قدر الله على الحصاد

[توأم الجود]

قدر الله علي قبل مدة ان اطلع رقم جوال جديد ( غير الاول من زود التميدح ) ؛

رحت لشركة الاتصالات في احدى المحافظات وخذ من الترحيب و كنهم يعرفوني ( جزاهم الله خير نيتهم زينه )

الموظف : امر

الحصاد : لا..... بس بغيت شريحة جديدة

الموظف: غاااااااااااااااااااااالي والطلب مخيس ( قصدي رخيص )

الحصاد : وش المطلوب ؛ تبون البطاقة او وش تبون

الموظف : مانبي شي هات هات البطاقة اصورها لك ؛ تبي رقم مميز

الحصاد: لالالا مايحتاج المهم رقم

الموظف : لازم مميز

جلسنا لين لقين اميز رقم فيهم

طلعت طاير من الفرحة ( تقول الرجل الحديدي او جونكر ) رقم مميز هذا اللي ماحسبت حسابه

وعقب اسبوع

ترن رتن ترن رتن

يرن الجوال

الوه ..... نعم .... امر

الوه كيف هال صديك ( كذا جاني الرد )

قلت : ويش يبغى صديك ؟

قال : ابد الله موهمد كريحي

قلت : لالاغلطان

من باكر

رن الجوال

ابك وين عبدالله محمدالقريحي؟ خله يكلمني

انا منيب عبدالله انا الحصاد

اقول عطنياه ولايكثر الهرج

تهاوشنا

واسبوعين

دق وهوشه مع الهنود و مع هالسعودي

قفلت الجوال لمدة معلومة

بعدها فتحت الجوال

دق

دق

مارديت لان ماعرف الرقم ومانيب رايق للجه

دق

دق

وكنت رايق للصجة وللجة

نعم؟!! ( تقول داري وجاهز للمهاوش )

رد : الاخ عبدالله

لا

منت عبدالله محمد

لا مانيب هو ولااعرفة

طيب وينه

وش قالوا لك ابوه

بس الرقم مسجل عندي باسمه

مسجل عندك انت مهوب عندي

اللحن البنك نبيه

دوروه

وسكرت

دقوا ثانية

صاروا البنك الفرنسي يبونه يسدد الاقساط

ابلشوني يحسبوني هو و اصرف

بعد ما طلعت روحهم شكلهم تأكدوا من الاتصالات وانقطعوا

قبل فترة

جاني اتصال وكان من مجموعة العيسى ؛؛؛ شاري منهم موتر وماسدد

علمتهم وخلصنا

وهاليومين صاير يجيني تلفونات من الرياض من شركة او بنك الله يستر

اخيراً

قررت مايلي

تغيير الرقم المنحوس وبيعه على واحد اعرفه ( على بالي مقلب )

اشتري رقم شين لان راعيه الاول مطفر وماراح يشتري سيارات او يقسط من بنك او يوهقني في امور الدنيا

كان فيه احد يطلبه فهو راعي بقاله وذي مقدور عليها 20 ريال ونخلص واعتبرها رسوم للجوال

================================================== ======================

اكيد

طولت بس وش اسوي كانت هذي قصتي مع عبدالله محمد الله يهديه ويرجع حقوق الناس

================================================== ======================

تحياتي للجميع خاصة اللي قدر ياصل هالسطر وهو مااوجعه راسه

[هادي]

هههههههههههههههههههههههههههههههههههههه

والله انك صاااااااااااااااادق

وما قلت الا الصدق


مشكوووووووووور


سلام

[توأم الجود]

مشكور اخوي هادي على المرور و المشاركة

تشرفت بحضورك

تقبل تحياتي

[عصي الدمع]

اوجعني راسي :61:

وانا شراي كانك تبيع :299:

[ام رحموني]

من جد وجعت راسنا لكن ماهى مشكله اذا ما اصرفت بالرقم انا عندى لك مشترى
ويعطيك العافيه

[كرم]

ههههههههههههههههههههههههههههه
حصلت معى كثير في رقمى الجديد
يسلموووووووووو حصاد

[صمت المشاعر]

هههههههههههههههه

الله يعينك..اخوي ............

ولاتنسى.....

ترن..
ترن..
ترن.........
رن....


انت ناصر؟؟
لا


والله لقيت الرخصة في الشارع...وفيها هالرقم..........

وش اسوي لك .. ودها لقسم المرور .انا وش دخلني!!!

صارت لي اول ما طلعت جوالي ....كرهت الجوال وقررت ابيعه مثلك ...لكن تراجعت وصرت اطنش الأرقام الغريبه...


واللي يقهر ان هالأتصالات ما يخبرونك انه كان مستعمل من قبل....


لكن احمد ربك.انت رجال وتقدر ترد عادي.....لكن وش تسوي البنت.. وطبعا البعض ما يصدق انه ترد عليه بنت حتى ينشب فيها.........

الله يهديهم....


ويخلف عليك برقم ابرك منه.......

