مهازل مخابزنا ومطاعمنا !!

[عزوبي تمير]

يسم الله الرحمن الرحيم
مخابزنا في تمير اقرب افغاني يشتغل فيها لاجيتا الخباز ولا الربع فازعين هذا يعجن وهذا منداخل مدري وش يسوي وكل ما خذنا لقينا ناس جدد وخبازين جديدين
هل هؤلاء يحملون شهادات صحيه ام انهم مليصين وبنايين ولا جاء الليل فزعو
وملابسهم حدث ولا حرج ما يلبسها ولا عامل الورش من السواد اللي فيها ومن الكرف اللي جاها ومن كثر ماتغسل وتلبس والله انك لاشفتا كرهتا خبزهم
اما المطاعم فا الشق اكبر من البعج ريحت بعض عمال البوفيات تصرعك لاجا لك في السياره او دخلت عليه من ريحت الزيوت وطبخ مهنا ذمه واقرب دليل حالات التسمم اللي نسكع عنها كل ما خذنا
فاليت المراقبين الصحيين ينتبهون لها الجانب ويوقعون بهم اشد العقوبات

[ولد لندن]

ياريت والله

[المجاهد]

فاليت المراقبين الصحيين ينتبهون لها الجانب ويوقعون بهم اشد العقوبات

ماحولك احد موضوعك بياصل كم صفحه وينطوي زي ماكتب غيرك

[دحوم الخالديه]

آلله يعين ..!

[قالب ثلج]

امنيه اشوف سعودي خباز

[مجروح تميم]

ان شاء الله بتشوف بس انت شد حيلكامنيه اشوف سعودي خباز

[أنثى ورديه]

الله يعين

[الفيصل557]

امنيه اشوف سعودي خباز
شد حيلك وانا بفتح المحل وظيفتك جاهزه

[أبشر]

يازين التعليق رقم 6 ^_^ ههههههههههههه

[المارد]

قاطعهم وراح يصكون المحل

[محمدالسعد]

الله يصلح الحال

[الواجب]

انا شريت من مطعم الي في شارع الثلاثين جاني تسمم انا والي معي اكل وسخ وعمال اوسخ ومااردى منهم الا الي جابهم والمراقبين جالسين تحت المكيف لاحس ولاى خبر .
من أمن العقوبة أساء الادب

[ط َـموح]

إذآ تبونْ آلجدَ ولآ نظلمْ آحدَ . !
كل مطآعمْ تميرَ من آولهآ إلى آخرهآ غير لآئقه آبدآ . مآنقولَ نظآفه . لآني مالاحظت شيْ . آلآ مآيآصلح لك الطلب بالشكل المطلووب .
ان جيت للخبز والصامولي تلقاه يابس . والخدمة في التوصيل سيئة جدآ . والانتظآر عند استلام الطلب فيه تآخير . لا بصرآحه من اسوأ الخدمآت في تمير آلمطآعم
آتمنى تفتح مطآعم جيده وآن لم تكن ذات كفاءة عاليه .

[عزوف]

الله يعين مالك الاضرسك ولوة اعوجك..

[NET]

وجهو شكواكم لرئيس البلدية ...؟؟!!!

[المبارك التميمي]

ايييييييييييه يامالك من هالشوفاات ..

حدث ولاحرج ..

ولكن من المسؤول ووين التفاتيش ..

يالله الشكوى لك ..

......................

[توليب2]

امين يارب

[أمير السهول]

الله يعينكم .

