مستشفى تمير يعاني من نقص فنيات التمريض

[المهند]

تمير- خالد البرغش:

يعاني مستشفى تمير من نقص الكوادر الفنية وخصوصاً فنيات التمريض مما تسبب في تذمر كثير من المراجعين بالعيادات الخارجية والتي معها ينتظر المراجع ساعات طويلة ليتم دخوله على الطبيب المختص وخصوصاً إذا كان المراجع من العنصر النسائي، حيث طالب المراجعون وأهالي مدينة تمير والمراكز والهجر التابعة لها، المسؤولين بوزارة الصحة التدخل السريع لإنهاء معاناتهم والقلق الذي يصيبهم عند مراجعتهم للمستشفى.

http://www.al-jazirah.com.sa/2011jaz/apr/26/ln50.htm


شكراً للاعلامي الذي يوصل الرسالة ... ليتحرك المسؤولين ... ويهتموا بما توصله الصحافة ...

أتمنى من الجميع التعليق والمطالبة .. فبلا شك أن الخبر سيصل للمسؤولين في الوزارة ...

[khaloody]

الله يعين ..

[سمو الأمير]

بالفعل الأعلامي خالد أحد ثمرات هذا المنتدى وأحد مؤسسيه ، وصوته يصل للمسؤولين بأقرب الطرق ، وواجبنا التأييد لكل مافيه صالح للبلد ، والمستشفى ربما يكون الجهة الأكثر تجاوبنا من خلال مندوبهم المتعاون ، وبإذن الله سيصل الصوت طالما هُناك منادي

[المبارك التميمي]

عز الله انه صاااااااااادق ..

بيض الله وجهه وماقصر ..

وان شاء الله يصل الصوت لأصحاب القرار ..

وعسى الله يكتب ألي فيه الخير ..

لاهنت يالمهند ..

.
.

.................

[مزيونه في عيونه]

نشكر الاعلامي خالد البرغش على دوره الفعال في ايصال صوت اهالي تمير
ليت امثالك كثيرين كان الديره بخير

[سالم التميمي]

مستشفى تمير ينقصه الكثير ولاكن الكاتب كتب على استيحاء لئنه يعمل في نفس المستشفى كنا نتمنى تقرير مفصل على المستشفى وما يعانيه من اهمال بدل نقص الممرضات

[مزيونه في عيونه]

مستشفى تمير ينقصه الكثير ولاكن الكاتب كتب على استيحاء لئنه يعمل في نفس المستشفى كنا نتمنى تقرير مفصل على المستشفى وما يعانيه من اهمال بدل نقص الممرضات
الحين بدلا ما تجي تقول جزاك الله خير يا خالد البرغش على نشره معاناة اهالي تمير تقول الكلام هذا؟
مدري وش يرضي بعض الناس؟
مهما كانت ملاحظاتنا على المستشفى لكن شكر الاعلامي خالد واجب علينا ونتمنى منه المزيد

[تشلسي]

الصراحه خالد البرغش مجامل للمستشفى اللي يعمل فيه والا المفروض تكون الكتابه عن ماذكر في موضوع ام بلقيس من الاعضاء ومعاناتهم بس أنا اشوف انه يرتقي على أعناق غيره ,,, اذا كان اعلامي عليه انه يوصل صوت المتضررين ومعاناتهم مو ويتكلم عن موضوع ثاني وحنا نطبل له ونقول انت الصوت المسموع ,,,,,,,,,,واللي عنده راي يبديه*

[ابو مشعل]

نشكر الاخ خالد البرغش على مايقوم به
وان شاء الله يتم توفير فنيات تمريض لسد النقص الحاصل بالمستشفى

شكرا اخوي المهند على الموضوع

[داعس على الأبنص]

تبون دم ابشروا هذا اللي اقدر عليه وغيره من وين اجيب لكم ممرضـــــــــــــــــــــــــــــــات

[المسـافر]

الله يعيـنـ

[سالم التميمي]

الحين بدلا ما تجي تقول جزاك الله خير يا خالد البرغش على نشره معاناة اهالي تمير تقول الكلام هذا؟
مدري وش يرضي بعض الناس؟
مهما كانت ملاحظاتنا على المستشفى لكن شكر الاعلامي خالد واجب علينا ونتمنى منه المزيد


جزاه الله الف خير وماقصر ولاكن ما كتب كله سطرين في صفحه ولم ينقل المعناه كامله بل نقص في الكوادر الطبيه وخاصه الممرضات فأسلك بالله هل هذا فقط من ينقص المستشفى خافو الله في ما تقولون ان اكرر الله يجزاه خير بس التتطبيل للاخ خالد واكانه نزل تقرير مكون من 4 صفحات هذا لايقبله عقل ولامنطق المستشفى ينقصه الكثير الكثير فنتمنى ان نرى تقرير مفصل ومدعوم بالصور مع اخذ اراى اهل تمير لكي يصل صوتنا للمسئولين ولبو متعب حفظه الله

[اسيل التميمي]

الله كريم

والله يكتب مافيه الصالح

شكرا لكـ

[Dr.google]

الله يعطيه العافية أخوي خالد ماقصر وبيض الله وجهه

لكن . . . إذا المشكلة في الممرضات فقط فأقترح يجيبون :

- أربع ممرضات في قسم النظافة وتعقيم وتطهير الجلسات والممرات وغرف التنويم .

- ثلاث ممرضات لديهن خبرة في البوية والبلاط وتغيير الأبواب .

- ثلاث ممرضات للملفات ويكون عندهم خبره في الترتيب وعدم تضييع الملفات.

- ممرضة للتنسيق بين الإستقبال والملفات وعدم تسابق الملفات بالواسطة .

- ممرضة لمتابعة الأطباء في وقت العيادات .

- ممرضتين لمتابعة أكل المرضى .

- ثلاث ممرضات أوأكثر ليكون لكل عيادة ممرضة .

- ممرضة ومعها جوال على حساب المستشفى عشان تدق على موظف الأشعة أو المختبر عشان يجي طال عمره.

- كبيرة الممرضات وهي المسئولة عن جميع الممرضات وتقييم عملهن ومتابعته .

وصدقوني لو توفر الوزارة كل هالممرضات راح يضبط المستشفى

[أبو عبد الله 11]

أمورهم زينة بس يبغى لهم تنسيق ومتابعة للممرضات ..
والله يعيين ..

[جواهر]

الله يكتب اللي فيه الخير

[ولد لندن]

حتى الدكاتره فيه تخصصات يحتاجها المستشفى
والبوفيه مدري ليش تقفل كان موفر على الشباب كثير من الوقت

[عزوف]

الله يؤفقك