البعوض في حي المخطط

[ذيب تميم]

بسم الله الرحمن الرحيم

اهلين بالاعضاء

في مشكله عندنا في حي المخطط (حول الشرطه)
البعوووووووووووض

والله العظيم كلنا البعوض اكل والله ما خلانا نستانس مرررررررره

نبي نشوف له حل اوما يرشونه ولا يشيلون الثيل ولا يدورون له صرفه ذبحنا

والمشكله الحارات الثاني اذا رحنا لمهم والله ما فيه باعوض ابد

من رغم ان الحن نستعمل جميع المبيدات الحشريه في البيت لاكن دون جدوا<<<تقول عطرعن البعوض

وشكرا...

[دحوم الخالديه]

ههههههه حتى احنا نبخ المبيد يوم واذا جاء بكرا يرجعن مثل ماكان..
خابر فيه منول اللي يبخون فليت وينهم؟

[نبرة فرح]

البعوض يتمتع ويقهر المبيدات
هههههههههههههههههههههه

[بطوطه]

حتى حنا مااكلنا !!!!
وين السيارات اللي ترش ؟؟؟؟

[|| رحيـــــل ...~]

؛









آلله يعين ,, عند آألنآأس كلهم ..
من جد وين سيآأرة " آلفليت " آللي
كآأنت تمشي بين آلحوآأري آول ..!.-

.

.

http://www.3andna.com/photo/ToP/NiCE/3ANDNA_NICE19.gif

[PRESTIGE]

هذا الموضوع يستآهل من ينزله .. مو مثل المواضيع الثآنية , أستغفر الله بس


,


بصرآحـهـ .. انا من فترة طويلة مرة مرة ,, ما شفت السيارة اللي ترش (( الفليت )) ,



نتمنى إن صوتنآ يوصل لـ آهل البلدية ,

[ريح الندى]

فعلا ذبحنا النامس بها الحاره

ماخلانا نستااااااااااااااااااااااانس

[كنـق تمير]

اي والله النامس ذبحنا

شوفوا حل وين حقين الرش ؟

[زمان الصمت]

للاسف الرش مختفي في تمير

والبعوض منتشر في كل الاحياء

نتمنى من البلدية المسارعة في الرش

لتخفيف المعاناه من البعوض وغيره من الحشرات

[توليب2]

والله ياريت نشوف السيارات مثل منول من جد البعوض ذبحناا

[دحوم الخالديه]

والله ياريت نشوف السيارات مثل منول من جد البعوض ذبحناا
هههه تبون تشوفون السيارات هههه والله عشان تلاحقون ههههع

[dark man]

الله يالدنيا وين سيارات الفليت حقت منول , أذكر كنا نركض وراها حول 17 بزر , كل الحواري اللي حولنا مرينا عليها ورى هالسيارة ...........

شكل بيوت المسؤلين في البلدية مافيها بق , والا كان تشوف سياره الفليت ماتطفي ابد

لناااااااااااا الله

[NET]

حتى البعوض ماخليتوها في حالها
يا اخوان الي عنده مشكلة او ملاحظة تخص البلدية يروح البلدية وش فيكم تستحون منهم
او يسجل ( المندوب ) في المنتدى ويوصل صوتكم للرئيس

[رحال بهدوء]

ليش ما خلناه في حالها
وهم صادقين وين الفليت
ذبحنا الباعوض

[T_N_T]

يا شباب اللي يبي يشوف سيارة الفليت يروح لحوش البلدية ويلقي عليها نظرة بس بشويش عشان ما تزعجون المسؤلين!!!(التصوير ممنوع )

[NET]

تراها حشرة عندكم فليت مايتعدى قيمته 10 ريال

[T_N_T]

تراها حشرة عندكم فليت مايتعدى قيمته 10 ريال



اتعبت من بعدك!!!!!!!!!!!!!!!!!!!!!!!

