دخول سهيل في 13/8/2010

[أبـوحـمـد]

بسم الله الرحمن الرحيم..

السلام عليكم ورحمه الله وبركاته..

سهيل هو نجم شهير يقع في جهة الجنوب ويعرف عند اهل نجد بسهيل اليماني

ولسهيل وقت يعرف عند اهل نجد بدخول سهيل وهو وقت يبدا فيه الجو بالعتدال

وكذلك في نضوج التمر حيث ان دخول سهيل دلالة على نضوج

فالمثل الشعبي يقول

لا دخل سهيل تلمس التمر في الليل


http://m5awitumair.com/upload/uploaded/12_01282439775.jpg

ولعل الخلاوي بين وقت سهيل في مقتطفة من احد قصائدة والتي تكلم فيها عن النجوم ووقت
كل نجم وخروجة ودخول النجم الاخر

متى الثريا مع سنا الصبـح وايقـت=على كل خضـرا ودعـت بالسنايـد

من عقبها نجـم كمـا فـرخ متلـي=على الشوف يتليها بمشيـه يعـاود

وبوارح الجوزا ربـا فيـه بسرهـا=واختلفت الالوان بين خضر الجرايد

والى ظهر المرزم شبع كـل كالـف=من الغيد وانحـن الليالـي الشدايـد

ونجوم الكليبين التي تنشـف الجـم=يغـور فيهـا مـا العـدود الوكايـد

والى غابت النسرين بالفجر علقـوا=مخـارف فـي ليـنـات الجـرايـد

والى مضى عقبه ثمان مـع اربـع=الخامسـه طالـع سهيـل يحـايـد

تشوفه كقلب الذيـب يلعـج بنـوره=مويق على غرات حـدب الجرايـد

والى مضى واحـد وخمسيـن ليلـه=فلا تامن الما من حقـوق الرعايـد

قضى القيظ عن جرد السبايا ولا بقى=مـن القيـظ الا مرخيـات القلايـد

ومن لايسقي كنـة القيـظ زرعـه=فهو مفلس منهـا ليالـي الحصايـد


نجد هنا ان الخلاوي راشد رحمه الله تلكم عن سهيل وبين وقت دخوله

واهل نجد يستشرون بدخول سهيل
فدخول سهيل يعتبر البشارة على خروج فصل الصيف الحار وقرب دخول الوسمي

والذي يبين ذلك الخلاوي في احد ابيات القصيدة السالفة الذكر

والى مضى واحـد وخمسيـن ليلـه=فلا تامن الما من حقـوق الرعايـد

وهذا النجم مع دخوله قرب صرام النخيل وكذلك ارتفاع الماء في الابار بعد النجوم
التي ترشف غزيز الجم مثل الكليبين

وهذا ما يدل عليه قول الخلاوي في الابيات سالفت الذكر

عندما قال

ونجوم الكليبين التي تنشـف الجـم=يغـور فيهـا مـا العـدود الوكايـد


هذا والله اعلم ..

[عرق الأرطى]

تسلم يبو حمد والله يغيثنا ان شاء الله

[نسيم]

اضافة ياصديقي لو سمحت
سهيل
مدته 53 يوم ويبدأ من 24/8 وتظهر فيه النجوم التالية الطرفه – الجبهة – الزبرة – الصرفة
اول طالع منه يعتبر اخر الصيف والطوالع الثالثة الباقية من الخريف
ويقلون اذا طلع سهيل طاب الليل ، وامتنع القيل ، ولام الفصيل الويل ، ورفع الكيل ، وتوقل العامة " اذا طلع تلمس التمر في الليل ولا تامن السيل .


............

http://mmutairi.jeeran.com/33333jpg.jpg (http://mmutairi.jeeran.com/33333jpg.jpg)

الطرفة
ايامه 13-بدايته 24/8
-اول سهيل واخر انواء الصيف
-يعتدل الجو ولكن لايزال حارً في النهار
- مناسب لغرس فسائل النخيل والاشجار
- تزرع فيه الخضار مثل نوء النثرة
- تتواجد فيه الطيور المهاجرة وتستمر فيه هجرة الدخل وتبداء هجرة الصفاري .

يقولون اذا طلعت الطرفة ، يكره الخرفة ، وكثرت الطرفة ، وهانت للضيف الكلفة .
..............

http://mmutairi.jeeran.com/4444.jpg (http://mmutairi.jeeran.com/4444.jpg)

الجبهة
ايامه 14 – بدايته 6/9
- اول انواء الخريف
- ينهي فيه عن النوم تحت اديم السماء
- يعتدل الجو في الليل ولا يزال حار في النهار
- مطره نافع باذن الله
- يبداء صرام النخيل
- تغرس فسائل النخيل وشتل الاشجار وتزرع الخضار .

