الحطيئة
15 / 04 / 2005, 02 : 02 PM
أقدم لكم هذه القصيدة الجميلة جداً آمل ان تنال رضاكم ولا تسألوني من صاحبها
بدين باسم مكوّن الكون تكوين=المنفرد والمتّحد في كيانه
رب الحجر رب الشجر والثقلين=مرسل محمد وامراً باتبعانه
اللي عباده له صياماً مصلين=يرجون رحمة ربّهم وامتنانه
وعطفه ولطفه لاغدى الخلق نصفين=ويشهد على الإنسان حتى بنانه
ياناصر الرسول في بدر وحنين=وياجاعل لسان البشر ترجمانه
انت المعين ولاحداً غيرك معين=ومن بعد ذكرك كل شي باوانه
ياراكب اللي من حديده قزوزين=تو ودبل زيرو وون صدرانه
صدّر خلال إنتخابات الزعيمين=قدام بوش الإبن يكسب رهانه
وقبل إستلام البيت الابيض بشهرين=ومجلس شيوخه وانظمة برلمانه
جي إم سي حروف ورموز تبيين=فالمصنع اللي صممّه والصيانة
أحدث موديل بتكنلوجا الصوالين=والله عطى اللي يصنعونه اتقانه
إليا سرى ماضاً من الليل ثلثين=وولّع مصابيحه وولّع سكانه
كن الجميحيه شموع المحبين=في عيد ميلاد اوقده شمع دانه
وكن إشتغاله هرجة بين ثنتين=يخفنّها بين الخجل والّلعانة
يشبه إلى قام يتمشّى على هوين=مشي الفتاه المترفه بامشيانه
وإليا عطى مردومة كنّها قين=وقام يغنج بجهود كن غنجانه
شريفة في حفل ناسً شريفين=ترقص على ياليلدانه لدانه
تلف وتهزّ الخصر والذراعين=ومن راسها ماطاحت الإستكانة
إلى مشى من نجد بين الصلاتين=مايصبح إلا في حدود الكنانة
يصرخ بعنف إذا اخذ شويّ بنزين=مثل صراخ صغيّراً فالحضانة
كن الحصى على حصاه وحصاتين=يفرّ من حدره فرير السمانة
حدّه على قصياه ياسايقه لين=تعزف قزوزه مثل عزف الكمانه
ويخلّي العادم بروس الشكامين=غليون حشّاشاً براسه شطانه
كنًه بتفكيره يحرر فلسطين=ومستيسر شارون بالخيزرانه
بدين باسم مكوّن الكون تكوين=المنفرد والمتّحد في كيانه
رب الحجر رب الشجر والثقلين=مرسل محمد وامراً باتبعانه
اللي عباده له صياماً مصلين=يرجون رحمة ربّهم وامتنانه
وعطفه ولطفه لاغدى الخلق نصفين=ويشهد على الإنسان حتى بنانه
ياناصر الرسول في بدر وحنين=وياجاعل لسان البشر ترجمانه
انت المعين ولاحداً غيرك معين=ومن بعد ذكرك كل شي باوانه
ياراكب اللي من حديده قزوزين=تو ودبل زيرو وون صدرانه
صدّر خلال إنتخابات الزعيمين=قدام بوش الإبن يكسب رهانه
وقبل إستلام البيت الابيض بشهرين=ومجلس شيوخه وانظمة برلمانه
جي إم سي حروف ورموز تبيين=فالمصنع اللي صممّه والصيانة
أحدث موديل بتكنلوجا الصوالين=والله عطى اللي يصنعونه اتقانه
إليا سرى ماضاً من الليل ثلثين=وولّع مصابيحه وولّع سكانه
كن الجميحيه شموع المحبين=في عيد ميلاد اوقده شمع دانه
وكن إشتغاله هرجة بين ثنتين=يخفنّها بين الخجل والّلعانة
يشبه إلى قام يتمشّى على هوين=مشي الفتاه المترفه بامشيانه
وإليا عطى مردومة كنّها قين=وقام يغنج بجهود كن غنجانه
شريفة في حفل ناسً شريفين=ترقص على ياليلدانه لدانه
تلف وتهزّ الخصر والذراعين=ومن راسها ماطاحت الإستكانة
إلى مشى من نجد بين الصلاتين=مايصبح إلا في حدود الكنانة
يصرخ بعنف إذا اخذ شويّ بنزين=مثل صراخ صغيّراً فالحضانة
كن الحصى على حصاه وحصاتين=يفرّ من حدره فرير السمانة
حدّه على قصياه ياسايقه لين=تعزف قزوزه مثل عزف الكمانه
ويخلّي العادم بروس الشكامين=غليون حشّاشاً براسه شطانه
كنًه بتفكيره يحرر فلسطين=ومستيسر شارون بالخيزرانه