وجبة دخيخلات .. وتمشية في مزرعة الجح البرية .. 23/8/1431

[المهند]

بسم الله الرحمن الرحيم ..

أهلاً بكم مجدداً ..
عقب ما ذبحني برد الطائف ... ودخل عظامي بردهم ... قلت وش رأيك ياروحي نروح ونطلع ذا البرد .. قبل مايجي رمضان المبارك .. في حدى هالشعبان .. ونعيد ذكريات الطائف .. مع فارق الأجواء فقط ..

هالويك آند .. طرا لي طاري لتوديع صيد الدخل فتوكلت على الله من عصر الربوع . والاستمتاع بالأجواء النجدية الليلية خلال الليالي الصيفية ..

مالنا .. ومالكم بالطويلة .. لنذهب سوياً نكشت لكن بدون أكل ...

** التشريف على الشعيب ...

http://m5awitumair.com/upload/uploaded/10_01281097570.jpg


** رايح يمين ..يسار ... يدور المطامن ...

http://m5awitumair.com/upload/uploaded/10_11281097570.jpg


** ننتقل إلى الشغل اللي أي كلام ... شغل التنتيف ..

http://m5awitumair.com/upload/uploaded/10_21281097570.jpg

http://m5awitumair.com/upload/uploaded/10_01281097625.jpg

** هذا هو الشعيب بِـ حرِهِ وشموسه ... وصالي رماله ..
http://m5awitumair.com/upload/uploaded/10_11281097625.jpg

** صدنا في يوم الخميس ... حصيلة طيبة لا بأس بها ... تشبع وتسمن ..

http://m5awitumair.com/upload/uploaded/10_21281097625.jpg

** بداية كبسة دخل ..

http://m5awitumair.com/upload/uploaded/10_01281097636.jpg

** يا سلام ... إذا صار الرز ... مشبع ... من زيت الدخل ... يغدي الرز أزين من الدخل ...

http://m5awitumair.com/upload/uploaded/10_11281097636.jpg

** تم هدم هذا الجبل بكل سلام ولله الحمد والمنه ..

http://m5awitumair.com/upload/uploaded/10_21281097636.jpg

** بالعافية .. بالعافية .. عليكم ياشباب ...

http://m5awitumair.com/upload/uploaded/10_01281097637.jpg

** الانتقال عبر طريق الملك فهد .. إلى حيث مزارع الجح والبطيخ ... لشرب الشاي ..

http://m5awitumair.com/upload/uploaded/10_11281097637.jpg

** وهنا مزارع الجح ... المسقيه بمياه الأمطار في فيضة الشعيب ..

http://m5awitumair.com/upload/uploaded/10_21281097637.jpg


** اختيار المكان المناسب ... لشرب الشاي ..

http://m5awitumair.com/upload/uploaded/10_01281097666.jpg


** وقفنا السيارات على إحدى أشجار الجح ..

http://m5awitumair.com/upload/uploaded/10_11281097666.jpg

** جولة داخل المزرعة ..

http://m5awitumair.com/upload/uploaded/10_21281097666.jpg

** حبحب .. من نوع قزاز .. ماشاء الله تبارك الله ..

http://m5awitumair.com/upload/uploaded/10_01281097669.jpg

** هذا الساقي اللي يسقي الشجرة ..

http://m5awitumair.com/upload/uploaded/10_11281097669.jpg

** ولا بديد .. من شوية .. مع شاهي العصر ... ولو خاضور ...

http://m5awitumair.com/upload/uploaded/10_21281097669.jpg

** صيد يوم الجمعة ... لكن ما بقى إلا شخصين .. ومال الصمايل إلا أهلها ..

http://m5awitumair.com/upload/uploaded/10_01281097696.jpg

** هذه آخر جمعة قبل رمضان .. فإن لم تشبع الآن .. يخلف الله ..

http://m5awitumair.com/upload/uploaded/10_11281097696.jpg

** العاصوف .. ضيف ثقيل ... دائما ما يأتي إذا زهب الغداء ...

http://m5awitumair.com/upload/uploaded/10_21281097696.jpg

** أجواء شمسية رائعة ... خصوصاً مع ما في داخل هذا الكاتم ..

http://m5awitumair.com/upload/uploaded/10_01281097699.jpg

** أربعين دخيخلة .. كانت كفيلة باشباع شخصين .. مشفقين على الدخل ...

http://m5awitumair.com/upload/uploaded/10_11281097699.jpg

ماشاء الله تبارك الله ..

اللهم لك الحمد والشكر ...

شكراً لمشاهدتكم ..

[روح الورد]

ماشاءالله تبارك الله

رحله ممتعه وتقرير وتصوير ولا اروع
ابدعت وليس بغريب
احترامي

[العزي]

بالعاافيه عليكم ...

