حـل شـارع الثلاثين

[كلام صريح]

السـلام عليـكم ورحمـة الله وبـركـاته

لاحظت ان اغلب الناس يشتكـون من شـارع الثلاثين ولا وجـد حـل

لاكـن فيـه حل

يليت تخصص البلديـه مكـان في تميـريه ويكون مزفلت وفيه ويحدد بتراب والاي يبي يفحط يروح هناك وبس
ويحط لوحه فيها تحذيرات ان البلديـه والشرطه , مالـه مسئوليـه في اي شي يصير

وشكـرا ,,,,,

[ملاامح الخجل]

هههههههههههههههههههههههههههه والله حركه من جد تسلم اخوي

[the killar]

السؤال ليش الثلاثين بذات

[موادع تمير]

علشااااان اللي يفحطوووون يجون فيه ...ونااااااس وشافو شارع ....
مشكووور اخوي على الحل الرائع ... ههههههه

[نانات]

هههههههههههههههههههههههههههه
اوما عليك فكككره من وين جابتهآ عليك مخخ

[جار القمر]

وش يفك البلدية من الناس ؟!!

[الجرح ارحم]

المشككله دايم تهرجوون ولا يمكم ...

[كلام صريح]

المشككله دايم تهرجوون ولا يمكم ...

جبـتها على الجــرح ,,

[كلام صريح]

وش يفك البلدية من الناس ؟!!


يعني يقـالك ان البلديه منفكه من الناس الحين

[احساس قلم]

واللــــــــه
لــو تحب السسمـآء والـآرض
مــأإ فـيه امــل يسســون الي تقــوله

[المهند]

وعليكم السلام ورحمة الله وبركاته ..

بما انك أخوي كلام صريح قد طلبت مداخلتي .. فإليك هي ..

الحل أن يعرف من قام بالتفحيط أن هناك :

عجوز طاعنة في السن .. قد أعياها التعب والمرض فلم تستطيع التلذذ بنوم إلا قُبيل ثواني من سماعها لصرخة كفرات سيارة مراهق ..
وأن هناك ..
شيخاً كبيرا ... قد قام لصلاة الليل .. فلم يكمل صلاته بسبب صخب شاب .. وتهور آخر ..

الحل أن يعوا عِظم دعوة يقدمونها ويرفعونها ضده .. إلى من قاموا إليه في صلاتهم ..وتوسلوا إليه في دعاءهم ..

أما شارع الثلاثين .. فلا يوجد فيه أي مؤهل لمزاولة التفحيط .. سوى وجود فتيةً تربعوا في زواياه .. ضيعوا أنفسهم قبل أن يضيعهم أباءهم ..!!!

هدى الله شبابنا ... وشيباننا ..!!

[سحاب تمير]

سولفوا سولفوا

[كنـق تمير]

صدقوني فترهـ مراهقة وتعدي

ادعوا لهم بالهداية ويكفي بربرهـ

[M A J E D]

الله يهدي الجميع

اتمنى من كل شااب
قبل عمل اي شي

التفكير من داخل هذا المنزل

رجل مسن
امراة مسنة
رجل او امرة تعبانة

اتمنى منهم التفكير قبل عمل اي شي


والله يهديهم
في الاول والاخير

هذولا كلهم عيال ديرتنا

لحمنا من لحمهم واكيد

مانبي شي يجيهم

بس الشكوى لله ..

[مهند2000]

**

اجل الدعوه بلدية وششرطة .. والله اللي ماشميت الراحة

ياششيخ ردد يالليل ماططولك ,, وكل عارف مصلحتة بـ هالدنيا

التفحيط وش اخره وشارع الثلاثين ماله حـل !! لو تقوم البلدية والشرطة وتقعد ~

الله يهديهم يارب

تقبل مروري

[شاص 2005]

