بابا بابا // اشتر لي قطوه " مشارك لمجرد المشاركه"

[قالب ثلج]

اشتري لك قطوه وش المناسبه وبعدين شريت لك قطوه من اللي بيكد عليها حنا لاقين شئ ناكله حنا يالله نكد عليك تبينا نكد عليها "
وبعدين تعال وش ذا المسكه ؟
ج جواب/ عيال عمي عندهم قطوه وش حليلها منتفشه ماودك الا تتوسدها "
تنط حرمنا المصون من الجهة الاخرى لتقول ولدي مافيه زود عنهم وهذا ولدنا لاتكسر خاطره والا مافيه روحه لعيال عمه مغير يزربونه ويضيقون صديره "
ان قلنا ايه نشبنا وان قلنا لا بلشنا "
هذي خواطر من راسي لمواقف نشوفها دايم "
يجيك الطفل وعمره ماتعدى سبع سنوات يبي جوال كاميره والا يبي لاب توب واذا سألت ابوه قال : وش تبيني اسوي اذا راح لعيال عمه او اخواله كل واحد منهم يامعه جوال او محمول فملزوم اشتري له اللي يبي مافيه زود عنهم "

حبيت بهذه المقدمه آخذ رأيكم حول هذه الظاهره
هل تتوقعون انها ظاهره صحيه و أي شئ مع الغير لازم يكون معي والا بنزعل ونقطع علاقاتنا عشان كماليات ؟؟
وهل الطفل وصل لمرحلة أن يصير معه جوال وهو قدامك 24 ساعه ؟؟
وهل تشوف ان الزيارات بين الاقارب لها تاثير على سلوك طفلك ومتطلباته ؟؟
يعني لو حطك طفلك او احد من اخوانك الصغار في هالموقف وشلون بتكون ردة فعلك ؟؟

ولو قال لك بابا بابا اشتري لي قطوه ؟؟؟
تشتري له والا تمعط لك واحد من الشارع مايندري وش هو من لحيه :)
عاد انت و شطارتك "

[نصراويه بنكهه عالميه]

بصراحه هذا اللي صاير كل مانشوف شي نبي مثله <<< موب حاله طفرنا

المشكله مو هنا المشكله اذ اعطيته وجه وشريت له وبعد فتره يقولك ابي جوال مثل فلان معه جوال جديد
<<< هذا صدق تغبن

بس عالعموم الدنيا فانيه ونبي نوسع صدورنا ولانقصر ع نفسنا بشي ومحد مدفون معه رياله <<< مسخت السالفه

نسيت ماعلقت ع" القطوه " كل شي الا الحيوانات مااحبها تدخل البيت لان جربت القطوه تحوس وتطمر ع كل شي هذي وهي مو قطوه شوارع <<< ادري طولت السالفه وهي قصيره بس مسكه اليوم معي اتفلفس هع هع

[المهند]

طيب اشتر له جوال بدون شريحة وخله يترزز على كيفه خخخخخخخخخخخخ
أو اشتر له قطو بدون ذنب خخخخخخخخخخخخخخخ

[المهند]

أنا عندي بنتي كل ما شافت صورة التمساح في توقيعك قالت // بابا بابا اشتري لي تمساح . خخخخخخخخخخ

[جار القمر]

انا اشوف ان الموضوع مهم ويستحق النقاش بجد
هذه الظاهرة يعاني منها اكثر الاباء
ويعاني منها اكثر الابُ الفقير وله اخ غني
فاولاد الغني يملكون مالا يملكه اولاد الفقير من سيارات فارهة وممتلكات شخصية
ومن هنا تأتي معاناة الفقير فأولاده (ذكور واناث) يريدون ان يكونوا مثل ابناء عمهم لا يتميزون عنهم بشي
وهذا ما يجعل الاب الفقير يحتمل الديون ويعيش الكفاف من اجل ان يسعد اولاده ولا يحسسهم بالنقص

مثل هذه الظاهرة يجب ان تحد بحد
فليس كل ما يطلب الولد يعطى وليس كل ما يرى مع ابناء عمه او زملائه او اقرانه يوهب
وفي الوقت نفسه لا يُبخل عليه بما يستحقه او بما لا يضره
يجب ان يكون الوالد حصيف يقدر الامور ويعرف كيف يتصرف مع اولاده

شكرا شر التماسيح على طرح الموضوع

[المهند]

مشكلتنا ومشكلة ربعنا طاحوا في الغاريه والتقليد .. طبعاً الكبار قبل الصغار .. والصغار ما ينلامون إذا صار الكبار أدون منهم ..

