مطبات كالجبال في شوارع الخالديه

[عزوبي تمير]

بسم الله الرحمن الرحيم
وضعت بلدية تمير في الايام السابقة مطبات في بعض الحواري(عند منزل السريع ومدرسة الابتدائي و التحفيظ للبنات بالخالدية ) ولكن هذه المطبات بدون تخطيط بحيث ان هذه المطبات لم ترعا فيها شروط السلامه ولا التخطيط الجيد لها حيث اصبحت كا الجبال تحك فيها السيارات الصغار .
املي في الله ثم في رئيس البلديه النظر في هذه المطبات واصلاحها

[الغالي فهد]

اي والله انك صادق الله يعين اللي مانتبه له والله يفك ام الموتر

[ابـو رائد]

في تمير صارت المطبات تتوالد الله يعين بس . .

[الأستاذ]

والله المشكلة ماهي في المطبات المشكلة في اصحاب بعض السيارات اذا مرت السيارة من عندك ماتدري مر سيارة وإلا فشقة خرازه

[دحوم الخالديه]

والله ياعليهم مطبات خخخخ المفروض يحطونها في الثلاثين
والله التفكير..

[| صآحي لهم ..~]

إذا كلت وآحد من ذآ المطبات و انـآ مهدّي لِلآخِر
خُذ لَكْـ آصوآت فِيْ بَـطن المُوتَر وحَكْحَكْة تِقل وآطي حرمله http://www.vb.eqla3.com/images/smilies/grins.gif
بس لَو يحطون نفس اللي فِيْ الثلاثين ..هذيك حلوة اللي بيهدي مايحس بالمطّب , واللي بيجيك طاير ترآهـ بيسبقه آللي حَاطة فِيْ صُندوُق مُوترَهـْ http://www.vb.eqla3.com/images/smilies/biggrin.gif
.
الزبدهـ ياليت لو تغّير ولا يكبّرونهـ ويصبغونهآ ..بيطلع شكلهآ بطـل http://www.vb.eqla3.com/images/smilies/icon120.gifhttp://www.vb.eqla3.com/images/smilies/004.gif

بالتوفيق للجميع http://www.vb.eqla3.com/images/smilies/004.gif
.
.
.

شمّوها ورجعوها http://www.vb.eqla3.com/images/smilies/rose.gif http://www.vb.eqla3.com/images/smilies/060.gif

[ولد لندن]

طيب ليش ما نطالب الشباب المتهور الي يمشي في الحارات بسرعات جنونيه يلتزمون بالسير الهادي؟
لا تلوم راعي البيت يمكن هو من طلب من البلديه يحطون مطبات قدام بيته ماتسوى روعته في واحد من عياله
لو طلع وخمته سياره يسوقها صغير وجاهل

[hawe gxr]

كثرت المطبات والله يكفين شرها

[وردهـ]

الله يعينكم

[بنت الطبيعة]

احسن وياليت في كل شارع حتى نفتك من الشباب المهستر والتفحيط

[المهند]

وضع المطبات شرٌ لابُد منه ...

ووجودها في شوارعنا وفي ظل السرعات المتفاوته التي يزاولها بعض الشباب ضروري ...

ولكن الخلل هو في عدم تلوين المطب كسائر المطبات السابقة ...

ويعيب هذه المطبات أيضاً ارتفاعها أكثر من السابقات ...

أما عن مواقعها فهي مقنعة إلى حدً ما ...

[الوتر الحساس]

المعروف ان المطبات توضع بناء على تقرير لجنة من البلدية والمرور والشرطة وتكون منظمه وليسا عشوائياً كل من جاء للبلدية يبي مطب طارو له ! ليتهم يحرصون على المستنقعات مثل حرصهم على وضع مطب .

[2006]

احسن وياليت في كل شارع حتى نفتك من الشباب المهستر والتفحيط الله ياخذهم ونرتاحمطبات تمير حلوه مافيه الا واحد هو اللي يكسر الظهر والموتر اللي قبل بيت ابو ذيب
احسن شي نقوله عن الشباب المهستر الله يهديهم الى طريق الهدايه يارب ولاينبغي ان ندعي عليهم

[قالب ثلج]

احمدوا ربكم مطبات ولا كاميرة تصورك خخخخخخخخخخخخخخخخخ

[T_N_T]

كما قال المهند المطبات شر لا بد منه
تهور بعض الشباب الذي نراه في الشوارع لا بد من رادع له سواء كان عقابي او احترازي واظن ان العقاب لم يفلح او لم يفعل, لكن وضع المطبات يكون هو الاجداء في هذه الحالة .
اللي يقول كسر موتري يرفق في الشوارع الداخلية ولا جايه الا العافية , لكن (كون انك) مسرع وطحت في المطب اهون من طيحتك في آدمي .