السـلام عليـكم ورحمـة الله وبـركـاته

لاحظت ان اغلب الناس يشتكـون من شـارع الثلاثين ولا وجـد حـل

لاكـن فيـه حل

يليت تخصص البلديـه مكـان في تميـريه ويكون مزفلت وفيه ويحدد بتراب والاي يبي يفحط يروح هناك وبس
ويحط لوحه فيها تحذيرات ان البلديـه والشرطه , مالـه مسئوليـه في اي شي يصير

وشكـرا ,,,,,

اخوي علشان يتفنن في الساحه في تميريه ويطبق في الديره

[جنـgن رجل~]

لو تحط ديرة كامله لهم مو باعدين عن هالشارع هع

[2006]

ههههه حلم بليس بالجنه يحطون سااحه للتفحيط

[دحوم الخالديه]

أي والله صدقت يآ2006

[قاهر القلوب]

يارجال بزران يشتريله ابوه سياره بكره يفحط فيها لم يصدم يقول ابوه واحد يحدني

[أبونواف11]

الحمد الله على نعمة التفكير

هذا مو حل أبداً

الحل هو يضفون الشرطة كل اللي يجلسون على الرصيف في نفس الشارع ويحجزونهم ويستلمهم ابوهم مع الإنذار الخطي بعدم فعل هذا الأمر

[غريب 2005]

الله يهدي شبابنا وشباب المسلمين .....


وياليت كل من رد بالموضوع وتكلم عن اللي يجلسون بالشوارع يضفوون عيالهم وعيال اعماااامهم ..بدون تشكيك بنوايا المستهترين ..وبدون ضجه ولا مواضيع مال امها داعي.....


الموضوع اتوقع دعاابه من صاااحبه.... ولا يوصل ان تقول التفحيط بسبب جلااااس الشوارع ... الظهر يجي تفحيط مابه احد جالس ... المشكله في فئه معينه تقود السياره ... بالعااامي يبي يقاااله زاااحف !!!!


السالفه استعراااااض وهباااال شباب .....

حلها الوحيد هي انذار والديهم وذويهم بأن يفرض غرامه ماليه على من يفحط وانذار بمصاادره السياره مع توقيف يوم او يومين .....

وان الشرطه تكون صارمه في قراراتها ..

.... وبس

[فاشن]

لو تحط ديرة كامله لهم مو باعدين عن هالشارع هع

و انت الصادز :72:
.....
جد جد ما لقيتو لكم حاجه انتم و موضوعكم خلصصتو م ن المطاعم ...
خلهم يطلعوون طاقتهم ويستعرضون

[دحوم الخالديه]

هههههههههههههههآآآي كم موضوع عشان هالشآرع..؟

[سناالغربي]

اشوف اليوم في وقتي عجايب واشوف الناس في حال غريبه
الله يخلف بس تراهم عيالكم ادعولهم بالهدايه ولاتخلون الشرطة مربط الفارس والمسلم لايلدغ من جحره مرتين والله يسترعلى المسلمين

[KiNg]

آقول وشو شارع الثلآثين مشهور ذآآ. ؟؟؟ جديد علي هالاسسسم
تكفى الحين يامخطط الجوهره
كلها شارع طوله 10 امتار وصجيتونا عليه .
والله مو منكم من شرطتكم ماتجي الا إذا جاهم بلاغ..ض1

[مصرقعهـ بقوهـ]

اي هين بس مابزناهم بثلاثين نبزاهم بتربات

[رقي]

هالشارع يخوف مايمديني اقطع الا اربع سيارات جايه حتى وانا عند الخياط شوي ويطب علي فالرصيف

[غرور تمير]

بصراحه مادري شبقول لاني مهما قلت ماراح يفيد هالشي لو التشديد من الشرطه ينفع كان ماصار كل هذي الازعاجات وزي ماقلت ماراح اقول اكثر من الي انقال

[ريح الندى]

ياليت نفتك من هالشمرمذه المتخلفة وخلهم يفحطون لين يطيح الي براسه ونرتاح منهم الله لايكثرهم

[الليث القادم]

كثر الكلام وكثر الإزعاج ولا كن الحل موجود عندكل من:
أب -أم - (الأب ينتبه لأبنائه ) (الأم إبلاغ الوالد بأن الولد ليس بالبيت)

