إكتب اسم الشاعر واللى بعدك يكتب قصيده له [الأرشيف]

سُلاَفْ القَصِيدْ

07 / 07 / 2010, 22 : 04 PM

تسلم اخوي كحيلآن على الموضوع الرآئع
...
،؛، .. يا قــو قلــبـك .. ،؛،

ياقو قلبك على الصّـده ويـا صُــبـرك
وياوسع صدري على صدك ويا صُبري

وياطول عمـرك بذاكـــرتـي وياكُبـرك
وياشيب عيني بشيّب عــاد ذا كــُبـري

والله لون حمل صبري فوقـك..ان تبرك
والله ولو تعتذر منـت بعلـى خـــبـري

ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري

تـــزعل وترجع وتـلقانـي عـــلـى خبـرك
وانا انكسر لك واجـــيـك ادوّر لــجبـري

طـــيفك وذكــــراك طـيلـة غيبتـــك سبـرك
وشـــــوقي لشوفتك طيلة غيبتـك سبـري

امـــــحق وليف ومحبه والا اقــول ابـرك
حسبي عليك اعشقك وانت اتحفر قــبري

..

اللي بعدي يجيب قصيده
للشاعر بدر بن عبدالمحسن

كحيلان التميمي

10 / 07 / 2010, 51 : 11 AM

جمرة غضى .. أضمها بكفي

أضمها حيل . .

أبي الدفا .. لو تحترق كفي

وأبي سفر لليل

بردان أنا تكفى .. أبي احترق بدفا

لعيونك التحنان .. فعيونك المنفى

جيتك من الإعصار .. جفني المطر .. والنار

جمرة غضى

والله الجفا برد .. وقل الوفا برد

والموعد المهجور ما ينبت الورد

ياحبي المغرور .. ياللي دفاك اشعور

رد القمر للنور .. واحلى العمر .. في وعد

بردان .. بردان أنا تكفى.. أبي احترق بدفا

يا أول الحب .. شفتك أنا مره

واهديت لك قلب

ورديت لي جمرة

ومن يومها كان الرحيل

وليل الشتا .. القاسي الطويل

وآه يا الحنين

لليل باب له حارسين

برد وسحاب

اللي بعدي يجيب قصيده
لسعد ابن جدلان

سُلاَفْ القَصِيدْ

11 / 07 / 2010, 25 : 03 AM

ودّنا بالطيب بس الدهر جحـاد طيـب

كل ماتخلص مع النـاس كنـك تغشهـا

يدك لامدت وفا لاتحـرى وش تجيـب

كان جاتك سالمه حـب يـدك وخشهـا

كل ماشبيت نار المحبـه مـع حبيـب

قام يسحـل فـي مشاهيبهـا ويرشهـا

كل ماواجهت لك في الزمن وجه غريب

مثل ماقـال المثـل دام تمشـي مشهـا

وذمةٍ ماهيب تنـدان للحـق المصيـب

جعل قشاش الحطب لاسـرح يقتشهـا

أطلب من اللي بعدي قصيده للشاعر خالد الفيصل

هذا انا

11 / 07 / 2010, 19 : 08 PM

ياصاح أنا قلبي من الحب مجروح
جــرح عطيب مالقى له مـــداوي
لو ينشرى قربه شريناه بالروح
مير البلا شوفه غدا به هقاوي
أهل دمعي فوق الاوجان مسفوح
علي الذي ماهوب للغدر ناوي
أنا ادري إنه مثلي اليوم مطروح
لا شك مايقوى ولاني بقاوي
لولاي أداري سر الاحباب لابوح
وابيع بيعات الهبيل الفداوي
لكني اجحد فيه عن كل مفضوح
خوفي عليه من الحكي والدعاوي
حسبي على اللي حط في الدرب ساموح
العاذل اللي جر كل البلاوي
من أول باب المواصيل مفتوح
يوم ان عذال الموده خلاوي
واليوم سد الباب لوح على لوح
وامسيت أنا ياصاح قلبي شقاوي

اطلب من اللي بعدي قصيده للشاعر
احمد شوقي

كحيلان التميمي

14 / 07 / 2010, 01 : 11 AM

سجا الليل

سجا الليل حتى هاج لي الشعر والهوى *** وما البيد إلا الليل والشعر والحب

ملأت سماء البيد عشقـــــــــا وأرضها *** وحملت وحدي ذلك العشق يا رب

ألم على أبيـــــــــات ليلى بين الهـــوى *** وما غير أشـــواقي دليل ولا ركب

وباتت خيامي خطوة من خيامهــــــــا *** فلم يشفني منها جـــوار ولا قرب

إذا طاف قلبي حولهـــــــــا جن شوقه *** كذلك يطفي الغلة المنهــل العذب

يحن إذا شطت، ويــصبوا إذا دنت *** فيا ويح قلبي كم يحن وكم يصبوا

اللي بعدي يجيب
لسلطان الهاجري

سُلاَفْ القَصِيدْ

15 / 07 / 2010, 52 : 06 PM

انا يازماني في فوادي ثـلاث اطعـون
ولاهي بطعنه من سيوف اوسكاكينـي
من افتح ياسمسم والا يافلم ابو كرتون
امورن تغث اكبـود حتـى الوراعينـي
وجمهوري الغالي يسوق الشره ويمون
ونا قد شرهات العتـب مـن محبينـي
يقولون ماشاركت واقول هل توحـون
ابي كل واحـد يفتـح اذنـه ويوحينـي
لابالله ماشاركت في شاعـر المليـون
لواني على المليون تومـي شرايينـي
ولكن انـا مانـي بخبـلٍ ولا مجنـون
اجي وقطع ارزاق الضعوف المساكيني
والامر ودهلني علي للرجـال اديـون
ومليـون واحـد مايسـدد دياييـنـي
الاياحمام الورق يااللي تجـر الحـون
تغانم زمانك بيـن خضـر البساتينـي
تراها لا ركبت كل جمره على الغليـون
وراد الله انه يصفي الماء من الطينـي
حشرنا الضباء بقرون والابدون اقرون
اقرون الظبي تصلى على النار وتلينـي
مثل ماوطى هامان والاوطى فرعـون
ثياب الشـرف ماتستـر الاالشريفينـي
ياالاجواد مدت للمواهب اكفوف العـون
وهاذي صفاتٍ من صفـات الكريمينـي
والاقزام تهدم كل ماأهل الكرم يبنـون
اصروحٍ من الامجاد ماهي من الطينـي
بنتها الكفوف اللي كرمها سحاب امزون
ارموز البطوله نصرة الحـق والدينـي
غضبهم وأنا سلطان يهتز منه الكـون
وكرمهم تربع فيـه حتـى البعارينـي
اجبالٍ قممها فوق والها حجا وركـون
اليا مر طاريها على الـراس والعينـي
بطولـه عربيـه وتاريخهـا مصيـون
عـن الاستهانـه باالقيـم والقوانينـي
واليامن لحقني من زماني جفا وغبون
تذكرتهم ومسيـت فـي راس علينـي
عساالله يهونها على الناس لين اتهون
وتزين القرايه فـوق روس المجانينـي
اضعاف العقول اللي تهبد على مالـون
علـى كـل ملـواحٍ تهـز الجناحينـي
ماتنظف يديهم لو تغسل من الصابـون
كثر ماتقدمها علـى الزيـن والشينـي

اللي بعدي يجيب قصيده للشاعر خآلد المريخي

أمير بأخلاقي

16 / 07 / 2010, 55 : 03 AM

سواها قلبي

سواها قلبي ياحبيبي وحبك ....... ما طاعني وانا عن الحب ناهيه

الضاهر انه مايبي غير قربك....... عاف الجميع واول الناس راعيه

عليه ماوصيك لا صار جنبك...... صبح عليه بحب وبحب مسيه

نبضه وفا وبتضحياته يعجبك...... صافي ولا كن مالقى من يصافيه

خلى دروب الكل واختار دربك....... داريه تكفى قد ما فيك داريه

وابشر بقلبآ من كثر مايحبك........ يموت غير محبتك ماسكن فيه

اطلب من الي بعدي
قصيده لشاعر حامد زيد

سُلاَفْ القَصِيدْ

16 / 07 / 2010, 06 : 04 AM

جتني ظروف للكدر مستعده
قامت تحدد لي الاحزان ميعاد
مرة مع حظي ومرات ضده
واليا تكدر خاطر القلب تزداد
في دنية خلقت على الناس نده
مردودها للخير تجرح واجهاد
إتجي على المظلوم وتبيح سده
واتجي على الظالم تساهيل وامداد
والصدق فيها ما لقى من يعده
والكذب يلقى له مع الناس شهاد
واللي فقد حق عجز يسترده
يصبح على تسديدة الدين معتاد
ومسكين من راد الزمن يستبده
عيت عليه اقدار الايام تنقاد
تطرح به الدنيا على القاع مده
مثل الفريسة والمقادير صياد
ضاعت حياته في لحاف ومخده
عدت عليه ايام بغفول ورقاد
وماله عن دروب الوعر من يصده
ولا هو عن دروب السلامات نشاد
تلطمه مو جات القدر فوق خده
وتخطي به الخطوة من بلاد لبلاد
حبله قريب وعاجز لا يشده
يحسب جميع الناس قاصين وبعاد
عاند حياته لو حياته تحده
وادى سنينه كلها عناد بعناد
إصحى من الغفلة ترى العمر حده
للوقت سجاته وللموت ميعاد
وهذي هي الدنيا تجي مستجده
تلقا بها المازح وتلقا بها الجاد
قصة حياة ومننا مستمدة
ويلزمها تنفيذ وإخراج وإعداد
عشنا على كف القدر فوق يده
الله خلقنا عباد ونفني له عباد
ولا حاصل للحي ماكان وده
ولا حاصل للي يموتون ميلاد
ويكفيني اني من ظلوه الموده
ومالي مع الخسران بالدين مقعاد
وإن جتني الغفلة علي اوقات شدة
اصبح لها صداد والقلب صداد
وتقدير ربي مالنا في مرده
ومعارض

