البعارين ذبحتنا

[ساهر الليل7]

ببداء معكم بدون مقدمات اليوم وانا رايح للمجمعة وبالتحديد قبل مفرق تمير بعارين تقطع الخط والمشكلة كل يوم نفس المشكلة البعارين بكل وقت ترعى في ذاك المكان واكثر الوقت بدون راعي

وشاهدت الشرطة اكثر من مرة تطرد فيها حتى انا اتصلت مرة بالشرطة وماقصرو جاء الشرطي وجلس يطرد فيهن


سؤل ليش مايتم منع الرعي في هذا المكان خاصة ان كثير من السيارات تجي معه وباليل ولازم ناخذ بالاعتبار المعلمات الي يقطعون كل المسافة من الرياض عشان يدرسون بناتنا

لو صار حادث لاقدر الله من بيكون المسؤل والله حرام ثم حرام يروح انفس بريئة بسبب شخص غير مبالي ترك حلالة جنب الخط بدون رقيب ولا حسيب

مريت خمس مرات تقريبا وكل يوم اشوف نفس المنظر ومرة باليل طيب الطالبات والطلاب والمعلمات وكل من يمر بالطريق بشكل يومي معاناه اتمنى نشوف لها حل

[زهره السوسن]

الله يستر وين البلديه عنهم لازم ينضر في الوضع ليش يقربون عند الخطوط البر وسيع من امن العقاب ساء الأداب

[ذكرى الايام]

كلام صحيح 100 %

لابد من وضع سياج حول الطريق أو اي حاجز يمنع الابل السائبه من الاقتراب

[رقي]

ههههههههه وش دخل البلديه بعد عادي حطوا لوحه تنبيه وقضينا

[عزوف]

صحيح والله مخاطر

الله يكون بعونكم والمفروض راعي الابل ينتبة لها لان الناس بذمتة..

[عبد الله التميمي]

الله يستر !!
<<>>

[وظيفه]

الله يستر
ليت يشوفون لها حل

[ضحيه صمت]

اذا مريت سادس مره الله لا يهينك جب دينا وامسك بها خط للمصلخه وقل جعل ثوابها لي ولوالدي علشان يتادب ما يتركها بدون راعي

[سميتك غلاي]

سبقتني اليوم كنا راجعين من الحوطه الا البعارين في الشارع عند مفرق تمير شوي نروح فيها لكن الله ستر.....

[3]

المفروض البلديه عندهم دينا بونش واي بعير يشوفونه يصادرونه

[الحياة امل]

لابد ان يعاقب ايضاَ راعي البعارين السايبة

[توأم الجود]

فعلا مشكلة حقيقية ترسم كارثة قادمة ؛

و نحن الى الان لا نعلم من المسؤول عنها ؟! وعن معاقبة المتسبب في تسيبها ؟

الشرطة جزاهم الله خير كلما ادق عليهم يجون و يطردونها بس مهوب حل هذا ؛ لازم حل جذري لهالمشكلة ؛ مهوب لازم ننتظر ( تكرار ) حوادث تحدث دائما و ابداً ؛؛

كل الشكر اخوي للموضوع المتميز و الذي لامس الحقيقة

تحياتي

[مستشار تمير]

الله يكون بعونكم والمفروض راعي الابل ينتبة لها لان الناس بذمتة..

[الأستاذ]

فعلا مشكلة وجود الجمال السائبة من اخطر المشاكل التي تواجه مرتادي الطرق ومنها طريق تمير السريع وطريق تمير بوضاء جلاجل ومع الأسف الشديد ان البلدية لم تطبق النظام الصادر من وزارة الداخلية والذي ينص على العقوبات التي تنال هذه الجمال السائبة حيث يتم حجز الإبل وتغريم مالكها في المرة الأولى، وسجنه حال تكرار المخالفة .

[2006]

ولا ننسى البعارين بين طريق بوضا وجلاجل خطره ويجب الحذر من هذاك الطريق خاصه لسواقين نقل البنات يجب اخذ الحذر... الله يكون بالعون بس

[أبـوحـمـد]

المفروض يطبق نظام السجن وغرامة مالية تكون الحد الأعلى ومصادرة الابل هذا هو النظام وتبعد عن اماكن الطرقات,,,
لكن المسؤلون عندنا نايمين !!
وش يضرهم اذا حجزوها ماراح يخسرون شي!!
ماكله شاربه على حساب راعيها غيرالغرامه الي بتندفع عليه!!

تذكرت حادث فداء الباكستاني رحمه الله واسكنه جناته!!

