سُولِفْ اَلْليلَهْ عَلَى قَلْبِيْ وَ نَاجَهْ [ إِحْتِيَاجْ ]

[حـلآي مـعـذب غـيـري]

مَدْخَلْ :


رَجِعْنِي لْوَقْتِيْ اَوْ رَجَعْلِيْ اَوْقَاتِيْ ..

عَامِينْ تَنْطِرْنِيْ وَعَامِينْ نَاطِرْهَاْ ..

وَتِقَبَلْ الْوِدْ وَالَّشُكُرْ وَتَحَيَاتِيْ ..

يَا سَاكِنْ الَّرُوحْ وَالَرُوحْ وَمَشَاعِرْهَاْ ..











يُومْ هَبّ الْوَقَتْ وَأَعْمَانِيْ عَجَاجَهْ ..


الْفَرَجْ عَيَّاْ وَأَنَا بَالَّصَبِرْ رَاهِيْ ..










وَيُومْ مَالْ وَطَالْ مِيْلَهْ وَأِعْوِجَاجَهْ ..


رِحتْ أَدَوّرْ شَيءٍ يَشِدْ إِنْتِبَاهِيْ ..










وَشِفتْ زُوْلِكْ مَقْبِلٍ مِثلْ إِنْفِرَاجَهْ ..


كَنّهْ اَلَليْ جَايِبٍ عَزِّيْ وَ جَاهِيْ ..










يَاهْـ يَاضِيْقَاتْ صَدْرِيْ وَإِبْتِهَاجَهْ ..


تَذْكَرْ آَخِرْ مَرِةٍ شِفْتِكْ مَتَىَ هِيْ .. ؟










صَاحَبِكْ مِنْ يُوُمَهَاْ زَادِ إِحْتِيَاجَهْ ..


وَأِمْتِطَىَ ظَهَرْ الْمَصَايِبْ وَالَّدَوَاهِيْ ..










سُولِفْ اَلْليلَهْ عَلَى قَلْبِيْ وَ نَاجَهْ ..


مَنْ بِقَىَ لِيْ غِيْرِكْ أَفْخَرْ بَهْ وَأَبَاهِيْ ..










يَا بَعَدْ مَنْ كَدَّرْ غْيَابِيْ مَزَاجَهْ ..


وَيَا بَعَدْ مَنْ مَرَّتْ حْرُوفَهْ شِفَاهِيْ ..










رُغمْ حَيْرَةْ قَلْبِكْ وَرُغمْ إِنْزِعَاجَهْ ..


الَّزَمَنْ مَا غَيّرْ اِحْسَاسَهْ تِجَاهِيْ ..










وَرُغُمْ وَحْشَةْ بُعْدِكْ وَقَسْوَةْ سِيَاجَهْ ..


كِلْ حَاجَهْ فِيكْ ظَلَّتْ مِثلْ مَاهِيْ ..










الْخَجَلْ فِيْ وَجْهِكْ أَوَلْ مَـ نْتُوَاجَهْ ..


وَالْبَرَاءَهْـ فِيْ عُيُونِكْ وَأَنتْ سَاهِيْ ..










وَبَسْمِتِكْ لاَمَنْ بَغِيتْ تْقُولْ حَاجَهْ ..


وَغِيْرِتِكْ لاَشِفتْ كَنَّيْ عَنكْ لاَهِيْ ..










قَبلْ أَشُوفِكْ وَالَّزِمَنْ عَاقِدْ حْجَاجَهْ ..


أَسْأَلَهْ وَشْ فِيكْ وَأَلْقَىَ الَّعَذرْ وَاهِيْ ..










وَيُومْ شِفْتِكْ قِلتْ لَلَوَقتْ وَعَجَاجَهْ ..


هَيهْ يَالَلَي فِيْ طُعُونِكْ كِنتْ رَاهِيْ ..










أَنتْ لَوُ غَيَّرتْ فِيْنَاَ أَلْفْ حَاجَهْ ..


الْقُلُوبْ الْبِيضْ تَبْقَىَ مِثِلْ مَاهِيْ ..















مَخْرَجْ :











رَوَّقْ وَرَكَّزْ وَحَاوِلْ تَفْهَمْ اَلآَتِيْ ..







فِكْرَهْـ تَأَكَدْ قَلِيلْ الَلَيْ يَفَكِرْهَاْ ..







لَوُ اِنْ غِيْرِيْ مَعَاكْ يْسَوِيْ سْوَاتِيْ ..








قِلتْ اَنتْ نَعْمَهْ وَهُوْ عَاجِزْ يَقَدَّرْهَاْ .. !