وفكونا من الشرطه وفكو الشرطه من مشاكلكم وواسطاتكم

[المارد]

مشكلة شارع الثلاثين من خمسة وعشرون سنة تجي بتحلها في يوم وليله صعبه شوي

[نانات]

تبون الصدز عـــــــــــــــآد آحسسسسسسسن وأريح لكم تسكرووون الموضوع
وتخلون الشباب ياخذون راحتهم وقل واحد مسسسئول عن نفسسه

[ولد لندن]

الحل في تشديد الرقابه على الابناء وخاصة من امتلك السياره وهو لازال صغير في عمره
ويبحث عن التجمهر وتجمهات الشباب
ومن يطالب بتدخل الشرطه نقول له لا تقرب الشرطه شي فيه شباب انتبهو لعيالكم تسلمون
واللبيب بالأشارة يفهمووووو:t169:

[غلا الدنيا]

خخخ خلهم يفحطون
لوجاهم شي مسؤلين عن انفسهم
واذا على الصجه شغل المكييف ورح في سابع نومه

تراها نقص عليهم والله ولا تمريه ولايحزنون

[أتعبني غلاك]

الي يفحطون يعرفون وش يفحطون على شانه

[معشوق]

لو تجي الشرطى النحاشو :t172:

[كلاش تمير]

خلوهم يوسعون صدورهم في الثلاثين
اذا صار شارعك احس:72:

[عبودي تمير]

اقتراحات مدري من وين تجبونها خله يفتحط

ان صدم حقه وماجاه وان ضر احد محد ساكنت عنه دامه غلطان :/

وشكرآ .... :)

[ابوتركيT]

الله يهدددديهم يارب



///

[¬»طيـوف آنثى●●❥]

بصراحه مادري شبقول لاني مهما قلت ماراح يفيد هالشي لو التشديد من الشرطه ينفع كان ماصار كل هذي الازعاجات وزي ماقلت ماراح اقول اكثر من الي انقال


حتى الشرطه لوبتسوي تشديد ع الي يفحطوون واول ماتمسكهم
ع طول يجي ابوه ولااحد معه واسطه ويطلعه يعني كذا الشباب الي يفحطون راح يتمادون ع الغلط اكثر من مره لان عارفين ان احد وراهم بيطلعهم وبيفزع معهم
لان جد حركة الواسطه مالها داعي يعني لو بيمسكون ولدك ولاحد خلوه يومين ولايوم عندهم لاتطلعونهم علششان يحسسس بالغلط موب اول مايتصل فيه الولد يقول ابوي تعالي طلعني كلها كم دقيقه الا هو طالع يعني ماصارت هاذي
ولااذا الشرطه قامت في واجبها قاموا بعض الاهل يشتكون منهم

ماقول الاالله يهديهم بسسس

[قاهر القلوب]

امسك عيالكم ثم تعال تكلم كذا شرطه ماقصرت معنا

[جعبوط تميراوي]

الله يهدي الجميع

اتمنى من كل شااب
قبل عمل اي شي

التفكير من داخل هذا المنزل

رجل مسن
امراة مسنة
رجل او امرة تعبانة

اتمنى منهم التفكير قبل عمل اي شي


والله يهديهم
في الاول والاخير

هذولا كلهم عيال ديرتنا

لحمنا من لحمهم واكيد

مانبي شي يجيهم

بس الشكوى لله ..
والله انك صادق الله يصلحهم ويهديهم انشاء الله

[كلام صريح]

والله انك صادق الله يصلحهم ويهديهم انشاء الله

انت لاتجي شارع الثلاثين ويهجد..

[جعبوط تميراوي]

انت لاتجي شارع الثلاثين ويهجد..
:t180:هع هع هع:t172:والله ضحكتني:t32:

[عبودي تمير]

جعبوط انت تصدق عاقل ماشاءالله عليك ليت الناس مثلك


هههههههههههههههههههههههههههههههههههههههههههه