وش سالفه المخالفات؟؟؟؟هالاسبوع

[ريسوو]

بسم الله الرحمن الرحيم والصلاه والسلام على رسول الله أما بعد>>ابقوول خطبه

وش سالفه التفتيش من هالاسبوع والمشكله المخالفات واسبابها الغير مقنعه أجل ماقهرني الا ان يعطيك مخالفه علشان حزام امان دحين شرطه صلبوخ ماتدقق في هالشي ليش شرطتنا يسوون كذا وخاصه بعد ماتغير الرئيس ان كان بيصير كل العطله كذا تفاتيش ماقعدنا فيها والله

والسلام عليكم ورحمه الله وبركاته

(اتمنى انكم فهمتو شي)

[دحوم الخالديه]

يارجال مدري شسالفتهم ..
ههه كل شي عليه قسمه مالقو شي يسوونه
اجل مخالفه على انه ماربط الحزام وبالديرهـ الله الله بس .

[ابوخليــــل]

والله من نحيتي خلهم يشددون
علشان الشباب مايدورون وااااجد ويخف الازعاااج
لك تحياااتي

[سمو الأمير]

هذي بركااااااات الريس الجديد

المفروض استعراض العضلات يكون للافراد وليس لأهالي تمير

[مفارق هم]

نبيه عون طلع فرعون

الله يكون في العون

[عايش]

بيمشينا على الصراط

[الأنيق]

الله يوفقهم في عملهم..
ومافيها شي أذا طبقو النظام.
النظام ماينزعل منه
أو تبون كلش على كيفكم وماتبون الشرطه تشوف شغلها..

[ولد لندن]

الله يقويهم مدام التفتيش بيحد من التفحيط والدوران الي ماله فايده
اربط حزامك ولا تخالف في تظليله او انوار تعمي العيون وماعليك الا العافيه

[الأستاذ]

والله من نحيتي خلهم يشددون
علشان الشباب مايدورون وااااجد ويخف الازعاااج
لك تحياااتي

الله يوفقهم في عملهم..
ومافيها شي أذا طبقو النظام.
النظام ماينزعل منه
أو تبون كلش على كيفكم وماتبون الشرطه تشوف شغلها..


الله يقويهم مدام التفتيش بيحد من التفحيط والدوران الي ماله فايده
اربط حزامك ولا تخالف في تظليله او انوار تعمي العيون وماعليك الا العافيه





جزاكم الله كل خيرررر

ياليت جميع الأعضاء لديهم هذا الفكر الراقي ،،،،،

[قاهرالصحارى]

بلاك والله ماختا قسيمه يالاستاذ كان تعرف الفكر الراقى

[كنـق تمير]

قسم بالله ماينلامون

:t49:

[ẔṂŊ ĢǍṦě]

هذا شي من حقهم
النظام يقول كذا
يعني يوم طبقوا النظام خلاص قامت الدنيا
اول تقولون مامنهم منفعه ومدري ايش وازعجونا بالدوران
والحين بالليل اتحداك تلقى زي اول دوران
الشباب الان كله طالع بالجلسات او بالثيل
وسعو صدوركم وخذو لكم بيالات شاهي وفكر بعمق
تلقاهم على صحيح (:
<<< توه قايم من النوم يعني خذ وخل

[أبـوحـمـد]

معروف هذا الشي اول مايجي مدير الشرطه يكون متشدد لمده شهرين ثمين يبرد
مثل الي قبله والي قبله..

وينك يا ابو قرنين بس ماراح نلاقي افضل منه في جميع النواحي...

[العزي]

خخخخخخ

والله فله شرطة تمير !! .. أجل يهددون واحد لابس بدلة يقولون المره الثانيه نبي نعطيك قسيمة ..


بس غريبه أمس أنا مار من عندهم ولا ربطت حزام الأمان ولا عطوني شئ !! << بس تراي لابس شمااغ ههه


لكن الله يقويهم وكودهم يصملون !!


لا للدوران ..!!

يقولون يمكن يطبقون نظام ساهر بتمير !!

[لورنس العرب]

الله يبشرك بالخير

وجعلهم على القوة

إن شاء الله إن الرئيس الجديد يصير مثل أبو قرنين وأطيب

ياليت يفتشون كل يوم بس يفكونا من ها الشباب اللي أبلش العالم بالدوران

لا أوصيك تكفى يارئيس الشرطة ترى شبابنا مايفع معهم إلا الشدة

إكرب عليهم

[برق تميرية]

أبو قرنين000000 شمس وغابت000000000000

[وردهـ]

تعود على النظام ولا تاخذ قسايم

[ابو مشعل]

النظام ماشي سواء في تمير او في غيرها
والحزام يربط سواء في تمير او غيرها
ونحن نطالبهم بالمزيد والله يوفقهم وهذا واجبهم
وما جابوا شي من عندهم

[اسم العضو1]

اي فكر راقي اخوي الاستاذ وانت منزلي موضوع عن ساهر ومواقعة ليش ماصار فكرك راقي

صحيح ان النظام زين ماقلنا شي بس حزام الامان مافيه احد يربطه وانت اول واحد مايربطه في
الديره مع احترامي للجميع الي ايدوا ذالك كلام في كلام ولو اعطي مخالفه على حزام الامان طلع
يكتب بالمنتدى ويصايح......................................

وتقبلوا مني كل احترام وتقدير

[ريسوو]

الي ماجرب يمسكه التفتيش يجرب بووكره عشان نشوف رده وربي مشكوورين على هالمرور الراقي وشاكر لمن كان معي وضدي ولاهنتو

[ẔṂŊ ĢǍṦě]

الي ماجرب يمسكه التفتيش يجرب بووكره عشان نشوف رده وربي مشكوورين على هالمرور الراقي وشاكر لمن كان معي وضدي ولاهنتو

لا بالعكس اخوي ريسو
ماكنا ضدك بس هذا الواقع
انا مسكني بالسريع الرادار امشي 125 وعطاني مخالفه عليها 300 ريال
الفرق فقط 5 لكن هذا النظام
بس انت حسيت الفرق بالديره قبل وبعد التفتيش
؟؟؟؟

[مهند2000]

الله يقويهم يارب ..

واللتزمو بالنظام ~

عقبال مايطبق ساهر بشارع الثلاثين :)

[مجهول الهويه]

يازين شرطة تمير اذا لحقك تقدر تضيعه مو مثل الرياض عشرين دوريه وراك

[جن جنونه]

هم يبوون قساايم بس ..
والله لو اقول لكم سالفه متوو ضحك اجل ليه مالبست الحزاام وهو موقف ...
تر هذي اخر السالفه ماسمعتكم اولهااا

[دحوم الخالديه]

ههههههه اوما يحطون ساهر بالثلاثين ههههههه
مايمديك تمشي 60 خخخخ..

[2006]

ياخوان الشرطه مسكت على الاستقعاد للحزام والاشياء الاهم تاركينها مثل اللي فاك اللوحات ومطفي الانوار والي فاك المريات بس
الله يخلف

[سرى البارق]

ياخوي لا شفت التفتيش اربط الاحزام وريح بالك ولا تعطيته فكه ....وكانك مظلل لف يمين او يسار وشوله تروح لهم

[أبونواف11]

اتمنى السير على هذا المنوال لتخفيف الدوران والسرعة والإزعاج