يعني تلقى الطفل عنده سيكل .. ثم يجي ولدك ويشغلك يبي سيكل ..

هاليومين طايحين في تجميع الصوص الملون اللي يباع في سوق الحمام بريال ..
بيتي وبيت أخوي وبيت أهلي كلها صوص وريحة هالجريش اللي يأكلن تقطع الكبد ..
والحمدلله جت على صوص ماجت على قطاو بذيك العدة ..
نسيت أقول انتهت موضة الصوص وبلشت به .. لا هو اللي مات وأفتك منه ولا هو اللي قعدت بنتي تلعب بهن .. مالي شغل إلا أتردد عليهن بالماء والأكل ..

شف صورهن يالتمساح ... توني مصورهن على شان هالموضوع الجميل ..

http://www.up-tumaer.net/up//uploads/images/tumaer-3a2cde2e14.jpg (http://www.up-tumaer.net/up//uploads/images/tumaer-3a2cde2e14.jpg)

http://www.up-tumaer.net/up//uploads/images/tumaer-a12cbf4886.jpg (http://www.up-tumaer.net/up//uploads/images/tumaer-a12cbf4886.jpg)

[سمو الأمير]

هذا كله زيادة دلع يالتمساح
بعدين وش هالحسي الزين وش هالكلام المنمق وفوق هذا كله اهتمام بالقضايا الاجتماعية.....:t86:
بالنسبة للقطوة أو غيرها من الكماليات مثل ماأسلفت زيادة دلع
لكن الجوال ضروري يكون معه جوال :t65:
اقصد يكون معه اذا راح لزميله او لمركز صيفي أو للسوق يجيب حاجة أو أي مكان بعيد فيه عن أهله
وبعدها يؤخذ منه الجوال يعني للضرورة فقط فقط... وإن حصل تعطيه الوالده جوالها .
لماذا لا احمي طفلي بهذه التقنية العجيبة فهو طفل معرض لكل شي.
اولاد العم والأقارب عندما يمتلكون شي ليس بحوزت طفلك له أثره نفسياً لكن أجد له البديل النافع
مثلاً شروا له جوال اشتر له دباب لوقت الطلعات أو ساعة ثمينة أو غيرها
المهم في ذلك هو سماع صرير قلمك ياصاحبي

:t42:

[الموادع]

طرح مهم جداً
والله هاذي مشكله انا شخصياً اعاني منها يالتمساح
عندي ملوكي ولدي اذا رآح عند عيال اخوي او عيال اختي او اي قريب له
وشاف شي مو عنده بالبيت انجن جنونه يبي مثلهم يجلس صييييياح ونييييياح
هبل فيني جابلي الصمرقع من حنته وش حيث فلان وفلان ابي مثلهم
البيت مليان العاب واذا طولت عنده يكسرها عشان اجيب له جديده
مستحيل اللعبه تجلس عنده 3 الى 5 ايام جبت له سيكل وخربه
جبت له سياره كبيره على بطاريه وخربها جبت له دباب على بطاريه وخربه
سيكل ثاني وخربه مايبي الشي يطول عنده يبي كل فتره وفتره شي جديد
جت عنده لعبه عجز يكسرها قال هاذي اصليه ورمها بالشارع
حتى اليومين يلمح لي يبي له همر 2011 سياره كبيره وهو توه مابعد درس هع مو صاحي .
وذبحني عند مدري وشي كل يوم جايب لي بلعبه اسمها نبر قوني مدري قبوي
والله مدري وش اسمها بالضبط بس المراد انها تلعب بالعيون وتخربه على قولة كثير من الناس
الله يهدينا وياهم شيبوا فينا ذا الجيل وحنا شباب مدري وش الحل معه ولدي عصبي مرررره
واذا ماجبت له شي قام يحضرم انتم ماتحبوني انا مااحبكم انا بموت اناماابيكم ويطق اخته ويذبحنا بونته ..
قال ابي تلفزيون بغرفتي وجبت له ومع ذالك لايزال حتى هاذه اللحظه يحن علي وش الحل معه ؟؟؟ا
افتوني ماجورين هع

