قصيدة .. " عديت في رجم تعلا بمرقاه " ..

[المبارك التميمي]

السلام عليكم ورحمة الله وبركاته





يالله أن تحييييكم يالغالين ..

ان شاء الله كلكم بخير وعافية ..

قصيدة راقت لي فنقلتها لكم ..

.
.
.



عديت في رجـم تعـلا بمرقـاه
ودي أهيـض عبرتـي بالونينـا


وابدي من الخاطر علوم مصفـاه
مثايـل مثـل الذهـب للفطينـا


يارد عليها راعي الطيب والجـاه
اللي يميـز هزلهـا والسمينـا


اللي فعوله كنها نـور مشكـاة
يرسي كما ترسي كبار السفينـا


وجدي على جنسه ومثله وشرواه
طبعي أحـب مجالـس الطيبينـا


ولا الردي جعل المنايـا توطـاه
ما ينفرح به نقص دنيـا ودينـا


لو زان منطوقه وزانـت حلايـاه
مثل الحنش لين ونابـه سنينـا


إحذر تجي دربه وتركب مطايـاه
لا بد ما يوقعك وسـط الكمينـا


ياعين ياللي من قديـم مشقـاه
يامـا ويامـا ياعيونـي بكينـا


روفي بقلب يسكن الهم بقصـاه
لاقلت زان الوقـت عيـا يزينـا


من باعنا برخص بالرخص بعناه
ننساه لـو إنـه عزيـز علينـا


ومن بدل السيره وعهده وممشاه
ياقلـب خلـه لا تبيلـه حنينـا


خلـه بدربـه والليالـي تـولاه
تبدي له الأيـام مكـر السنينـا


اللي بدى بالهجر يقطف جنايـاه
وحنا ترانا بالهجـر مـا بدينـا


ياما رفينا زلـة مـن سوايـاه
وياما صبرنا بالغلـط وارتوينـا


للشاعر ناصر السعيد




(( أتمنى أن تنال على إعجابكم ))



.........................

[لا تـعـتـذر مـسـمـوح..~~]

في قمه الرونق والجمآل

تسسلم ع الطرح

[سُلاَفْ القَصِيدْ]

من باعنا برخص بالرخص بعناه
...............ننساه لـو إنـه عزيـز علينـا

آبيآت في الصميم
قصيده جزله صح لسآن شآعرهآ ..
وآختيآر مميز وذوق عآلي ..

[المبارك التميمي]

في قمه الرونق والجمآل

تسسلم ع الطرح

الجمال هنا مرورك ..

الف الف شكر لك ..

ومن قال سالم وغانم ..

لاهنتي ..

.................

[المبارك التميمي]

من باعنا برخص بالرخص بعناه

...............ننساه لـو إنـه عزيـز علينـا

آبيآت في الصميم
قصيده جزله صح لسآن شآعرهآ ..
وآختيآر مميز وذوق عآلي ..



التميز هنا مرورك يالراقية ..

الف شكر لك ..

لاهنتي يالنشمية ..

..............

[الغالي فهد]

تسلم يابن عمي على الابيات ومثل ماقلت اختي الراقيه في الصميم الى الامام لاتحرمنا من هل القصايد الزينه

[المبارك التميمي]

تسلم يابن عمي على الابيات ومثل ماقلت اختي الراقيه في الصميم الى الامام لاتحرمنا من هل القصايد الزينه



من قال سالم وغانم ياولد العم ..

الف الف شكر لك على حضورك الراائع ..

لاهنت يالغالي ..

.
.

..................