شخاميط ... وخمسات ... وتفحيط ... تزعزع أمن الديرة ..

[المهند]

السلام عليكم ...

صباح يوم أمس ... تفاجأت برسم تخطيطي وهندسي جميل ... على أرض الشارع العام في تقاطع الباطن مع الشمالي ... ووجود مدرجات ... اتخذها الجمهور للجلوس عليها وهي كتبة ( تمير ) والواقعة في جبل العزيزية ...

وعلى ما يبدو لي أنها كانت سهرة غير ... لحي العزيزية ... لا سيما في ظل فقد السيطرة الأمنية لشرطة تمير ... وهي تتابع ما بين تقاطع العزيزية وتقاطع شارع الثلاثين ...

ومع صباح هذا اليوم الاثنين .. وجدت أثراً جديداً .. لسهرة أخرى .. عاشها أهالي حي الخالدية .. وكان موقعها بالفعل تقاطع شارع الثلاثين مع الشارع العام ... مع بعض القفشات الخفيفة داخل الحواري والتقاطات .. بل والمطبات ...!! التي رأيت أنها لم تكن حلاً للمشكلة ... وقد اتخذ الفنانين المطبات مرحلة ثانية لمزاولة التفحيط ... واحترافية أكثر ..
ياترى ..!!
ما هو دور ولاة الأمور .. في ظل تسكع أبناءهم .. في آخر الليل .. وعدم معرفتهم أين هم .. ومع من يسهرون .. !!
هل دورهم ... إخراج أبناءهم .. قبل أن يدخلوا التوقيف ..!!
أين موقف الشرطة .. ولماذا لاتفعل دور المرور السري .. والذي لا يحتاج معه لمطاردة .. أو ملاحقة ..!!

لم أشأ أن أمنعكم من الفن الهندسي المرسوم على التقاطعات ... فكانت هذه اللقطات ...

http://www.up-tumaer.net/up//uploads/images/tumaer-8448a91784.jpg


** أحد الفنانين والرسامين .. والذي اتخذ كفراته محبرةً لفنه ... وللأسف لم تلحق به الكاميرا ..

http://www.up-tumaer.net/up//uploads/images/tumaer-d17a3669c6.jpg

** كانت السهرة الأولى هنا ...

http://www.up-tumaer.net/up//uploads/images/tumaer-4d7bde0077.jpg

** والسهرة الثانية .. انتقلت لحي الخالدية ...

http://www.up-tumaer.net/up//uploads/images/tumaer-092c4b2292.jpg

** هل هذه الجزر ... أوجدت الحل .. ؟؟؟ الجواب في الصورة ..!!!

http://www.up-tumaer.net/up//uploads/images/tumaer-a55acdbbba.jpg

*** ألا يخشى هؤلاء الفنانين التشكيلين .. دعوة كبير .. قد قام يصلي آخر الليل .. ويدعو ربه .. وقد أفزعته صراخ كفراتهم !!!

هدى الله شبابنا .. لهداه ... وأعادهم إليه عوداً جميلا .. ورحم الله الآباء الغافلين عن أباءهم .. ومن فقدوا السيطرة على تربية أبناءهم .. سوى بتضرعهم ودعواتهم .. ورفع أيديهم ..لمولاهم ..

[أبـوحـمـد]

الحل الوحيد الاتصال على مدير شرطه الرياض وابلاغه بأهمااال شرطه تمير اول شي!!
لانها غاااائبه وكنها ليست بالوجوووووود

وايضا لو يضع اسم كل مفحط ورقم لوحته ونوع سيارته هنا لتكون ليكون عبره وعظه!!
انا استغرب وين اهله!!
يعني مايفقدونه!!
ما يسمعون عنه !!

من البارح والعجز تدعي عليهم...

[مزاجيه]

الله يهاديهم

[دحوم الخالديه]

الله يهديهم..

[المهند]

الحل الوحيد الاتصال على مدير شرطه الرياض وابلاغه بأهمااال شرطه تمير اول شي!!
لانها غاااائبه وكنها ليست بالوجوووووود

وايضا لو يضع اسم كل مفحط ورقم لوحته ونوع سيارته هنا لتكون ليكون عبره وعظه!!
انا استغرب وين اهله!!
يعني مايفقدونه!!
ما يسمعون عنه !!

من البارح والعجز تدعي عليهم...

هلا أبو حمد ..

مشكلة شرطة تمير .. تدق عليهم .. يقولون حنا في شارع الثلاثين .. من نلحق من نخلي ..

