رحم الله فيصل بن فهد .. قصيدة

[الوهبي]

بسم الله الرحمن الرحيم
قصيدة أعجبتني ونقلتها لكم


أسعد الله أوقاتكم بكل خير
قد أكون مقلا ومقصرا في مشاركاتي معكم هنا ، ولكنني متابع جيد ، ودائما معكم قلبا وقالبا ، وهذه القصيدة نتيجة تفاعلي مع الأحداث الرياضية الأخيرة وما سبقها. آمل أن تجد القبول لديكم ولدى من يعنيه الأمر.



أحد(ن) برمية فنيلة غادر معاقب ...... وأحد(ن) تعدّى على الشرطي ولا همّه

العسكري والحكم والثالث اللاعب ...... كل(ن) يقول الحذر لا يلحقك سمّه
مادام هذا النظام مشوّه وعايب ...... لا رِحْمِ أبو ذا النظام اللي بلا ذمّة
واللجنة اللي على تصريحه تراقب ...... أما دخوله إلى الملعب على الْيِمّه
هذا ترى الظلم يا اللي تَعْرِفِ الواجب ...... يا اللي ذبحت النظام ولطّخك دمّه
واستأنس مكحّل عيونه وهو ساكب ...... يوم القرارات جته أبرد من الجمّة
قال استريحوا ترى ذا شيكهم زاهب ...... قاعد على قلوبهم والزمّة الزمّة
لا وا حسايف على اللي راح يا صاحب ...... اللي بنى المجد لكن راح ما تمّه
فيصل عسى الله يجيره صالي اللاهب ...... اللي بنى للوطن سمعة وهَيْلُمّه
أنا أشهد إنه فقيدة والله الواهب ...... الله يرحم فقيد رياضة الأمّة
واليوم نبكي على ذكراه ونطالب ...... نقول هاتوا مثيله ترجع الهمّة
هاتوا لنا واحد(ن) يأمر بما ياجَب ...... وخلّوا أسير الهوى يرتاح مع عمّه