حنا العرب ...الأمير/خالدالفيصل

[صدوق المخايل]

حنا العرب يــــا مدعين العروبه= وحنا هل التوحيد وانتم له أجنـــاب



وحنـــا شروق المجد وانتم غروبه =وحنا هل التاريخ وأنتم به أغــراب



يوم الفقر شلتوا علينا عيوبـــــه= واليوم عقب النفط جيتوا لنا أنسـاب



ويوم الفقر فينــــا البداوة سبوبه=واليوم صرتوا مثلنــا بدو واعراب



لو الهوى منكم منعتم هبوبـــــه= لا شك رزاق الملا رب الأربــاب



ولو المطر منكم منعتم صبوبـــه= لا شك رزق الخلق من عند وهـاب



جيش الحسد سقتوا علينا حروبــه =كل يبي يزرع على جسمنــا ناب



حرب على المحسن تراهـا عقوبه= بالله عســـاكم ما تفيدون حراب



يا ما عطينــــا ما ندور مثوبه =إلا من اللي من ترجــاه ما خاب



ويا ما نصرنـا صاحب ضيقوا به =عاداتنا نقدم الى مالردى هـــاب



ويامـــا نصانا من تعثر دروبه =يدخل حمانا من تعذرة الأصحـاب



حنـــــا بنينا دارنا من طيوبه =وانتم سلبتوا داركم كل ما طــاب



الله سقانا من بحرنــــا عذوبه =وانهاركم مثل البحر هدر تنسـاب



حنا زرعنا الحب بارض خصوبه= وانتم زرعتوا كره الأجيال بتراب



وحنــا دعينا السلم نوبه ونوبـه= وانتم حمــام السلم بعتوه بغراب



يا من دعا للحرب ما درك خطوبه= لا تحسب أن الحرب تهديد وخطاب



من شب نار الحرب يصلى شبوبه= ومن ثور الفتنة تعرض للأسبـاب



ما يستر الرجــال ملبوس ثوبه =الدين وافعال الكرامــة له ثياب



ما يقبل الرجال بحمـــاه حوبه= مـــا دام له حق (ن)وللحق طلاب

الاميرالشاعر/خالدالفيصل

[السنافي]

صدق والله خالد الفيصل وصح لسانه

صدوق المخايل ليس غريبآ عليك هذا الاختيار فأنت قادر على تقييم القصائد الجزله وذلك نابع من عقليتك الشعريه المميزه والتي لا يختلف عليها اثنان



تحياااااااااااتي

[النادر]

تسلم صدوق المخايل على حسن الاختار والله يعطيك الصحه والعافيه قصيده رائعه لشاعر اروع
تعرف تختار ابو مشهور تحياتي لك نبي مثلها لو يجي قصيد خلف ترى مايخالف
اخوك النادر

[عصي الدمع]

يا من دعا للحرب ما درك خطوبه لا تحسب أن الحرب تهديد وخطاب



من شب نار الحرب يصلى شبوبه ومن ثور الفتنة تعرض للأسباب



ما يستر الرجال ملبوس ثوبه الدين وافعال الكرامة له ثياب


اختيار جميل لشاعر رائع

[الراكد]

صح لسان الشاعر
واشكرك على هذا الانتقاء الجيد والمميز ،،،،،،،،،،،،،،
ونترقب الجديد