التموينات والهيئه

[كلام صريح]

http://3yoonh.jeeran.com/fwasel/3ebarat/29.gif (http://3yoonh.jeeran.com/fwasel/3ebarat/29.gif)
http://3yoonh.jeeran.com/fwasel/16.gif (http://3yoonh.jeeran.com/fwasel/16.gif)

السلام عليكم ورحمة الله وبركاته
------


كيفك يااعضاءمنتدى تمير اليوم حبيت اطرح استفسار

الحظ التموينات ترفض التوصيل للبيوت واذ سئلت قال ممنوع

من الساعه 9 صباحا الى 12 ظهر مسموح والحظ ان العربيه والعبيد
وكذاء محل يوصلون اليل واسئل يقول الاي معه سياره عادي يوصل اي وقت
مع ان في اشخاص يحتجون التوصيل صباحا وليل

وش الفرق اذ كان معه دباب او سيارة نفس الشى

واغلب التموينات يقلون ان الهيئه معرضه هذاء الشي تقول شيل دباب وغرامه

يليت القاء جواب على الاستفسار

---------------------------


ولكم خالص حبي وتقدير

[الاكوادور]

واغلب التموينات يقلون ان الهيئه معرضه هذاء الشي



صدقت اخوووي والله في هالكلام

والله اهلي كرهوووو تمير بسبب ما في توصيل للبيوت

ابي اقول حاجه لااهل البيوت !! الخربان في هالدنيا راح يكووون خربان ولو اردوووو ان تكون تمير صالحه

نبي سبب مقنع

[ابومحمد3000]

الشكوى لغير الله مذلة طاعك الزمن ولا اطع الهيئة

[كلام صريح]

صدقت اخوووي والله في هالكلام

والله اهلي كرهوووو تمير بسبب ما في توصيل للبيوت

ابي اقول حاجه لااهل البيوت !! الخربان في هالدنيا راح يكووون خربان ولو اردوووو ان تكون تمير صالحه

نبي سبب مقنع




المشكله في نظرهم التموينات الاي عندهم سيارات يصرون عقلين والاي معهم دباب فاسدين


مشكور على مرورك..

[كلام صريح]

الشكوى لغير الله مذلة طاعك الزمن ولا اطع الهيئة


مشكور على كلامك الصريح ..

[جن جنونه]

يااازين الهيئه والله يخليهم لناا

[كلام صريح]

يااازين الهيئه والله يخليهم لناا


انت فاهم قصدي انا ماقلت مانبى هيئه نبي يشوفون السالفه ويليت تقراء زين الموضوع وخل عنك شغل انك تبي تشبه بينا وبين الهيئه


لك مودتي واحترمي

[ميدوالمنتدى]

الشكوى لغير الله مذلة طاعك الزمن ولا اطع الهيئة

[كلام صريح]

الشكوى لغير الله مذلة طاعك الزمن ولا اطع الهيئة


مشكور ع النسخ ترى حقوق الطبع محفوظه ^^


منور الموضوع

[كنـق تمير]

اقول إذا الهيئة ماتبي العامل يوصل طلبات الله لايهينكم يكلفون احد يوصل لبعض العجايز اللي ماعندهم لاولد ولاتلد بالبيت

اللي معتمدين على الله ثم على هالعامل يوصل لهم

[كلام صريح]

اقول إذا الهيئة ماتبي العامل يوصل طلبات الله لايهينكم يكلفون احد يوصل لبعض العجايز اللي ماعندهم لاولد ولاتلد بالبيت

اللي معتمدين على الله ثم على هالعامل يوصل لهم






والله من جد المشكله ليش الاي معه دباب مايوصل والاي معه سياره يوصل

مشكور اخوي كنق تمير على المرور

[الوفاء رجال]

الهيئه سوت الي فيه خير والي فيه درء للفتنه وسد لثغراتها

وفيه مشاكل كثيره حاصله بسبب التوصيل قد يجهلها أغلبكم

ولو عرفها لشكر الهيئه على قرارها هذاا

والسيارات للبقالات الكبار والمعروفه

ولان السياره تكون واضحه عند الباب وصعب وقوفها

بعكس الدباب يوقفه تحت الشجره ولايدخله البيت ولامن شاف ولامن دري

ومشكور على الموضوع

[كلام صريح]