[صمت المشاعر]

الا نسيت اسألك وش هالميخ عندك تطلع رقم ثاني..........((الميخ تعني الفخر..لغير المتحدثين باللغة الأقفلكنيه))



يعني ما يكفيك واحد .................ولا موضة جديدة ؟؟؟!!!!!



بعدين ما دامك تبي تطلع ثاني ليه ما تطلعه من شركة اتحاد اتصالات ....

جرب خدماتها وخبرنا....................



وآسفه اخوي على الأطاله............


وتسلموووووووووووووووووون .......

[نديم الشوق]

هههههههههههههههههه
مسكين والله ويافرحه ما تمت

بس مو انت لحالك انا جولي له كم سنه عندي وإلى الان يدقوون علي اهل جده 02

شكل راعيه من جده وش السالفه الله اعلم

بس يالله شي طبيعي وش تقوول

بالتوفيق اخي

[صوت الارض]

ههههههههههههههههه والله ماصارت حاله اجل منيب مطلع رقم ثالث آآآآآآآآآآآآآآآآسف اقصد رقم ثاني

[بحر الحنان]

الاخ الحصاد
يعطيك العافيةعلى
هذا الاسلوب الجميل
والممتعفي نفس الوقت

[توأم الجود]

الاخ هيمان
الاخت ام رحموني
الاخ كرم
الاخت صمت المشاعر
الاخ dijfantom
الاخ gawab
-----------------------------------
شاكر لكم المرور والمشاركة

بالنسبة لبيع الرقم هونت لانه تعودت عليه ومعروف

واما قولتك اختي صمت المشاعر وش هالميخ فوالله انه ميخ بس انا استفيد منه كذا بحكم وظيفتي ( مايعرفه هو الا الاقارب و اما حقين الدوام مايعرفونه )

وانا الحمد لله ان اللي يدقون مهمب مزعجين بس هم مساكين يبون حقوقهم اللي ضيعها طيب الذكر عسى الله يهديه ويردها لهم

والله في البداية حق البنك الفرنسي خسخسته احسبه مقلب من واحد يعرفني

تحياتي لشركة الاتصالات وكل فاتورة وانتم بخير

[توأم الجود]

الاخت الجازي
يسعدني كثيراً مرورك ومشاركتك

تحياتي

[سميرغانم]

حئيئي أدر الله عليك ياح صاد
سبحان الله فيه ناس عوزين رئم واحد يطلعو بية القوال ومايئدروش
وناس من كتر الفسئة عوزين يطلعو تنين ؟؟
هدا قزائك
احمد ربك عالرئم ويكفي بعزئة فلوس يالسعوديين

[توأم الجود]

والله اني عجزت ابفهم وش تبي ياسمير عجزت

المرة الجاية هات معك مترجم

تحياتي

[العالمي]

أخي الحصاد / وشو له أصلا تشتري جوال ؟
خلك مثلي_ ماوراه إلا وجع الراس - وينك فيه ؟ جب كذا _ ود كذا _

وإلا اللي يجي عند الباب ويقول وينك فيه ؟ أويمشي وراك بالسيارة ويقول وينك ؟
وإذا قلت بعيد كبس لك بالنور أو دق بوري وغيره كثير
أنا رافض فكرة الجوال وحتى الثابت ولك الشكر
العالمي

[توأم الجود]

هلا ومرحبا اخوي العالمي

تصدق انها فكرةً زينة

بلا جوال بلا هم

اصلاً كله ناس مايدقون لين يبونك ؛؛ على قولتك ( وينك - جب كذا )

وعلى قولتهم ( فكة من جحه غنيمة )

تقبل تحياتي

[حنين الماضي]

ياحبيلك وسوالفك والله صايره لي من مبطي
اجل اسمه عبدالله محمد اههههههههههه
اللي مزعجني كان يبي على محمد والله شغله
حتى بالاسم فيه تشابه بس عطني الرقم ابشريه
ببخس من الدراهم واريحك منه

[توأم الجود]

اخوي الغالي حنين الماضي

مرورك فقط يشرفني ؛؛ فكيف و قد شاركت هنا!؟

كلما شفت لك مشاركة اتذكر ماجد عبدالله ( عاد تقول ليش ؟ اقول مدري )

تقبل عظيم الشوق و عظيم الاحترام و خالص التقدير و جميع الشكر

[صـ التاريخ ـدى]

الله يعينك

اخي الحصاد

على هذه البلاوي

من تشغل الجوال يدق

شكل هذا مسوي عمايل

مع ذا الناس

تحياتي لك

[توأم الجود]

مشكور اخوي صدى التاريخ مرورك يكفيني

وبالنسبة للرقم ؛؛؛ ياما تهاوشنا مع هالناس بس اللي مخليني اوسع صدري شوي عليهم اني عارف انهم على حق يعني مساكين حقهم ماكول

والله ياحق البنك الفرنسي اني كل ما تذكرته قمت اضحك

والا صديك اللي مابعد صدقني الى هلحين

على العموم تقبل تحياتي