قصيدة ثوب الدفه للشاعر سعيد الحمالي

[السنافي]

لله ذا الفارع الميّاس بأعطافي = مكمّل الزين والمنطوق والعفه
بالهون مشيه كسل !! مشي إب تغريافي= ويا لف حالي ليامن الهوي لفه
ألحاظ عينه سهوم الموت ياكافي = مانمّص حجاجه ولا فكر يحفه
لبسه يكفه ويستر خصره الهافي= ولو هو تكفكف جماله يفضحه كفه
غضٍ بضيضٍ وحسنه وافيٍ ضافي = على فراقه شربت المر وأسفه
دار المحبين يسفي فوقها السافي = شدوا عربها ولاحدن قد قضى شفه
غصة ... وعبره ... ودمع حار وقّافي = لكن عزمي غلبه وبالغصب كفه
و لولاي أسج القدم مع كل مشرافي = خطرن يجي فالعقل مماجرى خفه
ويا"جو" جيتك وقلبي يرجف إرجافي = صوبك دفعني حنيني والبطا دفه
مدهال كل أبلج مطنوخ وسنافي = ياسعد منهم نهار الكون في صفه
بالحق توفي وكانه دين تستافي = أيدٍ كريمه ودون الشر منضفه
وليل سريته وعيني تنظر خلافي = حيران فكري وقلبي زايدٍ رفه
ماهوبكيفي ولكن وقتنا جافي = شبلٍ تركته عليه الروح منهفه
عينٍ له فراش وعينٍ فوقه لحافي = وبعد الخطا ما نفعني عضة الشفه
شيٍ كتمته وشيٍ يشرحه قافي = وشيٍ إموضح وشيٍ غصبن ألفه
هجرت نومي وغيري مرقده دافي = محروم راسه نسيم الفجر ما هفه
ويالي زهمت أسمعك وأجيك لو حافي = ولامن حضرت أعجبك وأرجّح الكفه
ماقول "عنتر" ولكن دون ميقافي = والعمر دون الخوي للموت بأزفه
ويامخالط الناس لا تبحث عن الخافي = ولا تنشد اللي مشى حفيان عن خفه
راعي الدلال الشقر ما يشرب" الكافي" = ومن لبس "بلان" حرّم ملبس "الدفه"

[الدبلوماسي]

صح لسان الشاعر سعيد الحمالي وبالفعل قصيده رائعه

يعطيك العافيه اخوي السنافي ولقد تعودنا منك النقل الرائع وإن كتبت انت فتلك قصة ً اخرى

[صدوق المخايل]

مدهال كـل أبلـج مطنـوخ وسنافـي...............ياسعد منهم نهار الكـون فـي صفـه
قصيدة رائعة بما تعنيه الكلمه وصح لسان الشاعر/ سعيد الحمالي وهوأحد المسؤلين الكبار في منتدى النداوي
وشكرا لك اخوي السنافي على هذا النقل الرائع والمفروض انك عنونت القصيدة بعنوان افضل من هذا العنوان الذي لايمت للقصيدة بأي صله فهي في الواقع غزلية وماقصرت والله يعطيك العافية.

[رفيع المقام]

قصيده جيده واختيار موفق وودي اقول ان عنوان القصيده هو الذي جذبني لقرأتهاوهذه لعبة طارح الموضوع وليس كما قال صدوق المخايل بالعكس فالعنوان الجذاب يجعل المتصفح أكثر لهفه على قرأة القصيده .مجرد رأي وشكرآ