اطلب من بعدي قصيده للشاعر أسير الشوق

أمير بأخلاقي

16 / 07 / 2010, 30 : 05 PM

لا تطولها

قل كلام يشرح الخاطر او ارحل......لاتطولها وهي عندي قصيره

لو تبي تزعل وانا مخطيت ازعل......وابتعد مادامت الدنيا كبيره

فوق هذا والله اني ماتحمل......المشاعر من طباعك مستجيره

كان ودك نتفق بالحب تفقضل......وكان قلبك مايبي موجود غيره

غيرك اغلى غيرك احلا غيرك اجمل......وكل بنت ودها تكون الاسيره

ياعجول بالحكم دايم تمهل......كان لك قلب وعين بصيره

لك نزفت الحب ماالقصد اتجمل......كنت صادق في القليل وفي كثيره

كنت انا اسأل عنك ابي لو يوم تسأل......كنت ادور لك عذر واقول خيره

القصيد الي من اعماقي تسلل......كيف ماقدرت من ينسج حريره

انتضرت الشكر لكنه تحول......للبحور الي قوافيها غزيره

منت الاخر في جحودك منت الاول......انت واحد من عرب شبه الجزيره

اطلب من الي بعدي قصيده
لشاعر خليل الشبرمي

سُلاَفْ القَصِيدْ

17 / 07 / 2010, 59 : 02 AM

وش اللي صار ما ندري .. ولا ندري وش اللي صار
ولا نــــدري وش الــلـي بـالـلـيال الـمـقـبلات يـصـيـر

تـعـلّـمنا مــن اســرار الـحـياة .. ان الـحـياة اســرار
وتـفـسـيـر الـحـقـيـقه .. بـالـحـقـيقه مــالـهـا تـفـسـير

ومـــن غـــدر الـزمـن كــلٍ يـقـول ان الـزمـن غــدار
فـكـم مـمـسي عـلـى قـمـة جـبل واصـبح بـقاعة بـير

ومــن مـكـر الـبـشر كــلٍ يـقـول ابــن الـبـشر مـكـار
فـكـم بـالـناس حـامـل مـسك وكـم بـالناس نـافخ كـير

صـحـيح ان الـصحيح اصـبح خـطا والـعار ردّ الـعار
ولــكــن مــالـنـا حــيـلـه ولانــقــوى عــلـى الـتـغـيير

نـشـوف الـلـي نـشوفه مـن مـصايب والـيدين قـصار
تـحـت رحـمـة رحـيـم وفــي رجــا الله والــي الـتدبير

نـسـوق الـعِـير بـامـر الله ونـمـشي لآخــر الـمشوار
وعــلـم الـغـيـب عــنـد الله وبـامـر الله تـسـير الـعِـير

نــعــايــش وقــتــنـا ونــســايـره ونـــقــول يــاســتـار
عـلـيـنـا تــسـتـر بــسـتـرك وبــامــرك يالله الـتـيـسير

نــفــكــر بـالـلـيـالـي والــلـيـالـي تــفــخـت الافـــكــار
ولازلــنــا نــفـكـر كــيــف مــمـكـن نــتــرك الـتـفـكير

وش الـلي صـار ماندري .. ولاندري وش اللي صار
ولــكــن كــــل شـــيٍ مـمـكـن انـــه بـالـحـياة يـصـيـر

أطلب قصيده للشاعره عابرة سبيل

روح الورد

17 / 07 / 2010, 03 : 03 AM

ضايقه بالحيل محتاجه اشتكـي
لولا طبع فيّ .. يمديني شكيـت
بس أدور عذر منشـان البكـي
لو يدوسون بطرف ثوبي بكيت
كل ماجيـت اتريـح وارتكـي
يزدحم في خاطري الفين بيـت
ويش بيدي افعله غير الحكـي؟
قاصره خطوات رجلي لو مشيت
أسرعي يانفس موتي واهلكـي
صرتي همي يوم بالدنيا شكيـت

أطلب قصيده للشاعر فهد المساعد

سُلاَفْ القَصِيدْ

17 / 07 / 2010, 48 : 03 AM

الكون في غيبتـــك فاقد له انسان
وانا في غيابـــك فاقد الكون كله

اطلب قصيده للشاعر طلآل السعيد

كحيلان التميمي

17 / 07 / 2010, 46 : 12 PM

يــا عــيــن

ياعين شوفي كامل الزين يا عين ... شوفي حبيبك وافرحي في قدومه
جودي بدمعات الفرح لا تخشين ... دمع الفرح ياعيني اليوم يومه
هذي حلات الحب صافين الاثنين ... كلن يبيع الود للي يسومه
ان كان قالو بالسنه بس عيدين ... اليوم ثالثهم وبانت رسومه
احنا فرحنا وما نسينا المحبين ... ما ينسا ربعه من يقضى لزومه
الله يهني قلوبهم قولي آمين ... واللي يلوم العاشق الله يلومه

اطلب قصيده لشاعر
غازي بن عون

سُلاَفْ القَصِيدْ

17 / 07 / 2010, 54 : 05 PM

هل رمضان وعاود السهر الاعيان=عذابها جاها على الحول داير
الها ثمان اليا بقى ثلث شعبان =قامت محاجرها تزج العباير

اطلب قصيده للشاعر عبد الرحمن بن مساعد

جار القمر

17 / 07 / 2010, 10 : 06 PM

تعبت أنزف جراحي حبر و أدور للألم iiأسباب

لجل أكتب شعر يحكي بعض أصغر iiمعاناتي

قفلت من الأسى بابي وسجنت الكون خلف iiالباب

وعصتني دمعةٍ فيها سؤال لكل اجاباتي

ملل أخبار حسّادي أحد صادق وأحد iiكذاب

و أحد ما طال تجريحي و أحد عايش iiلزلاتي

أنا شاعر رغم أنف الحسد والحقد و iiالأحباب

وانا ياحاسدي المسكين بعيد العيب عن iiذاتي

أنا ما زادني شعري ولا زادتني الألقاب

تجي دنياي أو تدبر عزيز فـ كل حالاتي

أنا فرحي لمِن حولي وأيامي فدى iiالأصحاب

قصيدي بلسم المجروح ونبض الناس iiأبياتي

كسرني قلبي المكسور نادت دمعي الأهداب

تعبت أركض ولا أوصل ولاتوصلني غاياتي

أبي ذل ٍ يغطي الأرض لك يا رب يا iiوهّاب

وابي أحيا جبيني فوق ما تملكني iiرغباتي

من الدنيا أنا مابي سوى عفو العلي iiالتواب

ويحسن خاتمة فعلي ويغفر لي ضلالاتي

أبملا العمر "بالتوبة" و "نوح" و "هود" و"الأحزاب"

متى كانت سنيني عمر انا عمري في iiركعاتي

المطلوب قصيدة للشاعر الكبير عبد الله بن عون

> Miss 7nan

17 / 07 / 2010, 32 : 06 PM

يامل قلـب يسـج أوفيـه دولاجـه
من واهج بالضمائـر قـام يدرجهـا
مغير أسير تقـول امضيـع حاجـه
واخذ وأسند علي روحي وأهرجهـا
وادوج لو كان ما رجلـي بدواجـه
أدلـه النفـس لـيـه الله يفرجـهـا
في معزل عن كثير الخلق وازعاجه
ما سمع من الناس لو تكثر لجالجهـا
يالله ياللي بيـدك الضيـق وافراجـه
ياخالق الخلـق ياقاضـي حوايجهـا
تفرج لعيناً إلـى غفـت بسوهاجـه
تجهز عليها الطواري لين تزعجهـا
بالصدر ضيقه ونوم العين هملاجـه
عيناً من العـام والسهـر أمتولجهـا
نومٍ سهرها شديـد ونـوج سهاجـه
ونوجٍ تكن الدموع ونـوج تزعجهـا
عليك ياللـي بقلبـي كـأن وهاجـه
وهاج نار هـوا الغربـي يسارجهـا
راعي ثماناً كمـا الياقـوت لعاجـه
كاءن البرد يوم يضحك في مفالجهـا
يا روح روحي وزع القلب وانتاجـه
الطف بروح عليـك الهـم ساهجهـا
وشي ينفعك من حنين القلب واخلاجه
وجروح أسبابها انـت ولا تعالجهـا
أما التفتلـه وتـم الوصـل بمواجـه
والا بـلا عشـرةٍ هـاذي نتائجهـا
قصيده للشاعر / حامد زيد

سُلاَفْ القَصِيدْ

18 / 07 / 2010, 06 : 01 PM

كحيلان التميمي

19 / 07 / 2010, 43 : 11 AM

اشـتـكيته لـلرفوف ولـلبراويز iiالـهزيله وانذعرت من النياح اللي سمعته في صورها

رحت اسولف للجبال الصم عن قصة iiرحيله مـاتركت متونها الا ينحت الدمع iiبصخرها

اطلب قصيده للشاعر الأمير عبدالله بن خالد بن سلطان

شاعرك هذا عندي انا مستحيل مالقيت شي له
غير المقالت الرياضيه
شكلك يالراقيه غلطانه في الاسم تاكدي
تحياتي لك

