عفوا ماضينا فلقد ظلمناك ....

[النادر]

الحقيقه اليوم وانا عند الوالده المغرب تكلمنا عن الغبار الي
شفناه اليوم وقالت الوالده هذا كله من الجنادريه والفساد الي فيها
لان كل سنه مع بداية الجنادريه يكون فيه غبار وعج
وقد يكون هذا الاستنتاج خاطئ وهو عامل تغير المناخ من الشتاء للصيف .
نرجع لموضوع الجنادريه الحقيقه انا شفت مقطع والله ضيق صدري لما فيه
من رقص على انغام المزمار من بعض الفتيات والشباب خلال مهرجان هذا العام
هل هذا هو تراثنا هل ابائنا واجدادنا يرضون بما يحصل الان هل الاختلاط وهل الغزل هو موروث
شعبي لدينا هل وهل وهل وهل اشياء كثيره تدمي القلب هل هي ما يمثل تاريخنا الماضي
اكيد فيه ناس منكم راحوا للجنادريه هالسنه اتمنى ان يشاركوا معي اترك المجال لكم ولاقلامكم بسؤال
هل الجنادريه الان تمثل موروث شعبي ام ترف ومباهاه ومضيعه للوقت ؟

[أبـوحـمـد]

والله ما قد رحت الها بس هذا الي سمعت عنه بالضبط مثلك

والعجاج ما جانا الا من كم سنه وجاي..

واهلنا منول ما بعرفون العج هذا ..

هذا يسمونه الحين الانفتاح والجنادريه هذي ما حطت عبث يا النادر يحاولون يستدرجونهم شئ فشيئ

بيجيك وقت الكل بيدخلها الحرمه بدون محرم والرجل بلا حرمه..

وهذا هي العواقب

اسأل الله ان يزيلها من بكره ابيها اذا كانت اهدافهم غير مشروعه..

[نسيم]

مرحبا اخوي النادر.وشلون الوالدة ان شاء الله طيبة.
فيه نقطة ودي اعقب عليها كابداية للنقاش الطويل.بالنسبة للعج وتقلبات الاجواء هذي طبيعي، الجنادرية مالها سنع فيه لان هذا التاريخ بالميلادي وثابت يحدث فيه التقلبات الجوية خصوصا اذا صار الوقت يعني ماجاء مطر في الشتاء فتصبح الارض مهيئة للغبار .
والجنادرية اعتقد ولا اجزم ان التاريخ محدد كل سنة وثابت .واختيارهم له لان الجو يكون لطيف وربيعي.اذا تذكر الجنادرية منول يعرضون والسماء تصب .
تحياتي لك

[أبـوحـمـد]

مرحبا اخوي النادر.وشلون الوالدة ان شاء الله طيبة.
فيه نقطة ودي اعقب عليها كابداية للنقاش الطويل.بالنسبة للعج وتقلبات الاجواء هذي طبيعي، الجنادرية مالها سنع فيه لان هذا التاريخ بالميلادي وثابت يحدث فيه التقلبات الجوية خصوصا اذا صار الوقت يعني ماجاء مطر في الشتاء فتصبح الارض مهيئة للغبار .
والجنادرية اعتقد ولا اجزم ان التاريخ محدد كل سنة وثابت .واختيارهم له لان الجو يكون لطيف وربيعي.اذا تذكر الجنادرية منول يعرضون والسماء تصب .
تحياتي لك

نسيم منول ما نعرف العج ابد وما عرفناه وكثر الا من 8سنين وجاي

والتقلبات الي تقول عليها اذكرها بدخول احد النجوم تجلس لها يوم او نصف يوم

الحين شهر كامل او شهرين كله تقلبات وعجاج

عسى الله يرحمنا برحمته ..

[نسيم]

الجنادرية انا مدري وينها فيه ولا قد جيتها.
لكن هل المقصد من الجنادرية ملتقى خلان؟
هل القصد من الجنادرية بذخ واضاعة وقت؟
اسمحي اقول لك مالك لوا.
لو كانت على كلام كثير من الناس انها فساد و استغلال فرص،فيه الاسواق !!!
فيه جوال !!فيه وفيه.
لكن المشكلة في تصرفاتنا وسلوكياتنا ،
الشي الاخر من ناحية الغزل والفساد من وقت النبي والصحابة،وهم اقرب لنا من الرسول صلى الله عليه وسلم واصحابة يجي عندهم زنا وسكر وفساد.
الجنادرية تعتبر واجهه تعرض للعالم وحضور وفود دول يشوفون وش المملكة العربية السعودية ،ويشوفون حضارتها.وشعبها .
مثل البطولات العالمية اللي جميع الدول تتنافس على استضافتها.
ترى اهدافها كبيرة لكن حنا ناخذ المنظور السيىء من سلوك افراد بس.
والامثلة كثيرة اخوي النادر.
تحياتي لك

[النادر]

الله يعافيكم على المداخله
صحيح الي يصير تقلبات جويه والبعض يقول طبيعيه
ولكن هل تعلم ان الريح جند من جنود الرحمن يَقولُ نَبيُّنا المُصطَفى؛
صلّى اللهُ عليه وسلم:
" الرّيحُ مِن روحِ الله تَأتي بالرّحمةِ والعَذابِ،
فلا تَسبّوها، ولكِن سَلوا اللهَ مِن خَيرها، وتَعوّذوا مِن شَرّها "
وانا موضوعي محدد بالجنادريه فقط
هل الجنادريه الان تمثل موروث شعبي ام ترف ومباهاه ومضيعه للوقت ؟

[النادر]

هلا بنسيم حياك الله الجنادريه في بدايتها كانت رائعه ومحدده بالتراث فقط
الان دخل مع التراث اشياء لم نراه مثل بعض الاجنحه ببعض الدول هل هذا من تراثنا بشي
هل مطعم معلق بالسماء يمثل تراثنا لماذا لانرجع للماضي بمجرد الدخول لهذه القريه
لماذا لانجعلها قريه تراثيه بكل ما تحمله الكلمه سواء باللبس او الاكل وكل شي
هذا هو التراث المطلوب .
هل مايحصل الان يذكرك بشي من الماضي رقص وتسوق ومطاعم خمس نجوم
اين الماضي ....

[عزوف]

طرح قيم اخي النادر ومن جد لما تجى الجنادرية تطق العج كل سنة على هالموال...

وانا بنفسي شفت البنات ترقص وتصفك والناس والشباب يشوفون مــآأرة مابة حيا.

ومنبهرين منهم وعمايلهم والناس ماعاد تستحي مثل اول تطق اللثمة والميك اب وتجيك زنق عشرة الله يهدينا وياهم ..

الجنادرية صحيح فيها تراث واشياء حلوة بس الناس هي الي تخرب ..

وبعد نرجع ذلك لتقلبات الجوء على قولت نسيم الارض ماجاها مطر

تقبل مروري..

[نسيم]

نسيم منول ما نعرف العج ابد وما عرفناه وكثر الا من 8سنين وجاي

والتقلبات الي تقول عليها اذكرها بدخول احد النجوم تجلس لها يوم او نصف يوم

الحين شهر كامل او شهرين كله تقلبات وعجاج

عسى الله يرحمنا برحمته ..
هلا ابوحمد.
ومنول بعد من يوم يدخل الوسم وحنا متولمين له جازمين به جزم بمشيئة الله والان كم لنا ماشفنا المطر؟
والعج ياصديقي من عرفت العلم وهذا هو وعلى وقته لكن احيانا يجي بزود واحيانا يخف والا العج هذا موطنه مافيه كلام وسجلوا التاريخ بالميلادي وشف ان الله عطانا عمر المقبله اي السنة الجاية يبي يجيك بنفس التاريخ.
دخول النجوم اكيد فيه اشارات توحي بدخوله وهذا شي منتهين منه ياصديقي.
واكيد بعد ن فيه اسباب والله يعفو ويتسامح.
لكن نقول الجنادرية صراحة فيها !!!!!!!!