يعني ما جاء على بالهم أنهم يجيبون مثلاً شرطة سرية ... وتعرف كل شيء ..!!
اما لو تحط اسم اللي يفحط ورقم اللوحة ... إن كان نفتح ساحة خاصة بهم ... لن الدعوة تبي تصير تشخيص ومسابق ...!!

أهلهم دارين ... لكن يقولون وش نسوي ؟؟ وإذا حجزوه عرفوا وش يسوون .. ياسرع ما يطلعونه ..

الله يصلح حالهم ..

[المهند]

الله يهاديهم

الله يهديهم..

عيالنا ...

مالنا إلا ندعي لهم بالهداية ...

[لا تـعـتـذر مـسـمـوح..~~]

هههههه آحوول رآسـ مآله تفحيط وعقدتين خلهم يوسعون صصدرهم ههه
والله يهديهم ويصصلحهم ويتركون التفحيط عنهم

[جار القمر]

يكبر ويهون >> ويجي غيره
يقول اللي شافه وهو يفحط يقول ماهوّن لين تقطعت كفراته
انا بس ودي ادري وشلون يرسم هالدويرة وانا اذا جيت اديور مع الشارع اللي فحط فيه ما ياخذني المديور لازم ادق ريوس !!!
الله يهديهم وينشطهم في الطاعة وخدمة الدين
مشكور يالمهند على الموضوع الحساس

[عزوف]

الله يستر ويهديهم..

[ريح الندى]

والله العظيم امس تفحيط غير طبيعي حسبي الله عليهم وحسبي ع الي مهملهم ماهمهم شئ

والله دعينا امس عليهم من الحره

حسبي الله ونعم الوكيل فيكم

[نور القمر121]

الله يهديهم يارب

[ابوتركيT]

يكبر ويهون >> ويجي غيره
يقول اللي شافه وهو يفحط يقول ماهوّن لين تقطعت كفراته
انا بس ودي ادري وشلون يرسم هالدويرة وانا اذا جيت اديور مع الشارع اللي فحط فيه ما ياخذني المديور لازم ادق ريوس !!!
الله يهديهم وينشطهم في الطاعة وخدمة الدين
مشكور يالمهند على الموضوع الحساس

هُهُهُهُهُهُهُهُهُهُهُهُهُهُهُ

الْلَّهِ يُهَدددِيْهُمْ

[جيتك بقلبي]

وش عليك من الناس جاي مفحط بحوش بيتك ؟!
خسران من جيبك كفرات ؟!
راح ينقص من جيبك ريال ؟!

الشرطة أبخص منك وتعرف كيف تجيبه لو كتبنا عن محلك وكتبنا عنه هنا وطلعنا عيوبه والله ان تحذف الموضوع في دقيقه

نصيحه محب لك ونصيحه ارجواء ان تتقبلها بصدر رحب لاعليك من سفائف الامور دع هذي الامور عنك
لا تكره الناس فيك وتحقد عليك ومن الممكن ان يطولك شر هولاء الاشخاص في حال تعرضوا للسجن وغيره وراح يحطونك ملقوف او متعاون ونفس الكلام على الشرطة والعسكر ما يناظرونك الا بالحقران

يعني بسألك سؤال وابيك تجاوبني بصراحه واتمنى اتمنى اتمنى ماتحذف ردي اذا تتقبل وجهة نظر غيرك

س1 / تدل مركز الشرطة ولا لا ؟!
اذا انت تدله وعندك معلومات مفصله عن الموضوع وان الناس قاعده على كتبت تمير ويشجعون لماذا؟ لم تقوم بتبليغ ولجاءت الى التشهير ؟! واذا هامتك مصلحة الديرة دق سلف ورح لشرطة وشف والله ان يطلعون معك لكن تجي تكتب هنا وتشهر فيهم انت بنفسك ماترضى احد يسبك او يشهر فيك فكيف ترضاه على غيرك وللعلم الشباب يعرفون ان الشرطه مباشره حادث على السريع مثلآ او حول تمير ويستغلون هذي الفرصه بالتفحيط

تزعز امن الديره :71: انا قلت فيه سطو مسلح على ثلاثين بيت وانتهاك اعراض وترويع الامنين
خل عنك هالامور وتكبيرها ورح شف كم وصل سعر الطرابيل انت انسان مزاجي يالمهند اللي مايعجبك تحذفه واللي يعجبك تخليه اتمنى ردي يعجبك