سُلاَفْ القَصِيدْ

20 / 07 / 2010, 18 : 04 AM

غريبه أسمه من ضمن أسمآء الشعرآء
وانآ دورت له قصيده ومآلقيت شكلهم غلطآنين بآلأسم

أطلب بدل عنه قصيده للشاعر سعود بن خالد بن سعود الكبير

جار القمر

20 / 07 / 2010, 56 : 04 AM

هذي اشهر قصيده له

مشـتـاق للجـنـه وخـايـف مــن الـنـاربيـن الرجـا والخـوف بقـضـي حيـاتـي
أحيـان يزيـد الخـوف عـنـدي بمـقـدارلأنــي كثـيـر ذنــوب ومــن العـصـاتـي
ولأنـي أتـوب مــن الخطـايـا والأوزاروأرجع أطيع النفـس فـي المعصياتـي
يالله أنــا مــن نفـسـي الـيـوم مـحـتـارأتــعــب وأنـجـيـهـا وتـبـغــي مـمـاتــي
يانفسـي اللـي تأمـر بسـوء واشــرارأريـــد بــــك خــيــرٍ وهــــذا جــزاتــي
يانفـس يـوم الحـشـر ماتقـبـل أعــذاروفي الجنـة الفـردوس نبغـى المباتـي
لكـن عنـدي لــك ســؤالٍ لــه أســراروشـلـون ناصلـهـا وهــذي سـواتـي!؟
حملـي ثقيـل ومنـه جسمـي قـد انهـاروحتى الخشـوع مضيعـه فـي صلاتـي
فيارب كيف أدعوك في وقت الأسحاروكلـي ذنــوبٍ فــي العـلـن والخفـاتـي
وياكيف أنا ما أدعـوك والاسـم غفـارتـغـفـر ولـــو مـثــل الـبـحـر سيـئـاتـي
أنــــا أدري ان الله عـظـيــمٍ وجــبـــاروأنـــه رحــيــم وكـلـنــا لــــه بـنـاتــي
وإنـــه عـلــى خـلـقـه حـلـيـمٍ وسـتــاروإنــه رقـيـب وكـامـلٍ فــي الصفـاتـي
فيـا الله يامنـزل مــن الغـيـم الأمـطـاريامنبـت مــن الارض خـضـر النبـاتـي
يامجـري مـن القطـر وديــان وأنـهـارومن الحصـى منشـي جبـال السراتـي
يامقـلـب قـلـوب الخـلايـق والأبـصـاريـاحـاشــر خـلـقــك حــفــاةٍ عــراتـــي
أسألـك أنـا خشيتـك فـي سـر وجـهـاروعلـى الهـدى طالـبـك ربــي الثبـاتـي
أسألـك حسـن الخاتـمـه بـآخـر الــداروتوبـة نصـوح وعـفـو قـبـل الوفـاتـي
وأسألـك أنـا الجنـه مـع وفـد الآبـرارمـــع الـنـبـي يـــارب هــــذي مـنـاتــي

المطلوب للشاعر سعد بن جدلان

كحيلان التميمي

20 / 07 / 2010, 03 : 11 AM

[

من روائع الشاعر المبدع والكبير سعد بن جدلان الأكلبي :-

الا يالله عفـوك لا معـي بيجـر ولا جــوال"
"ولا عنـدي وظيفـه والتجـاره فاشـلٍ فيهـا
ولاعنـدي شهـاداتٍ ولاحرفـه تسـد الحـال"
"ولا حـظٍ كبيـر لا اخطـت الجـره يقديـهـا
مخابي الثوب تومي مادخلها من زمـان ريـال"
"بها فاتـورة الكهـرب ولا يمدينـي اقضيهـا
علىذيك العراوي تتعب الحادي مـع الجمّـال"
"ثلاث اشهـور فالورشـه وشهريـنٍ مغطيهـا
ابيها لو تجمّل يـوم واجلبهـا علـى الـدلاّل"
"يجيها واحـدٍ حظـه مثـل حظـي ويشريهـا
نصيت العسكريّه يـوم قالـوا للنظـام رجـال"
"وقدّمـت الملـف وصـورةٍ متشخـصٍ فيهـا
خذا الاوراق مني واحدٍ مـا عنـد ابـوه ****"
"سلوم الناس واهل المعرفه والطيـب مخطيهـا
قراها في دقيقه والتفـت عجـلٍ علـي وقـال"
"شهادتك العظيمه يا ولد ويـن انـت مخفيهـا
هزّيت الراس ماعندي تقول اني مـن البنقـال"
"وقمت احـب خشمـه واطلبـه بالله تمشّيهـا
حذفها من يده شين الطبيعـه والنبـا والفـال"
"وقال ازيـن تعـوّد صـوب نوقاتـك تعشّيهـا
تناوشته من الكرسي وعفت الحـل والترحـال"
"وضربته بالبياله عقـب مـا بيّحـت شاهيهـا
خذوني للسجن لا نيـب لا ظالـم ولا محتـال"
"مجـرّد واحـدٍ جـا يكحـل عيونـه فيعميهـا
ويوم اني خرجت اقفيت لارض الله وسيع الجال"
"علـى بـرٍ هـواه يـداوي العلّـه ويبريهـا
ادوّر قصعة الجربوع والظـب الفتـي يختـال"
"والارنب يا شفاة الروح ما احلاهـا وطاريهـا
بـلا كهـرب ولا بيجـر ولا غـازٍ ولا نقّـال"
"قوانين الحضـاره لا تبـي شوفـي ولا ابيهـا

المطلوب لشاعره
نجاح المساعيد

سُلاَفْ القَصِيدْ

20 / 07 / 2010, 50 : 02 PM

خَل الزعل ارجــوك بالله خلَه
اهوى العتاب وغايتي بس ارضيـــك
مــــــا احلى العتب بين خلٍ وخلــــه
كل ما اتغلى قلت انا افديك واغليك
ان هو دلع ولا ولع مــــــا املَــــــه
حقك تـــــدلل دام انا مغرمه فيـــــك
اقــدم الاعذار واقـــــول بالله
ارفق بقلبٍ فــــ.الهــــوى رهن اياديك
ولو الزعل انت سبايبه كلــــه
يحلى الزعــــــــل في ناظري يوم الاقيك
وبوسه رضا احتار القى محــــله
يـا قبـــلةٍ من هامتك لين رجليـــك
.......

اطلب قصيده للشاعر عبد الرحمن العشماوي

كحيلان التميمي

21 / 07 / 2010, 00 : 12 PM

ذات الوشــاح

أزهارُ الوادي,.
تَبعَثُ عِطرَ شذاها
ورحيق الطَّلِّ,.
يُسَلسِلُ في الأغصانِ نَداها
أهدابُ الشمس,.
تُراقب خَيط رُؤاها
ورُؤاها ترسمُ وجهَ هواها
وهواها نارٌ,.
تحرق مَن خَلفِ البابِ,.
تُلَوِّحُ للشمس يَداها
وأمام البابِ عيونٌ,.
تُغمَضُ حين تَراها
قامتُها تسمع وَقع خطاها وخطاها تسمع هَمسَ ثراها
وثراها يُنشد لحن الخِصبِ,.
ويهتف حين يراها
من سرَّبَ في عينيها النومَ,.
ومن أغمض جَفنَ الليلِ عليها,.
مَن غطاها؟؟
ولماذا قبل طلوع الفجر دَعاها؟؟
وأباح لجيش الرُّعبِ حماها؟
مَن أسكنَ فيها الرُّعبَ,.
ومن أغواها؟؟
ولماذا امتص رحيق براءتها,.
ووراء جدار الحسرة ألقاها؟
مَن أطفأ شمعة بسمتها,.
ولماذا انقلبت شفتاها؟
مَن مزَّق فضل عباءتها
وبثوب الاغراء كساها؟
من أحرق قمح بيادرها
وبحب الحنظل غذَّاها؟
ولماذا عكَّر منبعها
وبكأس الأوهام سقاها؟
ولماذا اغتال محاسنها
بالصمت وعد خطاياها؟
مَن تلك، وكيف تحدِّثنا
عن أنثى نجهل فحواها؟
ولماذا صِرتَ تلاحقنا
بحكايا نجهل مغزاها؟
عمن تسألنا، عن ليلى
فلماذا تبعث ذكراها؟!
ولماذا لا تسأل قيسا
ليصور بعض سجاياها؟!
وليقرع باب قبيلتها
بالحب ليطلب لقياها
عمن تسألنا، عن لُبنَى
أو سُعدى او مَن والاها؟
مهلا,.
فسؤالي عن أخرى
يخفق بالحب جناحاها
حيرني وصف ملامحها
والشعر بعالمها تاها
عيناها,, كيف أصورها
والأفق الحالم عيناها
ربطت بالسحر ضفائرها
وعليه تلاقى جفناها
فكأن البدر استنسخها
وكأن الحسن تبناها
أسألكم عن ذات وشاحٍ
صبحها الرعب ومساها
تشكو والليل يلاحقها
يدفن في الظلمة شكواها
وأبوها يفتل شاربه
يغمض عينيه ويتباهى
وأخوها الأكبر يتغنى
في بلد الغربة بسواها
وأخوها الأوسط يتلهى
بنوادي الليل ويغشاها
وأخوها الأصغر يتلقى
زيف القنوات وطغواها
أما أبناء عمومتها
فقلوب تطفو بهواها
أسألكم عن أجمل انثى
رُفِعَت للخالق كفاها
شجر الزيتون موائدها
والتين المثمر حلواها
تضحك للشمس مآذنها
والبدر يتوق لنجواها
اسألكم عن ذات وشاحٍ
تمسك بالجمرة يُمناها
أنتم أخلفتم موعدها
ونقضتم بالذل عُراها
اسأل عن أجمل فاتنة
صوبها الغدر وأدماها
تشهد بالجرح مآذنها
ويحدِّث عنها أقصاها
والمسرى يسمع صرختها
ويكاد إلينا ينعاها
لو كان لها عين تبكي
لاجتاحت بالدمع رباها
عاشقة أسرف عاشقها في الهجر، فمن يتولاها؟؟
اطلب قصيده للمك فيصل
رحمه الله

سُلاَفْ القَصِيدْ

22 / 07 / 2010, 53 : 08 PM

الايامل قلب كل ماجا الليل جاـــــه خلاج....
يلوج ويجتلد بالصدر والعربان ممسيني

أنا متحير مدري عن المدخــــــال والمخراج ......
إلا واعمس رايي مالقيت اللي يقديني

الا يامجيب دعوة من تـصافق فوقه الامواج ......
أنا بحماك ياوالي الخلايق لاتخلينـــــــي

الا ياوجد روحي وجد من خلــوه بالمسهاج ......
كسير الساق بنحور المعادين المغليني

الا من دك هوجاسي ولو انــي على ديباج ......
ولو جالي جميع البيض غيره ماتسليني

الا واهني مخلوق يفرج ضيقتـــــــــه لاداج ......
الا منه دخل بالسوق غاد له ميادينــــــــي