[سمو الأمير]

حتي لو رشوه بالفليت ... صدقوني مايفيد !
الفليت هذا من أيام الحرب العالمية ماقبل الأولى ، يعني الباعوض يطالب معكم بالفليت لتلطيف الجو ..
الحل طال عمرك شغل المكيف حتى لو كان برد ..
فترة الأنتقال من الشتاء للصيف أو الصيف للشتاء فترة مُتعبة ويكثر فيه الناموس ، ولا تدري وش الوضع أن شغلت المكيف برد وأن طفيته حر
المشكلة الناموس ماعاد يستحي !
أول إذا شافك تتحرك ماتشوف إلا عجته ، الحين كود تبعده بيدك ويطير ومايبعد كنه يقول فيك فيك ..

[ابـو رائد]

حتي لو رشوه بالفليت ... صدقوني مايفيد !
الفليت هذا من أيام الحرب العالمية ماقبل الأولى ، يعني الباعوض يطالب معكم بالفليت لتلطيف الجو ..
الحل طال عمرك شغل المكيف حتى لو كان برد ..
فترة الأنتقال من الشتاء للصيف أو الصيف للشتاء فترة مُتعبة ويكثر فيه الناموس ، ولا تدري وش الوضع أن شغلت المكيف برد وأن طفيته حر
المشكلة الناموس ماعاد يستحي !
أول إذا شافك تتحرك ماتشوف إلا عجته ، الحين كود تبعده بيدك ويطير ومايبعد كنه يقول فيك فيك ..


واذا صمخت النامسه في الجدار بيدك يا هي تتطشر دمامين مغير تشفيط في ها التميراوية :t32:. .

[الحزام الذهبي]

في كل مكان البعوض الحن عندنا ذبحنا في الجنوبي

[أتعبني غلاك]

موب ذبحنا وبس الاموتنا وابلشنا الواحد ما يستانس ابد وين سيارة الفليت

[ابوتركيT]

الْلَّهِ يَكْوَوَنْ فِيْ عُوَونَكُمْ ياااارَبُ

وَيَنْ الجَهِئِهُ الْمَسْئُولِهُ عَنْ الْعَمَلِ

[ذيب تميم]

طيب اخوان ما تتوقعون انه من الثيل

[ابـو رائد]

طيب اخوان ما تتوقعون انه من الثيل



نخليهم يشلون الثيل والا . .

[هلالي قاهرهم]

هههههههه انتم خليتو سياراة الفليت بخير كسرتوها تكسير

[- مُـتـغـطـرسَـهه ™]

هههههههههههههه اوما سيآّرآَت الفليت هآّذي ششي اجي لتممير عشانها الآحقهآ بذآ الشوآَرع ، خخخخخخخ

[&رذاذ الالماس&]

اييييييييييييييه البعوض اخذ مناعه من هالمبيدات واذا جيت تبخ كأنك تبخ معطر جوو >> هههههه

[هدوء الورد]

الناس تطورو يستخدمون طائرات الرش الصغيره
وانواع جديده وقويه من المبيدات
واحنا الناموس صار عنده مناعه من الفليت العاادي
والله صار يدينا مبقعه ههههههههههههه
ولا تنسون ملاحظه مهمه (( الصراصير الصغيره المنتشره بأسياب المستشفى وغرف المرضى ))
متى بيلاقون لها حل ؟؟!!

[رقي]

كل الديره موذيها جت على حارتكم ؟

يبيلنا براميل مبيد بس من حولك

[ابو شادي]

كان الله في عونكم

[المبارك التميمي]

الظاهر ان السيارات يذك الي ترش خربن وخلوهن في محلاتهن ..

منول مايمر شهر شهرين ثلاثة الا وتشوفها تفرفر فالحوااري ..

اما الحين معد لها حس أبد .. ناااااااامت وقام معها البق ..

.
.

.......................

[الأنيق]

النامس مايكثر إلا من الشجر
وحاولو تخففون الشجر إللي عند بيوتكم
ويبي يخف أنشاء الله

[المتحـ2007ـد]

الباعوض منتشر في تمير بشكل كبير وخاصه في الأماكن الرطبه مثل الحدايق والمستنقعات

شطحه عن الموضوع شوي وهي معلومات عن الباعوض


الله ‏سبحانه ‏وتعالى ‏عندما ‏ضرب ‏مثلا بعوضة ، ‏فهو ‏ليبين ‏للناس ‏أن ‏هذا ‏المخلوق ‏الصغير ‏في ‏حجمه عظيم ‏في ‏خلقه.