[نسيم]

هلا بنسيم حياك الله الجنادريه في بدايتها كانت رائعه ومحدده بالتراث فقط
الان دخل مع التراث اشياء لم نراه مثل بعض الاجنحه ببعض الدول هل هذا من تراثنا بشي
هل مطعم معلق بالسماء يمثل تراثنا لماذا لانرجع للماضي بمجرد الدخول لهذه القريه
لماذا لانجعلها قريه تراثيه بكل ما تحمله الكلمه سواء باللبس او الاكل وكل شي
هذا هو التراث المطلوب .
هل مايحصل الان يذكرك بشي من الماضي رقص وتسوق ومطاعم خمس نجوم
اين الماضي ....
هلا اخوي المشرف العام.
الناس ياخوي قصروا وملوا ،بعير ومحالة،وعود يرب دلال،وحساوي يحوك بشوت،وواحد مع خوص،والمبدل كتاتيب،واحد يلعب عظيم ساري،وواحد يسوي طين،قصرنا منهم تعبنا ياخي .وواحد يجر ربابه.
خل الدول الثانية تشارك معنا مثل ماكنا روح الى اوربا ونشارك معهم ونوريهم حضارتنا وتاريخنا بين الامس واليوم.
يعني الرقص والغناء هو المشكلة ؟
المشكلة في ارباب العوائل وهذا الصحيح،اذا كنا نبي ننظر بنظرة واقعية ،رجال جايب عائلته ويرقص هو واياهم وش نقوله؟نقول وراك؟
والا الجنادرية والمسئولين ماجابوا رقصات من الدول الاخرى حتى والله نقول فيه رقص.
حنا اللي نجيب حريمنا ونرقص .
وبعدين الناس جايز لهم.
وتبي نعطيك امثله من قريب فيه ،تبي اقولها قلتها وحاصلة في محفل منول تسليم جوائز وتشجيع واليوم اوبريت وغناء !!!!
بس ماقلنا شي !!!!!!!!!
تحياتي لك

[توليب2]

المشكلة انا استفكر في الناس هم رايحين لم الجنادرية ولا رايحين لعرس طاقين كل الميك اب وغيرها الله لايورينا عقوبتة

من جد العج والريح الله يكفين شرها يارب عقوبة من جد لان الناس ماعاد تستحي الناس ماعاد تعرف باب المسجد والبنات ؟؟؟؟

الله هم لك الحمد انا عارفة اني دخلت في غير الموضوع بس حبيت ارد على اخوي النادر ان الولدة الله يطول بعمرها ويخلية لكم ان شاء الله

اعرف منكم وهذا عقاب من الله سبحانه هذا السنة الامطار قليلة جدااا وما السباب ؟؟؟ وكل سنة تفتح فيها الجنادرية

العج معها ؟؟؟

الله يرحمنا برحمتها يارب ولا يورينا قوتة من جد اليوم شي مرعب باالحيل

وشكرااا

[ام حمودي]

الله واكبر خليتو السبب في هالعجوج الجنادريه الواحد مايطهر نفسه،،،،،، والا لباس حريمكم وبناتكم واخواتكم المشخلع في الملاهي النسائيه جايز ولاالدشوش اللي ماليه البيوت وسماع الاغاني جايز،،،،،،،،،،،،،،،،، الي فيه غيره على محارمه لايودهيم وشله ترحون للجنادريه وانتم على قولتكم فيها بلاوي المهم يرجال انتبهو للباس محارمكم هم امنه في" اعنــــــــــــــــــــــــــــــــــــــــــا قـــــــــــــــــــــــــــــــكم"

[جروح الوفا*]

انا مع اخوي النادر انا رحت السنه الى فاتت وشفت البنات ترقص طبعا من دول اجنبيه والشباب السعودي يتفرج ويصفق ويوم انتهو كل
واحد اخذ له صوره تذكاريه مع بنت وهو فرحان وخشته تتشقق من الفرح تقول معطينه مليون ريال اللي نعرفه ان الجنادريه تعرض اشغال وحرف اجدادنا في الماضي وشلون عاشو وعن حياتهم ومقتنياتهم لكن العكس هو الى يصير الله يهدي بناتنا وشبابنا الي يتبطح عند الدش واغاني وافلام وقل صلاة ويقول عج وغبار وماجانا مطر

[طير شلوى]

مايسمى بهرجان الجنادريه لايمت الأن بالتراث الشعبي للملكه بأي صله ، فهو أصبح سيئ جدا وانحراف فكري وسلوكي واصبح المكان يضم ويحتضن الفساد والأغاني والحفلات والأمسيات الغنائيه وفوق كل هذا اختلاط ولاحسيب ولارقيب .
وكان لهئيه الأمر بالمعروف والنهي عن المنكر تواجد بدايه المهرجان وبعد مشكله تحرش بعض الشباب مع الفتيات بسبب تواجدهم في الرقصات الشعبية وتدخلوا بينهم بالفصل وحل المشكله وبعدها ضج الاعلام افتراء وكذب على الهيئة وعنوان الخبر يقول http://alsahaa.com/inf2/styles/dciwww/images/arroww2.gifالهيئة في الجنادرية تستعرض قوتها وتمنع الفرق الشعبية ... !!!
وبعدها انسحبت الهئية من الجنادرية ورأيت مقطع يحكي مايحصل بعد انسحابها من الجنادرية من مشاركه الفتيات والشباب الرقص مع الفرق الشعبية وكأننا في دوله غربية .

وزياده على هذا الانحراف اموال طائله تهدر في هذا المهرجان في مالاينفع .

شكرا لكـ أبو عثمان على هذا الطرح والله يخلي لك اميمتك ويخليك لها على طرحكم للموضوع ، وتراها صادزة وتجيب العلم يوم انها تقول الغبار من هالمهرجان .

[توليب2]

الله واكبر خليتو السبب في هالعجوج الجنادريه الواحد مايطهر نفسه،،،،،، والا لباس حريمكم وبناتكم واخواتكم المشخلع في الملاهي النسائيه جايز ولاالدشوش اللي ماليه البيوت وسماع الاغاني جايز،،،،،،،،،،،،،،،،، الي فيه غيره على محارمه لايودهيم وشله ترحون للجنادريه وانتم على قولتكم فيها بلاوي المهم يرجال انتبهو للباس محارمكم هم امنه في" اعنــــــــــــــــــــــــــــــــــــــــــا قـــــــــــــــــــــــــــــــكم"





هلا اخوي الله يسلك وش عندك معصب شوي شوي لاتتفكك ضلوعك دخل ومعصب شف حنا ماقلنا شي الله يهديهم وانا معك بس حنا الموضوع الله مير يسلمك عن الجنادرية واعتذار للماضي

الي خربووها الاشكل هذي لاغير وحنا والله معك في طلب الستر والله يجزاك الف خير

والله يهدينا ويهدي بناتنا وجميع نساء المسلمين ؟؟؟

بس الي نشوفه في

الجنادرية صراحه يروع الله يرحمنا برحمتها يارب وانت شفت العج الي امس الله يكفينا شره يارب ويرحمنا ويتوب علينا

مشكور

[ام حمودي]

انتي اللي لاتتفكك ظلوعك شوفي اسمي زين وبعد هلا اخوي الله يسلك

[قالب ثلج]

انتم مصدقين اللي يروحون للجنادريه يدورون موروث
ترا اغلب العالم يروحون شفاحه ويحبون شئ اسمه زحمه حشر مع الناس عيد
وعشان يقهرون اللي ماراحوا بقولت شفنا وفاتكم نص عمركم ومن هالحكي الفاضي
انا مارحمت الا الاسر المنتجه يجون ذا العالم يقلبون في اغراضهم لايشترون ولايخلونهم يكملون اشغالهم
الناس تجي للجنادريه تاكل وتشرب عصير برتقال في جناح نجران وتمشي وتتبرع بالدم شف الفراغ وين وصل
الله يذكر صديقي بالخير راح للجنادريه ولقى ناس صافه تقيس السكر فحص الرجال وطلع فيه سكر
الله لايعيدها من روحه

[عزوف]

سؤال للتمساح وش عرفك انهم يوزعون عصير اكييد رايح..

بعدين فيها الصالح وفيها الطالح..