[أبونواف11]

المشكلة فينا إحنا

من يوم يحجز الولد تجد الأب أول من يأتي للشرطة لإخراجه بأسرع وقت

[رقيق المشاعر]

س1 / تدل مركز الشرطة ولا لا ؟!
اذا انت تدله وعندك معلومات مفصله عن الموضوع وان الناس قاعده على كتبت تمير ويشجعون لماذا؟ لم تقوم بتبليغ ولجاءت الى التشهير ؟! واذا هامتك مصلحة الديرة دق سلف ورح لشرطة وشف والله ان يطلعون معك لكن تجي تكتب هنا وتشهر فيهم انت بنفسك ماترضى احد يسبك او يشهر فيك فكيف ترضاه على غيرك وللعلم الشباب يعرفون ان الشرطه مباشره حادث على السريع مثلآ او حول تمير ويستغلون هذي الفرصه بالتفحيط

؟؟؟؟؟؟؟؟؟؟؟؟؟؟؟؟؟؟؟؟

طيب لو رحنآ للشرطة قآل عطنآ آسمك وآخر شيء يعلم آلولد آللي يفحط من مبلغ عليه ثم لآطلع تمشكل معي آو طق عيآلي آو كسر زجآجة موتري وآنحآش

مشكور يآلمهنـد

يعطيك آلعآفية

[المهند]

هههههه آحوول رآسـ مآله تفحيط وعقدتين خلهم يوسعون صصدرهم ههه


والله يهديهم ويصصلحهم ويتركون التفحيط عنهم


فيه خطوط واجد .. فاضيه ومهيب يم أحد ... يوسعون صدورهم فيها ..

يالله أنك تهديهم ..

[المهند]

يكبر ويهون >> ويجي غيره
يقول اللي شافه وهو يفحط يقول ماهوّن لين تقطعت كفراته
انا بس ودي ادري وشلون يرسم هالدويرة وانا اذا جيت اديور مع الشارع اللي فحط فيه ما ياخذني المديور لازم ادق ريوس !!!
الله يهديهم وينشطهم في الطاعة وخدمة الدين
مشكور يالمهند على الموضوع الحساس

العفو أخوي جار القمر ..

شويه .. تقطعت كفراته ...
الله يستر عليه ..

والدويره ما تصلح للشيبان .. يالله يأخذون اللفه .. كن معهم تريله ...

[المهند]

الله يستر ويهديهم..

اللهم آمين ..

[المهند]

والله العظيم امس تفحيط غير طبيعي حسبي الله عليهم وحسبي ع الي مهملهم ماهمهم شئ

والله دعينا امس عليهم من الحره

حسبي الله ونعم الوكيل فيكم

ادعوا له بالهداية ..
تراها فرصة .. ودعوة المظلوم مستجابة ..

[المهند]

الله يهديهم يارب



آمين .. يارب ..

[المهند]

هُهُهُهُهُهُهُهُهُهُهُهُهُهُهُ

الْلَّهِ يُهَدددِيْهُمْ

آمين ..

[المهند]

وش عليك من الناس جاي مفحط بحوش بيتك ؟!
خسران من جيبك كفرات ؟!
راح ينقص من جيبك ريال ؟!

الشرطة أبخص منك وتعرف كيف تجيبه لو كتبنا عن محلك وكتبنا عنه هنا وطلعنا عيوبه والله ان تحذف الموضوع في دقيقه

نصيحه محب لك ونصيحه ارجواء ان تتقبلها بصدر رحب لاعليك من سفائف الامور دع هذي الامور عنك
لا تكره الناس فيك وتحقد عليك ومن الممكن ان يطولك شر هولاء الاشخاص في حال تعرضوا للسجن وغيره وراح يحطونك ملقوف او متعاون ونفس الكلام على الشرطة والعسكر ما يناظرونك الا بالحقران

يعني بسألك سؤال وابيك تجاوبني بصراحه واتمنى اتمنى اتمنى ماتحذف ردي اذا تتقبل وجهة نظر غيرك

س1 / تدل مركز الشرطة ولا لا ؟!
اذا انت تدله وعندك معلومات مفصله عن الموضوع وان الناس قاعده على كتبت تمير ويشجعون لماذا؟ لم تقوم بتبليغ ولجاءت الى التشهير ؟! واذا هامتك مصلحة الديرة دق سلف ورح لشرطة وشف والله ان يطلعون معك لكن تجي تكتب هنا وتشهر فيهم انت بنفسك ماترضى احد يسبك او يشهر فيك فكيف ترضاه على غيرك وللعلم الشباب يعرفون ان الشرطه مباشره حادث على السريع مثلآ او حول تمير ويستغلون هذي الفرصه بالتفحيط

