تحذير ساهر في السريع

[المرجان]

السلام عليكم ورحمة الله وبركاته

احترت في أي ساحه اكتب الموضوع ومالقيت غير ملتقى الأهالي

طبعاً زي ماهو مكتوب في العنوان

ساهر حطوه بطريق القصيم الرياض مركب في مكروباص

واليوم وانا طالع من الرياض وبعد ماتعديت كبري الحسي بكيلو

وإلا هالبروق شابه ماتفصل شمال ................ويوم قربت>>>>>>

وثاري مكروباص واقف يمين ويكشح فالعالم مافصل أبد

فحبيت اخبركم لجل تاخذوا حذركم

تحيـــــــــــاتي

[نسيم]

جزاك الله خير.
الاهم من ذلك كله يجب علينا ان نتقيد وننتبه لان الحوادث يااخوان خربت بيوت وايتمت اسر .

[ẔṂŊ ĢǍṦě]

حتى بالسريع مافكونا
الله يعين
بس

[الأنيق]

زين ماسوو وأجعلهم يحطونه في كل كيلو
وترى يا أخوان ماحط ساهر إلا عشانكم ولكم ويخدمك
وكما قال نسيم
راحت أروح وتيتمت أسر من هالسرعه الله يكفينا شره
والأفضل أنا نشكر من حطه ونأيده
وندعي الله في الشهر الفضيل أنه يحط في كل مكان لأن فايدته أكثر من ضرره

[أبشر]

انا معي في الغماره سته وستين أستكر وانا رايح لرياض الزق على الوحة
كل مادخلت شارع لقطوني سرعة وانا امشي 90 والسرعة في الشارع 70 وهو كبير شارع العليا العام بعدها خلاص شريت أستكارات

[أبـوحـمـد]

دخلو قيمه اضعاف ميزانيه المملكه منها

خلاص لا يدخلون السيارات الي تمشي 300ويريحون روسهم ويجيبون لنا سيارات تمشي على ديزل ..

مشكووور اخوي على التنبيه..

[الدواسر كواسر]

الله يستر بس

[نسيم]

للاسف الشديد واقولها المشكلة مشكلة المواطن اللي ما ودي اقول انه متخلف .
اجل ساهر عشان جمع الفلوس !!!!!!!!!!!!!!!!!

[أبـوحـمـد]

للاسف الشديد واقولها المشكلة مشكلة المواطن اللي ما ودي اقول انه متخلف .
اجل ساهر عشان جمع الفلوس !!!!!!!!!!!!!!!!!

اجل ولهين عليك انت ووجهك ليت والله يمسكونك وانت تمشي 70 كان عرفت انهم ما يبون الا فلووووس بس

[الأنيق]

للاسف الشديد واقولها المشكلة مشكلة المواطن اللي ما ودي اقول انه متخلف .
اجل ساهر عشان جمع الفلوس !!!!!!!!!!!!!!!!!
؟؟؟؟؟؟؟؟؟؟؟؟؟؟؟

[نسيم]

اجل ولهين عليك انت ووجهك ليت والله يمسكونك وانت تمشي 70 كان عرفت انهم ما يبون الا فلووووس بس


انا ولله انسان امشي مع النظام وقبل احكم او ابدي نقد اتعرف واقرأ واتابع .

[كنـق تمير]

والله انك صادق اليوم صادنا واحنا على الــ 160

هع هع

مكانة بعد الميزان حق الحسي وانت طالع من الرياض

[M J]

يالبى نظام ساهر=)

[نسيم]

بغض النظر عن ساهر وكل الكلام هل القيادة بسرعة عالية معقوله؟
شفنا الامرين من اللي يسرعون يضايقوننا ويطفون الانوار وتهور

[الأنيق]

بغض النظر عن ساهر وكل الكلام هل القيادة بسرعة عالية معقوله؟
شفنا الامرين من اللي يسرعون يضايقوننا ويطفون الانوار وتهور
نسيم من إللي يقول كلامك غلط.

[نسيم]

نسيم من إللي يقول كلامك غلط.


ابومنيرة ،
انا اقول التقيد بأنظمة المرور مطلوب.والمفروض يشددون على حزام الامان

[الأنيق]

ابومنيرة ،
انا اقول التقيد بأنظمة المرور مطلوب.والمفروض يشددون على حزام الامان

نسيم صدقني أني أتمنى ساهر في كل كيلو ولا نسمع
مات وهو توه صغير... تقطع القلب هالكلمه
أو مات وعنده بنت أو ولد آه يقوى هالصدمه.