الهيئه سوت الي فيه خير والي فيه درء للفتنه وسد لثغراتها

وفيه مشاكل كثيره حاصله بسبب التوصيل قد يجهلها أغلبكم

ولو عرفها لشكر الهيئه على قرارها هذاا

والسيارات للبقالات الكبار والمعروفه

ولان السياره تكون واضحه عند الباب وصعب وقوفها

بعكس الدباب يوقفه تحت الشجره ولايدخله البيت ولامن شاف ولامن دري

ومشكور على الموضوع




طيب يمكن البقاله يجي الساعه 11 ليل يوقف السياره في اي مكان ثم يدخل ويطلع ولامن دراء مااتوقع هذاء سبب كافي ومااتوقع ان الاي بيصير معه سياره مهب شرط بيكون خايف الله ويمكن راعي الدباب خايف الله طيب لو البقاله جاء للبيت وطلع له رجال او ولد فيهاء شي ؟؟؟؟؟؟؟؟؟؟؟؟؟؟؟

[الوفاء رجال]

الي اعرفه ان التوصيل ممنوع من 9 الليل لكل البقالات سيارات ولا دبابات

توي ادري من كلامك ان السيارات توصل بعد هالوقت


المفروض يمنع من 9 الليل لكل شي

وشكرا على الموضوع

[كلام صريح]

الي اعرفه ان التوصيل ممنوع من 9 الليل لكل البقالات سيارات ولا دبابات

توي ادري من كلامك ان السيارات توصل بعد هالوقت


المفروض يمنع من 9 الليل لكل شي

وشكرا على الموضوع

الدبابات ممنوع ليل نهار فجر ممنوع مرره بس سيارة مسموح

العفوا شكر على المرور

[الشقردي]

ثق ثقة تامة أن

الهيئة ماتسوي شي الا لتستر على الملسمين يعني مب لازم يقولون المشكلة الهدف هو البعد عن المفاسد وبعدين شارع الثلاثين صار شبهه بيني وبينك كله دوران وبزارين ويسمونة شارع التحلية ماعلينا من ذا الكلام

المهم

ان الواحد يثق ثقة تامة الهيئة ماسوت شي الا للبعد عن المشاكل والمفاسد وبعدين فعل السبب مطلوب ابليس مامات الله يكفينا شرة

والمفروض بعد كل البقالات ماتوصل بعد الساعة 9 ليلا ً مافيه توصيل قضينا

الله يعطيك العافية اخوي على طرح مشاكلنا للديرتنا الغالية ايها الاخ الغالي

حفظك الله من كل سوء ومكروة

أخوك الشقردي

[جوري]

اخوووي موضوعك الصراحه يبغله حل فسرع وقت

[شواق]

القرار طبق في الرياض من فتره وهو منع البقالات من التوصيل في فتره النهار بسبب ( العالم في دواماتها ولا في البيت الا الشغالات والشوارع مدهره بالدبابات ) بعكس الفتره المسائيه لهذا سمحوا بالتوصيل من بعد العصر ..

اما منعه في تمير فاعتقد الهيئه بارك الله في جهودها مجتهده .. وان كانت البقالات اللي عندها سيارات تخدم وتغطي كل البيوت دون استثناء فما فيه باس لو استمر منعهم دامهم قاضين اللزوم .. اما ان كانت لاتوصل لجميع البيوت فياليت يعاد النظر بهذا القرار .. فمن المؤكد انه فيه عجايز وبيوت والدهم غير متواجد او كبير بالسن ويضطرون للاتصال بالبقاله لتوصيل لوازمهم

[عاشق ديرتي]

وياما تحت السواهي دواهي -وياما خلف المراعي ذياب

[المحقق كونان]

اخوي الدباب سهل تخفيه داخل البيت ولا احد يدري عنه اما السياره صعب انك تخفيها في البيت هذا السبب الوحيد الي خل الهيئه تمنع الشي هذا علشان كذا منعو الدباب يوصل سوا ليل او نهار

[سمو الأمير]

ياجماعة أنتم متأكدين أن القرار هذا جاء من الهيئة ولنفترض أن القرار جاء من الهيئة
هل للهيئة صلاحيات التنفيذ
أنا أكبر مؤيد لقرارات الهيئة لكن هذا القرار بصراحة لايخدم أهلنا وخصوصاً "العجايز"
أنا أشوف حل جميل وجدري
يوضع في الباب شباك مثل المصريين وتؤخذ الاقراض منه وبس بدال مايهج الباب كله لأنه لو فتح الباب صدقوني الهندي يدخل هو و دبابه ماترده الحريم ،،

[عزوز الرياض]