الله يصلح هويدي ألهانا بالكنز وحرمنا هالكشتة الحلوووة ...

عووآآآفي ..

[جار القمر]

تقرير جميل وشيق
س ) عكوز بكوز في كل ديار مركوز !!! من هو ؟
ج ) ......................

[أبو تميم الفيصل]

ماشاء الله صيد وافي لكن عيب هالوقت حر والجو ماهوب مضموان عج

[ام منى]

ماشاء الله تبارك الرحمن..
الله يهنيكم بكشتكم وبالعافيه عليكم هالدخل..
دائما مميز بتقاريرك..

[صاحب المعالي]

لاحوال وش الله حادكم في ذا القايله مشكور على التغطيه الرائعة يالمهند

[أمير بأخلاقي]

جعلها مهابيط العافيه
مافيه شي احسن من الكشته ودخل بعد يآآآآسلآم
الله لايهينك ع الصور

[ابو مشعل]

يعطيك العافيه يالمهند على هالصور في هالقايله
اقول ياالبراد تحت هالمكيف
شاكر لك

[ابوخليــــل]

ماشاء الله رحله ممتعه
اه يازين الدخل
تسلم على التقرير الرائع

[المهند]

ماشاءالله تبارك الله

رحله ممتعه وتقرير وتصوير ولا اروع
ابدعت وليس بغريب
احترامي
شكراً لك ولشعورك أختي روح الورد ..

لاعدمنا هذا المرور .. والحضور الجميل ..

[المهند]

بالعاافيه عليكم ...

الله يصلح هويدي ألهانا بالكنز وحرمنا هالكشتة الحلوووة ...


عووآآآفي ..

خلو الكنز ينفعكم ورددوا ..
خمسة عشر رجلاً ماتوا من أجل صندوق ...
تراي شايف موتره يم جهة القري ..

[المهند]

تقرير جميل وشيق
س ) عكوز بكوز في كل ديار مركوز !!! من هو ؟
ج ) ......................
أكيد القمر وجاره ..
عساك سالم يالجار ..

[المهند]

ماشاء الله صيد وافي لكن عيب هالوقت حر والجو ماهوب مضموان عج
ما هنا صيداً في براد ...
والمهتوي يقطع المستوي ..

[المهند]

ماشاء الله تبارك الرحمن..
الله يهنيكم بكشتكم وبالعافيه عليكم هالدخل..
دائما مميز بتقاريرك..
اللهم آمين ..
والله يجزاك خير على الدعوات ...

[المهند]

لاحوال وش الله حادكم في ذا القايله مشكور على التغطيه الرائعة يالمهند
قال وش حادك على المر قال اللي أمر منه ..

إن ماحصل صيد هاليومين .. ماعاد هو حاصل هالسنة ..

الشكر للمرور ..

[المهند]

جعلها مهابيط العافيه
مافيه شي احسن من الكشته ودخل بعد يآآآآسلآم
الله لايهينك ع الصور
لاهنت ياأمير بأخلاقه ..
عز الله ماهنا أطيب من لحمة الدخل ..
عساك سالم ..

[المهند]

يعطيك العافيه يالمهند على هالصور في هالقايله
اقول ياالبراد تحت هالمكيف
شاكر لك
الله يعافيك ..
لقيت الحر في الديرة .. وإلا البر مافيه إلا البراد ...

يازين الغفوة عقب الظهر من التعب .. تجي من القلب ..

[لميس]

رحله رائعة خييو
تسلم على ابداعاتك يالمهند
احترامي لكـ ,,~

[الموادع]

ماشاء الله من البدآيه ناوي تقرضه وهو مابعد كثر
الله يبارك لكم فيه فاكني الله منه الحمدلله
مشكور على موضوعك يالغلا

[أبـوحـمـد]

هو جاء عشان تودعه يا المهند...

عقب ارمضان تبي تشبع منه وتتحشاه بالزبلان...

مالنا غناه عنه بنصيده حتى برمضان...

بس هالشعيب هذا كنه حول جراب والا انا غلطان...

[عرق الأرطى]

تسلم وبالعافيه عليكم عني انا قصرت ونا اطامر في الشعبان ويالله حصلت 25 دخله الدنيا حظوظ
تحياتي ..

[» اِلـَوَفْآءْ بـِنْـتْ]

السلام عليكم
مآشآء الله تبآرك َ الرحمنْ :t177:
الدعوة هنآ تنتيفْ في تنتيفْ ب العافية عليكمُ ؛ تقرير َجميل َ كـ العادة ؛

عوآأفي http://www.hyatuha.com/vb/images/smilies/new-2009/20.png (http://www.hyatuha.com/vb/images/smilies/new-2009/20.png)

[المهند]

ماشاء الله رحله ممتعه
اه يازين الدخل
تسلم على التقرير الرائع
الله يسلمك أخوي هاوي تمير ..
آه وبس على هالدخيخلات ..

