يا منشغل عني وأنا منشغل فيك

[ابن دايس]

السلام عليكم ورحمة الله وبركاته
صباحكم / مسائكم مسك وعنبر ...
قصيدة من انشائي وتعبيري

,,,, اتمنى ان تنال اعجابكم وتحوز على رضاكم ,,,,

يامنشغل عنّي وأنا منشغل فيك
ويضايقك مني اهتمامي وسؤالي

رح للذّي من زايد الهرج يعطيك
و لا تنتظـر منّي بعـدها اتصالي

و كبار شرهاتي ع قلب مغليك
و هقواتي اللي فيك مثل الجبالي

اما أنـا أقـفت رحـالي و لا أبيك
عسى السعد يابنت فالك وفالي

وان عدت لك من بعد هذي وهذيك
عـيب علي ألـبس شـماغ و عقالي

مصير الأيام من سباتك تصحّيك
وتشـوف كـبر الفـرق بين الـرجالي

من يضحكك ذا الليل بكره يبكيك
و تنـدم على مـا فـات يـا همّـلالي

كاس الوفاء من كف صاحبك مرويك
و لا تـذوق الاّ مـن أيــديـه حـالي

ومن أفخم ثياب الغلا كان كاسيك
ثوبـن عـلى مثـلـك كـمـومه طوالي

انت الذي نزلت راسك لرجليك
وأرخصت نفسك بعدماكنت غالي

الشاعر / ابن دايس

[سُلاَفْ القَصِيدْ]

كاس الوفاء من كف صاحبك مرويك
.............و لا تـذوق الاّ مـن أيــديـه حـالي

ومن أفخم ثياب الغلا كان كاسيك
.............ثوبـن عـلى مثـلـك كـمـومه طوالي
،
نص جميلْ صح لسآنك ملآيين ولآيسدون ..

[ابن دايس]

صح بدنك

مشكووره ع مرورك المعطر بشذى الورد

اسعدني تواجدك نورتي موضوعي وعطرتيه بطلتك

ماننحرم منك ياارب

دمتي بفائق ودي وتقديري

[امورة تمير]

قصيدة جدا رائعه سلمت يمناك ياخوي وننتظر جديدك

[» اِلـَوَفْآءْ بـِنْـتْ]

✿ ,







انت الذي نزلت راسك لرجليك
......................................وأرخصت نفسك بعدماكنت غالي



الصمت ب حرمَ الجمآلَ جمآل َ







http://www.smooal-7oob.com/vb/images/smilies/8bd4290.gif

[المبارك التميمي]

الله الله ..

صح لسااااااانك ملاييييييييين وماتكفي يابن داايس ..

عز الله أنك أبدعت وأجزلت يالشاااعر ..

دام بوحك ..

لاهنت ولاعدمنا الجديد الشعري ..

الف الف شكر لك ..

........................

[ابن دايس]

صحت ابدانكم

مشكوورين على المرور والاطرائات الحلووه وربي احرجتووني
وربي عاجز عن شكركم من اعماق قلبي
لاخلا ولاعدم منكم
دمتم بفائق ودي وتقديري