الحمد الله لك يارب
الله لا يحدنا لهم
وبعدين اذا قال الهيئه منعتنا من التوصيل
ضنك الهيئه حاقده على الحي
لاوالله انهم يبون الخير
والهيئه تدري وش وراهم العمال حقين التوصيل
والبيت الي فيه ريح الله فوقه يشوفه ويحاسبه

[مثل القمرعالي]

السلام عليكم ..اخي افيدك حسب معلوماتي انا توصيل الطلبات بالدباب ممنوع ...حسب معلوماتي وانا هذا من الشرطه وليس الهيئه ..وتم اصدار تعاميم للبلديات بمنع التوصيل بالدباب ..ويوجد تعهد خاص باصحاب التموينات..والمطاعم ايضاا
ومن ضمن التعهد التوصيل ....
--هوان يكون سياره خاصه للمحل وعليها ختم باسم المحل ..
--وأن يكون العامل الذي يقوم بالتوصيل الطلبات كفيله صاحب المحل...وان كان يعمل وهوعلى غير كفاله صاحب التموينات فهو مخالف..


وارجو ان اكووووون افدتكم ..وشكرااااااااا

[تميرااااوي]

انا مع قرار المنع لأنه بصراحة الدبابات تسبب خطر على البيوت في الصباح

[البحار الشبرمي]

السلام عليكم ورحمة الله وبركاته أما بعد
http://www.aleqt.com/a/263694_51309.jpg
توصيل الطلبات في الصباح.. خطر متنقل خلف أعين الرقابة
رغم قرار اللجنة المشكلة من إمارة منطقة الرياض وأمانتها والغرفة التجارية والشرطة والمرور في توصياتها بشأن تنظيم خدمة توصيل الطلبات، باقتصار توصيل الطلبات من التموينات التجارية والمطاعم خلال الفترة الواقعة بين صلاة الظهر والساعة 12 من منتصف الليل فقط, مع التزام المنشأة التي تقوم بالتوصيل بإيضاح الوسيلة المستخدمة في التوصيل سواء كانت سيارة أو دراجة نارية، حيث تشمل البيانات اسم المنشأة، وعنوانها ورقماً خاصاً بوسيلة النقل، وأن يرتدي جميع العاملين في خدمة توصيل الطلبات للمنازل زياً موحداً عبارة عن معطف لونه أحمر، يكتب عليه من الخلف اسم المنشأة التجارية وتحتها يكتب (خدمة توصيل الطلبات للمنازل).
إلا أن طلبات التوصيل التي ترد إلى محال التموينات الغذائية وبعض المطاعم الصغيرة دفعت بأصحاب تلك المحال إلى مخالفة الأنظمة والقوانين، وتسيير خطوط توصيل الطلبات في الصباح الباكر مستغلين ضعف الرقابة عليهم من قبل اللجنة المشكلة. ولم يكتف أولئك بتلك المخالفة فحسب، بل إنهم لم يلتزموا بأي من الشروط والقوانين الأخرى مثل ارتداء الزي الموحد والاشتراطات الصحية التي حددتها وزارة الشؤون البلدية والقروية، وتحديد هوية العامل المكلف بتوصيل الطلبات، رغم تأكيد الغرفة التجارية الصناعية في الرياض على جميع مشتركيها بأهمية تطبيق قرار تنظيم خدمة توصيل الطلبات.
وأبدى الكثير من المستهلكين تذمرهم من استمرار توصيل محال التموينات الغذائية خاصة لطلباتهم طوال فترة عملهم، مشيرين إلى أن ضعف الرقابة عليهم أسهم في ذلك.
وأوضح وليد الحلوان الذي يسكن في حي الريان أنه فوجئ ذات يوم بأحد عمال التوصيل يطرق باب منزله في الصباح الباكر وهو يحمل عددا من الأكياس تحتوي على طلبات الزبائن، حيث تبين له بعد سؤاله أنه أخطأ في عنوان المنزل. وبسؤاله عن سبب توصيله في هذا الوقت رغم صدور قرار المنع، أفاد العامل الوافد أنه لم يتعرض للمساءلة يوما ما، مشيرا إلى أنه يتناوب مع أبناء جلدته الذين يعملون في البقالة نفسها على توصيل الطلبات منذ الصباح الباكر وحتى موعد إغلاق محلهم.
في حين أشار خالد العبيد، الذي يقطن شمال الرياض، إلى أنه كثيرا ما يرى العمالة الوافدة التي تعمل في إحدى البقالات القريبة من مقر سكنه يقومون بتوصيل الطلبات في الصباح، مشيرا إلى أن أحدهم كاد يتسبب في حادث مروري له بسبب عدم التزامه بقواعد المرور، وقال ''تعودت على منظر الدباب وهو يسير محملا بعدد من الطلبات بشكل متكرر حين أود الذهاب إلى عملي''، مؤكدا أن الأخطر في ذلك أن أولئك العمالة حينما يقودون دراجاتهم النارية في ذلك الوقت فإنهم لا يبالون كثيرا بقواعد السلامة كونهم يعلمون أن غالبية أهل الحي نائمون، وهو ما يجعلهم يقودون تلك الدراجات بتهور واضح، الأمر الذي من شأنه أن يشكل خطورة عليهم وعلى الأهالي بشكل عام.
يذكر أن اللجنة المشكلة كانت قد ألزمت التموينات التجارية والمطاعم التي تقوم بتوصيل الطلبات للمنازل بالتقيد بما ورد في لائحة محال إعداد وتجهيز الوجبات الغذائية الصادرة من وزارة الشؤون البلدية والقروية، التي تحدد اشتراطات تعبئة وتغليف الوجبات المطهوة, وأن تقوم الجهات التي تقوم بتوصيل الطلبات للمنازل بتزويد مراكز الشرطة ببيانات كاملة حديثة عن العاملين لديها الذين يقومون بتوصيل الطلبات، تتضمن نسخة من الإقامة توضح أن العامل على كفالة تلك المنشأة، ونسخة من الشهادة الصحية الصادرة من البلدية، ومعلومات كاملة عن الوسيلة المستخدمة في توصيل الطلبات.

