قصيده ابن دخيل في تمير

[السنافي]

هذه القصيده قالها الشاعر / أبو علي الدخيل بمناسبة زيارته لمهرجان تمير السياحي لعام 1426هـ وذلك في يوم الثلاثاء الموافق 18/7/1426هـ

ياهل تمير النشاما الطيبيني = مرحبا بأهل المراجل والشكاله
جيت اسلم عاني(ن) للخيريني= من ضمير(ن) صافي(ن) عذب مثاله
بحفلة الشجعان بيحت الكنيني= وأحمد الله يوم شفت اهل الجماله
بالمراجل والفخر متقدميني = وارثين الطيب من عمه وخاله
التمارى بالمراجل طايليني = مدركين الطيب من رب الجلاله
مثل نجوم سهيل والله معتليني = مايطولونه ترى صعب(ن) مناله
محتمين الدار بالسيف السنيني = للهنوف اللي مثل وصف الغزاله
من جمال الحور فيها شارتيني = مع سواد عيونها ساحر جماله
بنت شيخ يذبح الكبش السميني = للضيوف الشيخ يضحي في حلاله
شيخ قوم(ن) مايهاب المعتديني = لاوقف مثل الجمل للحمل شاله
لابة(ن) بالطيب والله معتنيني = روس قوم(ن) من عريبين السلاله
الرجال الراقيه لازم تبيني = مثل وصف الخيل في حزة مجاله
مايعلم بالعلوم العارفيني = والجميله يدركه راعي الدلاله
كل ديار به تجار وخاسريني = والديار اللي يعزونه رجاله

[توأم الجود]

الـــ شكر ـــف اخوي السنافي على مسارعتك في التبكير بهذه القصيدة الرائعة

والتي تزداد روعتها بقدر هامة الشاعر

تقبل تحياتي وتقديري

[بنــ الاجواد ـــت]

ماشاالله

تغطيه تشكرون عليها من كل جانب


تسلمون والله

[السنافي]

العفوووو يالحصاد وأشكر لك مرورك وتعليقك وتواصلك الدائم ،،

تحيااااااااااتي

[السنافي]

العفوووووووو يا قمر تمير .... ولو هذا واجبنا ،، شكرآ على المرور ،،،

تحيااااااااااتي

[رقة الماضي]

للاسف القصيدة مو طالعه عندي....

بس اكيد القصيدة حلوة لان شاعرها ابن دخيل..وناقلها السنافي...

ع العموم مشكووووووور ع النقل الرائع..

تحياتي.........

[فارس نجد]

اخوي السنافي قصيدة رائعة ومشكور على النقل ،،،

[رفيع المقام]

مااااااااااقصرت
ويسلمووووووووووووووووو يدك
مع تحياتي:
رفيع المقام.

[المدرس]

ابن دخيل

شاعر مبدع ويحب تمير واهلها وسبق واجتمعت به في امسية خارج المملكة

وهو شاعر فكاهه متميز

مشكور يالسنافي

[موادع الرياض]

اشكر ابوعلى الشاعر دخيل الدخيل على ماقدم في مهرجان تمير حيث انه قد قدم الكثير من القصائد والقصص الجميلة والتى امتعت المشاهدين والحضور