محاوره بين بلير وبوش ..........!!

[صدوق المخايل]

محاورة بين بلير وبوش

هذة محاورة بين (بلير) و (بوش) حيث جاء بلير الى امريكا لحضور المؤتمر الثنائي مع بوش وعندما دخل على بوش في صالة الاجتماعات بدا هذة المحاورة وقام بوش بالرد عليه >>>
بلير /

الله لايجزاك بالخـــير يابــوش =ورطتنا في حرب صـــدام ورطه
عزمتني تقول بترول وقروش= بس الحقيقة روحتي معك غلطه

بوش /


يابلير رد العلم عن بوش بن بوش= الله خلقــــــــنا للمقاريد سلـطه
وابوي عندة للرياجيل دنبـــوش= كم واحد شلنا فلـــوسة ونفطه


بليــــــــر/


ابوك والنعمين مير انت مربوش =تمــوت بالبترول وتحب شفطـه
صحيح عندك مال وسلاح وجيوش = مير اتوقع لك تدهور وسقطــه


بوش /


كانك نحشت و خفت يوم احتمى الهوش =حرام ماتاخذ من النفط نقطــه
قبلك ترى شيراك قد راح مكــــروش = شفه يصرح كل يـوم بمحطه



بليــــــــــــــر/


وراك ماتعطي لشيراك عرمــــــــوش= تراه مشغلنا بشيله وحطـــه
وليا انتهى موضوعنا نرسل طــروش =ونجمع المبلغ من الربع قطـه


بوش /


شيراك هذا عنده الفكر مغشـــوش =فرط علي في مجلس الامن فرطه
يدزة اليــابان والصين ويطـــــــــوش = ومجهز الفيتـــــو لتحقيق شـرطه

بلير/

يابوش انا مرهق وخايف ومدهــــوش =وانته تقول الحرب خــدعه وخطه
اسرآي واسراك امتلا منهم الحــــوش=عز الله انه صابني منك جلــطه


بوش /


ماقلت لك كم فيه اذاعات ودشـــوش=لاتكشف المعنى وانا اقول غلطه
وان قالوا انا علوج واصحابنا جحوش =ماهمنا الصحاف واللي يحـــــــطه

منقـــــــــــــــــــــــــــــــــــــــــــــــ ــــــــــــــول

[السنافي]

صح لسانك يا صدوق المخايل حسبي الله عليك حتى بوش وبلير ماخليتهم في حالهم بس لو ترجم للانجليزي وتروح لهم يكون أحسن ,,,


تحيااااااااااااااتي

[صـ التاريخ ـدى]

ربي يحفظك

دايم في القمة

شامخ شموخ النقيان

ابيات جدا روعة

اخوك صدى التاريخ

[بنت العز]

والله روعه الله يخليك على طريق العلو
وينهم يسمعون ويشفون الابيات
قمه من قممك يا شاعرنا القدير

[ملك روما]

مشكور ..أخوي صدوق المخايل ...على نقلك الرائع ..

تحياتي وتقديري..

[ابو متعب]

تسلم ياصدوق المخايل على النقل الجيد

والله لايهينك


تحياتى

ابولافي

[hamad15]

الله يسلمك ياصدوق المخايل ابيات جميله في كلبين قبيحين الله لا يحفظهم

[ملاك القلوب]

اهااااااا
مااجمل المحاوره
ومااجملها اذا كانت من شخص اجمل سلمت لنا وشكرا

[سنافي تمير]

محاوره جميله في شخصين قبيحين والله يسلمك ياصدوق المخايل

[jeep]

لاوالله الي شربك ابلير هالبوش ----- حبله ابوسط المغار ه وحطه

[بحر الحنان]

ابداع متميز
سلمت
وسلمت اناملك


الجااااااااازي