[المهند]

رحله رائعة خييو
تسلم على ابداعاتك يالمهند
احترامي لكـ ,,~
الله يسلمك يالميس ..
شكراً لهذا المرور ..

[المهند]

ماشاء الله من البدآيه ناوي تقرضه وهو مابعد كثر
الله يبارك لكم فيه فاكني الله منه الحمدلله
مشكور على موضوعك يالغلا
العفو يالموادع ..
إن ماقرضناه هاليومين .. نبي نتوقف شهر كامل ..
شكراً لمرورك يالغالي ..

[المهند]

هو جاء عشان تودعه يا المهند...

عقب ارمضان تبي تشبع منه وتتحشاه بالزبلان...

مالنا غناه عنه بنصيده حتى برمضان...

بس هالشعيب هذا كنه حول جراب والا انا غلطان...
هلا أخوي أبوحمد ..
الله الله حول جراب ..
مشكلة رمضان ما يصلح إلا عشاء ... والدخل إن ماحصل إنك تتعب وتصيده وتأكله في محله وإلا بلاش ..
الله يبلغنا هالشهر الفضيل ..

[المهند]

تسلم وبالعافيه عليكم عني انا قصرت ونا اطامر في الشعبان ويالله حصلت 25 دخله الدنيا حظوظ
تحياتي ..
هلا بك أخوي عرق الأرطى ..
الله يسلمك ويعافيك ..
ألحن نطر الشجر طر .. على شان تجي دخلة ..
وإلا تعلقت خطر أن ألحن نقطع الشكرة على شان نجيبها ..
والحمدلله شبعنا عقب هالغثاء ..
الله يوفقنا وإياك ..

[المهند]

السلام عليكم

مآشآء الله تبآرك َ الرحمنْ :t177:
الدعوة هنآ تنتيفْ في تنتيفْ ب العافية عليكمُ ؛ تقرير َجميل َ كـ العادة ؛


عوآأفي http://www.hyatuha.com/vb/images/smilies/new-2009/20.png (http://www.hyatuha.com/vb/images/smilies/new-2009/20.png)

وعليكم السلام ..
ما يحتاج تناتيف .. بس وين الصيد ..
شكراً لهذا الحضور ..

[سمو الأمير]

ماشاء الله
تقرير جميل يالمهند
ورغم المنظر الصحراوي اللهيب إلا أن مافي الصحون يغري البطون ياصاح

[المهند]

ماشاء الله
تقرير جميل يالمهند
ورغم المنظر الصحراوي اللهيب إلا أن مافي الصحون يغري البطون ياصاح


الدخل له ضريبة ..
وضريبته هالمنظر الصحراوي القاسي يالأمير ..

الله يحفظنا وإياك ..

[مروة]

ماشاء الله تبارك الله
بالعافية عليكم

[سُلاَفْ القَصِيدْ]

مآشآء الله تبآرك الله
تقرير روعه
وإلى الحين وأنتم تنتفون بيدينكم ..
وين آلة تنتيف ريش الطيور أنآ سآمعه أنهآ موجوده
بالسعوديه وبالتحديد في الخبر هذآ الكلآم من العآم المآضي ..
والله أنهآ أحسن لكم من هالتعب
عليكم بالعآفيه الدخل ومطرح مآيسري يمري...

[المهند]

ماشاء الله تبارك الله


بالعافية عليكم

عافاك ربي ..أختي مروة ..

لاهنتي على المرور ..

[نسايم تمير]

ماشاء الله عليكم بالعااافيه
وشكرا ع الصوور الرائعه

[الأنيق]

ياملحك أنت وتقريرك
ماشاء الله عليك سريع التأقلم
بس تصدق التقرير إللي فيها ريحت برانا لها نكهه غريبه
تسلم ويسلم من خاوك
وبيض الله وجهك على شوفت هالدخل..

[الأنيق]

نسيت أقول تستاهل التقييم والنجوم

[المهند]

مآشآء الله تبآرك الله

تقرير روعه
وإلى الحين وأنتم تنتفون بيدينكم ..
وين آلة تنتيف ريش الطيور أنآ سآمعه أنهآ موجوده
بالسعوديه وبالتحديد في الخبر هذآ الكلآم من العآم المآضي ..
والله أنهآ أحسن لكم من هالتعب

عليكم بالعآفيه الدخل ومطرح مآيسري يمري...

أنتِ قضبينا الدخل وننتف لو برجلينا .. بس وين الدخل ..
نزلت نتافة الطيور حقت السنيدي وتشتغل على كهرباء السيارة ولها شروط ..
أن ما تصير متقطعة .. يعني على مذبوحة على الطريقة الاسلامية ..
أنك ماتحط فيها إلا حبتين أو ثلاث ..
وقريت عن مدى فاعليتها .. لقيتها ماهي عملية ...
عافاك ربي وشكراً لحضورك ..