تزعز امن الديره :71: انا قلت فيه سطو مسلح على ثلاثين بيت وانتهاك اعراض وترويع الامنين
خل عنك هالامور وتكبيرها ورح شف كم وصل سعر الطرابيل انت انسان مزاجي يالمهند اللي مايعجبك تحذفه واللي يعجبك تخليه اتمنى ردي يعجبك

ج 1 / الشرطة تقول أنها مرابطة في شارع الثلاثين بعد ما دقيت عليهم .. والظاهر إني كتبت ذلك في الموضوع ..



وعلى ما يبدو لي أنها كانت سهرة غير ... لحي العزيزية ... لا سيما في ظل فقد السيطرة الأمنية لشرطة تمير ... وهي تتابع ما بين تقاطع العزيزية وتقاطع شارع الثلاثين ...






أما اللي ما يعجبني من ردودك أحذفه .. فأنا أبترك ردك ذا ... على شان يدرون الأعضاء ليش تحذف ردودك الحلوة ..

[المهند]

المشكلة فينا إحنا

من يوم يحجز الولد تجد الأب أول من يأتي للشرطة لإخراجه بأسرع وقت

هذا اللي أنا أقوله ... في سؤالي الأول واللي وجهته لولاة الأمر ..
شكراً أبو نواف ..

[المهند]

س1 / تدل مركز الشرطة ولا لا ؟!
اذا انت تدله وعندك معلومات مفصله عن الموضوع وان الناس قاعده على كتبت تمير ويشجعون لماذا؟ لم تقوم بتبليغ ولجاءت الى التشهير ؟! واذا هامتك مصلحة الديرة دق سلف ورح لشرطة وشف والله ان يطلعون معك لكن تجي تكتب هنا وتشهر فيهم انت بنفسك ماترضى احد يسبك او يشهر فيك فكيف ترضاه على غيرك وللعلم الشباب يعرفون ان الشرطه مباشره حادث على السريع مثلآ او حول تمير ويستغلون هذي الفرصه بالتفحيط

؟؟؟؟؟؟؟؟؟؟؟؟؟؟؟؟؟؟؟؟

طيب لو رحنآ للشرطة قآل عطنآ آسمك وآخر شيء يعلم آلولد آللي يفحط من مبلغ عليه ثم لآطلع تمشكل معي آو طق عيآلي آو كسر زجآجة موتري وآنحآش

مشكور يآلمهنـد

يعطيك آلعآفية

الله يعافيك يارقيق المشاعر ..
الظاهر أني كاتب الموضوع على جدار بيته ..!!

[المكتب الخاص]

الحل مافيه حل ؟
ولي الامر ان جيته قال ولدي مايسويها انت تتبلاه "؟؟؟؟
وان مسكته الشرطه قامت تصايح امه طلعوه ؟؟؟؟؟


مالك الاتتفرج وتستمتع على(الخمسات) الين يطيح الي في راسه....

[محتاره فيك]

الله يهديهم..

[جيتك بقلبي]

ج 1 / الشرطة تقول أنها مرابطة في شارع الثلاثين بعد ما دقيت عليهم .. والظاهر إني كتبت ذلك في الموضوع ..


طيب وش ذنب العسكري اذا جاه بلاغ بالتفحيط في شارع الثلاثين وباشر الموقع ورابط فيه بنقطة تفتيش او بالدوران حتى يبعد التجمهر من الشارع وتخويفهم
ومن ثم قام المتجمهورون بالانتقال الى موقع اخر ومن ثم قام بمباشرته وبعدها انقلوا الى موقع اخر

وش تبي العسكري يصلح ؟! البلاء ماهو في الشرطه البلاء في اهل المفحط هم اللي ساكتين عنه ولا الوم اي عسكري في الشرطة



أما اللي ما يعجبني من ردودك أحذفه .. فأنا أبترك ردك ذا ... على شان يدرون الأعضاء ليش تحذف ردودك الحلوة

اتمنى تخليه ولو في داخلك شي يغلي لحذفه او تعديل ولكن انا ابيك تخليه تحسب ان كل الاعضاء بيكونون بصفك لا الحق وجهة نظرنا بنقولها ونتمنى تكون هذي سياستكم في المنتدى وليس في هذا الرد

[المهند]

الحل مافيه حل ؟
ولي الامر ان جيته قال ولدي مايسويها انت تتبلاه "؟؟؟؟
وان مسكته الشرطه قامت تصايح امه طلعوه ؟؟؟؟؟


مالك الاتتفرج وتستمتع على(الخمسات) الين يطيح الي في راسه....