[توليب2]

انتي اللي لاتتفكك ظلوعك شوفي اسمي زين وبعد هلا اخوي الله يسلك

ههههه انت تخلي احد يعرف يكتب هع هع انا قصدي الله يسلمك

[قوت القلوب]

للأسف الشديد الجنادرية ماصارت تراث صارت فساد من هالناس
والبنات ماعاد فيهن لآدين ولآحياء الله لايغضب علينا
والرجال ولى زمانهم ماعاد فيه الا اشباه الرجال
حسبي الله ونعم الوكيل على كل واحد اهمل بناته واولاده
ما نستغرب هالرياح والأعاصير والغبار الي نشوفه من يوم لأخر كل هذا من ذنوبنا
"وما نرسل بالأيات إلا تخويفا"
ماقوال الا الله يرحمنا برحمتة ولا تؤاخذنا بما فعل السفهاء منا
وأخيرآ اختم كلآمي بهذا البيت:
(فلا والله مافي العيش خيرا * ولا الدنيا اذا ذهب الحياء)
شكرآ يالنادر على طرحك الذي يحاكي واقعنا المؤلم

[شجرة الدر]

اااؤيد وبشده ان الجنادريه مرتبطه بتقلبات الجو دائما اول يوم يصير فيه الافتتاح يجينا العج دداائما
وترى الجنادريه الان مو تررراث وحضاره لا صارت خراب والدليل الي يصير فيها من فساد اكثر من انه عرض للماضي

لو تتسكر صار فيها سد للمفاسد وردع للفتن الي زادت عن حدها

الي يبي التراث بيلقاه في كل مكان ودي ادري وش شفتو فيها تراث كل شي عندهم تراثي مالي السوق بس كلام فاضي

[نسيم]

تطق اللثمة والميك اب وتجيك زنق عشرة الله يهدينا وياهم ..


تقبل مروري..
اخت عزوف قبل كل شي بالله تعطيني تفسير للمصطلحات اللي ذكرت
اللثمة،والميك اب ،وتجيك زنق عشرة.
شوفي والله ماعرف المصطلحات هذي، بس حبيت اسالك حتى نتناقش في ردك.

[نسيم]

يقول (لاتتفق الامة على ضلالة)والجميع اجمع عاى ان اسباب العج الجنادرية!!!!!!!!
فالحل هوين تلغى الجنادرية ويروح العج.
تحياتي للنادر على طرحة الجميل
نسيم

[عزوف]

اخت عزوف قبل كل شي بالله تعطيني تفسير للمصطلحات اللي ذكرت
اللثمة،والميك اب ،وتجيك زنق عشرة.
شوفي والله ماعرف المصطلحات هذي، بس حبيت اسالك حتى نتناقش في ردك.

احرجتنى نسيم..
الميك اب ...المكياج
اللثمة تغطي فمها ونص خشمها والباقي طالع
زنق عشر ...يعنى متكشخة بالمرة كنها رايحة لعرس..
وتفضل ناقش براحتك..

[نسيم]

احرجتنى نسيم..
الميك اب ...المكياج
اللثمة تغطي فمها ونص خشمها والباقي طالع
زنق عشر ...يعنى متكشخة بالمرة كنها رايحة لعرس..
وتفضل ناقش براحتك..

لا بالله عادي وانا والله ماعرف المصطلحات هذي اطلاقا اي والله.
ولا فيه احراج .

[نسيم]

طرح قيم اخي النادر ومن جد لما تجى الجنادرية تطق العج كل سنة على هالموال...

وانا بنفسي شفت البنات ترقص وتصفك والناس والشباب يشوفون مــآأرة مابة حيا.

ومنبهرين منهم وعمايلهم والناس ماعاد تستحي مثل اول تطق اللثمة والميك اب وتجيك زنق عشرة الله يهدينا وياهم ..

الجنادرية صحيح فيها تراث واشياء حلوة بس الناس هي الي تخرب ..

وبعد نرجع ذلك لتقلبات الجوء على قولت نسيم الارض ماجاها مطر

تقبل مروري..
يعني متزينين وبس.
طيب وش تبينها تلبس ؟هذا لسان حال الحريم اليوم.وش تبينهن يلبسن شيلة مثل جلال البكستانية لفيتن في الراس والباقي يسحب في الارض.والا ثوب منتفش كنه ثوب القذافي وخلقانه والبشت كنه مظله !!!!!!!!!!!!راح الكلام هذا.
منول نضحك على البنطلون وصار عند الحريم عادي وعلى كلام الحريم انه استر من الثوب.
اخت عزوف ابسالك سؤال يوم تروحين للجنادرية وش الهدف؟
هل عندك علم مسبق بان الجنادرية من اسباب العج؟وانها مقر للفساد؟
ويوم رحتي بسألك بالله منبسطتي ووسعتي صدرك؟وقمتي تسولفين على ربعك من الاناسه.
ليه حنا كذا؟اذا طلعنا ووسعنا صدورنا وخلصنا نبدء ننتقد ليه؟ونذكر السلبيات ،ليه مانذكر الشي الجميل اللي نشوفه؟
من اسباب انتشار الفساد كلام الناس ،ونبدء نحكم وحنا ماشفنا نصدر احكام غيابيه .وكثر الكلام عن الفساد يا اخوان وذكره يفقد الحس ،ونبدء نحسه بانه عادي الى ان ينتشر ويستهونه الناس ويصير شي طبيعي.

الانتقادات لها مكانها ،ولها صوت اذا طلب منك بمن في يده الحل والعقد لكن وانت جالس مع ربعك تبدء تتكلم وتطلق التهم هذا شي ماهوب صحيح اطلاقا.
بس ترانا اتفقنا كلنا ان سبب العج الجنادرية ياعزوف،والا منول كن حنا على خط الاستواء مطر 24ساعة وخضرة ودفا ،ابد تقول في سيرلانكا .
تحياتي لك
نسيم
ملاحظة التاخير من اسباب الاتصال او ثقل المنتدى.

[عزوف]

يعني متزينين وبس.
طيب وش تبينها تلبس ؟هذا لسان حال الحريم اليوم.وش تبينهن يلبسن شيلة مثل جلال البكستانية لفيتن في الراس والباقي يسحب في الارض.والا ثوب منتفش كنه ثوب القذافي وخلقانه والبشت كنه مظله !!!!!!!!!!!!راح الكلام هذا.
منول نضحك على البنطلون وصار عند الحريم عادي وعلى كلام الحريم انه استر من الثوب.
اخت عزوف ابسالك سؤال يوم تروحين للجنادرية وش الهدف؟
هل عندك علم مسبق بان الجنادرية من اسباب العج؟وانها مقر للفساد؟
ويوم رحتي بسألك بالله منبسطتي ووسعتي صدرك؟وقمتي تسولفين على ربعك من الاناسه.
ليه حنا كذا؟اذا طلعنا ووسعنا صدورنا وخلصنا نبدء ننتقد ليه؟ونذكر السلبيات ،ليه مانذكر الشي الجميل اللي نشوفه؟
من اسباب انتشار الفساد كلام الناس ،ونبدء نحكم وحنا ماشفنا نصدر احكام غيابيه .وكثر الكلام عن الفساد يا اخوان وذكره يفقد الحس ،ونبدء نحسه بانه عادي الى ان ينتشر ويستهونه الناس ويصير شي طبيعي.

الانتقادات لها مكانها ،ولها صوت اذا طلب منك بمن في يده الحل والعقد لكن وانت جالس مع ربعك تبدء تتكلم وتطلق التهم هذا شي ماهوب صحيح اطلاقا.
بس ترانا اتفقنا كلنا ان سبب العج الجنادرية ياعزوف،والا منول كن حنا على خط الاستواء مطر 24ساعة وخضرة ودفا ،ابد تقول في سيرلانكا .
تحياتي لك
نسيم
ملاحظة التاخير من اسباب الاتصال او ثقل المنتدى.


نسيم رجعت لردى اخذت الي تبي وخليت الي تبي صح
انا كتبت
شف ردي هذا..

الجنادرية صحيح فيها تراث واشياء حلوة بس الناس هي الي تخرب ..

وبعد نرجع ذلك لتقلبات الجوء على قولت نسيم الارض ماجاها مطر

..


ماقلت تلبس شيلة تلبس نقاب اقل شئ..
ماتتكحل تجذب الرجاجيل تلبس شئ وسيع ما تلبس شئ يبين جسمها
عبايات والله تستحى تشوفها كنها فساتين
انااتكلم عن فئة من الناس الي تجي للجنادرية
ام الجنادرية والله انى انبسطت بها ومدحتها وصورت ومدحتها بالتصوير ..
ويوم اروح للجنادرية ودي اشوفها وش هي لانى ماقد رحت ابد ولا ادل ادروووبها
كانو يقولون جت الجنادرية وجاء العج قبل لاروح بس عاتى مومنة بقضاء الله وقدر اذا كنت محتشمة ماعلى من البقية..


