الامور خربت في منتدى تمير..(دعوة للانقلاب)

[رقة الماضي]

كيف ترفع ضغط المشرفين


اخواني الاعضاء قبل اي اجراء شوفوا هذا الموضوع

واللي هو دعوة صريحة للتمرد على هذا المنتدى
ورفع الضغط لكافة المشرفين فيه

الا أنا طبعاً


<<< فاكر على رأسه ريشة






كيــف ترفــع ضغــط مشرفي المنتدى ؟!!!!!


عزيزي العضـو المخربها اللي يبي يرفــع ضغــط المشرفيــن... يتبـع التعليمــات التاليــه وسيجـد نفســه مطــرود من كل المنتدى

ماعليك الا انك تفتح ودانك وتفتح معي .. وانا اضمن لك كل شي مع قطع الغيار ,,

وكــل شي موضـح بالأمثــله لتسهيــل استخـدامهــا:

(( نحــن في خــدمــة الشعـــب ))

___________________________________
_____

1) أدخل اي منتدى واكتب أي موضوع ماله دخل في هالمنتدى بحيث الموضوع في وادي والمنتدى في وادي..

مثال >> اكتب موضوع رياضي في المنتدى الإســلامي,,

ويفضــل لو تكتـب عليه (( ارجــوا التثبيـت )) يكون لها طعم احسن واحلا


-------------------

2) خـذ لك موضـوع نازل جـديد من أي منتدى >>> انسخـه واكتبـه بإسمك مره ثانيه في نفس المنتدى ,,

ويفضــل تكتب عليـه ((( فكــره جديــده )))

(( هنا المشــرف يدوخ.... مايعرف وين المكـرر عشــان يحــذفه ))

-------------------

3) لا تشارك في أي منتدى ولا ترد على أحد .. وبعدين أطلب من الإدارة تحطك عضو فعال وكل يوم أرسل تظلّم إذا ماعبروك؟؟

(( صدقني اذا ماقالوا لك انقلع واقلب وجهك ... اضمن لك يرقوك إلى

عضو يحمل وسام))
-------------------

4) اكتب موضوع في منتدى الشكـاوي والإقتراحــات (( الفزعــه ياشباب )) >> طبعـا بيجيك المشرف طاير

واكتب في الموضوع (( واحــد/ صفــر )) وجنبها صـوره واحــد يضحــك ,,

-------------------

5) شكّك في أي موضوع يـطرح في المنتدى .. في كل موضوع اكتب (( كأني شايفه في منتدى ثاني))

((خلي العالم تــفهم أنه مسروق))

-------------------

6) ادخل على أي موضوع مثبت ... وأكتب عليه للرفع,,

-------------------

7) حاول ترد على المواضيع القدييييييمه >> طلع الغبار >>

والجديده خليها تنزل ,,

(( هيك تقلب القسم تبع المشرف فوق تحت ))

------------------

8) شوف لك مشرف أو مشرفه وتلزق فيه.........كل يوم إرسله رسائل خاصه تقـول له

ابي رايك فى هذاك الموضــوع... حاس انه مش حلو احذفه الله يخليك ,, ولا هذاك الموضـوع حلو ثبته الله يخليك ,,

(( هنا المشـرف يكره اليوم اللي خلـوه فيه مشــرف ))

-----------------

9) دقق في إملاءات المشرفين... ورد عليهم فقط لتصحيح الإملاء ولا تجيب سيرت الموضوع,,,

-----------------

وعندما تصـل حالة تهـورك إلى درجــة الغليــان فما عليك سوى :

10) عند تعيين أي مشرف جـديد ... أبدا الحكي عن الواسطة وأنه ما يستاهل ولمح أن الإدارة كلها وسايط,,

>> هــذي تغنيــك عن كل الوســائل اللي راحــت




ترى الموضوع منقول

يعني الله يخليكم .. اذا ما شفتوا اسمي بكرة في المنتدى

اذكروني بالخير

تحياتي.........

[ملاك القلوب]

ليه شدعوه


حلووووووووووووووووووه


بس مو في تمير بكره يتهمنوك باالسماجه والسذاجه وتشوفين الالفاظ اللى يااالله من فضلك اول مره اسمع فيها هنا


حشا منتدى هواش اغلبه
هههههههههه

[رقة الماضي]

اختي ملاك القلوب..

لا تاخذين الامور بجدية..وسعي صدرك..

الحين المنتدى ما فيه هواش من قالك؟؟فقط فيه اختلاف الرأي..

بعدين ما فيه احد يقدر يتهمني باالسماجه والسذاجه مثل ما تقولين..

وش رايك نسوي طريقة من هالطرق؟؟>>>>تراني امزح عاد..اخاف بكرة يشوتوني وانا ما استغني عنهم..

شكرا ع مرورك يا ملوكه..

تحياتي.........

[صمت المشاعر]

مشكوووورة اختي رقة على هالموضوع الظريف....


وياليت العنوان كان ...

دعوة للتمرد على المنتدى......لأنه فعلا دعوة قوية لحوسة المنتدى.....