ما لنا إلا نطالب بفتح ساحة خاصة للتفحيط ... على هالحالة ..

[المهند]

الله يهديهم..

آمين ... يالعضو الجديد ...

[abo-7elly_2002]

ما نقول الا
الله يهديهم ويصلحهم

[المهند]

طيب وش ذنب العسكري اذا جاه بلاغ بالتفحيط في شارع الثلاثين وباشر الموقع ورابط فيه بنقطة تفتيش او بالدوران حتى يبعد التجمهر من الشارع وتخويفهم
ومن ثم قام المتجمهورون بالانتقال الى موقع اخر ومن ثم قام بمباشرته وبعدها انقلوا الى موقع اخر

وش تبي العسكري يصلح ؟! البلاء ماهو في الشرطه البلاء في اهل المفحط هم اللي ساكتين عنه ولا الوم اي عسكري في الشرطة





اتمنى تخليه ولو في داخلك شي يغلي لحذفه او تعديل ولكن انا ابيك تخليه تحسب ان كل الاعضاء بيكونون بصفك لا الحق وجهة نظرنا بنقولها ونتمنى تكون هذي سياستكم في المنتدى وليس في هذا الرد

وأنا أول من لمته في موضوعي ولاة أمره اللي يفحط .. ثم الشرطة ثانياً بإطلاق دورية سرية ..

لا مالك إلا من يترك ردك .. لكن لاتتعرض لأسرتك .. !!
مبطين عنك .. أنت جيت تمير أو إلى هالحين منتسب للرياض .. !!

[المكتب الخاص]

معليش على الاطاله..
مشرفنا وحبيبنا المهند صح نتقدك لاكن الله يصبرك على الي يتصيدون في الماء العكر ولاغراض شخصيه بحته ؟؟؟
كني قريت انه بينتقد محلك ؟؟ شكلك جايب شي جديد يالمهند ؟خخخخخخ
تحياتي

[المهند]

ما نقول الا
الله يهديهم ويصلحهم

الله يجزاكم خير على دعواتكم الصادقة ...

[المهند]

معليش على الاطاله..
مشرفنا وحبيبنا المهند صح نتقدك لاكن الله يصبرك على الي يتصيدون في الماء العكر ولاغراض شخصيه بحته ؟؟؟
كني قريت انه بينتقد محلك ؟؟ شكلك جايب شي جديد يالمهند ؟خخخخخخ
تحياتي

اللهم آمين ..

الله يصبرني .. ويصبره على نفسه ..!!

وبعدين لا توقف في صفي .. تراه ما يرضى ..


تحسب ان كل الاعضاء بيكونون بصفك لا الحق وجهة نظرنا بنقولها ونتمنى تكون هذي سياستكم في المنتدى وليس في هذا الرد

[سحاب تمير]

وش فيكم معصبين
ادع لهم بالهدايه
والى يبي يفحط وش عليه من فلان ولا فلان
والي بيشكي باب الشرطه مفتوح

[المهند]

وش فيكم معصبين
ادع لهم بالهدايه
والى يبي يفحط وش عليه من فلان ولا فلان
والي بيشكي باب الشرطه مفتوح

شوفة عينك هالجو .. يساعد الواحد أنه يعصب .. الله يرفع عنا ..

وليته دعى لهم بالهداية ..

يالله أنك تهادي الجميع ..

[T W I X]

فتره مراهقه وتعدي هع


انا يومني بزر كنت افحط واخمس الين طيرت شجره خخخخخ


كلهم شهرين وتنتهي ظاهرة التفحييط *_*

[روح انسانه]

يصبر تمير عليكم خخخخخخخخخ

[جنـgن رجل~]

الله يهديهم ياااااااااارب

[توليب2]

ياناس لاتدعون عليهم ادعو لهم باالهداية هذولي شباب طايش ومراهق يعني وش نناخذ منهم اطلبوو لهم الهداية وبس

والا المفروض الشرطة وين دورها بس ؟؟؟؟؟

[3]