من اسباب انتشار الفساد كلام الناس ،ونبدء نحكم وحنا ماشفنا نصدر احكام غيابيه .وكثر الكلام عن الفساد يا اخوان وذكره يفقد الحس ،ونبدء نحسه بانه عادي الى ان ينتشر ويستهونه الناس ويصير شي طبيعي.

.

انا ما ذكرت شي الا الي شفت بعين ..





الانتقادات لها مكانها ،ولها صوت اذا طلب منك بمن في يده الحل والعقد لكن وانت جالس مع ربعك تبدء تتكلم وتطلق التهم هذا شي ماهوب صحيح اطلاقا.
بس ترانا اتفقنا كلنا ان سبب العج الجنادرية ياعزوف،والا منول كن حنا على خط الاستواء مطر 24ساعة وخضرة ودفا ،ابد تقول في سيرلانكا .
تحياتي لك
نسيم
.

اية اذكر كنا بخط الاستواء وحولنا هع

مافهمت بقية السؤال.

نسيم شاكرة لك ..

[توليب2]

هلا اخوي نسيم حبيت اضيف مع عزوووووووف وش تبونة تلبس ماقلنا شي على الاقل الوحد ها تطلع محتشمه

مو فاتنه يعني اللبس يكون واسع ثاني الميك اب ماله داعي واللثام وغيرهاا على مااظن فية شي اخترعوة بدل الشيلة اسمة نقاب

ولا ماله ام داعي تروح لم الجنادرية يعني وشولة تروح للجنادرية اذا طقت الزين الا لقرض ؟؟؟

وخلنا صادقين مع انفسنا المراة ماتروح لم سوق وغيرهاا ومتزينه الا ؟؟؟؟؟؟؟؟

وبعدين حنا وينا فيه رقص وهبال عساء ماصرنا في بانكوك وحنا ماندري

الله لايبلانااا ياريت يصكونة ويريحون العالم منهاا

على العموم هذي مدخلة بسيطة لردك يااخوي

[نسيم]

نسيم رجعت لردى اخذت الي تبي وخليت الي تبي صح
انا كتبت
شف ردي هذا..


ماقلت تلبس شيلة تلبس نقاب اقل شئ..
ماتتكحل تجذب الرجاجيل تلبس شئ وسيع ما تلبس شئ يبين جسمها
عبايات والله تستحى تشوفها كنها فساتين
انااتكلم عن فئة من الناس الي تجي للجنادرية
ام الجنادرية والله انى انبسطت بها ومدحتها وصورت ومدحتها بالتصوير ..
ويوم اروح للجنادرية ودي اشوفها وش هي لانى ماقد رحت ابد ولا ادل ادروووبها
كانو يقولون جت الجنادرية وجاء العج قبل لاروح بس عاتى مومنة بقضاء الله وقدر اذا كنت محتشمة ماعلى من البقية..



انا ما ذكرت شي الا الي شفت بعين ..




اية اذكر كنا بخط الاستواء وحولنا هع

مافهمت بقية السؤال.

نسيم شاكرة لك ..

مرحبا عزوف مرة ثانية وثالثة وكل يوم .
وش اخذ وش اخلي من ردك؟هو كله كلمتين لكن انتي طوليتها بخمسة اسطر .على قول المثل (كي كي مثل ما رحتي جيتي) الله لو ان ردك خطاب امين ا لامم المتحدة ياعزوف نقعد نفنده وندرسه.
كل كلامك تأييد للمشرف العام النادر،وكلكم ماهوب انتي لحالك يعني خلاص صار النادر يبي العج من الجنادرية وان الجنادرية مامنها فائدة خلاص نقول مثله.
والله لو ان اللي كاتب الموضوع واحد مثلي انت تطيرون في حلقه.
وسبب المشاكل انتم يالحريم لو مافيه حريم ماقلنا رقص ولا قلنا اختلاط،وبيني وبينك من يو قامت تطلع الحرمة من بيت اهلها وحنا في مشاكل ،لو يقول الرجال لحرمته مافيه طلعة انطقي في البيت طمحتوا واشغلتونا .حنا نبي نرضيكم ونوسع صدروكم لكن ماعرفنا.
ومن ناحية على قول الميك اب اوالبك اب والزين بلا الحريم يتواعدن في لجنادرية ويبن يتزينن عند بعضهن او انا غلطان؟
والحرمة اما تزينت من يتزين انا والا النادر!!!!!!!!!!
خليك واقعية الحرمة تبي المدح وانها ازين الحضار وتبي تموق على غيرها.لكن ان جاء سفيه يلاحق حريم خلق الله فهذا يعتبر مهبول ،ولا فيه خير بعد.
تحياتي لك
نسيم

[نسيم]

هلا اخوي نسيم حبيت اضيف مع عزوووووووف وش تبونة تلبس ماقلنا شي على الاقل الوحد ها تطلع محتشمه

مو فاتنه يعني اللبس يكون واسع ثاني الميك اب ماله داعي واللثام وغيرهاا على مااظن فية شي اخترعوة بدل الشيلة اسمة نقاب

ولا ماله ام داعي تروح لم الجنادرية يعني وشولة تروح للجنادرية اذا طقت الزين الا لقرض ؟؟؟

وخلنا صادقين مع انفسنا المراة ماتروح لم سوق وغيرهاا ومتزينه الا ؟؟؟؟؟؟؟؟

وبعدين حنا وينا فيه رقص وهبال عساء ماصرنا في بانكوك وحنا ماندري

الله لايبلانااا ياريت يصكونة ويريحون العالم منهاا

على العموم هذي مدخلة بسيطة لردك يااخوي
هلا اخوي توليب2
انت كنك مثل الاعمى يوم جاء يفزع لقط مشاعبة ولايدري من يطق ،
انت هالحين ماندري من انت معه؟
انت مع عزوف ،والا ضدها.والا معارض والا مؤيد.
انت معجل ونسمتك طارية ،اركد خل نشوف وش عندك.

[توليب2]

خخخخخخخخخخخخخخخخخ

انا يااخوي بنت مو رجال ثاني انا مع الاخت الغالية عزووووووووووف يعني كل السبب الجنادرية ياريت يسكرونة ونريح العالم

منهاا

ثاني تر الي يروح لم الجنادرية مايفتشوون ولا ماتدري صدق دهويل تميراوية يعني وشولة يتكشخون من له يعني ماله داعي اخوي

يعني الحرمة متغطية ماله داعي الكحل وغيره والعطر

وهذا المقصود كل الي يجينا من عجوج وغيرهاا عقايب الله يكفينا الشر

ولا قلنا خلي الحرمة تنطق باالبيت الحرمة تروح بس بحدود والمفروض الزوج او الاب وغيره ينتبه لزوجته او بنته او اخته وش لابسة

وغيره ؟؟؟؟؟؟؟

على العموم استمتعت باالمحورة معك اخوي

دمت بخير

وانا مع الاخ النادر وعزووووووووووف

وشكراااا

[النادر]

ياجماعه لازم نؤمن بايات لله التي يخوف بها الله عبادة
وقد تكون عقوبه منه سبحانه والكن البعض ينسب هذا الشي
الى الطبيه واشياء اخرى هناك ادله على عقاب الله لنا
الا وهي شح الامطار ونحن نفعل السبب باداء صلاة الاستسقاء
والتي بها اعتراف صريح بان السبب منا وليس من الطبيعه
اشياء اخرى وادله كثير يجب ان نعترف بها ونيقن ان لنا يد
بشح الامطار وهبوب العواصف .
متى نعلم بذنوبنا اخيرا قولُهُ تعالى: {إنَّ اللهَ لا يغيّرُ ما بقومٍ حتى يُغيروا ما بأنفسِهِم}
ودمتم بخير

[نسيم]

خخخخخخخخخخخخخخخخخ

انا يااخوي بنت مو رجال ثاني انا مع الاخت الغالية عزووووووووووف يعني كل السبب الجنادرية ياريت يسكرونة ونريح العالم

منهاا

ثاني تر الي يروح لم الجنادرية مايفتشوون ولا ماتدري صدق دهويل تميراوية يعني وشولة يتكشخون من له يعني ماله داعي اخوي