[الأنيق]

تصدق داخل الموضوع أحسبنك تمزح
مادريت إلا أنك تتكلم على شي واقعي
ويشاهد في كل بيت
إللى على طاري توقيعك وكلام المهند عنه
بنتي أذا شافته تبلشني وتنادي كل إللي حولها
تعالو شوفو هالتمساح يغمض؟

بس بجد مانعيشه الحين هي غيرة الأطفال
وهذا شيئ طبيعي عند كل طفل يتمنا أن يكون
أفضل الناس وأن يملك كل شيئ
..........
وعلى طاري القطوه مره واحدً من علانا جابله قطوتن وش زينها
ولا تاكل إللا تونه وغث أهله كل يوم قوطيين تونه ولا هيب أي تونه
مايعطيها إللا جيتا عرفتها ذيك الغاليه
قلت دواه عندي وأحط لهالقطو فخذ دجاجه في خيشه
ويدخل في وسط هالخيشه وأربط عليه
وأنطلق به لمزارع أبا خسيفه قلت معاد هوب جاي الفكه
يوم خذت أسبوع إللى جابهله وأحدً من هالملاقيف
قلت وش الحل معه ماي إللا أقلعه ور السريع ذا
عاد الملعون عرف أني أبنطله يالله صده
وأوصي الخدامه وتلاحقه حول أسبوع كامل
يو صادته جت بابا أنا يمسك قطو
وسيده للعتش وعقبها الحمد لله معاد شفناه
.........
والله يسالفة القطو ذا سالفه

[انين قلم]

عزيزي شر التماسيح
كلامك صحيح مو ع الاطفال وبس
مشكلة الغاريه وتقليد الغير في كل شي
احيانا مانلومهم ان صار شي معقول
ولكن اللوم ان صار شي فوق طاقة الرجل
او ان الوضع لايسمح للطفل بذلك الشي
لاننا نرا بعض الاطفال وليس الكبار يستخدم ذلك الشي في امور غير حسنه

لك ودي

[يا قلبي لاتحزن]

القناعه كنز لايفنى
اذا غرس كل أب هذا المثل في كل نفس أبن من أبنائه لن يتعب طول عمره
فالعيب ليس من الأبناء بل من الأباء،فعليك ايها الاب ان تفهم ابنائك ان
ليس كل ما يطلبونه نلبيه لهم
مهما كانت الفروقات بين ابناء العم او الخال
وان يكون الوالدين متفهمين على هذه النقطه المهمه
وأن أردا احد الابناء شي عليه ان يتعب ويجتهد ليحصل عليه
واردد مره ثانيه واقول القناعه كنز لايفنى

[- فوق مستواك -]

ماعندي بزووور http://vb.eqla3.com/images/smilies/biggrin.gif
بابا بابا ابي قطوة زي حقت التمسساح خخخخخخخخ

[المقهور]

مشكورررر اخي ...
هي جت على البزران بسسسسسسسس ...
البزر وش حليله ومقدووور على طلباته ...
البلاء من الكبيرررررر الي ماتدري وش تسويله ...
ولا من الرجال(طبعآ بالاسم فقط) الي كنه بزر في طلباته وتصرفاته ...
عمومآ الكلام يحلى والسهرة تطووووول ...>>>>> معناتها تصريفه ..
تحياتي للجميع ....