‏إليكم ‏هذه ‏المعلومات ‏عنها:

1. ‏هي ‏أنثى.

2. ‏لها ‏مائة ‏عين ‏في ‏رأسها.

3. ‏لها ‏في ‏فمها 48 سن.

4. ‏لها ‏ثلاث ‏قلوب ‏في ‏جوفها ‏بكل ‏أقسامها.

5. لها ‏ستة ‏سكاكين ‏في ‏خرطومها ‏ولكل ‏واحدة ‏وظيفتها.

6. لها ‏ثلاث ‏أجنحة ‏في ‏كل ‏طرف.

7. ‏مزودة ‏بجهاز ‏حراري ‏يعمل ‏مثل ‏نظام ‏الأشعة ‏تحت ‏الحمراء ‏وظيفته :يعكس لها ‏لون ‏الجلد ‏البشري ‏في ‏الظلمة ‏إلى ‏لون ‏بنفسجي ‏حتى ‏تراه.

8. ‏مزودة ‏بجهاز ‏تخدير ‏موضعي ‏يساعدها ‏على ‏غرز ‏إبرتها ‏دون أن ‏يحس الإنسان وما ‏يحس ‏به ‏كالقرصة ‏هو ‏نتيجة ‏مص ‏الدم.

9. ‏مزودة ‏بجهاز ‏تحليل ‏دم ‏فهي ‏لا ‏تستسيغ ‏كل ‏الدماء.

10. مزودة ‏بجهاز ‏لتمييع ‏الدم ‏حتى ‏يسري ‏في ‏خرطومها ‏الدقيق جدا.

11. ‏‏ واغرب ما في هذا كله أن العلم الحديث اكتشف أن فوق ظهر البعوضة تعيش حشرة صغيرة جداً لا تُرى إلا بالعين المجهرية؛
وهذا مصداق لقوله تعالى : (إِنَّ اللَّهَ لاَ يَسْتَحْيِي أَن يَضْرِبَ مَثَلاً مَّا بَعُوضَةً فَمَا فَوْقَهَا..)

[رقي]

2. ‏لها ‏مائة ‏عين ‏في ‏رأسها.

قطع بعذرها تنحاش بسرررررررررررعه هي وعيونها هالعصلا

[صمتــي ذبحنــي]

والله من زمان عن سيارات البعووض ليش مآصرنآ نشوفهآ ..!!

[ساري الليل]

السلام عليكم ورحمةالله وبركاته
أخي المتحد هل أنت متأكد من هذى المعلومات التي نقلتها عن البعوض صحيحة
او معلومات غير علمية أذا كانت صحيحة ارجوا أعطائ اسم الكتاب او المرجع
للفائدة فقط
خاصة رقم 3-4-5-6-7- غير صحيحة
وشاكر ومقدر

[ساري الليل]

السلام عليكم ورحمة الله وبركاته
اخي المتحد هل المعلومات التي كتبتها عن البعوض صحيحة
خاصة رقم 3-4-5-6-7
اذا كانت صحيحة عطني اسم المرجع للفائدة فقط
وشاكر ومقدر

[ابومحمد 2009]

سيارات الفليت ماتسوي شي

عند بيتي كل يوم ترش السيارات
واذا جاء من بكرة تلاقي البعوض زايد

وحسب ماسمعت ان المهم نوع المبيد وكميته في السيارات
ولا ترى مافيه فايدة

[الجرح ارحم]

ولا تنسون ملاحظه مهمه (( الصراصير الصغيره المنتشره بأسياب المستشفى وغرف المرضى ))
متى بيلاقون لها حل ؟؟!!

الله كريم ي وخيتي ،:t177:

[شَفـقْ❥]

ايه تكفون دورو حل
كلنا اكل قسسسم ماعاد نرتاح :(
في كل مكان مو بس المخطط

[صالح النومان]

ايــــــــه والله كــــــــــلنا الـــــــــــبعووووض حــــــــــــتى فــــــــــــي الخـــاااالدية

[كاسر الصمت]

كل احياء تمير تشتكي من الباعوض والسبب المزارع التي حولكم

[أبونواف11]

نفس الحالة موجودة عندنا