يعني الحرمة متغطية ماله داعي الكحل وغيره والعطر

وهذا المقصود كل الي يجينا من عجوج وغيرهاا عقايب الله يكفينا الشر

ولا قلنا خلي الحرمة تنطق باالبيت الحرمة تروح بس بحدود والمفروض الزوج او الاب وغيره ينتبه لزوجته او بنته او اخته وش لابسة

وغيره ؟؟؟؟؟؟؟

على العموم استمتعت باالمحورة معك اخوي

دمت بخير

وانا مع الاخ النادر وعزووووووووووف

وشكراااا
فرصة سعيدة،،توليب 2،واكرر الاسف لك لاني ماعرفت وش معرفك اي والله.
وش تقولين ؟ترى اللي مايروحون للجنادرية مايفتشون!!!!!!ايه من قال انهم يفتشون؟
والله يابنت الاجواد من شب على شي شاب عليه،يعني البنت يلبسونها اهلها بنطلون واذا قلت ليه قالوا توها صغيره،ثم تكبر وهي صغيره وتلبس على كيفها وهي صغيره،والمجتمع بعد يفرض عليك ما ودك تكسر خاطر البنية ودها تسوي مثل صديقاتها بس مع المحافظة على الاخلاق والادب ،يعني البنت يجب ان يوفر لها العاطفة وانك تحسسها بالحب لكي تسيطر عليها ولا تحتاج عاطفة من الاخرين،والكثير من الناس يغفل الشي هذامايهتم بزوجته وبنته ولايجلس معهم لانهم يحتاجون عاطفة.
واضح انك مع النادر تبي وظيفة شاغرة يعني !!!!!!!!!تراي شيبت ويالله حطوني مشرف .
توك تبي تتعب ما حطك مشرف !!!!!!!!!
اشكر اسلوبك الطيب ياتوليب2
موفق ان شاء الله

[نسيم]

كلامك سليم اخوي النادر .
سبحان الله العظيم هناك معادلات رياضية يعني (رياضيات).
الله سبحانه ربط كل شي بسبب مثل
انقطاع المطر يعود الى منع الزكاة متى مامنع الناس الزكاة منعوا القطر.
صلة الرحم ارتبطت بسعة الرزق وطول العمر.وهكذا.
وهذي لها موضوع ثاني والكلام فيها طويل .
تحياتي لك يالنادر على سعة صدرك وحضورك وموضوعك اللي حقيقة استمتعت به كثير ورجعنا للوراء ايام العصر الذهبي للحوار واللي لايزال ان شاء الله عصر ذهبي بقيادة الاخت الكريمة الوفاء بنت الله يعجل بحضورها ويفك اسرها.
تحياتي
نسيم

[عزوف]

مرحبا عزوف مرة ثانية وثالثة وكل يوم .
وش اخذ وش اخلي من ردك؟هو كله كلمتين لكن انتي طوليتها بخمسة اسطر .على قول المثل (كي كي مثل ما رحتي جيتي) الله لو ان ردك خطاب امين ا لامم المتحدة ياعزوف نقعد نفنده وندرسه.
كل كلامك تأييد للمشرف العام النادر،وكلكم ماهوب انتي لحالك يعني خلاص صار النادر يبي العج من الجنادرية وان الجنادرية مامنها فائدة خلاص نقول مثله.
والله لو ان اللي كاتب الموضوع واحد مثلي انت تطيرون في حلقه.
وسبب المشاكل انتم يالحريم لو مافيه حريم ماقلنا رقص ولا قلنا اختلاط،وبيني وبينك من يو قامت تطلع الحرمة من بيت اهلها وحنا في مشاكل ،لو يقول الرجال لحرمته مافيه طلعة انطقي في البيت طمحتوا واشغلتونا .حنا نبي نرضيكم ونوسع صدروكم لكن ماعرفنا.
ومن ناحية على قول الميك اب اوالبك اب والزين بلا الحريم يتواعدن في لجنادرية ويبن يتزينن عند بعضهن او انا غلطان؟
والحرمة اما تزينت من يتزين انا والا النادر!!!!!!!!!!
خليك واقعية الحرمة تبي المدح وانها ازين الحضار وتبي تموق على غيرها.لكن ان جاء سفيه يلاحق حريم خلق الله فهذا يعتبر مهبول ،ولا فيه خير بعد.
تحياتي لك
نسيم

___مرحبا بك نسيم مرة اخرى اخى انا لا الي هنا والي الي هناك

انا وسط ...

___حشاك نطير في حلقك الحق حق..

___وعن نفسي لاو الله نبي نطلع ونوسع صدورنا بس بحدود

____ شاكرة لك يانسيم مداخلتك،ـــ

[نسيم]

___مرحبا بك نسيم مرة اخرى اخى انا لا الي هنا والي الي هناك

انا وسط ...

___حشاك نطير في حلقك الحق حق..

___وعن نفسي لاو الله نبي نطلع ونوسع صدورنا بس بحدود

____ شاكرة لك يانسيم مداخلتك،ـــ
داري والله انك وسطيه ومحترمه الله يوفقك.
لكن انا مابيكم تجاملون،وشو عشانه؟عشان يعني بكرة تصير مشرف والا مراقب!!!!!!!!!
تراي قبلكم تعبت ولا حصلت شي!!!!!!!مابه الا وعود ههههههههههه.
تراي يوم ارد ابيك تستمر في الحوار انت وغيرك لان الحوار والنقاش يعطيك ماياخذ منك ويشغل فكرك،ويخليك تحرك العقول المغبره من الكلام الفاضي ماهوب غبار الجنادرية!!!!!!!!!!.
ترى فيه مواضيع في المنتدى مثل التحلية بس واقصد ملتقى الاعضاء، لكن الاستمرار فيها يجيب المر اي والله.
لو قلنا ان فيه مواضيع جميلة في ملتقى الاعضاء بس استخدامها سيىء للاسف الشديد ،وجميعها اختبارات يستخدمها علماء النفس لكن حنا قمنا نسخرها للتشفي والمهاترات ،مثل اللي يستخدم المستخضرات الكيميائية للاغراض الفاسدة وهكذا .
ترى خرجت اي شطحت وهذي عادتي الشطحات، لكن وش اسوي ودي استغل الفرص للنصح بس.
تحياتي لك
نسيم
نسيم

[عزوف]

داري والله انك وسطيه ومحترمه الله يوفقك.
لكن انا مابيكم تجاملون،وشو عشانه؟عشان يعني بكرة تصير مشرف والا مراقب!!!!!!!!!
تراي قبلكم تعبت ولا حصلت شي!!!!!!!مابه الا وعود ههههههههههه.
تراي يوم ارد ابيك تستمر في الحوار انت وغيرك لان الحوار والنقاش يعطيك ماياخذ منك ويشغل فكرك،ويخليك تحرك العقول المغبره من الكلام الفاضي ماهوب غبار الجنادرية!!!!!!!!!!.
ترى فيه مواضيع في المنتدى مثل التحلية بس واقصد ملتقى الاعضاء، لكن الاستمرار فيها يجيب المر اي والله.
لو قلنا ان فيه مواضيع جميلة في ملتقى الاعضاء بس استخدامها سيىء للاسف الشديد ،وجميعها اختبارات يستخدمها علماء النفس لكن حنا قمنا نسخرها للتشفي والمهاترات ،مثل اللي يستخدم المستخضرات الكيميائية للاغراض الفاسدة وهكذا .
ترى خرجت اي شطحت وهذي عادتي الشطحات، لكن وش اسوي ودي استغل الفرص للنصح بس.
تحياتي لك
نسيم
نسيم

حلوة نجامل عشان يعطونا اشراف هههههه انا مابي اشراف ابي مديرة تعطينى...

__واذا على كلامك تبي تشغل العقول والله ماعاد بالواحد تفكير صرنــــــآأ ميـــــــح..

كلش نبية جاهز...

شكراا لك...