[نسيم]

كلها 10 دخلات يالمهند!!!!!!!!!!!!ماتسوى هالحملة كلها .
وبعدين وينك طالع فيه؟

[المهند]

ماشاء الله عليكم بالعااافيه
وشكرا ع الصوور الرائعه
العفو ...
ولاهنت على المرور ..
عافاك ربي ..

[المهند]

ياملحك أنت وتقريرك

ماشاء الله عليك سريع التأقلم
بس تصدق التقرير إللي فيها ريحت برانا لها نكهه غريبه
تسلم ويسلم من خاوك
وبيض الله وجهك على شوفت هالدخل..

هلا بك أبومنيرة ..
أنت أملح يا الأشقح ..
الله يبيض وجهك ولايهينك على الحضور ..
وبالفعل بران تمير غيييير ..

[ابوغيداء]

بالعافيه عليك
هاذا في الاعصل والحبحب في الحيراء صحيح يالمهند
ومنقصكم الا صفيرات الكاتم
الاول يقول اصانع ماله قدر وانت يراعي الصفيرات ياله عود

[المهند]

نسيت أقول تستاهل التقييم والنجوم



خذ النجوم وعطنا التقييم ..

[المهند]

كلها 10 دخلات يالمهند!!!!!!!!!!!!ماتسوى هالحملة كلها .
وبعدين وينك طالع فيه؟

اللي مايطول العنب حامض عنه يقول ..
أفرض أنها :
10 دخلات الوحدة يبيعونها بـ 4 أريل .. تساوي أربعين ريال ..
الأربعين هذي .. تجيب لك أربع دجاجات مقاس 800 و 5 حبات بطاطس وقارورة ببسي أم 5 ريال وبـ 3 أريل خبز ..
وتأخذ تنكك أنت وصديقك وتطلع في الخبيراء .. ..

[المهند]

بالعافيه عليك
هاذا في الاعصل والحبحب في الحيراء صحيح يالمهند
ومنقصكم الا صفيرات الكاتم
الاول يقول اصانع ماله قدر وانت يراعي الصفيرات ياله عود
الله يعافيك يا أبوغيداء ..
أنت شبعان منها قبل شهر ماشاء الله عليك ..
الله من الشيء ناقصنا ... يكفي أن موتري مهوب معنا ..
والصفيرة الخميس معنا .. وشوفة عيني يوم نشيل السماط وهي عليه والظاهر أنها راحت معه ..
****
شفها شفها عند رجل مساعد .. راحت وهي الروحة يوم الخميس ..
http://m5awitumair.com/upload/uploaded/10_01281097637.jpg
لقيت العود أزين من الصفيرة بس لاتعلم أحد ثم أصك المحل ..

[وردهـ]

ما شاء الله عليكم
بالعافيه على قلوبكم

[مخاوي تمير]

بالعافية يا ابو مهند

بس كني اذكر انك موزي شوي دخيخلات :t18:

وما شاء الله عليك لو تحط صفحة بيضاء تطلع من يمينك احلى واجمل شيء

الله يسلمك ويحفظك من كل مكروه








اللي مايطول العنب حامض عنه يقول ..
أفرض أنها :
10 دخلات الوحدة يبيعونها بـ 4 أريل .. تساوي أربعين ريال ..
الأربعين هذي .. تجيب لك أربع دجاجات مقاس 800 و 5 حبات بطاطس وقارورة ببسي أم 5 ريال وبـ 3 أريل خبز ..
وتأخذ تنكك أنت وصديقك وتطلع في الخبيراء .. ..


:t32:

[المهند]

ما شاء الله عليكم
بالعافيه على قلوبكم
الله يعافيك ياوردة ..
شكراً لمرورك .

[المهند]

بالعافية يا ابو مهند


بس كني اذكر انك موزي شوي دخيخلات :t18:

وما شاء الله عليك لو تحط صفحة بيضاء تطلع من يمينك احلى واجمل شيء

الله يسلمك ويحفظك من كل مكروه










:t32:

أبشر بالدخيخلات .. لكن بشرط ..
نطلع سوى يم الأعصل والحيرا .. ونأخذ شوي من اللواهيب والشموس اللي تحمس ..
*****

:t32:

اضحك طول بطنك .. معد قبّل على الموضوع ..

[نسيم]

أبشر بالدخيخلات .. لكن بشرط ..
نطلع سوى يم الأعصل والحيرا .. ونأخذ شوي من اللواهيب والشموس اللي تحمس ..
*****

:t32:

اضحك طول بطنك .. معد قبّل على الموضوع ..
بلاي خايف يامهند خايف.
ومخاوي تمير يبي يعقد الشوش وانت على طول كنك مروحة قعاديه كل شوي لها وجهه