ترى بعض العرب عمله بروحه مثل عمل سراج ......
يضوي للعرب والنار في جوف المسكيني

اطلب قصيده لأبن فطيس

جار القمر

23 / 07 / 2010, 08 : 12 AM

ابن فطيس المري

،؛، .. يا قـــو قلــــبـــك .. ،؛،

ياقو قلبك على الصّـده ويـا صُــــــبـرك
وياوسع صدري على صدك ويا صُبري

وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري

والله لون حمل صبري فوقـك..ان تبرك
والله ولو تعتذر منـت بعلـى خــــــــبـري

ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري

تـــزعل وترجع وتـلقانـي عــــلـى خبـرك
وانا انكسر لك واجـــــيـك ادوّر لــجبـري

طـــيفك وذكــــراك طـيلـة غيبتـــك سبـرك
وشـــــوقي لشوفتك طيلة غيبتـك سبـري

امـــــحق وليف ومحبه والا اقــول ابـرك
حسبي عليك اعشقك وانت اتحفر قــبري

الشاعر خلف بن هذال

سُلاَفْ القَصِيدْ

23 / 07 / 2010, 29 : 02 AM

البارحه اللـــــيل ماغمضت به كـلـــــه أراقب الصبــــح جالــــــس واتـحرالـــه

أبعث شــــريط مضى وأطويه وافلــــه وأقــــول مــــن يحفظ التاريخ لجيالــــه

قل للــــــــــعراقي يفتش جعبته قلـــــه يلقابها شـــــيء مايطري علــــى بالـــه

الهم والغم والطاعــــــــــون والعلــــه حقـــــــــه لحاله كفايــــــه حقه لحالـــه

من صفعة ذاقهــــــا بانت به الخلـــــه يذكـــــــر هزيمة شهر شعبان وهلالـــه

قــــام الثعل يشتغل ويشاغل الشلــــــه عـــــــزت وطارق وعد عدي وأمثالـــه

يذبـــح ويصلخ يدها حمراء ومبتلــــه شـــــــــــيء يخلي جبين الحر يندالــــه

ياناس ياويل مــــــــن هذا زعيماً لـــه الشعب فــي وضع يوسف له ويرثالـــه

شعب شرب كـــره وأكل كره كره لـــه يتفل علـــــى صورته ويدوس تمثالــــه

تبت يــــــدى أبو لهب تبِ وتب لــــــه واللـــــي معه بالحطب للـــقوم حمالـــه

مقبــــل على طبخة بالحيل تعمل لــــه يـــــــوخذ بها الثأر والثورة تسوالـــــه

الله مايهمـــــل الظالـــــــم ويمهــلــــه وأن طال به عمره خس شوي وأرذالـه

الحــــــــكم منهار والأحزاب منحلـــــه ماخس مــــن حالةِ فيـــــها ولا حـــالــه

مــــن ردي حظه فأهل بيتـه يزولـــــه صــــار الشجر قــــــوم بعيونه يورالــه

مـــن كثر مايرتميه يخاف من ظلــــــه ومن يعلم الغيب لا صار عدي قتاله

صدام أنا بأنشدك ويش إنت عايشٍ له مثلك بغبنه يموت ومونه أشوى له

الجــــيش يرزح تحت ذل من الذلـــــه والشعب مسكيـــن تضحك له وتغتالـــه

وإذاعتــــك ياسويد الـــوجه منشلـــــه ماعـــــندك إلا يالالــــه يـــــــاللا لــــــه

وإلا أنت مهزوم لامـــــذهب ولا ملـــه مقطــــــع أربـــــــع تطيح بكل محبالــه

حـــــدد مكانه بتلسكـــــوب وانـــزلـــه انـــــزل رويــــدا رويـــدا واكبس الالـه

ترسم هدفها على الليزر وترسل لــــه اشــــارة الضبط والمضـــــرب تهيالـــه

ماتحمــــــله ترفعـــــه مترين وتهلـــه مــــع ذرة الشمس في قصـره تحمالـــه

تعطيـــــه ضربه تدك القبــــــو بالفلــه والشـــــــر فاله وفــــــال الله ولا فالـــه

في سبّع له الارض تحفرله وتدفن لـه مـــــن تحت الانقــاض والانقاذ ماشالـه

ثــــــم خل غيره يشوف ويعتبر خلـــه اللـــــــي يبي مثلهــــا بالحـــال تثنالـــه

اطلب قصيده للشاعر سالم سيار

كحيلان التميمي

25 / 07 / 2010, 38 : 12 PM

اتعبيني
اتعبيني.. وخلي بالك
على الشعور اللي تركته بين يديك ...
واتبعيني
ركضيني ( وسط بالك )
الين يتعب منك عاذل...
فيني يتعب... فيك منك...
يعتقد
اني ابشرب.. كل ضحاك
واركنك في زوايا الليل عتمة
ماحيابك شي.. حي..
..ومابقى بك حي شي.. منك وحيابك
يعتقد
إن هالمحاجر..
تمرجح الظلمه.. بأماني
وتنطفي... كل ماهب الصباح..
يعني شبهك.. بزقارة
تشتعل من كف.. فكره
وتنطفي بفم القصيد..
يعتقد
رغم اني ساكنً وسط اعتقاده..بالاكيد..
اني اخر ..من يخون
واني ماخنت العيون بسيل برد...
حتى تزلق منك دمعه دافية
وتسقط بقاع الهدب..
لين يلفظها الذهول !!
باخر انفاس الرئه ..
وتسقطين..وتكسرين منك فيني..
منك فيني تكسرين.. حوبةً..
وتشظا في حياتي واتكرر هذي اللعبة معاي
اتبعيني
خلي امحي نقطتين ساكنة داكنه,ماكنة,
بكف التردد
اني اخونك او اني...
اني اخونك..
والله اني ما اخون
لوتدور الاشياء.. حولي..
او حواليها ادور..
صدقيني لو اخون وجيه خانت..
اقسم وربي وفيت..
رغم هذا.. عاجزً والله اخون ..
لو تداهمني الخيانه
والله افرك كف ذهني
بكف ايام المدينة
واتشمم.. فوحة دلال ( الوعود )
اخون.... والله اني ما اخون ..
اتبعيني
واتركينا نوشوش باذن المسا
حتى سن الشمس يظهر
من ورى فم الفجر
ونتمرغ على النوافذ
خلي يغسلنا الصباح
قولي يغسلنا الصباح...
واتبعيني
وخلي بالك على الشعور
اللي تركته بين يدينك ........واتعبيني .

وين وعودك..
امنياتي... امنياتك
وين شباك الاغاني
كل مافيني فتحته
القى فيني...
اتبعيني

وخلي بالك على الشعور اللي تركته بين ايدينك...
ليه.. ماحكيت ذهنك
ليه كبيت الاماني
ليه تبني من جفافي...
غيمتين... لشخص ثاني... !!
وانكسر
وتنكسر نسمة حياتي
حتى جنب ألف واحد
كان يتمنى عيوني
وده بفيي وفيا..
للاسف
للاسف.. صار يعكسني هجيري للهجير..
وينبت بعمري سراب
وبعد مامنك سمعت...
ياحبيبي كل شئ بقضاء
ما بايدينا خلقنا تعساء
وانتي.. مازلتي جميله..
وظل فارع..
( مشكلتنا بالتعارف )
للاسف... انا التقينا بوسط شارع..
كيف انا ابني بك طموحي..

وانتي تذكرك.... الشوارع ..
اطلب قصيده لشاعر
حمد الناصر الشايع

سُلاَفْ القَصِيدْ

25 / 07 / 2010, 38 : 09 PM

الله اكبر ياحمام من صلاة العصر ناح **** وانشغل قلبي معاه لاجزاه الله بخير

الله اكبر يوم ناض طار ورفرف بالجناح ****ودي اتبع ساقة الراعبي وازريت اطير

ودي اتبع ساقته بالمقيل وبالمــــراح **** شوف عيني بين هاك المباني يستدير

واهنيك بالمــسا ياحمام وبالصـــباح ***** كل يوم تشاهد الترف ملهوف الضمير

ياحمام الورق قل للغضي سيد المـــلاح ****عن ذهابي قل لزين الوصايف يستخير

وصف خده بارق الوسم من منـــشاه لاح **** يوم شعشع زاد نور البلد عقب الاخير

والعيون عيون خشف(ن)تربى بالبيـــاح **** كل ما هبت نسيم الهبايب يستذير

يامريح القلب قلب المولع ما اتســتراح **** تقل يجذب للهوى في سلوك من حرير

اتضيم واتهضم وانا مالي صــــــلاح ****** واتقلب طول ليلي مثل وصف الكسير

ياهلي لولا الهوى كان اطنب بالصياح ****عقب فرقا الترف ماادري وش الدنيا تصير

كن بعيونه لراع الهوى زرق الرمــاح **** هو خطر واللي تولع معه قلبه خطير

أطلب قصيده للشآعره الرآسيه

جار القمر

28 / 07 / 2010, 32 : 05 AM

الا ياللي تحسبني ورى الشهره ابي انساق
............... انا ما انسقت للشهره ولا شهرتك تغويني!!
:
انا حواء وساقتني على تفاحتك الأشواق
................ ونا ديتك تطعمها 00غريتك وانت تغريني
:
خرجنا للسعير وحتت غصون القصيد اوراق
................ ثمرها جمرة بثت رماد الذاكره فيني
:
لبست من الورق ثوبا يعزز رغبة المشتاق
................ يداري ما يداري من ثمره ان صح تخميني
:
سترنا ما فضحنا وكل ستر يغوي الخفاق
................... تثنينا على عود ثنيته وانثنى ليني
:
انا ما غرني حب الظهور ولفتة الأعناق
.................... ولكن00غرني وقت طموحه ما يساويني
:
غرور الشعر ماهمن ولاهميت له بعتاق
................... ولا همتني الشهره 00وقلب مايداريني
:
حلفت اني ما ازيد اليوم واحد واخلف العشاق
................. حلفت ان فاتني ركبه لامول ليل ياعيني
:
حلفت ان الهوى كذب فعين الراسيه ما لاق
................. حلفت وما حلفت اني اخالف صدق تكويني
:
حلفت ان الشعر فيني مثل قطعة جليد وراق
................ حلفت اني حويت الصدق في شعري ويحويني
:
حلفت اني مع عمري اعيش فلحظتين اسباق
............. حلفت ان ما سبقت العمر لأدفن وانت تبكيني
:
امانه خلني والروح اطوق ظهرها بعناق
................... امانه خلني احيا وعبد الحب يرثيني
:
انا ماودي الشهره واكره ضيها البراق
................ واذا منك بغيت الجد ترى شهرتك تكفيني

