قصيده بلسان مطلقه للشاعره نهار السهلي

[السنافي]

شوك هالدنيا بعيني حسب ما شفت منها = سامحوني كان شفتوا بها حلو الـورود

كل بنت ٍ مثل حالي وعاندهـا زمنهـا = ذابلة لو شمخت صمت ولاذت للركـود

حيةٍ والناس حولـه تحدحدهـا لكفنهـا = لين مات احساسها بكل شيٍ بالوجـود

وعزفت معزوفة الضيق من ياسٍ سكنها = ونةٍ ما يترجم احساسها عـزٌاف عـود

التقاه المجتمع نار كـره وصـد عنهـا = كنه اللي يفترض مايصير الها وجـود

وكل ما حلمت لها احلام فاجأها وطعنها = رمح جاهل في زمانه وتفكيـر معقـود

هذا رافضها بقـوة وذا اصـلاً دفنهـا = قال هذي مالها بيننـا حـق الصمـود

الله اكبر وزنة من وزنها مـا وزنهـا = وزنته مالت عليها وعباراتـي شهـود

يامابنت رجال رجله جحد غالي ثمنهـا = ماهو ذنبه دام طاحت برجـالٍ جحـود

وياما بنت اعتلت فوق والعليا وطنهـا = ماهو ذنبه دام رجله يهاب من السنـود

وياما بنت كرام بالجود خلاُقـه فتنهـا = ابتلت له في بخيـلٍ رفضهـا لاتجـود

وياماوياما به ظلايم من حسين وحسنها = وياما وياما من المظاليم مثل ريم وعنود