فزعتكم يالربع ... ددسن 2008 مسروق .. في حي العزيزية . ( تحديث / تم العثور على السيارة )

[ابوحمد تمير]

السلام عليكم

يوم الاحد فالليل انسرقت سيارة من البيت ددسن 2008 في حي العزيزية في تمير


مواصفات السيارة :

الموتر: دفرنسين

الموديل : 2008

عليه جنووط عررريضة

واللوحه أ ح ن 6364

اللون : أبيض

ولم اجد سوا هذي الصوره

http://www.m6m3.com/u/up_live/m6m3.com13006967441.jpg (http://www.m6m3.com/u/)




من يجدها أو يعرف أي معلومة عنها



ومن يجد السيارة له مكافأه ماليه

حسبي الله ونعم الوكيل


اسال الله العظيم رب العرش العظيم ان يرد الينا ضالتنا عاجلا غير اجل


وان يشل يد ورجل من سرقها يا قوي ذو انتقام

[الشقردي]

الله يرد لك سيارتك وبنتشوف لها ان شاء الله ونحصلها بإذن الله بس اخوي وين موقعك بالضبط بالعزيزية الحي الجديد والا وين عشان ناخذ الحذر

[عبدالعزيز الهزاع]

لاحول ولا قوة الا بالله
الله يردها لك ان شاء الله يا صاحب السياره
وشلت يمين من اعتدى وسرق سيارة اخيه المسلم ان كان في قلبة ذرة ايمان

[عزوز الرياض]

ان شاء الله تلاقيها سليمه

بس تاكد لايكون من ربعك الي مزحهم ثقيل ترى بعض الناس مزحه رزحه والله يكفينا شرهم
صارت معي زي السالفه يوم بغيت ابلغ قال شفها تحت المضله

ناس ما يخافون ويعرفون ربهم
حسبي الله عليهم ونعم الوكيل

[ام منى]

اسال الله العظيم رب العرش العظيم ان يرد اليك ضالتك عاجلا غير اجل ..

[عزوف]

عليك بالدعاء اللهم رب الضالة رد الضالة..

[ابـو رائد]

الله يرد لك موترك . .
دور في احواش صناعيات المجمعة - صناعية الرياض وصناعية طريق الكويت لانهم يقصصون المواتر هناك هذا على كلام واحد من اهل المجمعة . .

[همس الورود]

اللهم اني اسالك رد سيارة اخينا سليمه
يارب يارب ترجع السيارة لصاحبها

اخي عليك بقول حسبنا الله ونعم الوكيل
لانها دعاء سيدنا ابراهيم

والله يرجع سيارتك يارب سليمه

[دحوم الخالديه]

الله يردهاا لك..

[احساس قلم]

الله يــردهـآ لك
والله الــيوم مشيوفه عند متوسطة الملك خــآلد وكـآن يصق باب المدرســه واحد سكران كانه مدري مجنون ويوم
لحقناه انحاش واتصلنا ع الششرطه قالو انه مسروق ولا ادري عنهم لوي داري من قبل والله لا الحقه
وين مايروح

لاكن الله يعيين

الله يرجعها لك ان ششاء الله .

[عزوز الرياض]

وصلتني رسال عبر جوال تمير ان السياره تم العذور عليها

[سمو الأمير]

الحمد لله حصلوها التمارى

كفوووو والله

[ẔṂŊ ĢǍṦě]

يقوولوون تم العثور عليها

[المهند]

الحمدلله الذي رد الضالة لصاحبها ...


شكراً لكل من بحث وسأل عنها ..

[ابـو رائد]

طيب وين لقوها و الا مزحه من ربعه . .

[احساس قلم]

الحمد لله
الحـــمد لله
الحمـــــد لله
الحمـــــــد لله
انه تم العــثور عليها
وارجــاهها لــصاحبها
الله يجــزاه خير من عثر عليها والله يوفقه
ان ششــآْء الله
وانت ياخيي ياصاحب السياره مره ثانيه خلها بالحــوش اامن لك

[الدركسون]

الحمد لله على عثور السياره ...

واحب ارد على اخوي احساس قلم ان السياره مسروقه من جوا البيت ..

