) ودعتك الله لو على قلبي اخطيت‎

[تميمية وبزين مبلية]

http://iraqnaa.com/ico/image2/f/hearts010.gifhttp://iraqnaa.com/ico/image2/f/hearts005.gifhttp://iraqnaa.com/ico/image2/f/hearts010.gif

ودعتك الله لو على قلبي اخطيت
وحاربتني من دون ذنب وخطيّه

احسبك تذكرني إذا اصبحت وامسيت
واثرك على فرقاي نفسك هنيّه

الله واكبر كيف عنّي تخلّيت
من بعد ما علقت روحي البريّه

وش غيّرك وش بدّلك ليه صدّيت
وانت الذي بالقلب نبض وهويّه

من هو بقى لي بعدما عنّي اقفيت
وقدمتني للحزن اثمن هديّه

كل شي تخيلته ولا يوم ظنيت
إنك لحد غيري ولانتاب ليّه

ويلك من الله كيف بالحب ضحّيت
قلبك حجر ما حنّ يومٍ عليّه

اللي بنينا بْعمر في يوم هدّيت
واحلامنا ما عاد منها بقيّه

اتعد غلطاتي إذا يوم زليت
من دون مدري .. وين ذيك الحميّه

مافيه معصوم الخطا لو تحريت
ولا فيه كامل غير رب البريّه

ولو ما احبك ما نشدتك ولا اطريت
بعدك وصدك وانتخيتك نخيّه

ترجع لقلبٍ يوم بالعقل حبيت
وتترك هل الأحقاد واهل الوشيّه

خايف عليك وخايفٍ منك ياليت
مايوم حبيتك وصرت الضحيّه

لا نيب حي بعد هجرك ولا ميت
ولا ني مريض ينعرف بالشكيّه

لكني ادرى بحالتي لا ترديت
ولا ينفع الملتاع طبه وكيّه

مالي سوى الي كلما راح ناديت
يا كود يسمعني ويرجع اليه

http://iraqnaa.com/ico/image2/f/hearts010.gifhttp://iraqnaa.com/ico/image2/f/hearts005.gifhttp://iraqnaa.com/ico/image2/f/hearts010.gif

--

[» اِلـَوَفْآءْ بـِنْـتْ]

-

الله , الله
تذوقتي وآمتعتي
كنُ بخييرَ
.
.


(http://www.smooal-7oob.com/vb/images/smilies/8bd4290.gif)

[سُلاَفْ القَصِيدْ]

ابيآت روعه ..وأنتقآء وذوق مميز
عوآفي

[تميمية وبزين مبلية]

يعطيكم العافية على ردودكم الحلوة

[الجرح ارحم]

عآفأكْ ربي .
.وآبيآـت بآلوآقع
مآننحرم من جديدكـٌ

[المبارك التميمي]

خايف عليك وخايفٍ منك ياليت
مايوم حبيتك وصرت الضحيّه


لا نيب حي بعد هجرك ولا ميت
ولا ني مريض ينعرف بالشكيّه


لكني ادرى بحالتي لا ترديت
ولا ينفع الملتاع طبه وكيّه


مالي سوى الي كلما راح ناديت
يا كود يسمعني ويرجع اليه




تسلم يمناك على الأختياار المميز ..

نص وجداني رااائع .. يغلفه الألم ..

الف شكر لك على روعة الأختيار ..

لاهنتي ياتميمية ..

تقبلي مروري وتقديري لك ..

.......................

[تميمية وبزين مبلية]

منوووووورين يالغووووااااالي

[طفولة تمير]

قصيدة رائعه ومحزنه في نفس الوقت ،،مشكوره حبيبتي على طرحك

[قوت القلوب]

رائعة تلك القصيدة
ابدعتي في انتقائك
يعطيك العافية