محد تجي دنياه دايم على الكيف

[امورة تمير]

هذه قصيدة قراتها واعجبتني وان شاءالله تحوز على رضاكم..... محد تجي دنياه دايم علـى الكيـف
يوم محل واليـوم الاخـر مريفـه
لا تلتفت تكثر عليـك التحاسيـف
مافات منها...مات...خلـه بكيفـه
ترقى بصيتك فوق روس المشاريف
وتمشي معك مثل الهبوب اللطيفـه
اليا اقبلت لمت شتـات المواليـف
واليا ابعدت ينسـى وليـف وليفـه
مادام انـا ويـاك دايـم ملاهيـف
ومتقاسميـن حبـنـا بالنصيـفـه
انا خوي للسهر والسهـر ضيـف
ومن عادتي لا حل ضيف استضيفه
حبك نزل بين الضلوع المهاديـف
الصـدق بيـن والنوايـا شريفـه
مع غيرك انتي ماتطيب السواليـف
ياللي على قلبي .. مزوحك خفيفـه
قصه غلاك تشرف العشق تشريف
سيرة غلا .. بين القلوب النظيفـه
انتي اليا وصفت فوق التواصيـف
ياللي لزينك كـل زينـه وصيفـه
مامرني زينك ولا بالنظـر شيـف
الزين في غيـرك مغطيـه زيفـه
وان قيل به للزين والحسن تعريف
انتي عن اجمل مايوصـف منيفـه
الناس تفـرح بالمرابـع وبالريـف
وقربك لقلبي هو ربيعه وهو ريفـه



الشاعر محمد آل براهيم ( الوافي )

[عزوف]

سيرة غلا .. بين القلوب النظيفـه
انتي اليا وصفت فوق التواصيـف

الله الله ابيات رووعة تسلمين يالغلا

[امورة تمير]

سيرة غلا .. بين القلوب النظيفـه
انتي اليا وصفت فوق التواصيـف

الله الله ابيات رووعة تسلمين يالغلا


مشكوره كلك ذووووق اختي عزوف

[سُلاَفْ القَصِيدْ]

آبيآت روعه
تسلمين على الآنتقآء

[المبارك التميمي]

الله الله ..

عز الله أنه صدق الشاعر ..

صح لسانه واعتلا شانه ..

وتسلم يمناك على الأختيار الراائع ..

الف شكر لك ..

مبدعة دائماً ..

.
.

..............