فاكهة الجنة ( معلومات وفوائد )

[مخاوي تمير]

بسم الله الرحمن الرحيم

السلام عليكم ورحمة الله وبركاته



الجح فاكهة الصيف اللذيذة والجميع يتسابق للبحث عنه في محلات الخضار والفواكه

ومع دخول فصل الصيف ينتعش السوق بجلب الجح لاطفاء لهب الحر وظماءة

حيث بدأ جلب الجح لأسواق تمير من أسبوعين تقريباً من مناطق المدينة المنورة والوادي .

فاختيار الجح الطيب له خبرة ومعرفة فعند النظره الأولى تقول ما يحتاج اتنقى طب واختر

حظك ونصيبك وما تدري الزينة من الفاسدة والبعض يقوم بالضرب بالكف ( الطق باليد ) على

الجحه والتعرف على عملية النضج من خلال سماعك لصوت ( بق بق ) خفيف وتلاقي أطرافها

يابسة فخذها وتوكل على الله والبعض يمخشها لمشاهدة تشبعها بالماء !!


اما عن نفسي اعطي البائع الاختيار بشرط ان تكون بحجم المتوسط .. مع التزكيه على البحث عن الزين

(( يا ليت كل واحد يعطينا وشلون يختار جحته ))



وهذه معلومات عن فوائد الجح



فوائد البطيخ او الجح

قال النبى صلى الله عليه وآله وسلم ربيع امتى العنب والبطيخ
تفكهوا بالبطيخ فانها فاكهة الجنة وفيها الف بركة والف رحمة ، واكلها شفاء من كل داء .


عض البطيخ ولا تقطعها قطعا فانها فاكهة مباركة طيبة مطهرة الفم مقدسة القلب تبيض الاسنان وترضى
الرحمان ، ريحها من العنبر وماؤها من الكوثر ، ولحمها من الفردوس ولذتها من الجنة واكلها من العبادة .
عليكم بالبطيخ فان فيه عشر خصال هو طعام وشراب واسنان وريحان يغسل المثانة ويغسل البطن ويكثر ماء
الظهر ويزيد فى الجماع ويقطع البرودة وينقى البشرة .



البطيخ

قال علي عليه السلام : البطيخ شحمه الأرض ، لاداء ولا غائلة فيه قال علي عليه السلام عن البطيخ :
فيه عشر خصال : طعام ، وشراب ،وفاكهة ، وريحان ، وادم ، وحلواء ، واشنان ، وخطمي ، وبقل ، ودواء .



فوائد البطيخ

أ - يطفي العطش .
ب - علاج للأورام الجلدية .
جـ - ينفع من حصى الكلية والمثانية لأنه مدر للبول .
د - بذره إذا دق ومرس بالماء وشرب نفع للسعال الحاد وأوجاع الصدر .




وهذه لقطات لجح المدينة المنورة والتي تم جلبها للماقفة صباح اليوم الجمعة


http://www.up-tumaer.net/up//uploads/images/tumaer-81ed48e162.jpg (http://www.up-tumaer.net/up//uploads/images/tumaer-81ed48e162.jpg)

http://www.up-tumaer.net/up//uploads/images/tumaer-6e451af2d0.jpg (http://www.up-tumaer.net/up//uploads/images/tumaer-6e451af2d0.jpg)


وهذه لقطة منقولة فوق البيعة

http://www.up-tumaer.net/up//uploads/images/tumaer-02ff25efb5.jpg (http://www.up-tumaer.net/up//uploads/images/tumaer-02ff25efb5.jpg)


تفضلوا الله يحيكم

http://www.up-tumaer.net/up//uploads/images/tumaer-3daf237a02.jpg (http://www.up-tumaer.net/up//uploads/images/tumaer-3daf237a02.jpg)

[نسيم]

ماشاء الله عليك يامخاوي تمير.
ولاتنسى ان الجح يقضي على الحرقان خوصا الجحة الزينه
http://www.up-tumaer.net/up//uploads/images/tumaer-02ff25efb5.jpg (http://www.up-tumaer.net/up//uploads/images/tumaer-02ff25efb5.jpg)

[مخاوي تمير]

ماشاء الله عليك يامخاوي تمير.
ولاتنسى ان الجح يقضي على الحرقان خوصا الجحة الزينه
http://www.up-tumaer.net/up//uploads/images/tumaer-02ff25efb5.jpg (http://www.up-tumaer.net/up//uploads/images/tumaer-02ff25efb5.jpg)

حياك الله يا العمدة

منور وتطفي العطش مثل هالجحه

بس ما قلت لنا وشلون تختار جحك

[نسيم]

حياك الله يا العمدة


منور وتطفي العطش مثل هالجحه


بس ما قلت لنا وشلون تختار جحك

والله يامخاوي تمير ماعندي فيها خبره،لكن بعض الناس اشوفه الى من بغى يشتري جحه يقعد يجسها ويطققها ويجيها منا ،ويجيها مناك، ثم يقلبها وشماغة على كتفه وطاقيته في قفى راسه،يتلفت يشوف كن فيه احد يناظر فيه ابد اسلوب حرامي.ثم يحاكي عمره يهمهم همهمه كنه يبي يشتري طلي.
وهي جحة بعشرة اريل ،ويجي مكاسر ثم يقول اباخذ 3.كم تخليها به يبي كود يطيح فيها ريال.
والى من جابها للبيت يصيح بصوت يسمعه اهل الجيران ياعيلان جيبوا السكين الجحة الجحة،مشاكل !!!!!!!!!