******************************

أما انتي يا الملاك ... ترى اللي تشوفينه هذا مو هواش وأنما حالة تصيب المنتدى تتكرر كل ثلاستطعش يوم....

ويسمونه اختلاف في وجهات النظر...
وهي ظاهرة صحية لا تؤثر على صحة الأبدان ,,, ولكن تسبب صدمة بسيطة للي توهم مسجلين وعلى نياتهم....

******************************

وتسلموووووووووووووو

[رقة الماضي]

شكرا اختي صموته ..

شرفني مرورك..

وصدقتي والله في توضيح الامر لملاك القلوب..

تحياتي........

[مخاوي تمير]

ليه شدعوه


حلووووووووووووووووووه


بس مو في تمير بكره يتهمنوك باالسماجه والسذاجه وتشوفين الالفاظ اللى يااالله من فضلك اول مره اسمع فيها هنا


حشا منتدى هواش اغلبه
هههههههههه

اول شي انت جديده على المنتدى وشلون عرفتي
ان فيه الفاظ شينه قبل كتابتك بارد تمعني قبل ماتكتبين
والعلم عند الله انك لن تستمرين معنا فهذه بدايه سيئه
من قبلك اتجاهنا بس الظاهر انك مشحونه قبل تسجيلك هنا
اتمنى الابتعاد عن الالفاظ السيئه

[رقة الماضي]

شكرا اخي مخاوي تمير...وانا اايدك..توها جديدة..
بس يمكن سمعت كلام زور عن المنتدى..
طيب ليش ما علقت ع موضوعي؟؟؟

تحياتي.........

[السنافي]

عز الله اللي رحنا فيها كان فيه احد طبق هالامور وبنستقيل من الاشراف والله منتيب هوينه يارقة الماضي أحسبك على نياتك وانت من تحت لتحت ( انتي متهمه بالتحريض ضد المنتدى ) وذلك لوضعك لهذه النقاط التي تسهل على المخربين وتجعل المشرفين يشترون ( بالتوك ) عشان يراقبون الوضع بشكل دائم ويجب ان تطبق في حقك أقصى العقوبات،،،

مززززززززززززززززززززززززززززززززززززززززززززززززز ززززززززززحه


بس العنوان مافيه كلام غصب من يقراه يدخل يشوف ،،، مفروض تعينين في مجله أو جريده عشان العناوين الجذابه


شكرآ على الموضوع التحريضي ( مزززحه بعد )


تحياااااااااتي

[السنافي]

توضيح


على العموم ترى المقصود بالبالتوك هو ( لاب توب ) بس الفلسفه الزايده مالها سنع

[الدبلوماسي]

موضوع بصراحه ممتع وشيق ولو غضب المرجفون ؟؟؟

اشكر لك يا رقة الماضي روعة طرحك اتمنى ان يستفيد منك بعض المتفلسفين ؟؟

النادر حاول ما تبعد هاليومين عن المنتدى ترى الانقلاب وارد

السنافي قاتل الله العجله في الكتابه بس بصراحه جايه (( البالتوك)) بشكل مرح
ياخي انت مدموح الزله

[بنــ الاجواد ـــت]

ههههههههههههههههه

موضوع شيق

بس المضمون يروع


هاه عاد صميته لاتطبقين
ومن يطبقه يعرف نفسه انه

اوت


شكرا لك اختي رقه الماضي على هاالموضوع

[رقة الماضي]

شرفني مرورك يالسنافي..
وحلوة البالتوك..تصلح تتفلسف عند الناس اللي ما يدرون وش كوعهم من بوعهم..>>>>امزززززززح..
"منتيب هوينه يارقة الماضي أحسبك على نياتك وانت من تحت لتحت ( انتي متهمه بالتحريض ضد المنتدى ).".>>>انا الصراحة على نياتي بس حبيت اشوف ردة فعل المشرفين..وحبيت يكون فيه جو تغيير عن جو الجد في المواضيع..
ويازين مزحك..لو انك ما كتبت انها مزحة كان انا اللي قلبت الدنيا>>>خربانة خربانة..
عالعموم مشكور ع المرور..

البلوماسي مشكور ع المرور..بس عندي سؤال؟؟من هم المرجفون؟؟
" اتمنى ان يستفيد منك بعض المتفلسفين ؟؟">>>>اخاف اذا تفلسفت عليكم تشوتوني برى المنتدى وانا ما استغني عنه..
شرفني مرورك..


هلا والله قمورة..تصدقين ودي اطبق هالنقاط عليك..بس خايفة تشوتيني برى..
شرفني مرورك..وياهلا وسهلا فيك..


والقادم اجمل ان شاء الله..
تحياتي..........

[عصي الدمع]

محذووووووووووووووووووووووووووووووووووووووووووووووو ووووووووووووووووووووووووف














والادارة هاليومين لاهين بالمهرجان

انقلاب مضمون النتيجة -------










طرد من المنتدى

[رقة الماضي]

ليش؟؟وش فيك يا مشرفنا هيمان؟؟

ليش محذوف؟؟

واذا كانت الادارة لاهية في المهرجان الله يوفقهم..بس هذا فقط لتغيير جو المنتدى...للوناسة والضحك..

لاتخاف ما فيه احد بيسويها لك..

