قصيدة لشاعر عزام الخريف

[كرستيانو تمير]

يانجمة الليل وين اللي على بالي
اللي ليا ضقت من همي اسامرها

غالي عليّه ولو طال الهجر غالي
واخاف لا عاتبه واحس خاطرها

هي تدري ان الغلا فالقلب لازالي
وادري تبي شوفتي لاشك خابرها

لكن الايام كل يوم ٍ على حالي
لاجمعت فرقت والعين تسهرها

وجدي عليها وجود اللي سرى جالي
بنته قريصه وهو مقفي يناظرها

راح وتركها وحيده فالخلا الخالي
اتلى العهد دمعها يملئ محاجرها

مطلوب دمه ولا له عم ٍ وخالي
ماله سوى البنت ينهاها ويامرها

دارت عليه السنين وجابه الفالي
قام يتنشد عن البنت ويدورها

وراح لمكان ٍ تركها فيه من تالي
عل وعسى واحد ٍ قد مر يذكرها


وشاف النصايب وطاح الدمع همالي
وروحة تقطع ولا حي ٍ يصبرها

بكى على قبرها والحزن به طالي
والصبح قالوا حياته وصلت اخرها

حالي كما حالته ياعزي لحالي
أما بزور القبر 00 وألا يعبرها

لا تحسب اني ولو طال الهجر سالي
عبرات عيني على خدي اكسرها

أيام عمري بدونك مالها والي
والله في غيبتك ماغير اقزرها

وش ينفعك من تعب قلبي وغربالي
أدري نسيت المحبه 00 بس قدرها


لشاعر/عزام الخريف

بتوفيق للجميع

[عزوف]

..صح لسانة وعلاشانة
ومشكور على النقل المميز..
http://www.q4q6.com/vb/images/smilies/fhjnx6z8vgvierb1pbp7.gif

[» اِلـَوَفْآءْ بـِنْـتْ]

،

لكن الايام كل يوم ٍ على حالي
لاجمعت فرقت والعين تسهرها

الله عليه
هذآ هو الشعر , وهذي هي الجزآله , ما أجملَهُ من شآعر,

وش ينفعك من تعب قلبي وغربالي
أدري نسيت المحبه 00 بس قدرها

هنآ الصمتِ بـ حرم الجمال جمآل
ألف شكر لك

|| . . . http://m5awitumair.com/upload/uploaded/17_01293855073.gif

[سُلاَفْ القَصِيدْ]

لا تحسب اني ولو طال الهجر سالي
..............عبرات عيني على خدي اكسرها

أيام عمري بدونك مالها والي
............والله في غيبتك ماغير اقزرها

إنتقاء لا يعلى عليه ،
صح ذوقك .... وصح لسآن شآعرها