[قالب ثلج]

بصراحه هذا اللي صاير كل مانشوف شي نبي مثله <<< موب حاله طفرنا
يعني غاريه خخخخخخخخخخخخ
المشكله مو هنا المشكله اذ اعطيته وجه وشريت له وبعد فتره يقولك ابي جوال مثل فلان معه جوال جديد
<<< هذا صدق تغبن
اكيد اجل وش ظنك تحسبينه بيسكت انتي بس عطيه وجه وشوفي وش بيسوي "
بس عالعموم الدنيا فانيه ونبي نوسع صدورنا ولانقصر ع نفسنا بشي ومحد مدفون معه رياله <<< مسخت السالفه
هذا الكلام بس اخاف باكر نتحسف
نسيت ماعلقت ع" القطوه " كل شي الا الحيوانات مااحبها تدخل البيت لان جربت القطوه تحوس وتطمر ع كل شي هذي وهي مو قطوه شوارع

اللي اخبره انها قطاوه أصل وفصل ومعروف من هي ابوها ومن هي امها >>> تغيرت نظرتي فيهن
<<< ادري طولت السالفه وهي قصيره بس مسكه اليوم معي اتفلفس هع هع
تفلسفي وخذي راحتك انا ماحطيت هالموضوع الا للفضفضه وسعة الصدر خخخ

[قالب ثلج]

طيب اشتر له جوال بدون شريحة وخله يترزز على كيفه خخخخخخخخخخخخ
أو اشتر له قطو بدون ذنب خخخخخخخخخخخخخخخ
الله يرجك شفت خطك وقلت وش جاني رديت على نفسي
<<لحست مخي
انت وين عايش ترا بزارينا ملكعين وماتمشي عليهم خرابيطك خخخخخخخ قال جوال بدون شريحه يمكن قطو بدون ذنب تمشي اذا قلت لهم ان هذا ارنب من برا السعوديه خخخخ

[قالب ثلج]

أنا عندي بنتي كل ما شافت صورة التمساح في توقيعك قالت // بابا بابا اشتري لي تمساح . خخخخخخخخخخ
الله يخليها لك هذي البنت اللي تعرف السنع وعندها ذووق بس انتبه تجيب لها تمساح صدقي تراك تسويها خخخخخخ

[لميس]

بصراحه الاطفال صارو مدللين كل طلباتهم مستجابه
واي شيء يبغونه يخذونه حتى لوكانو ع غلط
انا من رآيي التربيه لها دور بالتآثير ع الطفل
فالمفروض اذا آخطاء الطفل ينحرم من الشيء الي يحبه
ومو كل شيء يبغونه يحصلونه
لازم هالشيء مايجيي الا مكافآة لهم على موقف طيب سووه
متششششكر خييو ع روعة موضوعك
ودي وعبير وردي لك

[M J]

والله ماعندي بزران ,
وعسى الله يرزقنا , قل امين ياشر !
شف أنا اشوف الدعوى .. لاأفراط ولا تفريط
يعني خل عيالك زي عيال الناس باللي تقدر عليه
ولاتحرمهم وانت تقدر .. لان الحرمان يولد الكراهية =) ,
وبعدين ترا عيال الزمن هذا موب مثل قبل
اي شيء يسكتهم ! عيال هالزمن يفهمون اكثر مني
ومنك , يعني مالك الا تحقق رغباتهم ولا الله يعينك !

[احلام وردية]

والله الموضوع جميل ومهم ويستحق التعليق عليه
صحيح نحن في وقت اصبح كل بيت فيه اجهزه والعاب خياليه واغلبها غالي الثمن
يعني لو كل ما شاف ولدك او بنتك لعبه او جهاز وقال ابي مثلها رحت تركض تجيبها عز الله راحت دراهمنا ورواتبنا في العاب
لكن وفي نفس الوقت لا تحرم ولدك
بالنسبه لي معوده عيالي ما يشوفون اللي في يد غيرهم
ودايم اقول لعيالي الناس عندهم شيء غير اللي عندكم.. وانتم عندكم شيء غير اللي عندهم
فكل واحد لازم يرضى بما عنده
والحمد لله عشان كذا عيالي ما يحسروني عند العاب غيرهم
واحيانا انا كـــــ أم ارحم عيالي اذا شافوا لعبه وحسيت انه ودهم بها
واذا شفت اللعبه حلوه وتستاهل اقول لهم ودكم بوحده مثلها اكيد بيكون جوابهم على طول ايه واجيبها واقول لانكم ما ابلشتوني جبتها لكم ..والاطفال على ما تعودهم عليه
والولد او البنت اذا طلب ولبي له طلبه على طول بدون مقابل مايحس بقيمة الغرض اللي شريته له
ويخربه و يتعبث به او يرميه وما يهتم فيه لانه ما عرف قيمته
فلازم ما نكون متسيهلين مع الاولاد ولا نكون شادين بنفس الوقت وخير الامور الوسط
ودك تجيب له هديه بغض النظر عن هدايا النجاح والعيد
مثلا لو حافظ على الصلاة اجيب له هديه والبنت كذلك او لو ساعدت امها او حافظت على نظافة غرفتها اجيب لها هديه
وهكذا لازم يكون فيه مقابل ليكون فيه احساس بطعم الهديه وقيمتها
وفي الختام ارجوان اكون قد وفقت بمداخلتي
ويعطيك العافيه شر التماسيح والله مانتب سهل ويجي منك مواضيع حلوه

