يا اما حضورا ً على الساحه يشرفني

[الدبلوماسي]

يا اما حضورا ً على الساحه يشرفني=واصير ما بين ربعي رافعا ً راسي
حتى ليا مر راعي الطيب يعرفني=ويقول يا ناس جانا الدبلوماسي
والا عليها ترى ما الله مكلفني=وش لي بحضورا ً ابعلن عقبه افلاسي
يا المشرف انت تدري وش هواللي مخوفني=اني بشارك ما بين ربعي ومع ناسي
واخاف انا من حضورا ً ما يشرفني=يقتل طموحي ولا يواكب لي احساسي

[توأم الجود]

ماشاء الله عليك والله قصيدة جميله و مميزة ( صح لسانك )

بس تراني اخوي الدبلوماسي لازلت مصر على اللي طلبت منك

اتمنى انت توافقني فيه

تحياتي

[الدبلوماسي]

اشكر مرورك الكريم اخي الحصاد

واللي طلبت كما ذكرت لك سابقا ً ولكن اعدك خيرا ً بأذن الله

[السنافي]

ياالدبلوماسي أمانه ما تحلّفني = قدرك رفيعآ على عيني وعلى راسي

وان قلت لي يالسنافي لا تصرّفني = باقول لك كلمة دارت بهوجاسي

ياليت من حكمتك والله تسلّفني = مثلك وجوده شرف من غير مقياسي

[الدبلوماسي]

لا هنت يا السنافي وردك وسام فخر واعتزاز اعلقه على صدري وجبيني ايضا ً

[السنافي]

حياك الله يالدبلوماسي وهذا من طيبك وكما قلت سابقآ انت وجودك شرف ،،،،،




تحيااااااااااااااااااتي

[عهود]

قصيده جميله يعطيك العافيه الدبلوماسي

شكرا لك

[الدبلوماسي]

اخت عهود اشكرك والاجمل مرورك الكريم

[الدبلوماسي]

اخي السنافي اشكر لك تعديل الخطى المطبعي وهذا ينم عن التركيز والتدقيق في المشاركات وهذا له اثر ايجابي فالخطاء وارد

ولك تحياتي