[ط َـموح]

"


آالله لآيوفق من سوآ هالنظآم ... والله ثم والله ثم والله .. آنهآ حركـه عشآن ياكلون هالموآطن المسكين ..

طيب إذآ فيه احد يبي يعارضني .. بقول له موقف .. قبل آسبوعين تقريبآ .. كنت بالريآض - ع آالدائري الشمالي بين مخرج 5 و6 .. > لآحظ معي وين وصل الجشع ..

موقفين ميكروبآص وقدآمه تقريبآ ولآ 4 امتار ميكروبآص ثاني .. تقول لي ليه ..؟ << آاقول عشآن بدال المخالفه اللي بـ 900 تدبل عليك .. بمآ ان الكمرتين لقطتك وانت بنفس سرعتك .. يعني لو تقول بينهم مسافه ..

20 متر 50 متر .. ماقلنا شي .. بس مابينهم الا 4 او 5 امتاااار ؟؟ والله مايعقل ..

لآبـوه هالنظآم أللي أكل العآلم .. وآكيد مايخفآكم نظآمهم بالاشآرآت .. إذا تعديت خط المشآه صكوك مخالفه وكأنك قاطعها حتى لو تكون واقف ... ؟؟!!!

هـذآ الجشع بعينه ..

مـآنقدر نقوول الا انآ لله وأنا اليه راجعون .. ماتدري هالراتب هو لبيتك ولا لعيالك ولآ لسداد ديونك ولآ تعطيه ساهر ياجعله السهر ..

لآ واللحين جآينآ لتمير .؟ّ! ...

لآحول ولا قوة الا بالله ..

شآكر لك اخوي ع الخبر المفآجع ..




//

[كنـق تمير]

خخخخخخخخخخخخخخخخخخخخ

والله انهم لاقطينا اليوم الساعه 3 الفجر

هع هع

والله ياعليهم نور تقل برررق

هع هع

[قالب ثلج]

ياليت يحطون بدال سيارات الميكروباص سيارات ايسكريم ابرك خاصه في هالصيفيه خخخخخخخخخخخخخخخ
على الاقل الواحد يدفع ويعرف ليش دافع خخخخخخخخخخخ
خلاص انا ابجي لتمير بالريوس على كذا خخخخخخخخخخخخخخخخ

[المهند]

نظام ساهر ... يجب أن نقتنع بفائدته ..
وخطوة جميلة أن يتم وضعه على الطرق السريعة وخاصة طريق الرياض القصيم ...
بعض المرات إذا جاء أحد هالشباب يمشي طبلونه .. ساقط ساقط .. ولو ما فتحت له يبي يمشي مع الأصفر ولا عنده استعداد يفك مثبت السرعة اللي عنده .. تقول تكفى وين الدورية ..

لكن ما أتمناه هو تعديل بعض الأنظمة كرفع السرعة في الطرق السريعة إلى 140 كلم وتعديل نظام الاشارات ..

الله يحمينا وإياكم ..

[أبونواف11]

وضعها خفف الكثير من الحوادث ولله الحمد

يعني تخسر 500 ريال ولا تخسر بوفاة قريب

[الأستاذ]

للاسف الشديد واقولها المشكلة مشكلة المواطن اللي ما ودي اقول انه متخلف .
اجل ساهر عشان جمع الفلوس !!!!!!!!!!!!!!!!!


حياك الله اخوي نسيم

نعتز دائما بمداخلاتك بس خفف السرعة شوي

نحن لسنا ضد ساهر واتوقع هذا حال الأغلبية العظمى من الناس فالتهور وقطع الإشارات وعدم احترام الآخرين امر مرفوض ولايتقبله احد لكن كان الخلاف في طريقة وضع النظام وآلية التطبيق لااريد الإطالة لكن خذ هذا المثال ( اكثر شوارع الرياض سواء في مسار الخدمة او الأساسي لايوجد لوحات توضح السرعة )

التدرج في تصبيق النظام يساعد في تقبله وفهمه

تقبل مروري واحترامي لك

والشكر لصاحب الموضوع

[الموادع]

الله يكفينا شر السرعه ونهب ساهر

بارك الله لك في خير الشهور وحماك من ساهر وقت الفطور

لاتسرع و لوما تفطر الا وقت السحور

يروح الاكل ولايروح الراتب للمرور

[ابوخليــــل]

