر]

الله يستر على المسلمين

بس لو الطريق اللي مزفلتينه موسعينه شوي كان احسن

يعطيك العافية يالمهند ..

[هبوب الريح]

الله يعين الخط ضيق بالحيل والله يستر من الحوادث

بعرف الحين انا....... رئيس البلديه كيف يسمح للمقاول يسوي كذا

اللي سمعناه من البلديه انه خطين واحد للي جايين من الرياض

وخط للي رايحين لرياض .... حسبن الله ونعم والوكيل

[زمان الصمت]

والله شغل دفنسه
طريق ضيق وتجلس وراء الواحد شوي شوي
اذا صارت سيارته صغره عشان المطبات
الله يصبرنا على هالغثاء
مشكور يا المهند على التقرير

[khaloody]

مانقول الا الله يصبرنا ..

أحس بعد 5 سنين إذا بغينا نروح لـ الرياض او سدير .. لازم نطير في الجو !!
كل الطرق بتتسكر

[المهند]

شكراً لجميع المتداخلين .. وبارك الله فيكم ...

غريبه ما حطوا خط رايح مع جهه وخط راجع مع جهه ثانيه

الف شكر اخوي المهند على متابعتك والله يعينا على الغثاء

تخيل أخوي أبو مشعل حطو طريق يمين ... والآخر يسار .. والطريق الرئيسي بينهم .. وشلون بتدخل المعدات للعمل وتجهيز الكوبري .. بالعكس طريقتهم كذا حلوه ..
ولكن ليتهم فكونا من البراميل .. لأنها سببت لنا أزمة هالبراميل .. ولنا معها مواقف كثيرة لعل آخرها في دوار البراميل ... في الوسيعة ..
صحيح أن الطريق ضيق .. لكن الشكوى على الله .. نبي نهدي معه ألين يخلصون من المشروع ..

[المشاهد]

الله يرحم والديكم هذي تحويله يابلديه تمير الموقره والله انها لعب بزران . ضيقه ونازله يعني اذا جى السيل والله يجيبه مافيه روحه من هناك وبعدين حاطين فيها مطبات صناعيه مدري وش يحس به الي حاطهااا كسر مواترنا الله يكسر راس بليس .
شوفو لنا حل يالبلديه وخلو لعب البزران هذا . ترانى في ذمتك يارئيس البلديه انت وربعك الي متولين المناصب وماسكين سيارات البلديه دوجي في الديره وسياراتهم في البوائك موقفه .

[المارد]

يعطيك الف عافية يالمهند بس الشباب كرهون في الخط الله يعيينن يوم الاربعاء معه الله يسترى لاتجي حوادث فيه

[بـدويـ فـاهــم]

شكرا لك على التنبيه و حفظك الله
دائما متميز بمواضيعك التي تهمنا

[دحوم الخالديه]

وش هالتحويله
ماتقدر تصقط على احد والمشكله فيها مطبات في كل شق ..
الله يعين بس كرهت الروحه من هناك.

[عاشق المطر]

يعني خط تحويله مؤقت مثله مثل غيره تبونه ثلاث مسارات

[أبشر]

يعطيك العافية على التغطية أخوي المهند بس ماتدري كم مدة المشروع بيني وبينك سكروا علينا صرنا محجورين في تمير
اما التحويله ضيقه مرررره وفيها مطبات من النوع الي يصعرر بالكفرات ويفقع المساعدات والله ياهو مطب قوي لو معك وحدتن حامل كان ولدت يشيل الموتر ويرزح به
واليوم ناشب للي واحد وراي ملحم الصدام بالصدام ويكبس يقول امش بسرعه وكنه من تكبيسه يهوش في غمارته يقول لا تهدي والطريق فيه مطبات ما قدر اسرع اخاف اكسر موتري ويوم هديت عند المطب ما اسمع الي صوت فحيط كفراته فرامل موتره شق اذني مدري وين يبي طاير

[الشيخ غليص]

بلاهي هذي تحويله ؟؟؟؟؟؟؟؟؟؟ الله واكبر عليكم

[جبل الثلج]

شكررررررررررررررررررررررررا اخوي كلامك صحيح