[رحيق]

الله يعين

[- فوق مستواك -]

لحول ,

[اسيل التميمي]

ما إلك غيرهم....نتكلم والا نسكت...الحااال من بعضه

احمد ربك..... وغمض عيونك اذا جيت تشتري

[الحزام الذهبي]

كلامك صح اخوي ولاكن لاحياه لمن تنادي والله يعين

[زهره السوسن]

موضوع ذات اهميه لامطاعم صح ولا خباز زين خبزه كنه لستك مابه زيت وين المراقبين الي يقولون اوعلى قولت طبيب السنان لواني كويس ماجلست في تمير

[عاشق المطر]

كلش كوم ومطعم .... كوم وساخه واكل بايت والبلديه مهنا احد ولا لغرمه هاك الغرامه تخلي راعيه يهتم بالنظافه قبل الدراهم

[روح غآليها]

مرة آكلت من مطعمكم والله انها معفنه حامت كبدي ؟؟
الله يعينكم ويصبركم على هالأهمال؟؟؟

[sarab88]

والله لوووو تتكلم من هنا الى بكره مافي الأذاني مااااااااااء

[التـميــمـي]

امنيه اشوف سعودي خباز
خيررررررررررررر ان شاء الله كل شيء خلاص خليتوا سعودي’,’ موب حل السعودةآ’آ

الرقابة ’’ من البلدية,, والغرامات عدم تدخل الواسطات كفيلة بحل الجزء الاكبر من المشكلة بدل البحث عن حلول واقتراحات,, تعتبر من علم الخيال ألآلآآآلآ

[عزوبي تمير]

شكرا للجميع
الحال لن يتغير الا بالصرامه على هذه المحلات واقرب مثال لنا ما تفعله بلدية المجمعة هذه الايام من الحملات التفتيشية على المطاعم وما وجدته من الاغذيه الفاسده

شر التماسيح ياليت نشوفك فاتح محل خباز وقاعد فيه

[هدوء الورد]

الحمد لله مقاطعه لمطاعم تمير
مو ناقصني قرف وتلوث ..
الواحد اذا سوا طبخه وحده حس انه قرفان من ريحة المطبخ وحوسته
وشلون واحد ناقع بين المواعين والطبخ والحر
ومايتروش الا كل اسبوع
مره عفن

[ورده موف]

الحمدالله قاطعناهم وصرنانسوي الوجبات السريعه في البيت
نفسسي نشوف شي حلووو ونظيف في تمير

[تمير م]

الله يعين المراقب يقول اذا شفتو شي موب زين علموني

وانت بدورك علمهم لا تقول ما اعرفهم ابد تلقهم كل صبح في البلديه

[انثى ـآ خرافيه]

والله اكل خبزه يابسه والا تمر ولبن ولا اكل من مطاعم تمير شغل اي كلام مش حالك بس
ولو جينا للصدق كل المطاعم مامنها خير حتى المطاعم العالميه المشهوره بس حنا انتنعفق
وبعدين سوقها ماشي مطاعم تمير لو انه مامشى مافتح ولاجلس يدفع الاجار ع الطل ونفس الشي الخبازين
احترامي للجميع ..

[ابو شادي]

الوصاخه والإهمال وقل النظافه في مطاعمنا هي سر النكهه
اما من ناحية السوق ماش فهو ماشي ليييييييييييش ما فيه بديل قال وش حادك على المر قال الجوووووووع

[التـميــمـي]

الحمدالله قاطعناهم وصرنانسوي الوجبات السريعه في البيت
نفسسي نشوف شي حلووو ونظيف في تمير


حنا بعد,, في الرياض ومعانأة ما فيه مثل طبخ البيت وكل شيء توفر الحين’, من صلصة,, ومكونات ونكهات’’ يعني ما لنا عذر نشتري من هالاماكن,, حتى يوم ناكلها استغفر الله ثاني يوم,’, حالتنا حاله’,’آ

[عزو]

المراقبين لم يقصرو وانتم شددو الحيل وبلغو المراقبين بهم ليقومو با الواجب وشكرا

[امورة تمير]

مو بس في تمير حتى المطاعم المشهوره يلقون مخالفين وشغل حوسه والمفروض البلديه يسوون مراقبه والله يعين

[الطيري]

ما عندك مراقبين صح نايمين