[النادر]

هلا اخوي نسيم استمتعت بهذه المدخلات الجميله
والتي امل ان تعود لنا بفائدة
اخواني واخواتي لنعلم ونيقن ان مايصيبنا الان من بعض منغصات الحياه
هي عمل يدينا فمثلاً قطع صلة الرحم ومنع الزكاة والتهاون بالصلاة
وتبرج النساء واشياء كثيره واهم ما يعيبنا الان اننا لاننكر المنكر
ونؤيد الخطاء ونساعد على التمادي فيه وننسى بل نتناسى الامر بالمعروف والحث على عمل الخير
اللهم اصلح حالنا ولطف بنا ياكريم
شكرا لكل من تداخل في هذا الموضوع واضاف لمسات جماليه بحروف اتمنى
ان تجد قلب قبل الاذن .
والله يحفظكم

[قالب ثلج]

ست حالات ولادة وحالة إجهاض في «الجنادرية»


الجنادريه ذي فيها سر عظيم وماندري عنه وش ذا الموروث ذا اللي يخلي الحرمه تروح وهي في شهرها التاسع وعلى وشك الولاده
سبحان الله الواحد يفتكر في هالبشر وش يحسون فيه

[قالب ثلج]

سؤال للتمساح وش عرفك انهم يوزعون عصير اكييد رايح..

بعدين فيها الصالح وفيها الطالح..

رحت اولة تاليه عن قولت ماقد رحت شفت العالم تاكل وتشرب قلت وش حيثهم مهوب أطيب مني خخ
وابشرك مسكت سرا وراح من عمري نص ساعه صاف اشتري مينتو خخخخخخخخخخخخخخخ
وماطلعت الا ومعي معمول توفي تحسفت اني شاريه على بالي احيي التراث وانا في الأساس أحيي كرشتي خخخ
انا بالنسبه شفت الدعوه أكل وشرب بس غيري اشوفه يدور على الطرب والاسنزال وينه هو به

[نسيم]

حلوة نجامل عشان يعطونا اشراف هههههه انا مابي اشراف ابي مديرة تعطينى...

__واذا على كلامك تبي تشغل العقول والله ماعاد بالواحد تفكير صرنــــــآأ ميـــــــح..

كلش نبية جاهز...

شكراا لك...
لو في يدي عطيتك ياعزوف مديرة ،مار ماعلى الله شي كايد.وانتي من الاعضاء الشغالين ونشيطة وجهودك بدت تتكلم عنك ،وحضورك قوي ،وش ينقصك؟
لكن صرنا ميح؟يعني مافيه شي ؟
تحياتي لك
نسيم

[نسيم]

هلا اخوي نسيم استمتعت بهذه المدخلات الجميله
والتي امل ان تعود لنا بفائدة
اخواني واخواتي لنعلم ونيقن ان مايصيبنا الان من بعض منغصات الحياه
هي عمل يدينا فمثلاً قطع صلة الرحم ومنع الزكاة والتهاون بالصلاة
وتبرج النساء واشياء كثيره واهم ما يعيبنا الان اننا لاننكر المنكر
ونؤيد الخطاء ونساعد على التمادي فيه وننسى بل نتناسى الامر بالمعروف والحث على عمل الخير
اللهم اصلح حالنا ولطف بنا ياكريم
شكرا لكل من تداخل في هذا الموضوع واضاف لمسات جماليه بحروف اتمنى
ان تجد قلب قبل الاذن .
والله يحفظكم
الله يمتعنا واياكم بالصحة والعافية اخوي النادر،وهذي تعتبر من الفرص السعيدة اللي جمعتنا بكم،واتمنى ان تتكرر مثل هذه المواضيع ويكون هناك تفاعل اكثر وحضور اكثر من الجميع.
تحياتي لك
نسيم

[عزوف]

لو في يدي عطيتك ياعزوف مديرة ،مار ماعلى الله شي كايد.وانتي من الاعضاء الشغالين ونشيطة وجهودك بدت تتكلم عنك ،وحضورك قوي ،وش ينقصك؟
لكن صرنا ميح؟يعني مافيه شي ؟
تحياتي لك
نسيم

الله مـــــــــــآأر يسلمك كفو والله ..

استمتعنا معك ومع مداخلاتك..

[» اِلـَوَفْآءْ بـِنْـتْ]

-



السلامِ عليكمِ
الجنآدرية وقتهآ لآدخل له بتغيرآت الجو المناخية ,
وبخصوص الفسآد لانرآه في الجنآدرية فقط نرآه في آمكآن كثيرة في الاسوآاق والمطاعم وغيرهآ
من به فسآد سوف تجده في كل مكآن يبعث العبث
لكن الجنادرية خطآها الكبير انها اصبحت للعائلات , مما جعل احتكآك الشباب والفتيآت آقرب وآكثر
بينما كانت السنوات الماضية لم نكن نشتكي من فسآدها مثل هـ المظهر,
وماوضعوه من تطورآرت لادخل لهآ ب الموروث لكن لجذب سوآح الاجآنب واعطاء مظهر أكثر حضاري للمهرجآن ,

|شكراً أخيّ النآدر






.
.




(http://www.smooal-7oob.com/vb/images/smilies/8bd4290.gif)

[نسيم]

-




السلامِ عليكمِ
الجنآدرية وقتهآ لآدخل له بتغيرآت الجو المناخية ,
وبخصوص الفسآد لانرآه في الجنآدرية فقط نرآه في آمكآن كثيرة في الاسوآاق والمطاعم وغيرهآ
من به فسآد سوف تجده في كل مكآن يبعث العبث
لكن الجنادرية خطآها الكبير انها اصبحت للعائلات , مما جعل احتكآك الشباب والفتيآت آقرب وآكثر
بينما كانت السنوات الماضية لم نكن نشتكي من فسآدها مثل هـ المظهر,
وماوضعوه من تطورآرت لادخل لهآ ب الموروث لكن لجذب سوآح الاجآنب واعطاء مظهر أكثر حضاري للمهرجآن ,

|شكراً أخيّ النآدر






.
.




(http://www.smooal-7oob.com/vb/images/smilies/8bd4290.gif)

مساء الخير يالوفاء بنت.
وشلون الوقت ماله دخل ؟
او تكلمين كذا بس؟عندك تقويم والا اعطيك؟
طيب ابها ،والطايف مصايفنا!!!!!!!!!فيها عوائل ومن تبدء الصيفية وهم في امطار.مايجيهم عج.
مثل الجنادرية مابه فرق ابد.الا افنع واكثر اختلاط.
اوربا اقرب مثال فساد وكفر وكل شي جامعينه ولا يجيهم عج مغير مطر وضباب .
ترانا نتكلم بس من باب وشوله ،وش تبيبه بس،وش مروحك؟هذا كلامنا كل شي نحاربه وننتقده .
وسعوا دائرة التفكير،بلدنا صحراوي وهذا مقر العج والغبار والحروالبرد.
معليش الوفاء بنت شغلي الفكر شوي.

[» اِلـَوَفْآءْ بـِنْـتْ]

مساء الخير يالوفاء بنت.
وشلون الوقت ماله دخل ؟
او تكلمين كذا بس؟عندك تقويم والا اعطيك؟
طيب ابها ،والطايف مصايفنا!!!!!!!!!فيها عوائل ومن تبدء الصيفية وهم في امطار.مايجيهم عج.
مثل الجنادرية مابه فرق ابد.الا افنع واكثر اختلاط.
اوربا اقرب مثال فساد وكفر وكل شي جامعينه ولا يجيهم عج مغير مطر وضباب .
ترانا نتكلم بس من باب وشوله ،وش تبيبه بس،وش مروحك؟هذا كلامنا كل شي نحاربه وننتقده .
وسعوا دائرة التفكير،بلدنا صحراوي وهذا مقر العج والغبار والحروالبرد.
معليش الوفاء بنت شغلي الفكر شوي.




-




مسآءِ الوردِ | نسيمِ
أنتَ فهمتَ كلامي غلط | ودآيمِ آنتَ عجلِ " الله يصلحك"
كثر قول النآس بأن وقت الجنآدرية اذا جآء كثر الغبآر والعج , وهذا عقوبة من الله , وهـ الكلام موب صحيح ,
وأنا أوضح آن لادخل للظروف المنآخية في الجنآدرية لآن موسمهآ يآتي مع بداية الصيف ونهاية الشتآء
وهذا طبيعي تحدث فيه هالتقلبآت ,
والفسآد في كل محل حتى في البيوت َ
وعلى أوربآ وبلدآن الغرب , هذولا جنتهم في الدنيآ ,
وترآ مآعندهم حسد مثلنآ ,






.
.





