مطبات الاولين

[ابومحمد 2009]

السلام عليكم ورحمة الله وبركاته

اتمنى ان تكونوا في صحة جيدة اخواني واخواتي
اجازة المدارس الاخيرة كنت بتمير وهذا اخر خبر لي فيها
اليوم وانا جاي للديرة الغالية مشتاق ومغيب البزران عن مدارسهم
والجو كمل فرحتنا بس فرحة ماكملت

تفاجات في احد الحواري بعقم قصدي مطب واااو راحت سيارتي

مع اني ماكنت مسرع بس ماتوقعت مطب نهائيا
انا نشبت في الدركسون وام محمد في القزازة ومحمد تحت المرتبة
والجنط انكسر والعكس طاح والكفر بنشر >>>>> صار حادث مو مطب

حتى اغراضنا في الشنطة احتاست

رجعت المغرب للمطب وحاولت اصوره بس الظلمة سبقتنا
ودي اعرف الهندي اللي مصلح المطبات لان خويي يقول الديرة كلها لغموها بس شي عن شي
هو فعلا يخدم اهالي الحارة بس مو بالشكل هذا
المفروض مطب عصري يعني مطولينه شوي عشان اللي يسرع يهدي غصب
والسيارة ترتاح في تجاوزه
على العموم اسف على الاطالة بس اتمنى تعديل المطبات وبشكل سريع

والسلام عليكم

[جار القمر]

يادافع البلا ..
الحمدلله على السلامة
غديه ماصورة كهرب طايحه وانت مانتبهت !!!
وين ذا المطب فيه لانطيح فيه

[ولد لندن]

الحمد لله على سلامتك

[ملاامح الخجل]

الحمداللة ع سلامتك ماتشوف شر

[احساس قلم]

الحمد لله ع سســلآمتك

سنك ايــأيي شفته حسســبته ضــلآل ماصورة الكهرب باللــيل مادريت الانــي مــاكله
موتــري احس انه شوي وينكسر والحمد لله ذاك اليوم ع موتر اخوي هايلكس ومرفع مــوب بموتــري صغيره لوه كــآن منكٍسسر

[برق تميرية]

فعلاً اخوي ابو محمد :

العزيزيه ملغمه تلغيم بالمطبات وانا مثلك كلته مادريت وتفقعت مساعداتي ..واتمنى من البلديه وضع

المطبات للتهدئه وليست لتكسير السيارات لان التكسير فيك فيك حتى لو تهدي على قولة اخوي ابو محمد (عقم) .
ولكن ان شاء الله يشوفون لها حل في اقرب وقت.

[ابومحمد 2009]

يادافع البلا ..
الحمدلله على السلامة
غديه ماصورة كهرب طايحه وانت مانتبهت !!!
وين ذا المطب فيه لانطيح فيه


يدفع البلا عنا وعنك ان شاءالله
وماصورة الكهرب اهون من مطبهم
دمتي بخير

[ابومحمد 2009]

الحمد لله على سلامتك





الله يسلمك اخوي

[ابومحمد 2009]

الحمداللة ع سلامتك ماتشوف شر


والشر مايشوفك ان شاء الله

[التسعاوي]

والله مشكله هلامطبات...

[ابومحمد 2009]

الحمد لله ع سســلآمتك

سنك ايــأيي شفته حسســبته ضــلآل ماصورة الكهرب باللــيل مادريت الانــي مــاكله
موتــري احس انه شوي وينكسر والحمد لله ذاك اليوم ع موتر اخوي هايلكس ومرفع مــوب بموتــري صغيره لوه كــآن منكٍسسر


الحمدلله وربي رحمك بس ودي تسال اخوك وش تغير في موتره
لاني اتوقع انه صار يحذف شوي
دمت بخير احساس قلم

[وردهـ]

الحمد لله على سلامتكم
تقل مقصوبين على وضع المطبات
الله يستر

[ابومحمد 2009]

فعلاً اخوي ابو محمد :

العزيزيه ملغمه تلغيم بالمطبات وانا مثلك كلته مادريت وتفقعت مساعداتي ..واتمنى من البلديه وضع

المطبات للتهدئه وليست لتكسير السيارات لان التكسير فيك فيك حتى لو تهدي على قولة اخوي ابو محمد (عقم) .
ولكن ان شاء الله يشوفون لها حل في اقرب وقت.