يقال اذا طلعت الجبهة ، تحانت الولهة ، وتنازت السفهة ، وقلت في الارض الرفهة . وتقول العامة "ايلول لا قيلول ".
...................

http://mmutairi.jeeran.com/5555.jpg (http://mmutairi.jeeran.com/5555.jpg)

الزبرة
ايامه 13 – بدايته 20/9

- يتساوى فيه الليل والنهار
- يتلطف الجو في النهار ويبرد في الليل
- الرياح ساكنة
- امطاره اذا هطلت تكون غزيرة
- يستمر فيه غرس النخيل وزراعة الخضار مثل الجبهة

وتبدأ في هجرة القماري

............

http://mmutairi.jeeran.com/66666.jpg (http://mmutairi.jeeran.com/66666.jpg)

الصرفة
ايامه 13 – بدايته 3/10
- اخر سهيل
- يعتدل الجو في النهار وتزداد برودته في الليل
- يستمر غرس النخيل والاشجار
- يكثر الرمان ويحصد الارز
- يزرع البرسيم والبقول والخضار الشتوية
وتبدأ فيه هجرة طيور الماء- البط - الغرانيق
يقال اذا طلعت الصرفة ، احتال كل ذي حرفة ، وجفر كل ذي نطفة . وامتيز عن الماء زلفة .

[جار القمر]

الله يبشرك بالخير

[جنـgن رجل~]

لا دخل سهيل تلمس التمر في الليل
عجبني المثل هع
الله يجزاك خير على الخبر تسلم

[الأنيق]

الله يجزاك خير يابو حمد
وبيض الله وجهك يانسيم على هالزياده

[طير شلوى]

تسلم يابو حمد ونسيم على هذه النشره ،
ويعطيك الف عافيه

[أبـوحـمـد]

تسلم يبو حمد والله يغيثنا ان شاء الله

من قال سالم يالعرق الارطى....
والي عند الله قريب...

[أبـوحـمـد]

مدته 53 يوم ويبدأ من 24/8 <---- عند اصحاب الفلك هذا التاريخ
لكن الحقيقي يا نسيم من 13/8 الى 15/8 وانا غلطت بالتاريخ
كووود يجي المتحد ويعدله الموضوع الى 13

وشكرا لك ولهذه الاضافه يا صديقي...

[أبـوحـمـد]

الله يبشرك بالخير

يا هلا بجار القمرالحمد لله على السلامه...

[أبـوحـمـد]

لا دخل سهيل تلمس التمر في الليل
عجبني المثل هع
الله يجزاك خير على الخبر تسلم


وهو صادق لا تزمل في الخراااف ابد مد يدك وامل سطلك..:t24:

هلابكـ وكل الشكر لحضوركـ..

[أبـوحـمـد]

الله يجزاك خير يابو حمد

وبيض الله وجهك يانسيم على هالزياده



ويجزاك بالمثل يا ابو منيره واليوم الجو براد جلست الين 3وقمت انفض..
ودريت ان سهيل داخل من التقويم..

[أبـوحـمـد]

تسلم يابو حمد ونسيم على هذه النشره ،
ويعطيك الف عافيه

الله ميريسلمك ويعافيك يا طيرشلوى شاكر لك حضورك..

[برق1]

الله يبشركم بالخير
والبراد حاسين فيه هالايام
الله يعجل بالوسم هالسنة ,,

شكرا ابو حمد و نسيم ع الاضافة
.

[المتحـ2007ـد]

في مقوله يقولون

اذا دخل سهيل لا تامن السيل او اذا طلع سهيل لا تامن السيل

وشكرا على هذا الموضوع يا ابو حمد

والله يعجل بالوسم

[أنكسار انثى}..]

جهودك مشكوره أخوي أبوحمد
والله يعطيك العافيه على النشره
ومشكور أخوي نسيم على الأضافه
والله يحرم يديكم عن النار ودمتم بخير

[أبـوحـمـد]

الله يبشركم بالخير
والبراد حاسين فيه هالايام
الله يعجل بالوسم هالسنة ,,

شكرا ابو حمد و نسيم ع الاضافة
.

الله يعجل به ان شاء الله ..

ومثل ماقلت هاليومين برادات واللهم لك الحمد..

