لاتخليها مثل شعر الحداثه....قصيدة ولاأروع!!!

[صدوق المخايل]

قصيدة أعجبتني وحبيت ان تكون بين يديكم لتستمتعوا بروعة كلماتها للشاعر ( خالدالهاجري )


اجدب المسلم وصلى الاستغاثه =واجدبت كبدي لوبل دموع عيني

وانت يا طب المهايم ياغلاثه = من غرورك ما تخاف الله فيني

مدنى بالنور يا سر انبعاثه = نور وجهك خير من ظلما سنيني

باني(ن) لك قصر في قلبي واثاثه= لولو الغبه وعاج الرافديني

لو سكن به واحد(ن) غيرك وكاثه = ما لحقنى من خطاك إلا ونيني

الخطا خطاك وحدك واكتراثه = من يديك اللي تهرب من يديني

ادرى ان الحب ما ياتي وراثه = وانت حبك وارثه من والديني

لا تخليها مثل شعر الحداثه = تضرب المسحوب في عرض الهجيني

واحد من اثنين ما فيها ثلاثه = يا تبيني صح وإلا ماتبيني

[نديم الشوق]

صح لسانك اخوووي صدوق المخايل

ذوووق ولا اروع ... اختيارك موفق في هذه القصيده الرائعه


تحياتي لك

[(وارث الطيب)]

لا تخليها مثل شعر الحداثه
تضرب المسحوب في عرض الهجيني

واحد من اثنين ما فيها ثلاثه
يا تبيني صح وإلا ماتبيني


.................................................

صدوق المخايل
صححححححححححححححح لساااااااانك
ودمت ودام بوحك الشجي