استشارة!!! [الأرشيف] - منتدى مدينة تمير

مشاهدة النسخة كاملة : استشارة!!!

سهله

16 / 05 / 2011, 45 : 02 PM

السلام عليكم ورحمة الله

انا عضوة جديدة من الرياض

حابه استشيرك وان شاء الله استفيد من ردودكم

اليوم وكعادتي من سنتين جلست ادور على وظيفة:t177:
واتصل وارسل ووو...
واثناء بحثي لقيت وظيفة بس وين ؟؟ بتمير:t24:
في البداية قلت لا برى الرياض مستحيل بعدين فكرت قلت ليش مااتصل واخذ معلومات عنها يمكن تناسبني
الوظيفة بمستشفى تمير طبعا عقد شركة موحكومه
والراتب معقول والشغل تقريبا 7 ساعات في اليوم

الحين انا متردده اوقات اقول فرصه
استفيد واخذ خبره على بال ماالاقي وظيفة قريبه
ولما اتذكر الطريق اخاف واقول لا

الي عرفته ان المسافه 150 كلم تقريبا
مادري كم ساعه؟؟
هي قريبه من الدرعيه !!
الطريق متعب ولا عادي؟؟ وكيف يخوف ولا ؟؟
وش رايكم اقدم عندهم؟؟ مره محتاره ومادري كيف رح اقنع زوجي

محتاجه اسمع ارائكم:t189:

أبـوحـمـد

16 / 05 / 2011, 53 : 02 PM

اذا من الدرعيه الطريق سيدين الين تاصلين مستشفى تميروالوقت هذا صعب الواحد يلاقي وظيفه
جربي ماراح تخسرين وان شاء الله تنقلين بأقرب وقت..

والوقت ساعه وربع الى ساعه ونصف تقريباً والطريق جميل ..

والله يحييك اختي في تميرومنتدى تمير..

وبالتوفيق لك ان شاء الله..

عزوف

16 / 05 / 2011, 57 : 02 PM

الله يحييك في بيتك الثانى وكما قال لك الطريق حلو

تعالي مع المعلمات الي يجون من الرياض وارجعي معهم..

..............

y7lmoon

16 / 05 / 2011, 57 : 02 PM

بالتوفيق لك ..
والله يطعمك من خيرها ويكفيك شرها ..

سهله

16 / 05 / 2011, 00 : 03 PM

مشكور ابوحمد على الرد
انا من شرق الرياض مخرج 9
بس زوجي يشتغل بالدرعية قلت يمكن تصير قريبه من شغله

وفعلا الوظايف مره قليله وكلها بالواسطه

سهله

16 / 05 / 2011, 03 : 03 PM

عزوف ويحلمون شكرا على الرد
والدعوة
الله يجزاكم خير

الكااايد

16 / 05 / 2011, 03 : 03 PM

انتي قلتيها

فرصه
استفيد واخذ خبره على بال ماالاقي وظيفة قريبه

اذا بتحصل لك لاتترددين
واذا ع المشوار تراه سهل
عندنا ناس تسوي العكس تداوم من تمير للرياض :)
وبعد اذا يقدر زوجك ياخذ ندب لتمير بيكون احسن واسهل لك
والاجارات هنا حلووة ومعقوله واهل الديره طيبين وحبوبين وينعاش بينهم :)

سهله

16 / 05 / 2011, 09 : 03 PM

الكايد شكرا عـ الرد

مجروح تميم

16 / 05 / 2011, 23 : 03 PM

سهله

16 / 05 / 2011, 31 : 03 PM

اختي اذا انتي بحاجه الى الراتب خذي الوظيفه بدون نقاش واذا مضيعه وقت مايسوى عليك اخطار الطريق وتردد 150 كيلو رايحه وراجعه 300 كيلو في اليوم
وتمير مو قريبه للدرعيه اتوقع حول المسافه
الله يوفقك اختي اينما كنتي........

انا محتاجه اخذ خبره واستفيد من وقتي وشهادتي اكثر من حاجتي للراتب
لان كل الوظايف يشترطون خبره
مشكور عـ الرد الله يجزاك خير

المبارك التميمي

17 / 05 / 2011, 55 : 09 AM

الله يعينك ويوفقك إن شاء الله ..

وانا من رااي ماتفوتين الفرصة ..

لأن يمكن بااكر تتحسفين وتقولين ليت وليت .. وهالفرص ماتجي الا مرة فالعمر ..

وخذيها خبرة ومنها رااتب زين بعد ..

وتمير منتب شايفه من أهلها الا كل خير وطيبة ..

والمستشفى تبي تستانسين فيييه .. كل الي فيه متساعدييين ..

وبالنسبة للمشواار .. أكييد فيه ناس رايحة وجااية .. لو تدورين بتلقين إن شاء الله وبتتساهل عليك ..

وشاوري رجلك وتوكلي على الله ..

.
.

.....................

سهله

17 / 05 / 2011, 33 : 01 PM

المبارك
مشكور عـ الرد
حمستوني صراحه
باذن الله بكره رح ازورها واشوف المسافه والطريق
والله يكتب الي فيه الخير

عارف

17 / 05 / 2011, 01 : 10 PM

نصيحه فقط خلك بالرياض افضل لك ودوري هناك بتلقين باذن الله اذ صرتي بتجين على شركه

والله الرازق باذن الله

b a s k e n

20 / 05 / 2011, 45 : 03 PM

الله يعينك خيييتووو
بس ليشش تاخذين من البعيد خوذيلك من القريب فثي الرياض بين اهلك وعيالك والطططريق صصح انه حححلو بس ما يضضمن الواحد من ها الحوادث والعج وها الاشششياء

سهله

20 / 05 / 2011, 09 : 07 PM

عارف وَ basken
مشكورين
ربي ماكتبها لي الحمد لله على كل حال

بس ان شاء الله ربي يعوضني عنها
بكره عندي مقباله يارب اعديها

فلسفة روح

22 / 05 / 2011, 56 : 05 PM

....
الله والله مشششوار
لواني منك جلسست بالبيت اريــح
وبلاخبرة بلاهم

الغالي فهد

22 / 05 / 2011, 17 : 10 PM

توكلي على الله واستخيري ولا عليك والله يوفقك يارب والله يحيك في بيتك الثاني

المارد

22 / 05 / 2011, 08 : 11 PM

سمي بالرحمن واتكلي