هلابك اخوي برق 1..

[أبـوحـمـد]

في مقوله يقولون

اذا دخل سهيل لا تامن السيل او اذا طلع سهيل لا تامن السيل

وشكرا على هذا الموضوع يا ابو حمد

والله يعجل بالوسم

والله انك حست راسي يالمتحد بس كلهن سواء سواء..
وان شاء لله تشوف الخير هالسنه..

[كحيلان التميمي]

الله يجيبه

[أبـوحـمـد]

جهودك مشكوره أخوي أبوحمد

والله يعطيك العافيه على النشره
ومشكور أخوي نسيم على الأضافه

والله يحرم يديكم عن النار ودمتم بخير


الله يعافيك اختي انكسار ويجزاك كل خير
وشكرا لك على هذي الدعوه.. والله لا يحرمك الاجر..
تحياتي لك..

[أبـوحـمـد]

الله يجيبه

وصلك يا كحيلان...

[نسيم]

يقولون الصفارة مشيوفه يابوحمد

[أبـوحـمـد]

مشيوفه لها يومين يا نسيم... والبعض شايفها من اسبوع..

[طير شلوى]

والله انك حست راسي يالمتحد بس كلهن سواء سواء..
وان شاء لله تشوف الخير هالسنه..

الدخول هو الطلوع ، يقال طلع سهيل أي دخل سهيل ،وأنت أبخص

[نسيم]

مشيوفه لها يومين يا نسيم... والبعض شايفها من اسبوع..
ماشهدنا الا بعلمنا ياصديقي اليوم انا شايفها درعه الصبح بدري

[سهيل تمير]

جهد رائع أخوي أبو حمد وما قصرت
وألف شكر أخوي نسيم على الإضافة والتوضيح
فعلا نجم سهيل طرفه في 24 أغسطس
وجبهته توضح في 6 سبتمبر
وزبرته بكثرة الهبوب الشمالية في 20 سبتمبر
وصرفته بعد ما يتساوى الليل والنهار في آخر سبتمبر وأول أكتوبر
لإنصراف الحر عند طلوع آخر نجمة منه في 3 أكتوبر

[سهيل تمير]

قال الشاعـر عـن نـجـــم سـهــيــــل :

يا وش عود نحسب حسابه الناس **** الـبـدو والـلـي يـسـكـنـون القـرايا
اليا حـظـر تريحـوا عـقـب الاتعاس **** وبعـد عـن الفـلاح راعـي الرعايا

[أبـوحـمـد]

الدخول هو الطلوع ، يقال طلع سهيل أي دخل سهيل ،وأنت أبخص

بيض الله وجهك يا طيرشلوى الحين فهمت المقصد...

[أبـوحـمـد]

ماشهدنا الا بعلمنا ياصديقي اليوم انا شايفها درعه الصبح بدري

ابشر بالخيران شاء الله من هاليومين وجاي راح تشوفها بكثره..

[أبـوحـمـد]

جهد رائع أخوي أبو حمد وما قصرت
وألف شكر أخوي نسيم على الإضافة والتوضيح
فعلا نجم سهيل طرفه في 24 أغسطس
وجبهته توضح في 6 سبتمبر
وزبرته بكثرة الهبوب الشمالية في 20 سبتمبر
وصرفته بعد ما يتساوى الليل والنهار في آخر سبتمبر وأول أكتوبر
لإنصراف الحر عند طلوع آخر نجمة منه في 3 أكتوبر





في التقويم الفلكي 24اغسطس
لكن عند شيابنا قبل هالتاريخ بــ 10 ايام يا نجم سهيل وهم ابخص
ويعرفون وقت دخوله بتغيرات الجو وبعض النباتات..

هلابك وكل الشكر لحضورك وتواجدك يا نجم سهيل
جيت وجبت معك البراد :t24::t24:

[سهيل تمير]

في التقويم الفلكي 24اغسطس
لكن عند شيابنا قبل هالتاريخ بــ 10 ايام يا نجم سهيل وهم ابخص
ويعرفون وقت دخوله بتغيرات الجو وبعض النباتات..

هلابك وكل الشكر لحضورك وتواجدك يا نجم سهيل:t172:
جيت وجبت معك البراد :t24::t24:


نجمة سهيل كلها خير للبدو والحضر وعلامة دخول البراد في الليل
وأنت يا أبو حمد نجمة فوق كل النجوم لا نجمة سهيل ولا الجدي
والحلى كله في توقيعك صورة وصوت
أستودعك خالق الدنيا وما فيها