[عزوز الرياض]

السلام عليكم ..اخي افيدك حسب معلوماتي انا توصيل الطلبات بالدباب ممنوع ...حسب معلوماتي وانا هذا من الشرطه وليس الهيئه ..وتم اصدار تعاميم للبلديات بمنع التوصيل بالدباب ..ويوجد تعهد خاص باصحاب التموينات..والمطاعم ايضاا
ومن ضمن التعهد التوصيل ....
--هوان يكون سياره خاصه للمحل وعليها ختم باسم المحل ..
--وأن يكون العامل الذي يقوم بالتوصيل الطلبات كفيله صاحب المحل...وان كان يعمل وهوعلى غير كفاله صاحب التموينات فهو مخالف..


وارجو ان اكووووون افدتكم ..وشكرااااااااا


كفيت ووفيت وانا معك يا حبيبي يا غالي
فعلاآ الهيئه وش دخلها ولو منعتهم الهيئه اكيد انهم شايفين من راعي البقاله الي انت تتكلم عنها شايفين منه شي ومنعوه انه يوصل
لاكن ما اقول الله يوفقهم والهيئه ويسر امورهم

[вЯ3'ṢЧặωэ]

الله يعينكم ~

. مآ حصلت لي مشكله فـآلريآض زي هذي !


ان شاء الله تنحل ..

[برفو2011]

الهيئه وش دخلها في عمل البلديات ولامانه واذا فعل الكلام هذه صحييح فل يخرج احدهم بتعميم بالمنع حتى يتسنى له تقديمه لاماره الرياض وابشرو بمن يوصله للاماره فليس من حقها هذا المنع

[تميراويSS]

يااخي لان الي يوصل بدباب والابسيكل مثلا في الصبح تطلعله شغاله واهل البيت نايمين ويدخل الدباب والسيكل في البيت ولا احد يدري واما السيارة يشوفونها عند البيت
لان قد حصل هذا في السنة الماضيه في الرياض وطبق على مناطق المملكه والهيئه مالها دخل البلديه قايلتلهم

[مصرقعهـ بقوهـ]

ايوة صح انا اضم صوتي لصوت كنق تمير
والله اعرف ناس مالهم الا هالعاااامل بس يوم حطوا هالشي صارت الحرمه هي اللي تجبيه
والله حرام تطلع الحرمه ومشاوير عليهاااا

واللي في راسه خراب بسويه لو كان جوى البيت
..}

[قاهر العود]

والله وش نسوووووي مآآآآآ في اليد حيله الشكوى لله
هذاااا من زود الحرص على الناااااس
يخاااافون يصير مكرووووه
.... الله يخليهم لناااااا ... ياااااارب

[صاحب المعالي]

اقول اتركو عنكم الهيئه في حالها لولا الله ثم الهيئه كان شفتو البلاوي

[أبونواف11]

إذا منع توصيل من البقالات

فمن الأولى منع توصيل المطاعم

لأنه في كلتا الحالتين شبهه

[.قاهر الصحراء]

ياخوي كلام صريح الهيئه دارسه الموضوع .,’.,

واكيد مامنعو الدبابات الا لسبب لديهم واضح ولاهم مانعينه عبث اكيد صار لهم مواقف .,’.,

مثل اللي سمعنا في تمير قبل سنه او اكثر الهندي والشغاله مع ان البيت على شارع معروف بكثره السيارات .,’,.