تسمي اللي في تمير شرطه
القهر انهم بانين لهم مركز شرطه جديد
على ايه بس
حدهم ملحق ويخب عليهم

[ابو مشعل]

اهلا بموضوعك الجميل اخوي المهند

الصراحه شي مستغرب اين رجال الشرطه من اللي يقوم بالتفحيط اخر الليل
الناس نايمه وهالشباب مغير تفحيط وين اهلهم عنهم
ارحموا كبار السن ارحموا المرضى الذين على الاسره البيضاء يحتاجون الى الراحه
ارحموا .. ارحموا .. فياليت كل مفحط ان يراجع نفسه اولا ومالاستفاده من هالتفحيط الا الازعاج فقط

شكرا لك اخي المهند على طرحك

[روح انسانه]

امممم
صراحه المشكله بالاهل
وثانيا بجد الششرطه فاشله بس موكلهم
انا غاسله يدي عقب لما وقف اخووي وعطاه مخالفه عششان حاط علم فريق
وهو ضضضده الله من المبزره

[المارد]

الله يهديهم
..............

[المهند]

فتره مراهقه وتعدي هع


انا يومني بزر كنت افحط واخمس الين طيرت شجره خخخخخ


كلهم شهرين وتنتهي ظاهرة التفحييط *_*

الله يعجل بها ...

شكراً تويكس ..

[المهند]

يصبر تمير عليكم خخخخخخخخخ

أي والله ..

ياصبر الأرض ..!!

[المهند]

الله يهديهم ياااااااااارب

آمين ...

الله يجزاك خير ياجنون ..

[المهند]

ياناس لاتدعون عليهم ادعو لهم باالهداية هذولي شباب طايش ومراهق يعني وش نناخذ منهم اطلبوو لهم الهداية وبس

والا المفروض الشرطة وين دورها بس ؟؟؟؟؟

الله يهديهم ..

الله يهديهم ..
ويسخرهم لأهله ..

[المهند]

تسمي اللي في تمير شرطه
القهر انهم بانين لهم مركز شرطه جديد
على ايه بس
حدهم ملحق ويخب عليهم

الله يقويهم ..

خلنا في موضوعنا ..

[المهند]

اهلا بموضوعك الجميل اخوي المهند

الصراحه شي مستغرب اين رجال الشرطه من اللي يقوم بالتفحيط اخر الليل
الناس نايمه وهالشباب مغير تفحيط وين اهلهم عنهم
ارحموا كبار السن ارحموا المرضى الذين على الاسره البيضاء يحتاجون الى الراحه
ارحموا .. ارحموا .. فياليت كل مفحط ان يراجع نفسه اولا ومالاستفاده من هالتفحيط الا الازعاج فقط

شكرا لك اخي المهند على طرحك

هلا بك أبو مشعل ..

الشرطة ورطت ما بين ذا وذيه ..
خلنا في الأهل .. وإلا الشرطة .. يبي من يطالب لهم بدوريات اضافية ..

[المهند]

امممم
صراحه المشكله بالاهل
وثانيا بجد الششرطه فاشله بس موكلهم
انا غاسله يدي عقب لما وقف اخووي وعطاه مخالفه عششان حاط علم فريق
وهو ضضضده الله من المبزره

وش رجعك ثانية ..!!

[المهند]

الله يهديهم
..............

الله يجزاك خير ..

[تميراويه والفخر ليه]

الله يهديهم

[هلالي قاهرهم]

الله يهديهم

[¬»طيـوف آنثى●●❥]

ظاهرة التفحيط هي الظاهره الوحيده اللي محد لقى له علاج ولا رح يلقون
دام ان مافيه عقوبات صارمه حيال هذا الموضوع فما راح يتغير من الوضع شي
وبما ان كل من دخل السجن يوم يومين ويطلع بواسطه والا غيرها قول على شبابنا السلام..
بس اكيد اللي يسوي كذا ويفحط بهالسرعه اكيد انه مايكون بوعيه ذيك اللحظه

الزبده .. التفحيط بالنسبه للشباب الان ادماااااااااان صعب علاجه

[الجرح ارحم]

-
وانا بعد يومني بزر اخمس وافحط والحين لا فتره وتعدي ي شيخ ريح بالك !!
بالله باسئلك ماعمرك فحطط !! ولاتخميسه ولا شي ، ها :biggrin:
مااقول الا الله يهديهم يارب

[كلي جروح]

باختصار ماوراهم أحدن يربيهم ويعلمهم السنع

[الكااايد]

