نداء للمسؤول بمستشفى تمير

[ليالي]

السلااام عليكم.......
ادخل طوالي بالموضوع المستشفى الحمدلله مليااان من هالموظفين ...
معقوله مااافي احد مسؤول عن السنترال والرد على استفسارتنا يعني لازم يكون معنا تحويله والا طقق...
من كم شهر ماسكه خط وبعد طلعة الروح يرد هندي اسأله عن تحويله ويهبدها بوجهي
واليوم من صباااح الله قايمه ودقدقه ويقول للمساعده اضغط على صفر وين اهل الصفر مايردون لاحياة لمن تنااادي ..
والله نبي حل نبي ندق ويردون والا لاتقول للمساعده اضغط صفر وتأملونا وبالاخر رفعة ضغط على ولاشي.... نرجو الاهتمااام

[ابوخليــــل]

ان شاء الله كلامك ياصل المسئول

[توأم الجود]

الاخوان في المستشفى دائماً متجاوبون و سننتظر ردهم ؛

تحياتي

[جعبوط تميراوي]

كل يوم نشوف شكاوي ولا نشوف لها حل وش السالفه

[ابو مشعل]

ننتظر التوضيح من مندوب المستشفى
وان شاء الله في الامر خير

[نرجسيه 2]

الصراحه اختي مافي امل مستشفى تمير يتعدل ابد لو كتبنا ماكتبنا

ويكفى النظافه اللي نشوفها في دورات المياه الله يكركم :t107::t107:

[جن جنونه]

ماعندك شغل ..
شكلك دقيت او دقيتي مره وحده وسويتيها مصيبه

[غريب الدار]

السلااام عليكم.......


ادخل طوالي بالموضوع المستشفى الحمدلله مليااان من هالموظفين ...
معقوله مااافي احد مسؤول عن السنترال والرد على استفسارتنا يعني لازم يكون معنا تحويله والا طقق...
من كم شهر ماسكه خط وبعد طلعة الروح يرد هندي اسأله عن تحويله ويهبدها بوجهي
واليوم من صباااح الله قايمه ودقدقه ويقول للمساعده اضغط على صفر وين اهل الصفر مايردون لاحياة لمن تنااادي ..

والله نبي حل نبي ندق ويردون والا لاتقول للمساعده اضغط صفر وتأملونا وبالاخر رفعة ضغط على ولاشي.... نرجو الاهتمااام


فعلا ملاحظه في محلها والموظفين دايم واقفين برى عند البوابه سواليف ودخااان واذا بقيت الشخص تروح تدوره برى عشاان الاشعه او الصيدليه ...

[عايش]

يمكن ماعندهم موظف اصلا

[Dr.google]

ألحين إذا جينا للمستشفى ما لقينا أحد تبين يردون عليكم . . .
نرجو من مدير المستشفى أخذ ملاحظات المواطن بعين الاعتبار وهذه ثاني الملاحظات .
عدم وجود أي رقابة على الموظفين إلا في أوقات الذروة من الصباح حتى بعد الظهر بقليل – خاصةً موظفين الاستقبال- فموقعهم حساس ومهم للغاية . . . وقد تأتي قبل وبعد العصر ولا تجد أحد –دوام العيادات حتى الساعة 4:30م – حصلت لي أكثر من مرة وتجد جدول الموظفين موجود وبه ثلاثة موظفين في هذا الوقت ولا تجد أحد – لا نريد ثلاثة واحد منضبط كفاية .
وأتمنى يكون صوتنا مسموع ...

[ليالي]

شاكره مروركم وبالنسبه للاخ جن جنونه انا قلت ماسكه خط معناها مو مره والا مرتين ولاهو يوم والا يومين اكثر ,,,

[العلاقات العامة بمستشفى تمير]

في البداية نقدم الشكر الجزيل لحرصكم ومتابعتكم لما يهم الصالح العام ونشكر لكم نقدكم

الهادف والبناء اتجاه مستشفى تمير العام

ونحب ان نوضح بعض النقاط التي تخفى عليكم بشأن قسم السنترال بان المشكلة او التقصير

ليس لإدارة المستشفى دور فيه انما السبب

يعود الى نظام التعيين والوظائف سوا من ديوان الخدمة المدنية او وزارة الصحة حيث تم المطالبة

من قبلنا اكثر من مرة لتعيين موظفيين

لقسم السنترال ولم يتم توجيه اي موظف بهذا الخصوص علماً انه تمت المحاولات لايجاد حل

لتغطية هذا القسم ببعض الموظفيين ولكن لقلة

الموظفيين في الإدارة حالت دون ذلك , ونأمل ان نجد حل عاجل من قبل الشؤون الصحية بمنطقة

الرياض لهذا النقص لكي نقدم افضل الخدمات بالشكل المطلوب .

[المهند]

شُكرٌ يقدم .. لمندوب المستشفى على هذا التواصل الجميل والغير مستغرب ..
لمتابعة ما يعانيه المواطن .. وما يبثه من مشاكل تواجهه لذى هذه المنشأة الحكومية ..

يغلق الموضوع بعد استجابة النداء ..