[جوري]

كلمووو البلديه علشان يخططون المطب بلون واضح على شان يوضح في الليل
لانه مووووو وضح

[عزوبي تمير]

اي والله انك صادق الله يعين اللي مانتبه له والله يفك ام الموتر

الله يعين اللي منتبه واللي منتبه لانه يكسر الموتر كسر

[عزوبي تمير]

طيب ليش ما نطالب الشباب المتهور الي يمشي في الحارات بسرعات جنونيه يلتزمون بالسير الهادي؟

لا تلوم راعي البيت يمكن هو من طلب من البلديه يحطون مطبات قدام بيته ماتسوى روعته في واحد من عياله
لو طلع وخمته سياره يسوقها صغير وجاهل


ولد لندن كلنا يتمنى ان يوضع اما م منزله مطبات لحماية ابنائه ولكن نريدها بدراسه وتكون انسيابيه مع مرور السيارة

[عزوبي تمير]

احسن وياليت في كل شارع حتى نفتك من الشباب المهستر والتفحيط الله ياخذهم ونرتاح
نرجو الدعاء لهم بالهداية وليس الدعاء عليهم!!

[عزوبي تمير]

المعروف ان المطبات توضع بناء على تقرير لجنة من البلدية والمرور والشرطة وتكون منظمه وليسا عشوائياً كل من جاء للبلدية يبي مطب طارو له ! ليتهم يحرصون على المستنقعات مثل حرصهم على وضع مطب .



مطباتنا عشوائيه وشف وشلون صايره بدون تخطيط و دراسه حتوها العما ل ومشو ولا عليهم من السيارات

[عزوبي تمير]

كما قال المهند المطبات شر لا بد منه
تهور بعض الشباب الذي نراه في الشوارع لا بد من رادع له سواء كان عقابي او احترازي واظن ان العقاب لم يفلح او لم يفعل, لكن وضع المطبات يكون هو الاجداء في هذه الحالة .
اللي يقول كسر موتري يرفق في الشوارع الداخلية ولا جايه الا العافية , لكن (كون انك) مسرع وطحت في المطب اهون من طيحتك في آدمي .

كلامك عين العقل المطب ولا الادمي ولاكن اذا كان المطب يلعب في بطن الموتر ما تسمع الا الاصوات وياليت تمر معه ومعك صغيره وتكون محملها تشوف

[عزوبي تمير]

كلمووو البلديه علشان يخططون المطب بلون واضح على شان يوضح في الليل
لانه مووووو وضح

ما نبيهم يخططونه نبيهم يعدلونه ويحطونه مطبان زي الناس مهب مطبات مرتفعه عن المعقول

[جنـgن رجل~]

كلتها هالمطب الين قصرت مو واضحه المفروض يخططونهن
وشاكر لك على الموضوع ؛

[بنت الطبيعة]

نرجو الدعاء لهم بالهداية وليس الدعاء عليهم!!


دعينا بالهدايه ولكن يفحطون تفحيط اوذونا ودايم عجزنا يقولون ليته ينقلب عشان يعرف الله لكن ماهمه شئ والسيارة جايته على البارده من ابوه الي يدربي الراس مايدري انه شراء له سياره ويوذي خلق الله والناس تدعي عليهم في قبره ارحم من تفحيطه وتخويف عيالنا الصغار

[مثل القمرعالي]

المطبات جيده بس يليت يكون به لوحه انتبه امامك مطب ...لان لوامشي عشره عشرين .
وانا ماشفت المطب بأكله وبيحك الموتر خصوصاا إذا كان من نوع صغيره .
وأنا من الناس اللي يؤيدون وضع مطبات ..بس بوضع لوحات واتباع الانظمه..

[المكتب الخاص]

يابن الحلال تراهن الحدود مع اليمن الشقيق بس بالغلط جت العقوم هنا (((( الله يعينا واياكم على هالسدود

[رقي]

صحيح انا شفتها زي الطعوس ياليت يرشونها اصفر عشان تبين

[عزوبي تمير]

نتمنى من المسئولين معالجة المطبات في اقرب وقت

[جار القمر]

مطبات ولا تهور هالشباب !!
والله الواحد صار يخاف على اولادة وسيارته حتى يخاف على نفسه من هالمطفوقين ؟؟
مدري ليش يسرعون كل هالسرعة ؟!
بس مثل ماقلت المفروض البلدية عرضوها شوي وخططوها علشان الواحد يشوفها من بعيد
شكرا

[sarab88]

والله المطبات زينه بس المشكله يبيلها تخطيط عشان تنتبه وزي ماقال اخوي الأستاذ معاد هوب موتر صار فشقه اعوذ بالله والله خطر وتقبلوووووووا مرووري

[عاشق ديرتي]

فكرة المطبات رائعه جداً
لكن الخطأ في عدم وضع
لوحات ارشاديه او بالمعنى الاخر
التمهل فقط ، والا هي بصراحه
شي شي شي ، ياناس تمر من عند
بيتنا كأنكـ في السريع

[غريب 2005]

اما هالمطبين ابداااع من البلديه !!!!

مابقى الا نروح البلديه وأستاذ أستاذ ابي واحد مطب عند بيتنا!!!


شي غريب جبال في جبال ... مطناج الابرق اطلق منه .. خخ مهستررره الشركه اللي حاطتها

المطب مايقل عرضه عن متر ونص هذا طوله متر ونص !!!