يا جماعة الربع .. وش سالفة هالشعيب !!

[العزي]

السلام عليكم ورحمة الله وبركاته ..

في يوم الجمعة العصر 4 / 8 / 1431 هـ

.. ركب معي واحد من الربع وقالي ما ودك نمر لنا شعيب يمشي موية ويقلب قريب من الديرة !!

أنا صراحة ما صدقت وجت السالفة فيها حقوق وخربطة هع هع << الولد يقول لي 3 أيام أتردد عليها ..

شغلت موتري وحركت للموقع .. تفاجأت بهالشعيب !! *

http://www.gulfup.com/file5/12793333121.jpg (http://www.gulfup.com/info.htm)

نصيحة كان ما معك موتر زي الناس وإلا لا تقطع << يعني أصحاب الهليات يلبقون على جنب .. يا لبي الكوكو بس *

http://www.gulfup.com/file5/12793333124.jpg (http://www.gulfup.com/info.htm)

* جريان الشعيب

http://www.gulfup.com/file5/12793333123.jpg (http://www.gulfup.com/info.htm)

* إحدى المناقع !!

http://www.gulfup.com/file5/12793333122.jpg (http://www.gulfup.com/info.htm)


بس والله يا حظكم ردي .. مصور كم صورة حلوة وما أمداني إلا أرسل هالصور << جوالي خرب وأول ما يزين أوافيكم بالصور الخيالية !!



بله وش سالفة هالشعيب !! .. الله من طيور الماء فيه .. ويا حلات قهوة العصر عنده



أنتظر مروركم .. العزي

[المهند]

الله يستر عسى مهوب اللي في تميرية ...
يخلف الله على اللكزس اللي معك إن كانك طبيت فيه ...

فيه شعيب يذكرونه يم دقله .. يقولون أنه ينز نز قوي ... وأنا والله ما شفته ..
لكن الشعيب .. شكله منذو زمن وهو يمشي لوجود أشجر السفانا في جانبيه ..!!!

[أبـوحـمـد]

لا يصير الي حول السد تراه الله يكرمك والسامعين مجاري ...

اما اذا كان غيره اكيد نقلوها مكان ثاني..

ووين مكان الشعيب هذا بالضبط اذا صارمهوب في تميريه..

[ابوخليــــل]

والله ماتوقع انه حول الديره

الزلفي وانت جاااي

[الامبراطور22]

هاذا الشعيب لم دقله
وكان قبل اسبوعين اقوى من كذا

[ابوخليــــل]

هاذا الشعيب لم دقله
وكان قبل اسبوعين اقوى من كذا
يعني عين تنبع اوايش.
لو تكرم ابي توصيفه المكان

[الامبراطور22]

يعني عين تنبع اوايش.
لو تكرم ابي توصيفه المكان
والله على ما اظن انه سد وينز من تحت الارض
وانت جاي من الرياض امش مع طريق القصيم متجه شمال تعد التفتيش وتعد محطة ساسكو الي فالنص اذا تعديتا المحطه اول كبري يجيك ارقى معه رح يسار
وسيييييييييييدا يجي له 7 كيلو بتجيك مزرعه في وجهك ممنوع الدخول عليها لوحه رح يسار مع الردميه ثم بيجيك الشعيب يقطعك يمشي

[العزي]

الشعيب هو يم دقلة ..

ترقى الكبري وتروح وتمشي أربعة كيلو ونصف وتلقى لوحة مدخل خاص وتدخل يسار وتشوف الشعيب يقلب .. تقطعه وتروح يسار يم السد الجبلي وما فيه إلا القليل من الماء << أظاهر الموية تنبع من الأرض


أبشركم مسكت مع جوالي وزاان . بعض الصور الخطافية

http://www.up-tumaer.net/up//uploads/images/tumaer-f4b8b5c93b.jpg (http://www.up-tumaer.net/up//uploads/images/tumaer-f4b8b5c93b.jpg)


الله يبارك لراعي هالمزرعة ..

http://www.up-tumaer.net/up//uploads/images/tumaer-cd63bc6e67.jpg (http://www.up-tumaer.net/up//uploads/images/tumaer-cd63bc6e67.jpg)


صب قوي من أحدى العبارات !!

http://www.up-tumaer.net/up//uploads/images/tumaer-22397d285f.jpg (http://www.up-tumaer.net/up//uploads/images/tumaer-22397d285f.jpg)



شوهدت طيور الماء .. وز ..

يعطيكم العافيه على المرور


حيااكم الله

[المتحـ2007ـد]

ما شاء الله

الظاهر يبيلنا شاهي عقب عصر فيه نغير الوجهه شوي

كل الشكر لك يا العزي والله يعافيك

[النادر]

مشاء الله الي بيروح له لاينساني
مشكور اخوي على هالصور

[فديت تمير]

مششكور أخوي ع الصصور ..

[الموادع]

ماشاء الله شعيب طيب
تراي خوي للي بيروح وللي وده يخاويني يعطيني علم على الخاص
ابطي ماجاء احد هع
مشكور يالعزي على الصور الي تشرح الصدر روووعه يالغالي
دمت بخير

[عرق الأرطى]

يبي من يروح يسبح فيها ويصيد نحم
تسلم اخوي ...

[العزي]

يا هلا بكم ..

حياكم الله على الطله

نورتم متصفحي

[السيف الاملح]

الشعيب هو شعيب دقله
والسد اذكره مليان
ومن زمان ماجيته
وانواع الطيور فيه
نحم وحجل هذا اللي شفته بعيني
ومكان السد ورى الكساره
لكنه الى الان يمشي خفيف