الحمدلله على سلمتك اخوي ابو عزوز
حتى الخالدية فيها مطباااااات رفيعة خاصة الشارع اللي عليه مسجد العيد
يقولون اسرع ولا تحس بها اذا هديت تعدم سيارتك

دمت بخير

[ابو شادي]

الحمد لله على السلامة
بس من ناحية تغيير المطب أنسى بل من المستحيل

[توليب2]

الحمدلله على السسسسسسلامه

[المبارك التميمي]

الحمد لله على السلامة يا أبومحمد ..

والديرة غدت كلها مطبات الحين .. مطباتها أكثر من لوحاتها ^_^ ..

وتكفا يالذيب وينه فيه ذا لانطيح فيه بعد ..

وين موقعه هالعقم .. ؟؟

..................

[M A J E D]

بلدية تمير بفعلتها العشوائية
والمطابات التي وضعتها في ممرات حي العزيزية
تبهج وتفرح اصحاب الورشات
لما سوف تحصل من اعطال في سيارات المواطنين

مطبات تكسر الظهر كيف السيارة وربي اللي حاطها ماعنده احسااس
قبل شوي جاي مع الخط مطبات على غير سنع
وليس لها اي داعي

مواقع ليس لهااهمية
وضعت المطابات من غير دراسة

ونطلب من امارة تمير التدخل العاجل في مايتم وضع من بلدية تمير من اعمال غير مدروسة
كما فعلت في شارع الثلاثين

وربي شي يضيق الصدر

ميزانية البلدية كلها في مطبات هالسنة ومبنى لها ...

نطلب تدخل عاجل من امارة تمير

او نطلب تدخل المحافظ في ذلك

وش ذنب هذا المواطن الذي انكسر مساعدة او الركبة او الاذرعه او اي عطل بالسيارة بسبب المطبات

اتمنى من رئيس بلدية تمير بنفسة الاشراف على هذا
وكذلك اتمنى منه المرور مع الشارع التي تم وضع المطبات الصناعية فيها
ويمر بسيارة صغيرة وليس بجيبه ..


شعار بلديتنا
الزق وامش




اخوكم
ماجد

[لورنس العرب]

البلدية فيه ناس أبلشوها يبون مطابات عند بيوتهم عشان بزرانهم

قالوا نوريك فيهم نبي نخليهم يتحسفون على طلبهم

وبعض الناس ما يحتاج يبلشهم برفعت تلفون حطوا عند بابه مطبين ما لهن أي داعي وياويل من مرهن وهو ما أنتبه

يتضرر الناس لمصلحة شخص واحد

يا أخيي الشارع للسيارات مهوب لبزرانكم يلعبون فيهن

أنا أؤيد وضع مطابات عند تقاطعات خطرة

لكن مطابات عشان عيال الناس بيلعبون في الشارع ما لها أي داعي عيالكم يلعبون في بيتكم

[أبونواف11]

والله مشكلة هالمطبات

[احساس قلم]

الحمدلله وربي رحمك بس ودي تسال اخوك وش تغير في موتره
لاني اتوقع انه صار يحذف شوي
دمت بخير احساس قلم

والله يــقول فيه قرقعــه ومساعدات متفقعه
خسســر عليه يقولــه

..

وزادة المطبات اليوم اكثر من الاولــىآ
يعني المسســآله معــآند هل البــلديه
اليوم وان طــآلـع من اششــوف مطبـآت واجد
اجــل ششلون باكــر

[المهند]

صرنا كل ما طلعنا من البيت نتفاجأ بولادة مطبات جديدة ... حتى أن بعض المطبات وأنت تمشي ما تدري إلا وهو نابت قدامك ...
الله يستر لايجي مطر باكر وتزود المطبات مثل ما نبتت عقب مطرة أمس ...

المطبات شرٌ لابُد منه ...
وبلا شك أنها مطالب أهالي البيوت اللي حولها ... ونسأل الله أن يرزقنا برصيف أو مطبات في مواقف مسجد حارتنا التي أصحبت ساحة مخصصة للتفحيط وتجمع الشباب ..

ما أتمناه في ظل وجود المطالب بوضع المطبات .. أن تقنن وتخطط كي تتضح للعابر في الطريق .. ولكي لا تتعرض سيارته للخطر ...

شكراً تقدم للمسؤلين في البلدية وحدهم من السرعة داخل الحواري .. نحن شعب ما يمشي إلا بالعين الحمرا ..

[ابومحمد 2009]

الحمد لله على سلامتكم
تقل مقصوبين على وضع المطبات
الله يستر

هلا اختي وردة
بالعكس فكرتها ممتازة بس التنفيذ سيئ جدا
وارجو تعديله
منورة بمرورك

[ابومحمد 2009]

الحمد لله على السلامة
بس من ناحية تغيير المطب أنسى بل من المستحيل


هلا اخوي ابو شادي
الامر عادي جدا فقط يشيلون منها شوي وتزين
شكرا لمرورك

[ابومحمد 2009]

الحمد لله على السلامة يا أبومحمد ..