لبق الدباب على جنب ولا من شاف ولا من درا

[المهند]

مرحباً بك أخوي كلام صريح ..

لا شك أن للتوصيل مفاسد ومنافع ..

ودرء المفاسد مقدم على جلب المصالح ..

وحسب ما اطلعت عليه من ردود ... فلا ندري من أوقف التوصيل الدراجي أو القدمي ..

هل هي الهيئة أو البلدية أو الامارة ..

فإن كانت كما ذكرت الهيئة فهي أدرى بعملها ... وبين يديها ملفات وتقارير ... قد تكون حكمت على ايقاف التوصيل ...

والحمدلله على كل حال ..

[طفولة تمير]

ما فيها شئ التوصيل لان فيه ناس يحتاجون للتوصيل واتركوا عنكم التعقيددددددد0

[دلوع الرياض]

اقول إذا الهيئة ماتبي العامل يوصل طلبات الله لايهينكم يكلفون احد يوصل لبعض العجايز اللي ماعندهم لاولد ولاتلد بالبيت


اللي معتمدين على الله ثم على هالعامل يوصل لهم


هههههههههههههههه كلام صحيح الله

[هويملكو]

مااقول الا الله يجيب السيل وبس

[روح غآليها]

القرار طبق في الرياض من فتره وهو منع البقالات من التوصيل في فتره النهار بسبب ( العالم في دواماتها ولا في البيت الا الشغالات والشوارع مدهره بالدبابات ) بعكس الفتره المسائيه لهذا سمحوا بالتوصيل من بعد العصر ..



اما منعه في تمير فاعتقد الهيئه بارك الله في جهودها مجتهده .. وان كانت البقالات اللي عندها سيارات تخدم وتغطي كل البيوت دون استثناء فما فيه باس لو استمر منعهم دامهم قاضين اللزوم .. اما ان كانت لاتوصل لجميع البيوت فياليت يعاد النظر بهذا القرار .. فمن المؤكد انه فيه عجايز وبيوت والدهم غير متواجد او كبير بالسن ويضطرون للاتصال بالبقاله لتوصيل لوازمهم




من قال انهم منعوه بالرياض؟؟؟!

التوصيل عندنا 24 ساعه من الصباح الى 11 باليل مامنوع التوصيل ولاشيء

والله يعافيهم فكو ازمات كثيرة احيانا نحتاج اشياء ومانلاقي احد يجيبها لنا

[الدنيا عجايب]

لن تتطور مدينتنا في ظل هذا التخلف ..

[الشيخ حمودي]

بصراحة موضوع رهييييييييييييب فعلا محتاجين إجابة وحل لاانه ضروري جدا جدا التوصيل للبيت غالبا الرجال مايجلسون في البيت وبالذات أهل تمير دائما برى لاخلى ولاعدم يااهل الطيب والنخوة

[.قاهر الصحراء]

لن تتطور مدينتنا في ظل هذا التخلف ..

التخلف اللي يرد ولا يدري وش السالفه .,’,.

وين انت عاااايش اقر الردود زين وافهم ثم رد .,’,.

.,’,. اذا وقع الفاس في الراس دريتا قال ايش قال تطور .,’,.

[غلا الدنيا]

بصراحه مهزله احنا الحريم والله يوميا لابسين العبايه وطاقين مشوار للبقاله نجيب الاغراض
والله حتى الخبز احيان مانلقى من يجيبه احنا اللي نجيبه

مع احترامي للهيئه والله تفكير موب منطقي اجل بالدباب ممنوع وبالسيارة عادي

الواحد باخلاقه الفاسد فاسد والعاقل عاقل واللي يقولون يغازلون شغالتنا والله الردى منكم
يوم تخلونهم يفتحون الباب

تقبل مروري

[ولد العز]

بعد التاكد من الهيئة اتضح ان الهيئة موجه اليها خطاب رسمي هي والبلديه والشرطه بمنع توصيل الطلبات بالدباب والراجله والسيارات اللتي لاتحمل اسم المحل ومسموح بتوصيل الطلبات للسيارات اللتي تحمل اسم المحل من الساعه 2ظهراًالى 12مساء
يغلق مع الشكر والتقدير لكاتب الموضوع ولجميع الاعضاء