(http://www.smooal-7oob.com/vb/images/smilies/8bd4290.gif)

[نسيم]

-





مسآءِ الوردِ | نسيمِ
أنتَ فهمتَ كلامي غلط | ودآيمِ آنتَ عجلِ " الله يصلحك"
كثر قول النآس بأن وقت الجنآدرية اذا جآء كثر الغبآر والعج , وهذا عقوبة من الله , وهـ الكلام موب صحيح ,
وأنا أوضح آن لادخل للظروف المنآخية في الجنآدرية لآن موسمهآ يآتي مع بداية الصيف ونهاية الشتآء
وهذا طبيعي تحدث فيه هالتقلبآت ,
والفسآد في كل محل حتى في البيوت َ
وعلى أوربآ وبلدآن الغرب , هذولا جنتهم في الدنيآ ,
وترآ مآعندهم حسد مثلنآ ,






.
.





(http://www.smooal-7oob.com/vb/images/smilies/8bd4290.gif)

وشو،،،،،،،،،،،واحد منحرج !!!!!!!!!!!معد عرف يرد .
يعني انا راعي مشاكل ؟
انا جاي وحاط في راسي ان معارض وبس .
لكن هين يجيبك الله في موقف اخر .
اما اوربا صح والله مايناظرون بعض ابد وكل واحد في حاله.لكن حنا ، الموت يجيك من اقصى ذاك ،ويدخل يحوسك وهو على قول المثل لا هوب في المصب ولا في المعدن.
موعدنا لقاء قادم ولايخرج الاعز منها الاذل!!!!!!!!!!!تهديد

[عزوف]

نسيم يقول المثل او يقول ابوى تسيل ديرة الفسدة ولا تسيل ديرة الحسدة..

[» اِلـَوَفْآءْ بـِنْـتْ]

نسيم يقول المثل او يقول ابوى تسيل ديرة الفسدة ولا تسيل ديرة الحسدة..

-





عزوفِ حبيّ ليِ رآس أبوك ِ ,
وهو صآدز ِ همِ كفرة بس ِ مآعندهمِ حسدِ



.
.






(http://www.smooal-7oob.com/vb/images/smilies/8bd4290.gif)

[توليب2]

ياخي مقاطعه انا ماادري ليش ماتعترفون انا العج هذا عقاب من الله سبحان الله والعقاب يعم ولا يخص

يعني مانرها من الفتن الان غير ايام زماان وكثر الله يكفينا الشر

وعلى قول الاخت القديرة عزوووووووف

تسيل ديرة الفسدة ولا تسيل ديرة الحسدة..

يعني المثل معروف وماراينها الان في الجنادرية شي يروع يعني غير غير

والواحد يخاف يروح بسبب الي سمعا عنهاا من البلاوي الله لايعاقبنااا بس

والف شكر للجميع

[نسيم]

نسيم يقول المثل او يقول ابوى تسيل ديرة الفسدة ولا تسيل ديرة الحسدة..
لا ،من يقول ان عندنا حسد!!!!!!!!!

ابد يجون ويطون في كبدك ظلما وعدوانا ،ياشين الضعيف اذا قضب سلطه هههههههههههههههه.
الله يخلي لك ابوك كانه حي، ويرحم ابوي وكل مسلم .
تراي يتيم من يومني صغير .

[عزوف]

لا ،من يقول ان عندنا حسد!!!!!!!!!

ابد يجون ويطون في كبدك ظلما وعدوانا ،ياشين الضعيف اذا قضب سلطه هههههههههههههههه.
الله يخلي لك ابوك كانه حي، ويرحم ابوي وكل مسلم .
تراي يتيم من يومني صغير .

امين الله يخلي لى تاج راسي

ويرحم ابوك اجل يتيم يبي من يمسح على راسك..

[عزوف]

ياخي مقاطعه انا ماادري ليش ماتعترفون انا العج هذا عقاب من الله سبحان الله والعقاب يعم ولا يخص

يعني مانرها من الفتن الان غير ايام زماان وكثر الله يكفينا الشر

وعلى قول الاخت القديرة عزوووووووف

تسيل ديرة الفسدة ولا تسيل ديرة الحسدة..

يعني المثل معروف وماراينها الان في الجنادرية شي يروع يعني غير غير

والواحد يخاف يروح بسبب الي سمعا عنهاا من البلاوي الله لايعاقبنااا بس

والف شكر للجميع

توليب اقدر لك مداخلتك,,

بس انا جيت الجنادرية والله ماحسيت فيها خراب عاتى مارة نفس الاسواق الي تنروح لها..

العج مكتوب والذنب مغفور بأذن الله والله يرحم المسلمين ..

[قالب ثلج]

الجنادريه من تالي طاح كرتها
وبدال ماتصير معرض للتراث صارت مرقص

[» اِلـَوَفْآءْ بـِنْـتْ]

امين الله يخلي لى تاج راسي

ويرحم ابوك اجل يتيم يبي من يمسح على راسك..


-





عزوفِ خلينيّ أنا أمسحِ على رآسِ نسيمِ ,
والله ترآنيّ أدور الآجرِ
وآنتي عندكَ آجر , عندكِ أبوِ تبرينِ به , حنآ انقطعِنآ منِ الآجر ِ ,





.
.






(http://www.smooal-7oob.com/vb/images/smilies/8bd4290.gif)

[الدامياء]

أشكرك أخي النادر على طرح هذا الموضوع الحساس وأستأذنك والإخوة جميعاً لترك الموضوع الأساس ، والتطرق لنقطة فرعية أثيرتْ أثناء النقاش ، وهي : هل الغبار عقوبة من الله أم لا ؟

أقول : مما لاشك أنَّ الله تعالى يرسل آياته الكونية على عباده نذراً وتخويفاً قال تعالى : " وما نرسل بالآيات إلا تخويفاً " ، كما إنه مما لا شك فيه أن الفساد الذي يظهر في هذه الدنيا هو بسبب الذنوب والمعاصي ، قال تعالى : " ظهر الفساد في البر والبحر بما كسبت أيدي الناس ". قال ابن القيم رحمه الله :( ومَنْ له معرفة بأحوال العالَم ومبدئه يعرِف أنَّ جميع الفساد فى جَوِّه ونباته وحيوانه وأحوالِ أهله، حادثٌ بعد خلقه بأسباب اقتضت حدوثَه، ولم تزل أعمالُ بنى آدَم ومخالفتُهم للرُّسُل تُحدث لهم من الفساد العام والخاص ما يجلب عليهم من الآلام، والأمراض، والأسقام، والطواعين، والقحوط، والجدوب، وسلب بركات الأرض، وثمارها، ونباتها،وسلب منافعها، أو نقصانها أُموراً متتابعة يتلو بعضُهَا بعضاً ).
أما القول بأنَّ أجواء بلاد الكفار جميلة ، وأنه لم يصبهم الغبار ولا العواصف فهذا غير صحيح ، فنحن نرى بلادهم تصاب بالزلازل والبراكين والحرائق والفيضانات والأمراض التي لاعلاج لها ممالم يصب البلاد الإسلامية ..
ولو سلمنا أن بلادهم لم يصبها أي شيء فلايجوز لنا أن نعترض على أقدار الله تعالى ، فالله تعالى يفعل مايريد ، " لايسأل عما يفعل وهم يسألون " ...

[النادر]

أشكرك أخي النادر على طرح هذا الموضوع الحساس وأستأذنك والإخوة جميعاً لترك الموضوع الأساس ، والتطرق لنقطة فرعية أثيرتْ أثناء النقاش ، وهي : هل الغبار عقوبة من الله أم لا ؟

أقول : مما لاشك أنَّ الله تعالى يرسل آياته الكونية على عباده نذراً وتخويفاً قال تعالى : " وما نرسل بالآيات إلا تخويفاً " ، كما إنه مما لا شك فيه أن الفساد الذي يظهر في هذه الدنيا هو بسبب الذنوب والمعاصي ، قال تعالى : " ظهر الفساد في البر والبحر بما كسبت أيدي الناس ". قال ابن القيم رحمه الله :( ومَنْ له معرفة بأحوال العالَم ومبدئه يعرِف أنَّ جميع الفساد فى جَوِّه ونباته وحيوانه وأحوالِ أهله، حادثٌ بعد خلقه بأسباب اقتضت حدوثَه، ولم تزل أعمالُ بنى آدَم ومخالفتُهم للرُّسُل تُحدث لهم من الفساد العام والخاص ما يجلب عليهم من الآلام، والأمراض، والأسقام، والطواعين، والقحوط، والجدوب، وسلب بركات الأرض، وثمارها، ونباتها،وسلب منافعها، أو نقصانها أُموراً متتابعة يتلو بعضُهَا بعضاً ).
أما القول بأنَّ أجواء بلاد الكفار جميلة ، وأنه لم يصبهم الغبار ولا العواصف فهذا غير صحيح ، فنحن نرى بلادهم تصاب بالزلازل والبراكين والحرائق والفيضانات والأمراض التي لاعلاج لها ممالم يصب البلاد الإسلامية ..
ولو سلمنا أن بلادهم لم يصبها أي شيء فلايجوز لنا أن نعترض على أقدار الله تعالى ، فالله تعالى يفعل مايريد ، " لايسأل عما يفعل وهم يسألون " ...