والديرة غدت كلها مطبات الحين .. مطباتها أكثر من لوحاتها ^_^ ..

وتكفا يالذيب وينه فيه ذا لانطيح فيه بعد ..

وين موقعه هالعقم .. ؟؟

..................

هلا اخوي المبارك التميمي
المطبات هذه كثيرة وفي كل مكان خاصة العزيزية
وحول مدرسة البنات في كل شارع مطب
حتى يم جهت الاراضي الخالية مطبات عالية

منور اخوي المبارك

[مثل القمرعالي]

الصراحه فكره المطبات حلوة وتقلل من الحواااادث ..بس اتوقع عملت بشكل عاجل بدون درسات ....يليت يفكرون ان هالمطب يكسر السياره ...يوجد مهندسين مختصين بالشي هذااا واتوقع بتميرلا يوجد مهندسين ..نريد وضع لوحات تنبيه (انتبه امامك مطب)..(ويعملو مطب طويل مناسب لممشى السياره ..لان أكثر السيارات من النوع الصغيرلكي لا تتعرض للصدم من تحت ..ونأمل أن تكون مثل المطبات بالمدن الكبرى المتطوره) لان اللي برا....وليس من اهل الديره ومايعرف شي بيأكل المطب كما أكله ابومحمد2009..والحمدلله على السلامه ..

[ابومحمد 2009]

بلدية تمير بفعلتها العشوائية

والمطابات التي وضعتها في ممرات حي العزيزية
تبهج وتفرح اصحاب الورشات
لما سوف تحصل من اعطال في سيارات المواطنين

مطبات تكسر الظهر كيف السيارة وربي اللي حاطها ماعنده احسااس
قبل شوي جاي مع الخط مطبات على غير سنع
وليس لها اي داعي

مواقع ليس لهااهمية
وضعت المطابات من غير دراسة

ونطلب من امارة تمير التدخل العاجل في مايتم وضع من بلدية تمير من اعمال غير مدروسة
كما فعلت في شارع الثلاثين

وربي شي يضيق الصدر

ميزانية البلدية كلها في مطبات هالسنة ومبنى لها ...

نطلب تدخل عاجل من امارة تمير

او نطلب تدخل المحافظ في ذلك

وش ذنب هذا المواطن الذي انكسر مساعدة او الركبة او الاذرعه او اي عطل بالسيارة بسبب المطبات

اتمنى من رئيس بلدية تمير بنفسة الاشراف على هذا
وكذلك اتمنى منه المرور مع الشارع التي تم وضع المطبات الصناعية فيها
ويمر بسيارة صغيرة وليس بجيبه ..


شعار بلديتنا
الزق وامش




اخوكم
ماجد




هلا اخوي ماجد

المشكلة على قولتك اماكن مالها داعي
وشغل يحوم الكبد
وتصدق عند مدرسة البنات في العزيزية باقي الزفت
كابينه في وسط الطريق
عيني عينك ماعندهم باي احد
على العموم ننتظر التعديل من المسؤل المباشر
ومنور

[ابومحمد 2009]

البلدية فيه ناس أبلشوها يبون مطابات عند بيوتهم عشان بزرانهم

قالوا نوريك فيهم نبي نخليهم يتحسفون على طلبهم

وبعض الناس ما يحتاج يبلشهم برفعت تلفون حطوا عند بابه مطبين ما لهن أي داعي وياويل من مرهن وهو ما أنتبه

يتضرر الناس لمصلحة شخص واحد

يا أخيي الشارع للسيارات مهوب لبزرانكم يلعبون فيهن

أنا أؤيد وضع مطابات عند تقاطعات خطرة

لكن مطابات عشان عيال الناس بيلعبون في الشارع ما لها أي داعي عيالكم يلعبون في بيتكم


هلا اخوي لورانس

يحطون بس بالعقل
والظاهر ان اللي حاطهن ناوي يعدل السيل

منور مرورك

[ابومحمد 2009]

والله مشكلة هالمطبات

مرحبا اخوي ابو نواف

المشكلة الاستمرار في العناد
المفروض تعدل عاجلا

منور اخوي

[ابومحمد 2009]

صرنا كل ما طلعنا من البيت نتفاجأ بولادة مطبات جديدة ... حتى أن بعض المطبات وأنت تمشي ما تدري إلا وهو نابت قدامك ...