تحياتي........

[توأم الجود]

اي والله وسائل قمه في الدهاء للانقلاب في المنتدى

الا بسالك اخت رقة الماضي

مجربة هالوسائل و الا التجربة في منتدانا

وبعدين موضوعك كني شايفه في منتدى ثاني ( بدايه الخراب )

تحياتي

[رقة الماضي]

شكرا اخي الحصاد ع مرورك..

انا ما قد جربتها..بس يمكن اجربها عندكم..>>>>ليش لا؟؟

"وبعدين موضوعك كني شايفه في منتدى ثاني ( بدايه الخراب )">>>>ليش ناوي تترك المنتدى؟؟

تقدر تسوي هالاشياء ما عليك شرهه مراقب عام ساحات..وما فيه احد يقولك شي..لان الادارة لاهين مثل ما قال هيمان..




>>تراني امززززززح عاد لا تصدقون...

تحياتي........

[صدوق المخايل]

احسن مافي موضوعك يارقة الماضي ان السنافي علق عليه تعليق كله مزح ويسمع بالبالتوك وهو مايعرفه الى ساعة كتابة هذا التعليق ولكن معجبنا ابوعبدالله في كل شي وناره ولا جنة الناس.
وعلى قول اخوي الدبلوماسي ( النادر حاول ما تبعد هاليومين عن المنتدى ترى الانقلاب وارد ) بصراحة حنا كنا في المهرجان انا والنادر ومخاوي تمير وساعة جاهم العلم عن موضوع رقة الماضي هجّوا حتى ماتعشوا معنا والظاهر انهم انحاشوا من الديرة خايفين من الانقلاب ومعكم خبر وش صار في موريتانيا والدعوى حول بعض يمكن يكون النادر معذور في هروبه خوف الانقلاب لكن مخاوي تمير الظاهر انه مع الخيل يالشقرا الله يعقلهم على اهلهم والمنتدى والله انهم حسافه.
مززززززززززززززززززززززززززززززززززززززززززززززززز زحه ( هذي ماخذها من السنافي راعي المزح ).
شكرا لك يااختي الغاليه رقة الماضي نور المنتدى وبهجة سروره.

[ملاك القلوب]

هههههههههههههههههههههههههههه


مزحاتكم حلووووه شكرا اختى رقه دخلتى البهجه والسرور لنا


ههههههههههههههه

[رقة الماضي]

شكرا اخوي صدوق المخايل..

اجل نكدت عليكم اليوم في المهرجان..اشوى ان الخبر ما جا الا متأخر..

والله لو انها مش مزحة كان علووووووووم..

وان شاء الله القادم اجمل..

تحياتي...........

[رقة الماضي]

هلا والله فيك اختي ملاك القلوب...

هذا اللي انا ابغاه..ابغى اوسع صدوركم..

الله يوسع صدورنا وصدوركم بالعافية..

تحياتي........

[الدبلوماسي]

رقه الماضي المرجفون هم من اخذوا على عاتقهم محاربة كل من يرون انه افضل منهم

المرجفون هم من يحاولون المساس بشخصيات لم يصلوا لمستواهم بعد ولن يصلوا

المرجفون هم من يحسبون كل صيحه هم العدو ؟؟؟؟؟؟

المرجفون من لا يروق لهم النصح ويستمروا في غيهم

أيكفي هذا ام تريدين المزيد

عموما ً (((((البلوماسي)))) من وين جبتيها اظنه عاداك السنافي (( ترى 00000000000 تلحق راعيها))))

[رقة الماضي]

شكرا اخي الدبلوماسي..

جواب وافي وكافي..

مشكور ع التوضيح..

وخلاص ما ابغى زيادة..

تحياتي..........

[المدرس]

رقة الماضي

اسم جميل اشعل الساحة باسلوب رائع متمكن ومتابعة مستمرة لجميع الردود

نرجو المزيد وشكرا

اخوكم

[رقة الماضي]

هلا اخي المدرس..

اشكر لك مرورك وثنائك..

والقادم اجمل ان شاء الله..

تحياتي.........

[مخاوي تمير]

اعتذر على عدم الرد في البدايه اختى رقه
الموضوع شيق وممتع
بس ترى كل الاعضاء في المهرجان يتواجدون
يعني ماعلينا خوف
وعلى فكره صدوق المخايل الظاهر
انه عايش مع مصريين اعلام فضيع
اخبار مفربكه والله يستر من اللحمه الصغيره
اللي في فمه :58:
الله يرجك يالسنافي بالتوك صار لاب تب
اههههههههههههه

[رقة الماضي]

شكرا اخي مخاوي تمير ع مرورك..

اجل ما شاء الله عندكم تقديم الاخبار مبااااشرة...

الله يهنيكم في المهرجان...ما تدري عن الاعضاء..يمكن ينحاشون..بتقعد تراقبهم مثل المنتدى!!!..بعدين لا تنسى الاعضاء اللي برى تمير..

"الله يرجك يالسنافي بالتوك صار لاب توب">>>والله رهيييييييبة..كل ما تذكرتها اضحك..جاية في مكانها صح..

تحياتي.....