مابعد صارت ظاهره :)
وشبابنا وان كان فيهم ناس متهوره الا ان اللي تتكلم عنهم عددهم قليل جدا
ومعروفين ! ببساطه انت يالمهند ممكن تسوي دور رجل المرور السري وتنهي هالموضوع بدون مطالبات وبدون زياده افراد واللذي منه
وبعد ازيدك من الشعر بيت :)
هم مجموعه شباب معروفه للكل !
سولف مع اي واحد بسنهم يالمهند وبيقول لك مين وبيعطيك ارقام لوحات سيارتهم وشد حيلك بلغ الشرطه :)
بس بالمناسبه
الحل الافضل والاحسن تخصص لهم ساحه يمارسون فيها خمساتهم وتفحيطهم
والحمدلله انها جات على تخميس مو تفحيط بسرعه جنونيه مايندرى وش نهايتها

[ابن المملكة]

هناك مرضى وكبار سكن رجال ونساء يدعون عليهم في كل وقت ودعوتهم بإذن الله مستجابه مابينها وبين الله حجاب

[NET]

قبل فتره كاتبين موضوع المطبات
الحفر ومره موضوع الكسارة ومره موضوع العمال ومره موضوع المخبز والمطعم والبلدية و ...........و............ الى مال نهاية .................

ادعو لهم بالهداية.............. وصولو صوتكم ومشاكلكم عند اميركم او المسؤول عن الديرة... بلا تشهير بلا كلام فاضي ...........

[NET]

ناس فاضيه................

[أمير بأخلاقي]

مرحباً المهند الصراحه انت اكبر من كذا يعني لو انه من جماعتك ما اتوقع انك بتحط الصوره هذي
بس أتمنى انك تخلي عنك الامور هذي لان مالك فيها لازوم ياخي اذا ما لقيت لك موضوع تنزله رح اجلس
بمحلك والله يعينك ع التشهير بهم
احترامي

[حلفت ماحب غيرك]

كفوووووووووووو يا؟؟؟؟؟؟ لبى قلبك والله انك سواق عداااااااااااااااااااااك العيب بس مالك داعي صقعتين في الرصيف هههههههههههههه

[الكابون]

والله صدق رضا الناس غايه لا تدرك ان جو الشرطه سبيتوهم ون ماجو سبيتوهم المفحط يبغاله وطي بطن كيف يفحط في قلب الديره

[قالب ثلج]

خخخخخخخخخخخخخخخخخخخ
باقي فيه ناااااااااااااااااس تفحط
وبعدين سويت خمسه خل نقول خمسات
وش تحسون فيه
كانه شئ يسوى
علمونا عشان نخمس مثلكم
واخلي جماعتي يخمسون معي
خخخخخخخخخخخخخخخخ

[khaloody]

اجل وش لون لونك سااكن في الرياض ؟؟

يالمهند !!

[حلفت ماحب غيرك]

:t24: اهم شي ايش؟؟ ((الونااااااااااااااااسه)):t24:

[الجرح ارحم]

طيب مافيه اربعات !!

[*~،جرح آلآيآم،~*]

الله يهاديهم لطاعته وعبادته

[*~،جرح آلآيآم،~*]

اربعات هههههه

[أتعبني غلاك]

خلا عنك يا المهند سوقين ماشاءالله عليهم ينطلون على 140 او 150 في وسط الديره شكلك ما شفتهم وهم يفحطون والله سوقه وفن بس وش تقول الله يهديهم ويصلحهم

[زهره السوسن]

الله يكبرعقولكم عند ردودكم البايخه العالم الله ان ماازعجنا بتفحيط الى انتم

[وسيم تمير]

1 ـ الله يكون في عون كبار السن وحملهم الصبر يارب
:t172:2 ـ الشرطه تغط في سبات نوم عميق وتحتاج الى تغيير من الافراد :t18:
3 ـ حسبنا الله ونعم الوكيل على الشباب المفحطين

[الجادي]