الشاعرة عيده الجهني

كحيلان التميمي

28 / 07 / 2010, 45 : 12 PM

( الرّيف )

أهل القـرى مايالفـون المدينـه
وإن والفوها حَنّوا لعيشة الرّيـف
حَنّـوا لمحمـاسٍ ونجـرٍ دنينـه
يزهم على الضّيفان شرّابة الكيـف
ياما حلا والبـدر يضـوي جبينـه
سوق الدّلال وطيّبـات السّواليـف
في مجلسٍ لأهل العقـول الفطينـه
أهل العلـوم الطّيبـه والمعاريـف
وبيتٍ بلا بيبـان يحمـي زبينـه
ماسكّروا بابه على جيّـة الضّيـف
آخير من بيـتٍ بوسطـه سجينـه
مدري شتا وألاّ أنا باخر الصّيـف
إمسَـلِـحٍ سَكَّـانِـه الله يعيـنـه
لاضاق صدره مالقى فيه تصريـف
كنّه بـ( قوطي ) والعرب حاكرينه
لاشايفٍ جاره ولا الجار لِهْ شيـف
في طلبة البدوان روحـي رهينـه
لو عافهم راعِ الثّمـان المراهيـف
ماشاقني صـكٍ بوسـط الخزينـه
ولا شاقني لبس الذّهب والنّفانيـف
وين الزّمان اللّي مضى اليوم وينه
ليت السّنين اللّي غدن به مناكيف
وقتٍ مضى ياكيف مَـرّتْ سنينـه
وهذا جدانا قولة إشلـون ياكيـف
أيّـام راع الزّمـل يتبـع قطينـه
يروح بالبيـدا ولا يلحقـه حيـف
وأيّـام بالحنّـا لنـا كِـلْ زيـنـه
ولا يعرف المكياج زين التّواصيف
وكان الجمل وسط الصحارى سفينه
عليه هـودج للبنـات الغطاريـف
وأقصى الهوى نظرات خِلٍّ بعينـه
وأكثر من النظرات عنه التّعافيـف
دورٍ مضى في كِلْ زينـه وشينـه
حَيٍّ نساه وحيّ جـرّ التّحاسيـف
حَـيٍّ إذا يطريـه فـرّك يديـنـه
وجدٍ على دورٍ مضى كِنّه الطّيـف
ياليتنـا ويّـا البـدو حاضريـنـه
وفي رفقة البدوان عِزٍّ وتشريـف
والقلب عبّر عن دواعـي حنينـه
شوقٍ يهز القلب بين السّراجيـف
وإفترّ قلبي مثـل سيـر المكينـه
ولا جوّده كود الضلوع المواجيـف
قلته وأنا بيبـان جاشـي ضمينـه
ورزقي على ربٍ وسيع المحاريف
اطلب قصيده لشاعره
منيره الحمد

سُلاَفْ القَصِيدْ

28 / 07 / 2010, 50 : 03 PM

ان كان حزن الناس .. ياسعْهْ الاعلان == حزن السعودية.. ماشيٍّ يجيبه
ساحاته اكبر .. من تواصيف عنوان == ضاقت بحزن الفقد كل الرحيبة
صبيحة الاثنين .. يوم الخبر بان == بان الذهول بكل من هو دري به
ماعاد توحي قولة فلان.. يافلان == كل النواظر ... والمسامع عطيبة
ماغير نبض اهل الوطن هزّ الاركان == وصوت القلوب المستصيبة رهيبة
نعي الفهد .. يوم اصدره علم ديوان == هلَّت عيون الشعب شيب وشبيبه
" ثلاثٍ وعشرين " عامٍ .. بمـيزان == نهضة سعودية بصدق نحكي به
ماهي سواليفٍ .. على كان ..ما كان == شـواهـدٍ .. تذبح قلوبٍ مْريـبه
واكبر شواهدها.. رَغَم كل الاحزان == توحّد الصف السعودي بطيبه
في بيعة "آل سعود" درسٍ ونيشان == والشعب يوم "الاربعا" يقتدي به
ياواسع الرحمة .. دعيناك رحمان == دعوة عبادك للفهد.. تستجيبه
وتجبر عزا شعبٍّ .. خصّه بعرفان == وتعوّضه خيرٍ .. بفقده حبيبه

أطلب قصيده للشاعره هتان

جار القمر

28 / 07 / 2010, 29 : 04 PM

قالت في زوجها صاحب السمو الملكي الأمير المعتز رحمه الله :* الفارس *

قمت احسب ايامي واعد الليالي
ولافجعني مثل بعض الصداقات
توي دريت اني وحيده لحالي
الحين اصدق غصب : معتز قد مـات
فقدت اخوي وصاحبي راس مالي
وغرقت عقبه في بحور عمـيقات
حتى بحزنه كان جدا مثالي
يحمل هموم الكــون بأيمان وسكــات
توي صحيت وشفت وشهو بقالي
بنتين وطفل وهم وجروح وأهــات
مرحوم يافارس وحيد ومثالـي
فجأه غدره المــوت والموت غــدرات
راح وتـرك لي صـورتــه في عـيالي
سؤال ماتـكـفيه كـل الاجـابات
ماكنت اصدق عمر ماقد طرالي
ان فيه ناس من الحزن كنها اموات
تركـني متلعثمه في سؤالي
هو فـيه بـعدك صـبح و الا مـّســرات

مطلوب قصيده للشاعر عبدالله بن شايق

كحيلان التميمي

01 / 08 / 2010, 14 : 11 AM

يـاحـــافر النــــار بالمـجـراف
مقـيــاس حفــرتـــك متعـــدي
حفــرت لــك حفــر ماينـشـاف
في قـــــاع أرضـــك متعــــدي

وانــــا كمــا قيـــل هافنـهـاف
يعنــي امــوري علـــى قـــدي
لاعــرف بــطاقه ولاصـــراف
والبـــــنــك يــاخـــذ ولا ودي

تشـوفنــي مــاعلــي لحــــاف
واللــيلـه البـــــرد مشــتـــدي
اجحـف علي الزمان اجحـاف
ابيـــه مـــايـــوقـــف ضـــدي

حتــى غــدى العظــام نحــاف
دنيــا الشقــاء بيحــت ســدي
شيبــت منهــا وشـاب القـاف
تخــالــط الهــــزل والجــــدي

لولا اني ابدي على المشراف
ســاعـدني نـاصـل بها حــدي
تشـوف عقلــي عليـه خـلاف

يابوعــلــي ولـــع الكشـــاف
ودك نهـيـجــــن وانــــا ودي
مــادم كــل القـلــوب نظـــاف
تـمــــر الازمـــات وتعـــــدي

يــالله يامــؤِمـــن الخــيــاف
فضــايلــك مــالـها عــــــدي
تــــروف بالحــــال يـارواف
كــان انــه اليــــوم متـــردي

علــي دين وعليــه خــلاف
وأكيـــل بالصــاع والمــدي
زاد العنـــا قلبــي الميــلاف
لا شفـــت ميــات قـــــــدي

نشــره على الحـال للعراف
والي ضمـى يارده عنـــدي
صلوا عدد من سعى وطاف
على النبــــي وهــذا حــدي
اطلب قصيده لشاعره
سلطانه السديري

سُلاَفْ القَصِيدْ

01 / 08 / 2010, 56 : 04 PM

أظلمَ الليلُ و أضويتُ الشموعْ
و انتظرتُ الفجرَ من غير طلوعْ
طال ليلي و عذابي في الضلوع
قال ليلي أين أنتِ يا دموع
خففي عن قلبي الباكي الكئيبِ

أطلب قصيده الشاعر سعد علوش

جار القمر

01 / 08 / 2010, 10 : 05 PM

صار الزمان أشكال و حروف و أنقاط
صوره و أسم والناس تنفي و تنقا

كنها على ظهر الشيم تضرب سياط
يا سين يالشيمه و يا مل فرقا

كل شي يهون و ينسى كون الاحباط
الاحباط لو يروح ذكراه تبقا

لا صرت صح ووقتك اغلاط بغلاط
ليه اتعذبه و تتعب و تشقا

رح القمر و أفرش على سطحه بساط
و خل الحثال ان كان به خير يرقا

و أختار من تعشق و تغليه بفراط
اللي علا شانه ثرا الارض يسقا

راعي الجروح اللي بتموز و أشباط
اللي لكل الزين مجمع و ملقا

المطلوب
للشاعر بندر المحيا

كحيلان التميمي

02 / 08 / 2010, 08 : 09 AM

تهب الريح فـ اوراق الشجر ويغرد العصفور
...........وأنا تحت الهجير وصمتي أحياناً يكون ظلال
وتتكسر خلاخيل الرعد في بارق ٍ مغرور
...........وأحس اني تكسّرت وبقى في داخلي رجال
أطش بفم هذا الضي حزن وبعض من ديجور
...........وأغمض جفن من تحته سديم ٍ واقف ٍ مامال
يالارض أخذي سنابل وجهي اللي مانبت فيْ البور
..........تعب حتى أساريره غدت بعد الغياب أطلال!
خذي بعض الجهات ومن ملامح شاعر ٍ مجبور

