مرثيه زوجه في زوجها

[تميراوي الرياض]

هذه قصيده مرثيه قالتها زوجة المتوفي حيث كانت معه في حادث انقلاب سيارته ادن الى وفاته وعاشت هي لحضات هذا الموقف المؤثر


صرت اتمنى وصل خالد بلاحلام =
ياليت حلمي ذا تحول حقيقه

حزني دفين كان مقبور لعوام =
واليوم قلبي عاجز مايطيقه

ياموقف عشته مثل بعض الافلام =
شفت الحبيب مغرق الدم ريقه

والموت له مقبل يرفرف بالاعلام =
وعلى الحضن خذته وانا اسمع شهيقه

من روعتي صايحت بالاه والام=
ليته سمع صوتي وكمل طريقه

ليته توانا لي وللايام قدام =
لافديه عمري دون كل الخليقه

حظي من ايام الصغر مابعد قام=
ومن يوم قام وجاه شي يعيقه

صارت فجيعه يوم تحكى بلايام =
واصبح عزى خالد بقلبي حريقه

ضاع الكلام وجف حبري بالاقلام =
وفي داخل قليبي جروح عميقه

يارب تجبرني على الصبر ما دام =
نور القصب قفى وطفى بريقه

من يوم راح وصرت في صف الايتام=
يالله تفرجها بعد كل ضيقه

وترحم حبيب راح في عشر الاصيام =
وعساك من جنات عدن تذيقه

وصلاة ربي عدوطيات الاقدام =
على الذي نفسه للامه رقيقه

[صدوق المخايل]

قصيدة مؤثرة ومبكيه والله يرحم الميت ويبقي الحي والحمدلله الذي لايحمد على مكروه سواه.
ومشكور ياخوي تميراوي الرياض.

[تميراوي الرياض]

هلا اخوي صدوق المخايل وسمعت ان الزوجه تزوجها اخو الزوج المتوفى

[بيت الطين]

تميراوي الرياض صح لسانك الموت مفرق الحبايب

[تميراوي الرياض]

بيت الطين مشكور على مرورك ومشاركتك