الله يستر لايجي مطر باكر وتزود المطبات مثل ما نبتت عقب مطرة أمس ...

المطبات شرٌ لابُد منه ...
وبلا شك أنها مطالب أهالي البيوت اللي حولها ... ونسأل الله أن يرزقنا برصيف أو مطبات في مواقف مسجد حارتنا التي أصحبت ساحة مخصصة للتفحيط وتجمع الشباب ..

ما أتمناه في ظل وجود المطالب بوضع المطبات .. أن تقنن وتخطط كي تتضح للعابر في الطريق .. ولكي لا تتعرض سيارته للخطر ...


شكراً تقدم للمسؤلين في البلدية وحدهم من السرعة داخل الحواري .. نحن شعب ما يمشي إلا بالعين الحمرا ..


اولا هلا اخوي عبدالله

انت مشاء الله عليك سيارتك دفرنسين يعني ماعندك مشكلة
والحن يالله نشوف اللي بعد المطب صرنا في الصياهد
ومسجدكم جاي الدور عليه ويبي يقلون المصلين بسبب المطبات
ومشكور على طلتك الغالية

[ابومحمد 2009]

الصراحه فكره المطبات حلوة وتقلل من الحواااادث ..بس اتوقع عملت بشكل عاجل بدون درسات ....يليت يفكرون ان هالمطب يكسر السياره ...يوجد مهندسين مختصين بالشي هذااا واتوقع بتميرلا يوجد مهندسين ..نريد وضع لوحات تنبيه (انتبه امامك مطب)..(ويعملو مطب طويل مناسب لممشى السياره ..لان أكثر السيارات من النوع الصغيرلكي لا تتعرض للصدم من تحت ..ونأمل أن تكون مثل المطبات بالمدن الكبرى المتطوره) لان اللي برا....وليس من اهل الديره ومايعرف شي بيأكل المطب كما أكله ابومحمد2009..والحمدلله على السلامه ..

الله يسلمك خوي عاشق الليل
هو فعلا سمعنا ان فيه حادث دهس لبنت صغيرة
والحمدلله على سلامتها بس حلو المشكلة بمشكلة اخرى


واويد كلامك الحرف الواحد بخصوص التحذيرات وعسى يسمعون وينفذون

منور بمرورك

[البحار الشبرمي]

السلام عليكم ورحمة الله وبركاته
بصراحة فكرة المطبات فكرة رائعة حتى الأماكن التي وضعت فيها المطبات أماكن في الوتر الحساس
يعني الحمد الله إن شاء الله الناس تتهدي وتخفف من السرعة
أما من ناحية طول المطب وإرتفاعة هنا المشكلة المطب لو يوسع شوي كان أحسن شي
نرجوا من بلدية تمير تعديل المطبات اللي في شارع عمر بن الخطاب
هذيك المطبات هي المفروض أنكم تتكلمون عنها لأنها بصراحة مرتفعة بزود
نتمنى من المسؤؤلين التفكير في مثل هذه الأمور قبل وضعها
والسلام عليكم ورحمة الله وبركاته

[البحار الشبرمي]

البلدية فيه ناس أبلشوها يبون مطابات عند بيوتهم عشان بزرانهم

قالوا نوريك فيهم نبي نخليهم يتحسفون على طلبهم

وبعض الناس ما يحتاج يبلشهم برفعت تلفون حطوا عند بابه مطبين ما لهن أي داعي وياويل من مرهن وهو ما أنتبه

يتضرر الناس لمصلحة شخص واحد

يا أخيي الشارع للسيارات مهوب لبزرانكم يلعبون فيهن

أنا أؤيد وضع مطابات عند تقاطعات خطرة

لكن مطابات عشان عيال الناس بيلعبون في الشارع ما لها أي داعي عيالكم يلعبون في بيتكم
هدي ياخوي يالورنس العرب وشلون ابلشوهم من حقه راعي البيت يطالب بوضع مطب أو إزاله مطب
بعدين فية ناس الله الله يــهــديــهــم يجبرون راعي البيت أو يجبرون البلدية على وضع هذه المطبات ’’’ شارع تمشي فية 100 او 120 او 80
وين حنا فية الشارع العام وهو الشارع العام ماتعدينا 100
بعدين أحمد ربك إن بيتك مهوب على شارع سيدين أما أنك تقول عيال ناس أو عشان بزرانكم نعم إذا كان بيتي عند شارع سيدين فمن حقي إني أخاف على عيالي
ومن حقي إني أطالب بوضع مطبات أمام منزلي
مادودي أطول في الموضوع أنا من المؤيدين في وضع مطبات صناعية عند التقاطاعات الخطرة
والسلام عليكم ورحمة الله وبركاته

[موادع تمير]

يااااااابن الحلال موووووب يحطووونها بهاااا الكبر او ها الكثره
كل شي فيه مطب...
وهم مااااااحطوووه إلا عقب سااااااالفة ......
مهملين بزااااارينهم وتوووووقيفت مواترهم مدري وش تبي ...
الله يستر على كل مسلم ...