هلا اخي العزيز الدامياء حياك الله اضافه مميزه ورائعه
ووصلت ما حبيت اوصله للمتلقي بان اي شي يحدث هو من عمل ابن ادم سواء خير
او شر بارك الله فيك اخي العزيز

[سمو الأمير]

أخوي النادر ..

أولا .. الله يحفظ لك الوالدة ، ويرزقك برها ورضاها ، وكلامها فيه كثير من الصحة !
الجنادرية مرت بمناخات مختلفة ، وأذكر أني زرتُها بوقت البرد والحر ، والعواصف الرملية ملازمه لها !!
وثق كما وثقت والدتك أن هذه العواصف بلاء نزلت جراء ذنوب بشرية لربها الخالق ..
الأمر الآخر ..
الجنادرية بمختصر العبارة " استهلكت " ، المهرجانات التي تقوم سنوياً تستهلك وتكون مملة ، ولو جعل هذا المهرجان مُتعدد المزايا ، بمعنى أن يقام كُل سنة في مكان ، في الشمال والجنوب والغرب والشرق ، لكي يتعرف الجميع على هذا الموروث الشعبي ..
أما عن مايحصل داخل أسوار الجنادرية يحصل بكل مكان يحدث فيه تجمهر وأختلاط ، أذهب للثمامة ستجد الأمر أعظم !!
هذا الشعب مكبوت حد الثمالة ، يصطاد ضُعاف النفوس من النساء والرجال في الماء العكر ..

[أنكسار انثى}..]

السلام عليكم ورحمة الله وبركاته
مآشآء الله لآقوة الا بالله دآئماً طرحك بسيط وصريح ورآقي وكآن العنوان جداً رائع
الله يخلي لك الوآلده ويمتع بها على طاعته
ويرزقكم ان شاء الله برها ..

كلآم امك نفس كلآم خالتي ام زوجي لكن امك تقصد الجنادريه وخالتي الله يطول بعمرها معرض المنتجات الاستهلاكيه بالمجمعه
سبحان الله دائماً تقول مايجينا العج الا اذا جاء المعرض
هذي وجهه نظرها لآنها تقول الاجتماعات هذي تخلي المرأه تطلع من بيتها من دون حاجه ضروريه ..
ويكثر فيها الاختلاط والجدل ..
عموماً موضوعكم عن الجنادريه حبيت اناقشه لكن ولله الحمد ماقد رحت للجنادريه وعسآه خيره لكن للأسف نسمع مآلآ يسر وشفت مقطع حبيت انزله لكن احتراماً لكم مانزلته
اللهم لآتوآخذنا بما عمل او قال السفهآء منآ
وتآملوآ قوله تعالى : { وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا (http://www.tumaer.com/vb/#docu)}
أخي الفآضل النآدر
جعل الله هذا الطرح في موآزين حسناتك الف شكر وتقبل مروري ..

[النادر]

-



السلامِ عليكمِ
الجنآدرية وقتهآ لآدخل له بتغيرآت الجو المناخية ,
وبخصوص الفسآد لانرآه في الجنآدرية فقط نرآه في آمكآن كثيرة في الاسوآاق والمطاعم وغيرهآ
من به فسآد سوف تجده في كل مكآن يبعث العبث
لكن الجنادرية خطآها الكبير انها اصبحت للعائلات , مما جعل احتكآك الشباب والفتيآت آقرب وآكثر
بينما كانت السنوات الماضية لم نكن نشتكي من فسآدها مثل هـ المظهر,
وماوضعوه من تطورآرت لادخل لهآ ب الموروث لكن لجذب سوآح الاجآنب واعطاء مظهر أكثر حضاري للمهرجآن ,

|شكراً أخيّ النآدر






.
.




(http://www.smooal-7oob.com/vb/images/smilies/8bd4290.gif)



هلا باختي الوفاء سعيد بمداخلتك الجميله
الحقيقه الكل يذكر ان هناك تجمعات مشابهه للجنادريه
ولكن الجنادريه اكبر تجمع يمكن ان تراه يفوق 200 الف باليوم الواحد
وبرعايه كبيره من الدوله ولا وجود لرجال الهيئة واذا وجدو كانو على عدد الاصابع
ولكن قد اكون مخطي بستنتاجي وقد يكون رد اخوي الدامياء يوضح ان لكل شي سبب
حتى العقاب من رب العالمين لابد وان له سبب .
اللهم اصلح حالنا واحوال المسلمين

[النادر]

أخوي النادر ..

أولا .. الله يحفظ لك الوالدة ، ويرزقك برها ورضاها ، وكلامها فيه كثير من الصحة !
الجنادرية مرت بمناخات مختلفة ، وأذكر أني زرتُها بوقت البرد والحر ، والعواصف الرملية ملازمه لها !!
وثق كما وثقت والدتك أن هذه العواصف بلاء نزلت جراء ذنوب بشرية لربها الخالق ..
الأمر الآخر ..
الجنادرية بمختصر العبارة " استهلكت " ، المهرجانات التي تقوم سنوياً تستهلك وتكون مملة ، ولو جعل هذا المهرجان مُتعدد المزايا ، بمعنى أن يقام كُل سنة في مكان ، في الشمال والجنوب والغرب والشرق ، لكي يتعرف الجميع على هذا الموروث الشعبي ..
أما عن مايحصل داخل أسوار الجنادرية يحصل بكل مكان يحدث فيه تجمهر وأختلاط ، أذهب للثمامة ستجد الأمر أعظم !!
هذا الشعب مكبوت حد الثمالة ، يصطاد ضُعاف النفوس من النساء والرجال في الماء العكر ..




امين يارب
هلا اخوي سمو الامير حياك الله وسعيد بهذه المداخله والاضافه الجميله
وفعلاً يوجد لدى بعض الشباب كبت كبير ويبحث عن مخرج له
ليفرغ مابه من كبت وقد تلاحظ مايحصل بعض الاحيان في مسيرات الفرح
من رقص ومن اشياء لا اريد ذكرها ولكن ندعوا لنا وللجميع بصلاح الحال
وفقك الله اخي العزيز

[النادر]

السلام عليكم ورحمة الله وبركاته
مآشآء الله لآقوة الا بالله دآئماً طرحك بسيط وصريح ورآقي وكآن العنوان جداً رائع
الله يخلي لك الوآلده ويمتع بها على طاعته
ويرزقكم ان شاء الله برها ..

كلآم امك نفس كلآم خالتي ام زوجي لكن امك تقصد الجنادريه وخالتي الله يطول بعمرها معرض المنتجات الاستهلاكيه بالمجمعه
سبحان الله دائماً تقول مايجينا العج الا اذا جاء المعرض
هذي وجهه نظرها لآنها تقول الاجتماعات هذي تخلي المرأه تطلع من بيتها من دون حاجه ضروريه ..
ويكثر فيها الاختلاط والجدل ..
عموماً موضوعكم عن الجنادريه حبيت اناقشه لكن ولله الحمد ماقد رحت للجنادريه وعسآه خيره لكن للأسف نسمع مآلآ يسر وشفت مقطع حبيت انزله لكن احتراماً لكم مانزلته
اللهم لآتوآخذنا بما عمل او قال السفهآء منآ
وتآملوآ قوله تعالى : { وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا (http://www.tumaer.com/vb/#docu)}
أخي الفآضل النآدر
جعل الله هذا الطرح في موآزين حسناتك الف شكر وتقبل مروري ..
امين يارب
هلا اختي انكسار انثى
شاكر لك الاطراء وان شاء الله اكون قد هالكلام
وفعلاً من يشاهد بعض المقاطع التي سجلت في الجنادريه
يستغرب ان يكون مثل هالاشياء في السعودية
ولكن ندعوا الله بصلاح حالنا
وفقك لله اختي لكل خير