[المبارك التميمي]

ماشاء الله تبارك الرحمن ..

الحمد لله والشكر ..

بس وين لقوها فيه ..

ومن ألي سرقها ذا ..

.
.

....................

[عزوز الرياض]

اتوقع والله العالم

بعض الاحيان يمزحون ويصير بدال المزح رزح
والله يستررررررررررررررر

[ابوحمد تمير]

الحمد لله عثرنا على السيارة

وماقصرتو يالتماري على الفزعة الطيبة

وهذا غير مستغرب من ابناء ديرتي

وارد على الي يقول خلها بالحوش

السيارة كانت بوسط البيت حين سرقت وانا اخوك

عسى الله لايريكم مكروة

[اخو منيرة]

كلمك صحيح اخوي احساس قلم اليوم موجود حو المتوسطة

[تميرااااوي]

الحمـدلله عـلـى كــل حــال
والله يــكـفـيـنـا شــرهـــم

[khaloody]

السلام عليكم



يوم الاحد فالليل انسرقت سيارة من البيت ددسن 2008 في حي العزيزية في تمير


مواصفات السيارة :

الموتر: دفرنسين

الموديل : 2008

عليه جنووط عررريضة

واللوحه أ ح ن 6364

اللون : أبيض

ولم اجد سوا هذي الصوره

http://www.m6m3.com/u/up_live/m6m3.com13006967441.jpg (http://www.m6m3.com/u/)




من يجدها أو يعرف أي معلومة عنها



ومن يجد السيارة له مكافأه ماليه

حسبي الله ونعم الوكيل


اسال الله العظيم رب العرش العظيم ان يرد الينا ضالتنا عاجلا غير اجل



وان يشل يد ورجل من سرقها يا قوي ذو انتقام





السلام عليكم !

اخوي إنا هذا الي سرقها جاي عند مدرستنا مدرسة متوسطة الملك خالد بتمير

وعلى كلام الطلاب انه يصقع في باب المدرسه الكبير الغربي ,

ومفحط ع السياره مسوي تخميس في حارة حماد الريس و في الشارع إلي عند مدرسة السعودي ( الزبير ابن العوام )

وهذي المعلومه إلي اعرفها ~
الله يردها لك سلامه

[ابـو رائد]

الحمد لله عثرنا على السيارة

وماقصرتو يالتماري على الفزعة الطيبة

وهذا غير مستغرب من ابناء ديرتي

وارد على الي يقول خلها بالحوش

السيارة كانت بوسط البيت حين سرقت وانا اخوك

عسى الله لايريكم مكروة


اجل خلها في الشارع خخخخ <<< ما فيه لازم ننصحك ..

الحمد لله على رجعتها بالسلامة . .

[دحوم الخالديه]

اوماااا وسط الحوش اح وش هذا اللي سكران بلبن يدخل الحوش ..

[ملك الآحسآس]

اليوم في المتوسط جاء وحسن يصدم الباب

[وردهـ]

اللهم رد الى اخ لي فيك ضالته
عاجلا غير اجل

[وردهـ]

الحمد لله على رجعتها

[أبشر]

تم العثور على السياره وتم القبض على السارق

[ابومحمد 2009]

والله مشكلة
اذا رفعناها في الشنب واذا نزلنا في اللحية
محاكمته مشكلة عند اهله وش ذنبهم
والتنازل برضو مشكلة اخرى

اتمنى الهداية للجميع

[هلالي قاهرهم]

الحمـدلله عـلـى كــل حــال
والله يــكـفـيـنـا شــرهـــم
ههههه حتى والسياره بالحووش ماسلمنا

[عبدالحميد بن ناصر]

الحمدلله تم العثور على السيارة

وبما أن الموضوع قد انتهى فلا فائدة من إبقاءه مفتوحًا ، حيث لوحظ انجراف الموضوع
نحو تأويلات وتكهنات وإسقاطات .. !!

وسياسة المنتدى لا تسمح بأن تكون صفحاتها مرتعًا لهذه التجاوزات .. !!

وعلى الجميع تقبل سياستنا بغلق الموضوع ..

شكرًا للجميع ،،