[نبرة فرح]

يسلااااااااااااااااااااام على الموضوع
والشي اذا كان عندك وشروا مثله قلت مابيه صار مع افلان مثله
مابي احد يقلدني
ابي اكون مميز
محد مثلي

[أنكسار انثى}..]

أخي الفاضل التمساح موضوع قيم سأتكلم عن هذا الموضوع من واقع تجربه شخصيه نحن في مجتمع يتطور بصوره سريعه ومتطلبات الحياه الاساسيه تكاد لا تنتهي
لذالك علينا تربيه ابناءنا على القناعه والاكتفاء بما هو مقدور عليه وضروري وماهم في حاجه اليه للآسف نرى من هم حولنا اجتهدو في المنافسه
من الافضل ياليت بالدين او الدارسه او السباق الي عمل الخير للآسف لمن يمتلك جهاز لاب توب او بلاك بيري
اصبحت مفخره ياليت عند الصغار كان ماعليهم شرهه بل اصبحت عند الكبار اسأل الله لنا صلاح النيه والذريه
ومن تجربه انا ام لولدين ولدي قاعده ثابته دائما أقول لازم تتعبون علشان تحصلون علي الشئ الى تبونه مافيه شئ يجي بالساهل
(سويت مسابقه وحطيت مقياس اللي يحافظ على الصلاه ويحافظ على الوجبات المدرسيه تكون الجائزه من نصيبه شريت لكل واحد حصاله وقلت كل يوم اعطيك مصروف واخر الشهر اعطي المستحق جائزته وأنت بكيفك اشتر الشئ اللي يعجبك )
حسيت بهالطريقه ان الاشياء اللي يشترونها من مصروفهم لها طعم خاص وانا ماعندي اي ماانع يشترون اللي يبونه من مصروفهم الشخصي
ولله الحمد ما اجمل ان تجني الثمار وانا لست مع اللذي يقول دائم الله مقدرنا بشتري لهم اللي يبونه لازم يحسون بالمسؤليه وان الفلوس ماتجي بالساهل لازم يتربون على تقدير ظروف والديهم تلاقي بعض الابوان يتسلف علشان يشتري لاب توب او قيم بوي لولده؟؟؟
والله لا يهينك مع فائق احترامي وتقديري وفالك التوفيق

[وردهـ]

يشين التقليد
ماذبحنا الا هو
كلش نبي نقلده احيانا تلاقي الطفل معجب بابو الجيران ويقول لمه خلي نبدل ابوي ونجيب مثل ابوالجيران
وش رايك في التقليد نطيع الطفل ولا لا

[أنكسار انثى}..]

