جــزيل نــفس

[عهود]

.
.
.
.
.


.

يا مطول الخطوة عليك الطلب فات=الركب هذا راح يطرد خويه
ما تلحقه لا صارن ايامك اشتات=تشوفه.. بعينك ويصعب مجيه
العمر له مبدى ومنهى وعثرات=وان كان ما ذعذع حياتك شقيه
ان ما كسبت الطايله في البدايات=بالتالية ما للنعم .. قابليه
ما ينفع الرجال ترديد هيهات=كانه برك مثبور بركة مطيه
والحظ شيخه ما يبي حزب واصوات=ليا انتهض يفزع وراعي حميه
اما يشيلك حول سبع السماوات=ولا يلوعك والسجايا رديه
والستر زين وفعلة الطيب بسكات=هي غاية المطلوب من طيب نيه
والشهم يرفع قوم في عد الاموات=اطيبهم اللي ما يمد العطيه
جمل محامل لو تطول المسافات=من دون ربعه مثل هضبة طميه
بلا تجارب ينعرف بالمهمات=واضح ونفسه بالحياة اجوديه
هو رايها لا عودت للمراوات=لا عضت النيبان فوق الشفيه
ولو ان على النشمي معالم وشارات=صارت صفات الناس ماهي خفيه
والآدمي واحد وفــرّقه طبع ذات=وما يفرق الا في مزاج السجيه
والذكر بيِّن ما لزم له دعايات=كنه حساب العيد فطر وضحيه
ترى الكرم هو ميزة الرجل واثبات=لا قالوا ان فلان كفه سخيه
يعطي بليا من نوبات نوبات=يمناه في بذل المكارم قصيه
جزيل نفس وله عن الغير هقـوات=الله يثيبه يوم حشر البريه
والا البخيل .. بخيل مافيه مشهات=مذموم واذكاره مع الناس سيه
كم نفس فيها لا أشهر العلم هومات=لا هي بلا عفنه ولا سرسريه
ودايم قدرها له عليها حكايات=رغم التلدد والحكايا قويه


مختارات عهود

[السنافي]

صح لسان شاعرها وتسلمين ياعهود على الاختيار الجيد ،،( حكم لكن وين اللي يطبقها )



تحياااااااااااتي