دع القياده لنا واستمتع بالرحله
http://t3.gstatic.com/images?q=tbn:ANd9GcThieh0_Wo3YeXaTkFX-h1tUK761jVl_4o7p9iltVFtVslsAXpUhNkahZHp (http://www.google.com.sa/imgres?imgurl=http://upload.7ozn.com/files10/13042590551.jpg&imgrefurl=http://www.zahran.org/vb/zahran102434/index2.html&usg=__oUj8fWr_zSqJQvPgzfElxP_Zoh0=&h=360&w=480&sz=9&hl=ar&start=43&zoom=1&tbnid=HdC4viDDhkoC5M:&tbnh=97&tbnw=129&ei=6HkcTv3aKcvu-gbo2oz1CA&prev=/search%3Fq%3D%25D9%2586%25D8%25B7%25D9%2584%25D9%2 587%26start%3D40%26hl%3Dar%26safe%3Dactive%26sa%3D N%26gbv%3D2%26tbm%3Disch&itbs=1)
الصناعه يابانيه والايدي سعوديه

[- مُـتـغـطـرسَـهه ™]

يمكنَ موبَ من سكآَن تميرَ !
خخخخخخ آَحنآَ لآَجينآَ لتميرَ قآَموآَ عيآلنآ
يفحطونَ لآَنَ بريآَض مآَيقدرونَ هع ،

[رقيق المشاعر]

يعآفيك ي آلمهند

حنآ مآنقول آلآ آلله يهديهم بسس

[الورر]

خل الي يفحط يفحط علي كيفه انت سايق ريال انا عمر35 سنه ودي افحط لكن ماعرف هذولا سواقين صحححححححححححح اهل طاره بمرتبة الشرففففففففففففففففففففففففف شباب عقال لهم من اهل المخدرات ولاصرقو اوطبوفي بيت احددددددددددد هولا شباب المستقبل باس تفحيط بسيطه هوينه متحتاج هردود

[أبو تميم الفيصل]

اسئل الله لنا ولهم بالهداية

[ام حمودي]

الله يعين شرطه تمير عليكم والله انهم ما كسبوا منكم الا الحسنات ربو عيالكم وكبروا عقولكم
مشكورر المهند ع الطرح

[التسعاوي]

هههههههههه عليكم منتدى مفروض تسمونه منتدى الشكاوى كل يوم مشكله

[تمـــيراوي]

من الخطأ الدعاء عليهم .. هذا ان لم يكن ولدك فهو ابــن عمك أو أخــوك .. الصحيح الدعاء لهم بالهداية ..

أمما شرطــــة تـــمـــيــر no comment

وبــعــديــن خلهم بالتفــحيــط لآ يطيحــون بشيء أعـظم .. المخــدرات والمــسكرات انتشرت بـيــن الشباب فـ كونهم بــ التفحــيط أهــون من غيــرهـ ..

[صمتــي ذبحنــي]

صوت التفحيط آلايآم هذي مآيوقف ..!!

[*~،جرح آلآيآم،~*]

بقووه ماتوقف ازعااج فضيع

[ابوتركيT]

الْلَّهِ يسّسّسسِسِسَتّرِ عَ شَبَابِنَا مِنْ الْحَدِيْدِ وَمَشَاكْلُه

[*~،جرح آلآيآم،~*]

امممين الله يستر

[قاهر القلوب]

http://www.up-tumaer.net/up//uploads/images/tumaer-d17a3669c6.jpg


كفووو عداك العيب :81:

[كرستيانو تمير]

ياشباب مدري ياشياب
الشرطه ماتقدر تلحق الي يفحط
ولو لحقته وصدم تبون تشبون في الشرطه نفس ماصار قبل تعرفون منهم ( الله يرحمهم )
وبعدين انا كم مره اشوف واحد يفحط وتجي الشرطه بس ماتقدر تزين شي
والدوريه السريه فيه كم واحد ونعرفهم والي يفحطون حافظين خششهم
خله يفحط مرده متحسف وانتم لا تكبرون الموضوع هي كم شهر وتجي مرور نفس الحوطه والي ابن امه يفحط فحطه وحده بس
وانت وش عليك يوم انك تلحق الي يفحط وتصوره يعني انت ماقد فحطت ابدا ماقد غلطت يعني انت كامل؟ والكامل الله
وهذا وجهت نظري وارجو عدم الحذف مهب اي شي تحذفونه عدلو على الرد مافيه مشكله
ويالله سلاااام

[وافي تمير]

خلهم يوسعون صدورهم
حنا في العطله
دامهم في شارع العام
ولا وصلو الحواري..


لاهنت


الـى اللقـــاء

[المهند]

شكراً لجميع المتداخلين ...

أتمنى أن تصل الرسالة لمن يهمه الأمر ..

ولا ننسى أن ندعوا لهم .. فهم أبناءنا ... وشبابنا ...

لاهنتم ..