بريبره
10 / 06 / 2005, 40 : 02 PM
ابن رشيـــد وساجر الرفدي
--------------------------------------------------------------------------------
ساجر الرفدي من فرسان عنزه فارس لايشق له غبار
ومن اشجع اهل نجد وقبل يقولون كان مدعاه
يامن الواحد ابغض له عرب قال ياعلكم بساجر
عاش بداية حياته "بالشملي" قريه من قرايا حايل
ولكنه جلى الى الشمال وترك حايل.
فالسبب ورى رحيله
ان المعروف عن ساجر ان اكثر مغازيه كانت على مطير
ولكن بتالي وقته انقرد وقام يناحي الرشيد ويتحدى الامير/عبيد الرشيد
من ضمن ماقال يتحدى عبيد
طلال قل لعبيـد بينـك وبينـهشلون يامن والعمارات عمـار
شلون تقبل لـذة النـوم عينـهووراه ربع مايهابون الاخطـار
من باب بغداد اليا باب المدينـهيلقى بني وايل على الكود صبار
وصلت القصيده لعبيد وحطه بقلبه
مرت الايام وصادف ان شمر كله غزت مع عبيد ولابقي بحايل
الا ربوع قليله
وهو يغزي عليهم ساجر وياخذ حلال شمر ويقفي به
يوم رجع عبيد قال:وانا اخو نوره وين حلال شمر
قالوا: اقفى به ساجر
قال عبيد:جيبو لي اخبار ساجر وينهو نازل
قالوا اللي عنده: يذكرونه نازلن على "ذباذب"
قال:وينهي ذباذب هذي
قالوا:بالشمال
قال عبيد:يالله ياشمر ترونا غزو
ويركبون يوم وصلوا ذباذب ويلقون به اكالصلبي مع غنمه
قال عبيد:وينهو ساجر
قال الصلبي:رحل له ستة ايام
الوكاد ويعلمهم الصلبي بوجهة ساجر
ويلحقونه شمر دون العراق وتصير بينهم معركه وينكسر به ساجر وينحاش
ويستردون شمر حلالهم وياخذون حلال عنزه وبيت ساجر
ويركب عبيد
قالوا شمر :وين يامير
قال عبيد:نبي نلاحق ساجر
قالوا المشيره اللي عنده: يامير حلال شمر ورديناه وحلالهم وخذيناه وبيت ساجر قطعناه
وش بقي
قال عبيد:وانا اخو نوره الا اخلي ساجر يعيف المغازي
ويركب عبيد على ضهر كروش ويطارد ساجر ياما خلاه ياصل العراق
ومن العراق انحاش ساجر وركب "الريل" اللي هو القطار وانحاش لسوريا
وخذا فتره بسوريا وبعدين رجع وسكن بعرعر
من ضمن ماقاله عقب هالاحداث:
الله مـن عيـن تزايـد حزنهـاوالقلب من صكات الايام مسمور
من شوفتي داري تغيـر وطنهـامن عقب ماني داله القلب مسرور
دنولي الحمـرا ومـدوا رسنهـاوهاتوا ذلولي وانسفوا فوقها الكور
ياما حلا المسلاف باول ضعنهـامستجنبين الخيل يبرا لهن خـور
يومن انها نجد وانامـن سكنهـاواليوم مايسكن بها كـل ممـرور
شامت "لاخو نوره" واناشمت عنهااللي يصبح به على فجـة النـور
وانا احمد اللي فكني من شطنهـاومكيف مابين عرعر وابا القـور
ارجو ان تحوز على اعجابكم
منقول
--------------------------------------------------------------------------------
ساجر الرفدي من فرسان عنزه فارس لايشق له غبار
ومن اشجع اهل نجد وقبل يقولون كان مدعاه
يامن الواحد ابغض له عرب قال ياعلكم بساجر
عاش بداية حياته "بالشملي" قريه من قرايا حايل
ولكنه جلى الى الشمال وترك حايل.
فالسبب ورى رحيله
ان المعروف عن ساجر ان اكثر مغازيه كانت على مطير
ولكن بتالي وقته انقرد وقام يناحي الرشيد ويتحدى الامير/عبيد الرشيد
من ضمن ماقال يتحدى عبيد
طلال قل لعبيـد بينـك وبينـهشلون يامن والعمارات عمـار
شلون تقبل لـذة النـوم عينـهووراه ربع مايهابون الاخطـار
من باب بغداد اليا باب المدينـهيلقى بني وايل على الكود صبار
وصلت القصيده لعبيد وحطه بقلبه
مرت الايام وصادف ان شمر كله غزت مع عبيد ولابقي بحايل
الا ربوع قليله
وهو يغزي عليهم ساجر وياخذ حلال شمر ويقفي به
يوم رجع عبيد قال:وانا اخو نوره وين حلال شمر
قالوا: اقفى به ساجر
قال عبيد:جيبو لي اخبار ساجر وينهو نازل
قالوا اللي عنده: يذكرونه نازلن على "ذباذب"
قال:وينهي ذباذب هذي
قالوا:بالشمال
قال عبيد:يالله ياشمر ترونا غزو
ويركبون يوم وصلوا ذباذب ويلقون به اكالصلبي مع غنمه
قال عبيد:وينهو ساجر
قال الصلبي:رحل له ستة ايام
الوكاد ويعلمهم الصلبي بوجهة ساجر
ويلحقونه شمر دون العراق وتصير بينهم معركه وينكسر به ساجر وينحاش
ويستردون شمر حلالهم وياخذون حلال عنزه وبيت ساجر
ويركب عبيد
قالوا شمر :وين يامير
قال عبيد:نبي نلاحق ساجر
قالوا المشيره اللي عنده: يامير حلال شمر ورديناه وحلالهم وخذيناه وبيت ساجر قطعناه
وش بقي
قال عبيد:وانا اخو نوره الا اخلي ساجر يعيف المغازي
ويركب عبيد على ضهر كروش ويطارد ساجر ياما خلاه ياصل العراق
ومن العراق انحاش ساجر وركب "الريل" اللي هو القطار وانحاش لسوريا
وخذا فتره بسوريا وبعدين رجع وسكن بعرعر
من ضمن ماقاله عقب هالاحداث:
الله مـن عيـن تزايـد حزنهـاوالقلب من صكات الايام مسمور
من شوفتي داري تغيـر وطنهـامن عقب ماني داله القلب مسرور
دنولي الحمـرا ومـدوا رسنهـاوهاتوا ذلولي وانسفوا فوقها الكور
ياما حلا المسلاف باول ضعنهـامستجنبين الخيل يبرا لهن خـور
يومن انها نجد وانامـن سكنهـاواليوم مايسكن بها كـل ممـرور
شامت "لاخو نوره" واناشمت عنهااللي يصبح به على فجـة النـور
وانا احمد اللي فكني من شطنهـاومكيف مابين عرعر وابا القـور
ارجو ان تحوز على اعجابكم
منقول