صدوق المخايل
11 / 08 / 2005, 24 : 09 AM
قصيدة اعجبتني وحبيت اهديها لكم للشاعر / خالد عيد السهلي
ياليت لارصدة الذهب راصدينـا= ترصد مصادر من يصادر شقانـا
تبحث ملفات اسهـم المسهمينـا=وتصفي الصافي ويصفي سمانـا
الاسهم اللي بيـن كـمّ وكمينـا= تطلع وتنزل ما اختلـف مستوانـا
سر ياقلم يفداك مـن بـار فينـا =واصرف من كنوز الحشا لاتوانـا
البخل بالماجـود عيـب علينـا= والسرف عنه اللي عطانـا نهانـا
نسري مساري الذيب لامن سرينا= ولانمسح دموع الجبـو والجبانـا
وعاداتنا نعطي مثـل ماخذينـا= ولانستغـش ولانخـون اخويانـا
وصدورنا وسع الفضا لافضينـا =مير العيون حراب قـدم حربانـا
واللي يكن لنـا مثـل ماكنينـا= كنا كماهـو حيـث كنـا وكانـا
وللسارق المزاح قطـع اليمينـا= والا عصينا الله فيمـن عصانـا
نشهر سيـوف العـز للمعتدينـا= ونخفض جناح الذل بين اصدقانـا
حنا بطيب اجدادنا مـا اكتفينـا =ولو عمر بن كلثوم جـرب وفانـا
ماقال (هبي بصحَنك واصبحينا)= ميـر الله انـه لايضيـع جزانـا
وان كان صار الشك مثل اليقينا= ماهوب ذا اول ميلها اللي وطانـا
تخيـب فينـا هقـوة الخايبينـا =وتصدق هقاوي القرم فيما هقانـا
ومن لادرى عنا عنِـه مادرينـا =واللي عطاه مـن النعـم مانسانـا
واللي فمه مـرٍ طـوال السنينـا= يذوق شربه مر لـو مـاه مانـا
والله يبيض وجه مـن لامشينـا =امـا ذكرنـا بخيـر والا نسانـا
مكـارم الاخـلاق للمومنيـنـا =وحثالها لاهـل الهـوى والهوانـا
ندرك ونترك وان وعدنا وفينـا= وعن خصمة الارذاال نكرم لحانا
على النقـا ماننـزوي لادعينـا =ولانشـرف واحــد مادعـانـا
واهل الحكي من يمنـا مفلسينـا =مانعطـي الناشـد كنايـن خفانـا
والرجل لن ماصار عقله رزينـا =وطليق يمنى وله وجـه ولسانـا
والا ادع له بمرافـق الراحلينـا= المـوت ستـر للمعـاور وامانـا
ياليت لارصدة الذهب راصدينـا= ترصد مصادر من يصادر شقانـا
تبحث ملفات اسهـم المسهمينـا=وتصفي الصافي ويصفي سمانـا
الاسهم اللي بيـن كـمّ وكمينـا= تطلع وتنزل ما اختلـف مستوانـا
سر ياقلم يفداك مـن بـار فينـا =واصرف من كنوز الحشا لاتوانـا
البخل بالماجـود عيـب علينـا= والسرف عنه اللي عطانـا نهانـا
نسري مساري الذيب لامن سرينا= ولانمسح دموع الجبـو والجبانـا
وعاداتنا نعطي مثـل ماخذينـا= ولانستغـش ولانخـون اخويانـا
وصدورنا وسع الفضا لافضينـا =مير العيون حراب قـدم حربانـا
واللي يكن لنـا مثـل ماكنينـا= كنا كماهـو حيـث كنـا وكانـا
وللسارق المزاح قطـع اليمينـا= والا عصينا الله فيمـن عصانـا
نشهر سيـوف العـز للمعتدينـا= ونخفض جناح الذل بين اصدقانـا
حنا بطيب اجدادنا مـا اكتفينـا =ولو عمر بن كلثوم جـرب وفانـا
ماقال (هبي بصحَنك واصبحينا)= ميـر الله انـه لايضيـع جزانـا
وان كان صار الشك مثل اليقينا= ماهوب ذا اول ميلها اللي وطانـا
تخيـب فينـا هقـوة الخايبينـا =وتصدق هقاوي القرم فيما هقانـا
ومن لادرى عنا عنِـه مادرينـا =واللي عطاه مـن النعـم مانسانـا
واللي فمه مـرٍ طـوال السنينـا= يذوق شربه مر لـو مـاه مانـا
والله يبيض وجه مـن لامشينـا =امـا ذكرنـا بخيـر والا نسانـا
مكـارم الاخـلاق للمومنيـنـا =وحثالها لاهـل الهـوى والهوانـا
ندرك ونترك وان وعدنا وفينـا= وعن خصمة الارذاال نكرم لحانا
على النقـا ماننـزوي لادعينـا =ولانشـرف واحــد مادعـانـا
واهل الحكي من يمنـا مفلسينـا =مانعطـي الناشـد كنايـن خفانـا
والرجل لن ماصار عقله رزينـا =وطليق يمنى وله وجـه ولسانـا
والا ادع له بمرافـق الراحلينـا= المـوت ستـر للمعـاور وامانـا