........وهو يذبح من عروق الزمن ساعه على الترحال
يالارض البارحه همّ الستاير والنجف والدور
............وحزن أمي وجوعي والفراغ ودفتر ٍ دجال
خذت أغلى الدّموع مْن العيون وخاطري مكسور
.........وصوتي ينسكب فوق الورق واحس به لاسال
قبل ذيك المدينه والنعاس وبابها المبتور
............تعلمت البداوه والحضاره هي سراب اللال
أمانه قولي لـ(عليا) قراح الما وطهر النور
...............تراني طفل مامل البكا لو ملت الأطفال!
طفل مات بهدبها والخدود وشعرها المنثور
............قبل يمشي بزهو ويلبس الغتره بدون عقال!
طفل كان يتشيطن فيْ السطوح ويدِّرج فـ السور
.............ويسرح فيْ النياق مواعد ٍ عشره وهو جمال
يشوف بعين عليا صورته وبثغرها البلور
............ويْتنفس غلاها ويهذي لامرّته بالشــال
يالارض الوقت خليّته مزيف واحترف لي دور
...........وأنا مالي سوى عليا وحلمي والهوى القتال
فبعض أحيان أحس اني كذا ..شاعر وله جمهور
........وأحس اني في بعض أحيان أقول أشياء ماتنقال
ورى هذا الكلام يحسّب الشاعر بليد شعور
..........لوى معصم حديثه والقلم بيدينه الأغلال؟!
وخيول ٍ تركض بصدري وتجمح ويْغشاها عثور
...........وتعاود ركضها عقب المطيح ويرتجل خيّال
يجيني من قبل هالحال ..حال..وحالي المستور
.....رضيت بقسمتي لو "نصف تفاحه" على ايّة حال
يقولون البشر عنتر وهو عنتر يخاف الثور
...........وأنا أقول المخافه وارده في سيرة الابطال!
أجل ..ملّيت أنوّخ حيرتي لعتابي المقهور
.............ومليت آتسلل فالسطور المظلمه واختال
يالارض أخذي يديني مالقيت اللي يمد الشور
..........وأنا تحت الهجير وصمتي احياناً يكون ظلال

اطلب قصيده لشاعره
الراسيه

سُلاَفْ القَصِيدْ

03 / 08 / 2010, 18 : 05 PM

عـلــمــو مـــــن لا تـعــلــم تـــــرى مــالـــي خـشــيــر
:::::::::::::::::::::::: النـزاهـه فـــي يمـيـنـي وانـــا بـنــت الـنـزيـه

مــــا احــنــي الـهـامــه لـعـبــد وانــــا ذنــبـــي كـبــيــر
:::::::::::::::::::::::: ولــو سـجـدت اسـجــد لـــرب يـلـبـي داعـيـيـه

يــاولــد شــيـــخ الـقـبـيـلـه تـــــرى فــراشـــي حـصــيــر
:::::::::::::::::::::::: والــدي لاأمسـيـت جنـبـه ثـنــى لـــي سـاعـديـه

لا تـلــحــفــت بــحــرايـــر ولا شــــفــــت الــحـــريـــر
:::::::::::::::::::::::: ولا لبـسـت الـذهــب الأحـمــر ولانـــي برتـجـيـه

زيـنـتــي يـاشـيــخ مــــا هــــي مــــن زكــــاة الــوزيـــر
:::::::::::::::::::::::: ولا ثمـنـهـا فـــي زمـنــا "ريـــال ولا جـنـيــه"

زيـنـتــي مــــن ربــــي الــلــي شــفــا عــبــد ضــريـــر
:::::::::::::::::::::::: نـعـمـة يـنـعـم بـهــا الـلــي هـنـيّـه وسـعـديـه

مــــا اتـبـاهــى فــــي جـمـالــي عــلــى الـجـمــع الـغـفـيـر
:::::::::::::::::::::::: لكـنـن روحــي جميـلـه! وشكـلـي مـــا عـلـيـه!!

مـــا عــرضــت الـسـلـعـه الــلــي لــهــا شــانــن خـطـيــر
:::::::::::::::::::::::: ولا تغـطـرسـت بجـمـالـي عـلــى هـــذي وذيـــه

ولا نــســيــت الـــيـــوم سـلـمـي0وعـرفــي 0والـســعــيــر!!
:::::::::::::::::::::::: لعنـبـو مــن ضــاع عـرفـه ويـلـعـن شـاهـديـه!!!

اطلب قصيده للشاعره ريميه

روح الورد

03 / 08 / 2010, 58 : 05 PM

غرفتي بكل إمتداد
فايضة مثل إنحساري
فوضوية مثل حلمي
مخلصة مثل أنكساري
معشبه مثل الضلوع
ممطره .. مثل الحنين
مزهره .. مثل الرجوع
عن الصحاب .. الخاينين

عالمي الخاص المثالي
أدفئ من جنة خيالي
شاهده على بعض عمري
ضاحكه من بعض آمالي
باكيه في كل حزني

دافيه .. حيل .. وحميمه
مفعمه بالعطر .. واسمى
قبل .. تسع سنين كانت :
سجن .. مثل الزيف بارد
بعد عشر سنوات صارت :
كون مثل الشعر .. واعد
دنيتي الأكثر .. أمان
حضني .. الأصدق .. حنان
لما .. جربت .. اللي .. برا
عدت .. للوحدة الصديقة
هنا .. بس .. أحس نفسي
طير .. له .. حريته
وظبي في محميته .....

الشاعر ( عبد الرحمن بن مساعد )

|| رحيـــــل ...~

04 / 08 / 2010, 49 : 03 AM

كحيلان التميمي

04 / 08 / 2010, 54 : 12 PM

|| رحيـــــل ...~

04 / 08 / 2010, 00 : 03 PM

قل وش تبي بكيفي,,
خلني على كيفي..
كتلة مشاعر مهملـه,,
والحزن هو ضيفي..
لاتسألني وشلوني ..
لوني سمار الشمس
لايهمك جنوني
تراها جروحي خمس ..
..........{ بن فطيس المري }

كحيلان التميمي

07 / 08 / 2010, 52 : 11 AM

،؛، .. لا ضاقت الدنيـــا .. ،؛،

لا ضاقت الدنيا عليك وتشاويت ..
.. خلق الله اللي فالرخا كان واجد

ومن العرب والصوت والثوب مليت ..
.. وقامت عليك هموم بأقعا تراجد

فارفع يديك لخالقك لا توضيت ..
.. وادعو تراك أقرب إليا صرت ساجد

ووقت من أوقاتك للأوقات توقيت ..
.. وسجل لنفسك في المساجد تواجد

وأبشر بفزعة حامي الدين والبيت ..
.. إليا هجدك من الهواجيس هاجد

اللي يميت الحي ثم يحيي الميت ..
.. لرضاه شف كثر البشر بالمساجد
نجاح المساعيد

سُلاَفْ القَصِيدْ

08 / 08 / 2010, 44 : 02 AM

تاهت شفاهي بزحمة صمتك المغري
عطّلت كل الحكي بِشْفَاه محبوبك
عذري فؤادٍ حوى من وجدك العذري
مِطْلِقْ عنان القوافي بالهوا صوبك
يا بَدْري اللي تمّنيت أنْظره بَدْري
بدري بأنّي رَهَنْ أمرك ومطلوبك
شَعْرِيْ تمايل طَرَبْ يهتزّ مَعْ شِعْري
وصبري يفجر صَمِتْ أوراق مكتوبك
إصْمِتْ مِثِلْ ما صِمَتْ عن غيركم عطري
ما فاح من ورد روحي ريحة طْيوبك
عطر الحكي من شفاه الصمت لك يسري
عطّر سكونك وانا من ناسك وثوبك

أطلب قصيده للشآعر تركي الميزآني

كحيلان التميمي

08 / 08 / 2010, 44 : 01 PM

قصيدة ماني مجازيك

ماني مجازيك في صدك وهجرانك

ودعتك الله وتلقى واحد ثاني

اتعبت الاعيان والاقدام من شانك

وانته ولا شي سويته على شاني

فزيتلك يوم قلت اسمك وعنوانك

لو كان ماتنتمي لاسمي وعنواني

ماجيت ادورك والا اطق بيبانك

والا اترجاك مثل فلان وفلاني

انت الذي جيتني واعلنت بلسانك

انك على شوفتي جايع وعطشاني

وصدقت هرجك ومنطوقك من لسانك

واقبلتلك مندفع من كل وجداني

ماكنت افكر يجي في يوم نسيانك

وانساك وانته معاهدني ماتنساني

الابعد ماقريت الكذب فاعيانك

حاولت اواعدك وانسى كل ماكاني

خلاص ماني بمتعني على شانك

ودعتك الله وتلقى واحد ثاني

محسن الهزاني

الأنيق

08 / 08 / 2010, 36 : 04 PM

قالوا كذا مبسم هيا .. قلت لا لا
بين البروق وبين مبسم هيا .. فرق
ويالله .. بنوٍ مدلهم الخيالا
طافح ربابه .. مثل شرد المها الزرق
لا جا على البكرين بنا الحلالا
ولاعاد لا يفصل .. رعدها عن البرق
يسقي غروسٍ .. عقب ماهي همالا
وحط الحريق ديار الاجواد .. له طرق

قصيدة للشاعر:الأمير بدر بن عبد المحسن

كحيلان التميمي

09 / 08 / 2010, 25 : 10 AM

الـبارحة والـقلوب أصحاب " " كـنت الـقمر وأنت iiتمدحني
كـذاب هـذا الـمدح كذاب ii" "وكــذّاب ذنـب iiيـجرحني
انـسان..ماني نـجم وشهاب ii" " لـيـتك مـلاكٍ iiوتـصلحني
لي صرت عاري..علي ثياب ii" " بالله وشـلـون iiتـفـضحني
اخطيت واخطيت كافي عتاب " "إنـطـق بـحكمي وريـحني
يـاصاحبي ماقطعت أرقاب ii" " عـدلٍ قـصاصي iiوتذبحني
ولانـي بعد أجمل الاصحاب ii" " الاجـمـل انـك iiتـسامحني
اطلب قصيده لشاعر بن صقيه