[الجرح ارحم]

يانسيم منتا مثلهم تقعد تطقق في هالجحه ؟ هقوتي اغلب الناس يسونها
ولا الواحد ااذا قعد يطقق مسوي خبره جح .

[المتحـ2007ـد]

معلومااات قيمه يا مخاوي تمير عن الجح

انا اشوفهم يطقطقونه واطق معهم واخذ اي وحده والحمد لله تطلع زينه

بس مهوب دايم

شكرا لك وعلى طرحك الرااائع

[| صآحي لهم ..~]

معلومآت قيمّه ,
............................. بآركـ اللهـ فيك .:t177:



* بالمنآسبهـ ..على طآري ان الجحه لا بغيت تختآرهآ تطقهآ , إذا طلعت صدى فهي حمراء ... إلخ :1245364091nkyj93576

هذآ واحد وقف عند رجآل جالب جح , ومشى على كل الجح يطقق فيهـ ..
اللي يبيع عصّب منّه وقال لهـ : انت وش عندك تمشي وتطق في ذا الجح .. اشتر ولا خلهآ :blink:

قال اللي بيشتري : ياخي بشوف , بس ماقلت لي هي حمراء ؟ :z68:
قال اللي يبيع : يوم انك تسألني , شآيفني طالعاً من الجحه
ههههههههههههههههههه :t49:

.
أعتقادات مشوآ عليهآ النآس .. وهي خُرآفه :139:

[المارد]

شكرا ًيامخاوي تمير على المعلومات عن الجح اما من نااحيتي في الرياض على السكين يكون المشترى وفي تمير حدث ولا حرج بخت بختك ياابيض ياسود انت وحظك

[اسيل التميمي]

معلومات قيمة

بالنسبة لي اتصل على خضار المفرج واقول تنقلي نقوة واذا كانت خربانة برجعها

هههههههههه كل يوم على هالحال

[أبـوحـمـد]

على قوله الشباب حضك نصيبيك والحمد لله اطيح في جح زين..

بس هالي يطقطقون الجح صدقوني ما عندهم سالفه

بس الي اعرفه اذا صارت تطلع صوت ادر انها متعديه..

والله اعلم...

والحين الجح كله مغشوش والله لا يعافي من يحط معه خميره وتخليه يتفخ غير الكيماوي

انا افضل الجحه الصغيره والي طرافها اسود << هذي ما جاها كيماوي طبيعيه 100%

شكرا مخاوي تمير

[الشقردي]

شهويتنا يامخاوي سعابيلي بدت تقوطر يوم شفت الصور يم يم

والله احم بحسب خبرتي ترا الشيبان عندهم خبرة تطق الجحة اذا طلع صوتها يابس مره فيه ماستوت واذا طلعت صوتها صدى خفيف فهي ان شاء الله زينه ويبين بعد من عذقها كانه مسود ويابس في مستويه

اليوم ان شاء الله ماكلين جحة ماكلين جحة الله لايعوق بشر


شكراً يامخاوي على المعلومات القيمة وجعلنا ناكل جح بالدنيا والاخرة وكل مسلم ومسلمه

[لا تـعـتـذر مـسـمـوح..~~]

ششكرآآآ بلآ مدد ولآعدد ع المعلوومآت القيمه وجزيتِ خيرآآ آخي الكريم ..~

وسسبحآن الله كل هالفوآئد العظيمه بالجح ..~

[توليب2]

الجح حضك نصبيك

الله وربي اشتهيت وحدها

الف شكر لك

[معانق هم]

اهم شي ان ( الجميع يتسابق للبحث عنه في محلات الخضار والفواكه ) http://m5awitumair.com/upload/uploaded/14_01265198843.gif
ما قلت لنا شلون يتسابقون بـ :t67: ولا :tumaer-4d44fd5950: |

http://m5awitumair.com/upload/uploaded/14_01265198843.gifhttp://m5awitumair.com/upload/uploaded/14_01265198843.gif


*******************

ابو عزوز قديم ( الرقي ) http://m5awitumair.com/upload/uploaded/14_01265198843.gif تاكل لك رقيه وتطلع فصفص مادري حب مادري شتسمونه http://m5awitumair.com/upload/uploaded/14_01265198843.gif
الحين في عصير رقي http://m5awitumair.com/upload/uploaded/14_01265198843.gif

ولا تسوي اعلان شكلك شاري رقي ومتوهق فيه تبي الناس تشتريه http://m5awitumair.com/upload/uploaded/14_01265198843.gifhttp://m5awitumair.com/upload/uploaded/14_01265198843.gif