وش يسوي عامل المسلخ

[توأم الجود]

اخوي العزيز خذ الحذر و انتبه اذا حدث انك مودي ذبيحة للمسلخ لان العامل اذا جاء يقطعها بمنشار الكهرب يقوم و يحط بعض اللحم بين الكيس و البرميل اللي فيه الكيس ( اللي مايدقق يحسبه يحط في الكيس ) ثم يلقط الكيس قدامك و يحزمه و يطير به للموتر - والبرميل في مكانه وفيه اللحم اللي حطه بين الكيس و البرميل -

وقد تمت مشاهدته عبر احد المواطنين و قد شكاه

فنرجوا من الجميع الانتباه و عدم التفريط باللحم

تحياتي

[صدوق المخايل]

ياابن الحلال ياما غدا للحاج من جمل وعلى قولة المثل ربي ارزقني وارزق مني في العامل ولافي الزباله تكرمون وش عندهم ضعوف مساكين والله لايحوجنا وجعل اللي حدهم على هاالفعل مايحدنا .

[تميراوي الرياض]

يعطيك العافيه اخوي الحصاد

ياليت يثبت الموضوع

[ولد الديرة]

لا وزودك من الشعر بيت

ياكلون منه ويبيعون سبق ان اشترى منهم عامل مزرعتنا وبرخيص .

سلام وشكراً اخوي الحصاد على التنبيه .

[توأم الجود]

اشكر الاخوان

صدوق المخايل

تميراوي الرياض

ولد الديرة

على مرورهم و مشاركتهم

واحنا ماسوينا الا الواجب و لازم نتعاون في ديرتنا لمافيه صالح الاهالي

تحياتي

[سبـ عابر ـيل]

من راح ذاك الهندي المطوع اللي لحيته كبيرة و المسلخ من جرف للدحديرة
انا اذا جبت له شي يحنقوق الهنود مني وانا امشي جنبهم وهم يشتغلون

سلام

[ملك روما]

مشكور ..أخوي على ها التنبيه...

المفروض الواحد ما يسكت ...لأنها ..سرقه ...وأستغفال !!

لو كل واحد ..أذا خلص العامل من ذبيحته ...عطاه منها ..شوي ....كان ..ما سرق ..

والله ...ياللحم ...ها الأيام أنه الله لا يعاقبنا ....يكب

تقبل خالص تحياتي..

[الجارح 2000]

تشكر أخوي الحصاد على التحذير
أن ردت لي اللة من ذبيحةحطها في الثلاجة مهوب بين الكيس والبرميل
لأني أخلي الذبيحه عنده وأمره عقب ربع ساعه[b]

[توأم الجود]

اخوي عابر سبيل

اخوي ملك روما

اخوي الجارح 2000

شكراً لمروركم و مشاركتكم

وانت يالجارح لا تروح و تخلي ذبيحتك عنده كلها عشر دقايق خلك مثل عابر سبيل هالقعيطي مايروح من عندهم ابد

اخوي ملك روما لو ان العامل ياخذ اللحم يبي ياكله كان عادي ومهوب مشكله و بعدين تراه ياخذ اللحمه الطيبة و يبيعها

والهندي ابو لحيه او المطوع على قولة اخونا عابر سبيل فعلاً كان مميز و مضبوط بس البنغاليه مابغوه

تحياتي

[عرب]

اللة واكبر ملاحظتو ان العمال كلهم يسرقون بما فيهم الدكتور وقد حصلت بالفعل ومسحت ابهم البلاط ونا شاهد على ذالك ورئيت بعيني لاكن البلدية عطتهم وجة اكثر من الازم ولابد ان يكون في المسلخ موظف من قبل البلدية مراقب عليهم من جميع الجهات
يوضعون الحم المسروق في مكان الي توضع بة الجلود واللة المستعان.................................

[نديم الشوق]

لالالالالالالالالالالالا
من خسيس في اخس
ابو لحيه اكبر نصاب ...

والثاني مدري عنه ...

واتمنى يكون ن في مرقبين عليهم