طرح مهم جداً

والله هاذي مشكله انا شخصياً اعاني منها يالتمساح
عندي ملوكي ولدي اذا رآح عند عيال اخوي او عيال اختي او اي قريب له
وشاف شي مو عنده بالبيت انجن جنونه يبي مثلهم يجلس صييييياح ونييييياح
هبل فيني جابلي الصمرقع من حنته وش حيث فلان وفلان ابي مثلهم
البيت مليان العاب واذا طولت عنده يكسرها عشان اجيب له جديده
مستحيل اللعبه تجلس عنده 3 الى 5 ايام جبت له سيكل وخربه
جبت له سياره كبيره على بطاريه وخربها جبت له دباب على بطاريه وخربه
سيكل ثاني وخربه مايبي الشي يطول عنده يبي كل فتره وفتره شي جديد
جت عنده لعبه عجز يكسرها قال هاذي اصليه ورمها بالشارع
حتى اليومين يلمح لي يبي له همر 2011 سياره كبيره وهو توه مابعد درس هع مو صاحي .
وذبحني عند مدري وشي كل يوم جايب لي بلعبه اسمها نبر قوني مدري قبوي
والله مدري وش اسمها بالضبط بس المراد انها تلعب بالعيون وتخربه على قولة كثير من الناس
الله يهدينا وياهم شيبوا فينا ذا الجيل وحنا شباب مدري وش الحل معه ولدي عصبي مرررره
واذا ماجبت له شي قام يحضرم انتم ماتحبوني انا مااحبكم انا بموت اناماابيكم ويطق اخته ويذبحنا بونته ..
قال ابي تلفزيون بغرفتي وجبت له ومع ذالك لايزال حتى هاذه اللحظه يحن علي وش الحل معه ؟؟؟ا

افتوني ماجورين هع



بالنسبه لك اخي الكريم يمكن ابنك من النوع الي يصيح ويعصب علشان يحصل على الي يبي
يعني اذا قام يصارخ تعطونه طلبه عشان ماينفعل ولا عشان ترتاحون منه هو في هالحاله
تأكد ان هذي هي الوسيله لتنفيذ طلباته وايقتن انه اذا صارخ ماراح يعاقب بل بالعكس سيقال له سمعاً وطاعه
اسمح لي ان اقول لك اعمل العكس اذا شفته عصب قل له كنت ناوي اجيب لك الي تبي لكن يوم شفتك رفعت صوتك
راح احرمك من هالشيء ..
او مثلآطلع اخوانه وخله بالبيت وناقشه وفهمه السبب انه كثير الحنه مره مرتين وبعدها بيقتنع
ويدري انه لو بيصيح من هناا لبكره ماراح تشتري له شيء الا ضروري او انت مقتنع فيه ..
وهذاا من واقع تجربتي بس يبي لهاا بال طويل وسعت صدر
والله الله بالدعاء ثم الدعاء ثم الدعاء لهم بالصلآح
والله يصلح لنا النيه والذريه ..
واسمح لي على المداخله ..

[عزوف]

يااهي ظهاآآرة منتشرة التقليد وما ادرك ماالتقليد

وش حيثهم والحن ماتحبونا هم اهلهم يعطونهم واحنا لا

مع اننا لم نقصر عليهم لكن التقليد الاعمى ذبحنا

والغلطان الي يشتري لعيالة كل ما قالو نبي

اكبر غلط

صحيح الاطفال لازم يكأفون اذا اشتهدو في عمل ماء
بس ما توصل نشتري لة قطو يالله نربي عيالنا وناكلهم

نربي قطو ونصرف علية

طرح ممتع""

[قالب ثلج]

انا اشوف ان الموضوع مهم ويستحق النقاش بجد
هذه الظاهرة يعاني منها اكثر الاباء
ويعاني منها اكثر الابُ الفقير وله اخ غني
فاولاد الغني يملكون مالا يملكه اولاد الفقير من سيارات فارهة وممتلكات شخصية
ومن هنا تأتي معاناة الفقير فأولاده (ذكور واناث) يريدون ان يكونوا مثل ابناء عمهم لا يتميزون عنهم بشي
وهذا ما يجعل الاب الفقير يحتمل الديون ويعيش الكفاف من اجل ان يسعد اولاده ولا يحسسهم بالنقص

مثل هذه الظاهرة يجب ان تحد بحد
فليس كل ما يطلب الولد يعطى وليس كل ما يرى مع ابناء عمه او زملائه او اقرانه يوهب
وفي الوقت نفسه لا يُبخل عليه بما يستحقه او بما لا يضره
يجب ان يكون الوالد حصيف يقدر الامور ويعرف كيف يتصرف مع اولاده