كحيلان التميمي

12 / 08 / 2010, 19 : 01 PM

ساس الردي لابد مبناه ينهال
ولد الردي صاحبي تحطه بطانه

تلقاه وقت الضيق لاضحكك الجال
الصفر لا يغريك زين لمعانه

ترى الذهب من صافي جنيه واريال
ما يختلف يا ذيب طيلة زمانه

بستان غيرك لوبه الوان واشكال
ما تنتفع من خوخه وبردقانه

ما ينفعك ما فيه لو بالثمر مال
لاصار بالغدراء جداره مخانه

اطلب قصيده
لعمر ابن كلثوم

كحيلان التميمي

14 / 08 / 2010, 47 : 10 AM

ألا من مبلـغ عمـرو بن هنـد
فما رعيـت ذمامـة من رعيتـا
أتغصـب مالكا بذنـوب تيـم
لقد جـئت المحـارم واعتديتـا
فلـولا نعمـة لأبيـك فينــا
لقد فضـت قناتـك أو ثويتـا
أتنسـى رفدنـا بعويـرضـات
غداة الخيـل تـخفر ما حويتـا
وكنا طوع كفـك يا ابن هنـد
بنـا ترمـي محـارم من رميتـا
ستعلـم حيـن تختلف العوالـي
من الحامـون ثغـرك إن هويتـا
ومن يغشى الـحروب بملهبـات
تـهدم كـل بنيــان بنيتــا
إذا جاءت لـهم تسعـون ألفـا
عـوابسهـن وردا أو كميتــا
حمد الشايع الناصر

سُلاَفْ القَصِيدْ

16 / 08 / 2010, 56 : 02 PM

هل دمعي على خدي نهار الوداع =يوم قالوا بماالله جاني بلاي
التفت والتحضني بالعيون الوساع =وارسل الدمعه اللي زاد منها عناي
خايفٍ من فراقٍ ما وراه اجتماع =يالله اليوم لاتقطع رجاه ورجاي
صرت مثل الغرير اللي بسن الرضاع=اتضيم واصيح اصياح من غير راي
راحت اقدام رجلي في محلي ذراع=ما اقدر المشي قدامي ولا ارجع وراي
المصيبه انا كان الحب والعرف ضاع=ثم زدات اجروحي من خلايب خلاي
مابغي السر من بينه وبيني يذاع=يضرب الوصف دايم في غلاه وغلاي
الهوى له يذل القلب لو هو شجاع=مثل ماردني ترف القدم عن هواي
جعل من لاع قلبي في فراقه يلاع=حيث وصله هوى بالي وغاية مناي
اتصبر ولا ودي يطول النزاع=واكضم الغيض باسبابه وهذا جزاي

أطلب قصيده للشآعر عبدالرحمن بن مسآعد

كحيلان التميمي

17 / 08 / 2010, 57 : 10 AM

شبيه الريح
وش باقي من الآلام
والتجريح
وش باقي من الأحلام
وش باقي من الأوهام
غير اني .. الاقي في هجيرك فيّ
الاقي في ظلامك ضيّ
واوقد شمعتي في الريح
شبيه الريح
اذا تسمح بغيب شوي
ابجمع همي الباقي
وادفن صبري الذابل في أوراقي
و برجع لك اذا باقي بنفسك شي

شبيه الريح
أنا مقدر أكدر صفوك العاصف
شبيه الريح
أنا من لي سوى إحساسك الجارف
بقايا زيف أشواقي
سما أمطار أحداقي
شبيه الريح وش باقي
ابي أعرف
متى تسكن رياحك
وابي أعرف
غرورك هو متى يطلق سراحك
وابي أعرف
متى تعصف
متى تعطف
متى تنزف جراحك
وابي أعرف
إذا باقي في بحرك موج اكسر فيه مجدافي
وابي أعرف
إذا باقي في همك هم ماشالته أكتافي
وابي أعرف
إذا باقي في هالدنيا حزن مامرني واستوطن أطرافي
وابي أعرف
إذا باقي من المعجز في هالدنيا
سوى العنقاء
والا الغول
والا خلك الوافي
بقايا زيف أشواقي
سما أمطار أحداقي
شبيه الريح وش باقي ؟!

سنيني يم
وقلبي المركب المتعب وانت الريح
مجاديفي عذاب وهم
وزادي الوجد والتبريح
وصبري صبر بحّارة
بغوا في اليم محّارة
غشاهم موج كان من الغضب أغضب
وكانوا للهلاك أقرب
لولا كثروا التسبيح
شبيه الريح
حبيبي الأصدق الأكذب
عجزت اوصل شواطي طبعك الأعذب
تعبت أنطر في وسط العاصفة
قلب وشعور وعاطفة
تعبت أجمع ألم كل الموادع
في المواني وأحضن أطيافك
تعبت السهد في ليل الشوارع
والثواني تنطر انصافك
تعبت الظلم واجحافك
شبيه الريح
أنا ودي أكدر صفوك العاصف
شبيه الريح
أنا كني نسيت إحساسك الجارف
بقايا زيف أشواقي
سما أمطار أحداقي
شبيه الريح
كيف أسألك : وش باقي ؟
وأنا الباقي من إحساسي
ذرته الريح
اطلب قصيده لشاعر بدر الخالدي

كحيلان التميمي

17 / 08 / 2010, 59 : 10 AM

> Miss 7nan

17 / 08 / 2010, 05 : 11 AM

_"دنيا الحب" للشاعر بدر الخالدي _

ابارك لك و اودع كل دنيا الحب والاحباب
نصيبي بالهوى حبك و صرت لواحد غيري

اعزي فيك حظي و الخفوق اللي من اجلي ذاب
و لا طاع و تبدل فيك غيرك يا محاسيري

و اعزي فيك شعر ما قبل غيرك و بعدك شاب
تقل كفك هي اللي تامر حروفي و تعبيري

و اعزي فيك عين كل زولك رمشها ما غاب
و غيرك عنك لو طال العمر ما طال تغييري

احبك حاضر عندي و احبك لو طال غياب
و احبك مثل نفسي يا كسر نفسي و تجبيري

احبك لاجل حبي لك قلبي منك ما يرتاب
ولا يقبل غلا غيرك ولا يقبل معاذيري

احبك صوت احبك زول احبك روح يا جذاب
و احبك حب اكبر من مدى شعري و تصويري

صحيح اني جريح فراق روحي و الجرح اسباب
. صحيح اني تعديت الحدود و طال تكديري

و صحيح ان اللهيب بخافقي يا خافقي شبّاب
و صحيح اني بنفسي ضاع تفكيري و تدبيري

بكى لك دمعي الوافي .. ولا لك فالكلام اعتاب
و تلاشت يا مدى صدق الهوى منك مشاويري

تفارقنا فراق عيون لكن القلوب احباب
تمنيت السعادة لك ولو مع واحد غيري

قصيدة للشاعر /حمدان بن محمد بن راشد ال مكتوم

كحيلان التميمي

18 / 08 / 2010, 01 : 02 PM

تعال يا وجه السعد واشطب على الوجه البغيض ... يا حــيٌك وطلتــك في وجهي بعد يا حيٌـها

تنعشني انعاش الشفاء العاجل لقلب المريض ... يا أيــها . . تـدري يا لبٌـــيك وش يا أيٌـها؟

ما انته بزيٌ الناس واكتبها لك بخط عريض ... تبغيني احلف ؟ لا ورب البيت ما انت بزيٌها

ياللي غرامك في خفوقي من كثر قدره يفيض ... النفــس تندب حظها والعين تبــكي حيٌــها

من عَوَضْـكَ لْيا فقدتك وان وجد كيف استعيض ... وانت النهار وشمسه وشجرة غلاي وفيٌها

هاجرت واصبح زوالك فـ عيني يهاجرني وميض ... يا أول جــروحي دخيل الله من تاليٌـــها

أحيا حلى وصلك واموت بكل برد وكل قيض ... تظما مشاعر خافقي لك وانت سبٌة ريٌــها

لبيك ياللي من عشقتك قمت احس اني حظيظ ... يا مغويٍ نفسي ونفسي ذايبه من غيٌــها

أنا اعرف ان كل الليالي سود وألايام بيض ... دامـك معي ماهمني في كثرها وشويٌـــها

طلب قصيده لشاعر
حبيب العزمي

كحيلان التميمي

18 / 08 / 2010, 02 : 02 PM

> Miss 7nan

18 / 08 / 2010, 26 : 05 PM

قصيدة | بدون مجاملة
للشاعر | ( حبيب العازمي )

يالغالي اللي عليك الشوق يدفعني

=========ياكبر شوقي وروحي منك ملهوفه

تبا الصراحه بدون امجامله يعني

=========مشاعري منك مجروحه ومكسوفه

انته يحق لك تطعني وتوجعني

=========لاكن انا من غلب حبه على خوفه

وانا ترى اللي على حبك يشجعني

========وقتٍ مضا في خيالي دايم اشوفه

اراجع الحب والذكرى تراجعني

=========واقرا سجل الغـلا واقبل احـروفه

واستقبل الطيف والرويا توادعني

=======تلحق على الركب في مسراه وتطوفه

واخاطب الصبربالحسناويخدعني

=========واقول ليتـه قضا واشـوف معـروفه

الصبر ياغايتي ماعاد ينفعني

=========اليااصبحت رحلتي ماهيب مخلوفه

وش ينفع الصبركان الوقت ضيعني

========واخطيت من يطعن الخفاق بسيوفه

قصيدة للشاعر | خالد الفيصل ..