مشكور على التنبيه

[نسيم]

حياك الله اخوي نسيم

نعتز دائما بمداخلاتك بس خفف السرعة شوي

نحن لسنا ضد ساهر واتوقع هذا حال الأغلبية العظمى من الناس فالتهور وقطع الإشارات وعدم احترام الآخرين امر مرفوض ولايتقبله احد لكن كان الخلاف في طريقة وضع النظام وآلية التطبيق لااريد الإطالة لكن خذ هذا المثال ( اكثر شوارع الرياض سواء في مسار الخدمة او الأساسي لايوجد لوحات توضح السرعة )

التدرج في تصبيق النظام يساعد في تقبله وفهمه

تقبل مروري واحترامي لك

والشكر لصاحب الموضوع

اشكرك على اسلوبك الراقي اخوي الاستاذ.
انا اتكلم على السرعة والمخالفات المرورية وعواقبها الوخيمه بغض النظر عن ساهر وخلافه وان المجتمع غير قابل للتطور وفهم الانظمها واحترامها.ياخي فيه عشوائيه في القيادة والكل شاهدهافي الخطوط السريعة.
للاسف الشديد ان مجتمعنا شعاره النقد وعدم تقبل فكرة التطوير .

[العزي]

والله مشكلتنا مشكلة !!

مشكلة ربعنا هنا إذا طاحو في شئ طاحو جميع .. !!
على قولتهم .. (( عجوز بدو طاحت في مريس )) ..
عرفو نظام ساهر وأشغلونا حطوه بكل مكان << لو يحصل لهم حطوه في البر حطووه هههه
أنا لست ضد هذا النظام الذي أفاد الكثيير .. لكني ضد أسنغلاله مااديا ..
* ما هي الفائدة من وضع سيارتين أو أكثر في مكان لا تبعد الأولى عن الأخريات سوا بضع من المترات لا تصل إلى 400 م ؟؟

* أتمنى لو أن يصل صوتنا وذلك بتخفيض تكلفة سعر بعض المخالفات وزيادة البعض الأخر وخصوصا قطع الإشارة !!

* بنظام ساهر أنصح بالرجوع إلى الزمن القديم وأستخدام الجمال والخيول في السفر ..!!

* يا ليت يقومون بزيادة السرعة في الطريق السريع إلى 140 كم << خصوصا أن المسارات تعتبر واسعة !!


الله يصبرنا على هذا النظام .. قد يجبر البعض منا إلى مخالفته بطرقهم الخاصة << كوضع أستكرات على الشريحة الموجودة باللوجة الجديدة ..

[صاحب المعالي]

وش طلعهم من الرياض

[روح المحبه]

الساااهر يبي يفقرناااا

[11122]

ماله دخل ساهر تبع المرور مهب تبع امن الطرق

وانا اليوم ريح للرياض ورجع مافيه شي

[جار القمر]

الله يقويهم
هبلوا بنا ذا الشباب اللي يمر من عندك وانت تمشي 120 وكنك واقف
وان كانك ماسك المسار الايسر حط الصدام في الصدام وخذ ياتكبيس بالانوار .. وين يبيي اروح وانا جنبي سيارة

ساهر مسوين خير بس ليتهم يزودون السرعة في الخط السريع الى 140 لان 120 مهيب شي مع السيارات الجديده

إذا تعديت خط المشآه صكوك مخالفه وكأنك قاطعها حتى لو تكون واقف ... ؟؟!!!

لا ياحبيبي مخالفتين قطع اشاره واعاقة حركة المشات

[ماله مداوي]

ساهر خفف بعض الحوادث مافيها كلام لكن لاتقول ماهو مادي بحت

وانا خابر ان يمديك تعارض على مخالفتك لصار مافيه تحذير قبل الكمرا عن وجودها

وبعدين يمكن تنظلم وانت ما اسرعت بحيث المسرع يكون خلفك من يسار يعني بالصوره

ماتطلع إلا سيارك ولوحتك وبكذا تجي المخالفه عليك وكثير من شكوى من هالمشكله

مع العلم ان الكمرا تصور على بعد 60متر

[قاهر العود]

يااااااااااااااارجااااال جازت لهم الفكره وانكبت الفلووووس عليهم وصااااااارو يحطوووونه في اي مكااااااان
......مشكور اخوي على التحذير الممتاااااااااااااز....

[ابوبدر97]

جزاك الله خير
ومشكور ع المعلومه