[باترولـ1991ـ]

اقول الحمدلله على السلامه يابومحمد
يابلدية تمير وين الواحد اذاشاف المطبات من كثره يحس انه مقبل على نقطة تفتيش
وين حنا فيه اذا بغيته حطه في الخالدية هي ام الازعاج والدوران واطالب البلدية بمطاب عند تموينات حطين باسرع وقت

[قاهر العود]

ههههه
اقعدوووو اقرقوناااا بس
يحطووووونهن في امااااكن خطررره مووب اي مكاااان حلا هووو
وبعدين موووب مطب ذا جبل اعووووذ بالله ...

[لورنس العرب]

هدي ياخوي يالورنس العرب وشلون ابلشوهم من حقه راعي البيت يطالب بوضع مطب أو إزاله مطب
بعدين فية ناس الله الله يــهــديــهــم يجبرون راعي البيت أو يجبرون البلدية على وضع هذه المطبات ’’’ شارع تمشي فية 100 او 120 او 80
وين حنا فية الشارع العام وهو الشارع العام ماتعدينا 100
بعدين أحمد ربك إن بيتك مهوب على شارع سيدين أما أنك تقول عيال ناس أو عشان بزرانكم نعم إذا كان بيتي عند شارع سيدين فمن حقي إني أخاف على عيالي
ومن حقي إني أطالب بوضع مطبات أمام منزلي
مادودي أطول في الموضوع أنا من المؤيدين في وضع مطبات صناعية عند التقاطاعات الخطرة
والسلام عليكم ورحمة الله وبركاته

هلا ومرحبا الشبرمي

شورارع تمير كلها تقريبا سيدين

يعني لو كل واحد طالب بمطب طاوعته البلدية وحطت عند بيته مطب صار الواحد معد يقدر يطلع من بيته

اللي أقصده أن الشوارع للسيارات مهيب ملعب للبزران

وبعدين البلدية تحط المطبات حسب الواسطة

وإلا فيه مطبات كلنا متأكد إنها ما لها سنع بس أنت وواسطتك

وفيه ناس لها سنين وهي تطالب بمطبات ولا أحد درى عنها

لكن الشكوى لله

[البحار الشبرمي]

هلا ومرحبا الشبرمي


شورارع تمير كلها تقريبا سيدين

يعني لو كل واحد طالب بمطب طاوعته البلدية وحطت عند بيته مطب صار الواحد معد يقدر يطلع من بيته

اللي أقصده أن الشوارع للسيارات مهيب ملعب للبزران

وبعدين البلدية تحط المطبات حسب الواسطة

وإلا فيه مطبات كلنا متأكد إنها ما لها سنع بس أنت وواسطتك

وفيه ناس لها سنين وهي تطالب بمطبات ولا أحد درى عنها


لكن الشكوى لله

يعطيك العافية أخوي لورنس العرب على الرد الجميل والاسلوب الحلو
بالفعل كلامك سليم هناك شوارع لاتحتاج إلى مطبات وهناك شوارع تحتاج إلى مطبات
لكن بلدية تمير هي اللي تخرب على نفسها إذا بغت تحط مطب في شارع معين قامت وفزعت العالم وحطت عشرين مطب
أمس كنت في العزيزية ولقيت هناك مطب في وسط حارة هذا مكانه غلط هالمطب
لكن الشكوى على الله والله يعينكم يأهل العزيزية
نتمنى التجاوب من قبل بلدية تمير على الموضوع هذا
............. شكراً ........

[ابو شادي]

للأسف حتى انا طحت بالمطب ما جا الي حاط المطب الإ الدعاء من امي

[3]

اللي حاط المطب واحد حسود وقلبه اسود
اجل هذه مطبات
حتى وانا مهدي امشي 10 حك الموتر الله لايوفق من حطه
هذا اللي عندي

[محترم باخلاقي]

بس وين فيه هالمطب

[دحوم الخالديه]

اوما هالمطبات هههههههههاي والله تقل نقطه تفتيش الله من الصح بس..