سُلاَفْ القَصِيدْ

18 / 08 / 2010, 15 : 11 PM

الله اكبر كيف يجرحن العيون
كيف مايبرى صويب العين ابد
احسب ان الرمش لاسلهم حنون
اثر رمش العين ما ياوي لاحد
يوم روح لي نظـر عـينه بهون
فـز له قـلبي وصفـق وارتعـد
لـفني مثـل السحـايب والمـزون
فـي عيوني برق وبقلـبي رعـد
نقض جروحي وجدد بي طعون
قلت : يكفي قالت:عيونه بعـد
وانعطف هاك الشعر فوق المتون
وانـثـنى عـوده وقـفى وابـتعـد
اشـغـلتـني نظرة الـعين الـفـتون
حـيـرتـنـي يالــتوعـد والـوعـد
هي تمون العين والا ما تـمـون
لـى خـذت قـلـبي وقـفـت ياسـعـد
أطلب قصيده للشآعرمحمد بن فطيس

كحيلان التميمي

19 / 08 / 2010, 53 : 03 PM

مـاهــوب كـفــو الـوقــت حـبــك يمـحّـيـه
يالـلـي تـخـاف ظــروف الأيـــام تـمـحـاه

ارتـــــاح دام إن الــمــواصــل يــقــويــه
أنت .. انت و أنا .. أنـا و قلبـي هـو إيـاه

حـتــى ولـــو بـتـغـيـب ذكــــراك تـكـفـيـه
يــا واحــدٍ تكـفـي عـــن الـنــاس ذكـــراه

حُـبــك عـلــى رمـلــة خـفـوقـي مـواطـيـه
وريــاح عـذلـي عَـنـك ماتـمـسـح خـطــاه

والـلـي يـعـذل القـلـب عــن درب غـالـيـه
( يالله بـمــا يـبـلـى المـوالـيـف يــبــلاه )

أخـفـيـه يـــا بـلـفـيـت والــحــال يـبـديــه
ادنـــاة واحـــد يـنـظــر الــحــال يــقــراه

مخـفـيـه فـيــه ومعـتـنـيٍ بــــه وحـامـيــه
عــن كـــل عـيــنٍ ودهـــا تـنــزل حـمــاه

قـلـبٍ يـحـبـك والـهــوى الـــذرب مـالـيِـه
كــانـــك مـكـذبــنــي بـعـيــنــك تـــحـــلاه

شــرط إن تشـوفـك فـيـه مـنـت بحوالـيـه
ويمـكـن تـشـوف ديــار وأمـاكــن رعـــاة

وتـشـوف بــه تـمـثـال والـوقــت هـاريــه
وبـتـشـوف زرعٍ مــيــتٍ واقــــفٍ مــــاه

وبتـشـوف جــرحٍ فـيـه سـكـيـن راعـيــه
راح ونـسـى السـكـيـن والـجــرح يـنـخـاه

وبتـشـوف حـصـنٍ عــجّ الأقــدار سافـيّـه
وبتـشـوف بـاقــي بـيــت راعـيــه خـــلاه

لا تـنـزعــج هــــذا خـفــوقــي وبـاقــيــه
ولا تـضـايــق مــــن تــصّــدع زوايـــــاه

قَـــد زلــزلــه فــرقــا وهــــزة عــراويــه
والله ســتــر والــحــظ عــانــه وعــافـــاه

و كانـه صلـح لـك وأعجـبـك زيــد تبيـنـه
ابــنـــه وجـــهـــزّ لـلـمـقـابـيـل مــبــنــاه

ابـغـيـك بـــس مـــن الـمـفـارق تــداريــه
وأزهــل مــن ايــداري شـعـورك ويــدراه

وحـلــل وحـــرّم فـيــه يـاأبــرك بــلاويــه
وحِلـه وراع ارضـاي ورضــاك وارضــاه

جعلك بعد بعـض الوجيـه .. أمحـق وجيـه
نـــــاسٍ مـراتـعـهــا الـرفــيــق بـتـقـفــاه

أنــواع وأخـطـر نـــوع مـانـيـب نـاسـيـه
نــوعٍ عـلــى تـفـريـق الأثـنـيـن مـسـعـاه

تـلــقــاه دوم وكــــــل يــــــومٍ تــلاقــيــه
وإذا بـغـيـتـه صــــدق مــاعـــاد تـلــقــاه

وإلا انت .. ردك كُل ما دعيك : (( لبيه ))
انـشـهـدٍ مـنـتـوب فـــي عـيـنـي أشــبــاه

مـنـتـب مـــع الـعـالـم ولا تـقـولــي لــيــه
أنــت أدرى مـنـي وش جـوابـي وفـحـواه

كــذيـــه ومـــــن الله يـــازيـــن وإلـــيـــه
وأغـلـى طــروش القـلـب ودواه مــن داه

الـحـلــم يـأتـيـنـي بــزولـــك وأراعــيـــه
وفـــي كـــل حـلــم أقـــوم قـبــل اتـحـفــاه

واعشـق سميـك فــي البـزاريـن وادعـيـه
واقــبــل خــطــاه الا اخــطـــى واتـلــقــاه

واســمــك يـروعـنــي اذا مــــرّ طــاريــه
واحــــب مـلـقــوفٍ يـسـولــف وطـــــراه

وامـــرّ بـيـتـك مــــن بـعـيــدٍ ولا أجــيــه
وأنـــا لـــو انـــه فـــي يــــدي مـاتـعــداه

حـتــى تـوايــر مـوتــري تـلـتـفـت فــيــه
تبـغـي تـلـفّ ويسـتـحـي الـعـقـل والـجــاه

وصـلـك يخـيـط الـصـدر والـبـعـد يـفـريـه
ويـابـري حـالــي كـــان صـديــت بـريــاه

ويلـي علـى ادري حبـنـا (ويــش تالـيـه )
وويلي على ادري وش ورى الغيب ويلاه

عـشــان أشــــوف اذا مـحـبـتـك تـرفـيــه
والله لاقــفــي عــنــك (( اسـتـغـفـر الله))

خالد المريخي

> Miss 7nan

19 / 08 / 2010, 46 : 07 PM

ما بيّن بعينك| خالد المريخي

ما بيّن بعينك على كثر ما جاك ii"

" لا واحسافة ليتني ما iiعطيتك

تخطي وأعذرك وأتحمل خطاياك ii"

" هويت غلطاتك كثر ما iiهويتك

ضحيت بالدنيا علشان دنياك ii"

" خليت كل اللي يبيني iiوجيتك

كنت بعيوني وين ما أطالع ألقاك "

" حتى لو غمضت عيني iiلقيتك

من كثر ما أحبك وأقدرك واهواك ii"

"ما أذكر اني في حياتي iiعصيتك

ولا فاد كل اللي أسويه وياك ii"

" أتعبت قلبي ليتك تحس iiليتك

والحين روح أرجوك ساعدني أنساك "

" لا تجي حتى لو اني iiبغيتك

وان مر في بالي بقايا لذكراك ii"

" بحاول أنساها مثل ما iiنسيتك

................قصيدة لـ | حامد زيد ...............

كحيلان التميمي

20 / 08 / 2010, 13 : 03 PM

كتبت الشعر مو لجلك.... ولكن فااااض بي بركان

واما إنتي فلا تسوين قصيده في نظر عيني...

حلفتي لي تصونيني إذا صار الزمن خوان

وأول ماعثر حظي على دربك خذلتيني...

كسر رمح الزمن صدري وجيتك أشتكي حيران...

نزعتي الرمح من صدري وفي ظهري طعنتيني !!

خساره كيف حبيتك؟نعم والله أنا ندمان...

غبي أدري! نعم أدري !مادام إنك سكنتيني...

ثلاث سنين من عمري وأنا في لعبتك غرقان..

أشيل الشوك من دربك وجرحي كان يدميني

وكنت أبكي إذا تبكين وأكون لبسمتك فرحان

وكنت أقرب من رموشك لعينك يوم تبغيني

عرفتك للأسف صحراااا...وحولّتك إلى بستان

وشلتيني غصن أخضر وفي صخرك زرعتيني

حفرتك داخلي ,ظني تصوني عشرتي أزمان

وكنت أحفر قبر موتي على ساحل شراييني

على كف الشقا نامت جروحي والألم سهران

يحطمني ...يبعثرني..وفي صحراك يرميني

ولكن عزتي ترفض أكون بدنيتي سلطان

وإن ظنك أجي أركع لرجلك ماعرفتيني

أنا ماعادتي أشحت من أمثالك رضا وإحسان

أموت بعزتي أرحم ولا ذلك يغطيني

ومادام الوفا عندك يدوّرله على عنوان

بدوّر لي على قلب يصون الحب وسنيني

ولو قلبي ذكر حبك بولّع فيه بالنيران

وأبكسرها أنا رجلي إذا صوبك تودّيني

و لودار الزمن ضدك وجيتي تطلبي الغفران

وجبتي الشمس في كفك لعندي مابتلقيني

تقول الناس في وصفك: جميله ...مثل عود البان

وإنك أجمل وأحلى بشرمخلوق من طيني

وإنك غاليه وأثمن من الياقوت والمرجان

يقوم الكون من شانك وتقعد لك بلاديني

حسافه غرّهم شكلك وياما تخدع الألوان

عموما ...قد بقت كلمه أخيره لك وسمعيني:

*إذا كنتي بنظر غيري ملاك في شكل إنسان
اطلب قصيده لشاعر
بندر بن سرور

كحيلان التميمي

24 / 08 / 2010, 23 : 02 PM

الله من عين طرقها صواديف ... عميت ويبسن بالعروق الصخافي
شفت الوزا بالعين من عرض ماشيف ... شفته وغيري من فطن له وشافي
وقت تغير فيه حتى العواصيف ... جا في عواصيف الرياح أختلافي
شره قناطير وخيره مقاطيف ... يفطن له اللي يرضع الديد غافي
كم واحد جاله زمانه على الكيف ... واغترته نفسه يبا الجود وافي
يطلع مطاليع العلا بالسواليف ... بين العذارى عد روحه سنافي
يفرح بهرج بالقفى يكره الضيف ... قتات والقتات بالنار هافي
يعلق قصيره علقة النار بالليف ... عي ولد عي زنوده ضعافي
ان رخصت الحذوه توفي عن الحيف ... وان غليت الحذوه مشى اللاش حافي
يرقد ويلحق والدينه تخاليف ... دايم ومرقد ميت النار دافي
هو مادرى ان الجود يبغى تكاليف ... سهر الليالي مقبلات مقافي
يبغى يدين للعطايا مغاريف ... ويبغى رجول ماتمل الوقافي
والصبر بنحور السنين الشواحيف ... اللي قساها مثل حد الرهافي
مايقدرون الجود سود الأطاريف ... مشاركة بيض النسا باللحافي
يقدر عليه اللي حكم نجد بالسيف ... واودع مباغيض القبايل ولافي
عبد العزيز اللي يبث المصاريف ... يجدع قناطير الذهب بالفيافي
يمشي على دربه جموع مراديف ... نو تحدر ماه والجو صافي
يشدي لواقيط الزبيدي بعد ريف ... ومما كسى البيدا تفيد الضعافي

اطلب قصيده لشاعر
الخلاوي