شكرا شر التماسيح على طرح الموضوع
انت حطيت يدك على الجرح وهذا اللي كنت ابوصل له وهي الفروقات الاجتماعيه من الناحيه الماديه
ويمكن تكون سبب في القطيعه وقلة الزياره بين الاقارب لتفادي الطلبات ووجع الراس
لك مني احلى ورده

[جنـgن رجل~]

موضوع جميل يالتمساح واعجبني بس بصراحة
يعني بجد هذي مشكله مثل يطلع بالشارع او عند اقاربه
وكلن معه جوال او لاب توب ويعايرونه انت مامعك وانت مامعك
فلهذا الاب يرحمه ويقوم يجيب له جوال هذا المشكله
وغير كذا اذا كان الولد فقير واقرباة تجار فالولد يشوف معهم اشياء
ماهي معه ويقول لابوة ابي مثلهم وابوة حالته الماديه ماتسعد
تبي الجد مهنا حل واشتر له ووسع صدرة ياخوك الدنيا فانيه هههههه
هذا ريي ومشكور على الموضوع,,,

[شاص 2005]

اول شي اشكرك على هالموضوع الرائع

بصراحه من ناحية هالظاهره فهي منتشره

لدرجة انك ماتستنكر لو شفت بزر توه مابعد فتح ماشي والجوال بيده

وصارو بعض الاهل يتفيخرون عند بعضهم بهالامور

اللي بتودي بزارينهم ورى الشمس

والدنيا صار خوفها اشد من اول

طلعت بلاوي ومصايب الله يحفظنا وياكم

بس عاد وش تقول غير الشكوى لله

وعلى طاري القطوه مابزينا بزارينا

نبزى هاالحيوانات

ماغير خساير وقذاره وقلة حياء

وان قال ولدي ابيها بعطيه ذيك النزره

واسكته بشين ثاني ماتعوق :t173:
وبعدين ياخوك ان قلنا قلان وعلان
عز الله ماعشنا ..

[ملامح صادقه]

موضوع يستحق التقييم فعلا هذا اللي صاير في مجتمعنا كل واحد منا اذ شاف شي اعجبه ابلش اهله الين يعطونه لا والمصيبه الكبرى موب لاب توب والا جوال الحين يبون سياره لا وسياره جديده فك وكاله مايبون مستعمل 'اجل ولدعمي يشتري سياره كشخه وانا لا ومثل ماقلت تدخل الحرم المصون وتقول ولدعمنا موب احسن من ولدي اشترله سياره 'لا وتلقى الولد مابعد تعدى العشرين هذي مداخله' ليش احنا من علمهم على القناعه فان القناعة كنز لايفنى مافيه احسن من القناعه ليش من علمهم على ان الواحد منا مايحصل على شي الا بتعبه ولله انه يحس بقيمة الشي وصراحة حرام بعض الناس مايقدر يشتري الجوال لولده موب هذا يسمى كسر لعيون الفقراء شكرا اخوي على هذا الطرح الرااااااااااااااااااااااائع تحياتي

[» اِلـَوَفْآءْ بـِنْـتْ]

السلام عليكم ورحمة الله وبركآته

المشكلة الكبرى بزمننا هذا أصبح للآطفال طموح أكبر
فـ لم ُيعد يختصر على لعبة او غيرهآ بل آصبح طموحهمُ جوآل ولآ بتوب ولاتستغرب يوماً أن جاء آبن العشر سنواتِ
وقال لي بابا اشتر لي سيارة .!!
هنا تكمنْ المشكلة الحقيقة في الأهل لانهمُ آصبحوا لآ يردونْ اي طلب لآبنائهمُ مهما كانت عديمة الفائدة
ولسان حالهُم خلوهم يتمتعونْ بحياتهُم
هل نحنْ وانت َلمُ نتمتع بحياتنا ولُم تكن لدينا متوفره كل هـ الآشياء وكانت حياتنا أجمل وآطعم ؛





كل الشكرْ وبـ التوفيق لك http://www.t9oor.com/forum/images/smilies/0000100.gif