[النصر]

موضوع مهم وشيق وبالغ الاهميه
سئمنا وتعبنا من كثر الحوادث بسبب الجمال السائبه
نقل لي احد الاخوان وهذه معلومه جديده
ان صدم الجمال في النهار وفي الطرق المعبده يعتبر الخطاء على صاحب الجمال
مائه في الميه وعلى عكس ما كنا نعلم انه اذا كان الصدم في النهار على صاحب المركبه
نرجو تناقل هذه المعلومه ولك جزيل الشكر ابوحمد

[هدوء الورد]

قبل اسبوع جايين من عشيره بننزل على الخط السريع
في الليل لقينا بعارين نازله ع الخط السريع والله وقفنا
وجلس اخوي يطردهم بغت تنزل على الناس في السريع والله تصير مذبحه
من جد اصحابها مهملين

[بقايا ود]

الله يستر ويكفينا الشر..

[.قاهر الصحراء]

البعارين هي لأحد وإلا لا ..؟؟


كانها مهيب لحد تراى فيها ناس تصيد ضبان خلوهم يحولن عليها أكذثر لحمــــــــ خخخخ

[ساهر الليل7]

أشكر لكم تفهمكم للموضوع الخطير وللاسف اليوم الصباح موجودة البعارين بدون راعي

[- فوق مستواك -]

باكر يجون هنا ويقولون مكافئه ماليه لم يجدها ؟
ي شيخ انتبه لها من الاول وريح عقول الناس ،

[عالمي نصراوي]

بعد العصر موجودة على السيدين تشرف على الرصيف الجديد
وكذلك قبل المغرب
متواجدة على جانب الشارع
أنا ماأدري ضاق البر !!!!!!!!!!!!!!!!!!!!!!

[ولد العز]

الله يكفينا شرهن

احد الاخوان شاهد البعارين اليوم الظهر في الخط واتصل على الشرطه وافادوه العسكري اللي رد عليه انهم كم مره ارسلو خطاب الى البلديه من اجل خروج مندوب من البلديه وفرقه من الشرطه من اجل حجز البعارين في حوش البلديه وتغريم صاحبها ولاكن البلديه لاترد على خطابهم وكان الامر لايعنيها

[sarab88]

الله يستر علينا وعلى غيرنا يارب ومشكووور اخوي على التحذير

[عالمي نصراوي]

لو راعي البعارين راعي خيمة كان حجزوهن
لكن من يشوف الكرافانات بجوار الطريق
تبطي تجحز البعارين ولا يقدر أحد يوقف

[مثل القمرعالي]

تصدقون مره جلست مع واحد من الزملاء من أهل الباديه وقاعدنا نسولف .
.وسئلته وين بعرينكم في الدهنه؟
قال :لا عند كبري تمير!
قلت بالله هذي بعارينكم؟
ورد علي وقال نعم في هذا المكان ..وقلت له ليه يأخي بعارينكم بالشارع دائم ,ماتخافوا احد يصدم فيها من الماره..وقال وهو يضحك اذ صدمت يدفع العامل هو المسؤل ..
وذكرني بحادثه اصتدام باحد الجمال ..وقال تم دفع الديه من الراعي اللي هو السوداني..وقامو بالدفع له جماعته من السودانيين.. شوفو وين وصل الاستهتار بارواح الناس..يعني( بالعربي )راعي الابل ماعليه من احد!
السوال هنا: أين دور الاماره الشرطه البلديه باخذ تعهد على صاحب الجمال في حال خروجها الى المدن والطرقات والمره الثانيه حجز وغرامه؟مع العلم ان الطريق يرتاده المعلمات يوميا!!

نامل تشكيل لجنه ثلاثيه من الاماره ..الشرطه ..البلديه



صوره ..الاماره

شرطه تمير


بلديه تمير

يعتمد تنفيذه

[المزيونه]

ابد كل يووم نشوفها واحنا رايحين للحوطه
اذا ماودعتنا الصباح >> تستقبلنا الظهر
وكل يوم على ها الموال واحيانا فـ الروحه
والرجعه متواجده ع الطريق ترعى
من شجر الشارع..

[عبودي تمير]

الله يستر

[ساهر الليل7]

ياليت تحجز حتى يحضر صاحبها وياخذون تعهد عليه حتى مايعود لها مره ثانية

[شيخ القبيلة]

نسأل الله العافية والسلامة

[شيخ القبيلة]

نسأل الله العافية والسلامة

[عبودي تمير]

يازين من يثور فيهن قصرنا واحنا نطرد فيهن بيشتكي راعيها يشتكي الاراوح يابعدي مهيب بلاش وانا صادق