نجم الجوزاء 3/7/2010م

[نسيم]

يوم3/7/2010م دخول نجم الجوزاء 26يوم
اول نجم الهقعة13يوم وبداية الحر الشديد ويكثر السموم يعني معد فيه (نسيم بارد)وبداية الخراف .
الثاني الهنعة13يوم يزاد الحر ويشتد السموم وتكثر الرطوبة والعواصف.
يعني الحر يبدء من منتصف الاسبوع القادم بحول الله .

كما هو واضح من الصور بداية دخول منخفض العرب على عمان وهذا يدل بمشيئة الله تعالى اننا مقبلين على حر شديد والعلم عند الله
http://weather.pme.gov.sa/weather/satellite/meteosat/gif/ir/kingdom/pmesat1.gif

يقول الشاعر الخلاوي
وبوارح الجوزا ربا فيه بسرهـا= واختلفت الالوان بين خضر الجرايد

[- فوق مستواك -]

لحول يعني حر http://vb.eqla3.com/images/smilies/frown.gif

[- فوق مستواك -]

حر شديد و عواصف !!

[نسيم]

ويقول الشاعر بركات الشريف يصف حر الجوزاء
بيومٍ من (الجوزا) يستاقد الحصا
،،،،،،،،،،،،،،،،،،،،،،،وتلوذ بأعضاد المطايا جخادبه

[نسيم]

قصيدة الشاعر راشد الخلاوي في الفلك
قال الخـلاوي والخـلاوي راشـد
عمر الفتى عقب الشباب يشيـب
حسبت انـا الأيـام بالعـد كلهـا
ولا كل من عد الحسـاب يصيـب
حساب الفلك بنجم الثريا مركـب
يحـرص لـه الفـلاح والطبيـب
فيلا صرت بحساب الثريا جاهـل
ترى لهـا بيـن النجـوم رقيـب
الى غابت الثريـا تبيـن رقيبهـا
ويلا اطلعت ترى الرقيـب يغيـب
ولا قارن القمـر الثريـا بحـادي
بعد احد عشر عقب القران تغيـب
وسبع وسبع عد له بعـد غيبتـه
هذيك هي الكنـه تكـون مصيـب
ومن بعدها تطلع وبها القيظ يبتدي
وتاتي بروق ولا يسيـل شعيـب
ويلا مضى خمس وعشرين ليلـه
ثقل القنا من فـوق كـل عسيـب
وتطلع لك الجوزا وهي حنة الجمل
وتاتي هبايـب والسمـوم لهيـب
والى مضى خمس وعشرين ليلـه
يطلع لك المـرزم كقلـب الذيـب
والى مضى خمس وعشرين ليلـه
يطلع سهيل مكـذب الحسيـب
والى مضى خمس وعشرين ليلـه
تلقـا الجـوازي طردهـن تعيـب
تلقا الجوازي مـا تناظـر مقيلـه
ليلـه نهـار وتجتلـد وتليـب
والى مضى خمس وعشرين ليلـه
لا تامـن المـا صيبـه صبيـب

[- فوق مستواك -]

يا شيخ تروعنا ..
رح مدونتك وكتب هالقصيد http://vb.eqla3.com/images/smilies/biggrin.gif

بس والله القصيدة جامع فيها كل شي !!

[نسيم]

قصيدة للفائدة والاطلاع

قصيدة للشاعر الكبير محمد العبد الله القاضي في الفلك...
وهي هدية متواضعة لاعضـــاء هــــذا المنتدــــى الرائع...



سبـك لـك نجـوم الدهـر بالفكـر حـاذقحوى واختصر مضمونها بامر خالـق
ترى اول نجـوم القيـظ سبـع رصايـفكما جيب وضحـا ضيـع الـدرك دالـق
أو نـعــل شـــاخ والـتـويـبـع تبـيـعـهـافي برجهـا الجـوزاء كمـا الـدال دانـق
ترفـع بهـا عاهـات الاثـمـار وعشبـهـاغـدا مـن سمـوم الحـر مثـل الحرايـق
سـتـة وعشـريـن بـهـا الـظـل بـسـطـةنهـايـة قـصـر الـيـل عـشــر ودقـايــق
عقـب تطلـع الجـوزاء كشلفـا شمالـهـانـظـيـم تـــلالا كــالــدراري لــواهــق
تـبـرا لـهـا الهقـعـة وبالهنـعـة انتـهـتتـهـب السمـايـم فـيـه والـظــل سـايــق
سـتـة وعشـريـن الـسـرطـان بـرجـهـايصـلـح بفصـلـة كــل حـلــو وحـــاذق
ويظهر ذراع الليث هو المـرزم الـذيكمـا مشعـل السـاري بـنـوره تشـاعـق
يرفـرف بنـورة كــل مـابـان واختـفـىكـمـا عـيـن عمـهـوج غـنـوج لعـاشـق
ويبـيـن لــك نـجــم الكليـبـيـن أمـــارةهـي النثر،وصـفـة للعـيـون الـروامـق
دليـل عـلـى ظـهـور الكليبـيـن أمــارةواذا غـربـن عنـهـا النـسـور العتـايـق
ريـاح وسمـوم وقيـل تظـهـر بــه اّفــةلبعض الثمار ولبعض الاشجار صافق
ستـة وعشـريـن تــر اللـيـث برجـهـنيـقـف ظلـهـا قــدم وتـفـور الـحـرايـق
ويظهـر لـك النـجـم اليمـانـي وطـرفـةيتقـلـب كـــدرة خـاتـمـاً بـيـثـد مـايــق
ينشر قماش الجـوخ والصـوف لا يقـعبـه الـدود فـي مثنـى مطاويـه خــارق
ومحـسـوبـه اربـــع نــجــوم بـنـجـمـةمع الجبهة الزبرة لـه الصـرف لاحـق
واذا مـضــى مـنـهـن ثـلاثـيــن لـيـلــةتـواسـى نـهـاره هــو وليـلـة مـطـابـق
وعشـرن يبـدأ المـزن ينـشـي مـغـربكـمـغـتـر ذيــــدان حــداهــن ســايــق
واثنـى عشـر بــادي سهـيـل وبعـدهـنتظهـر نجـوم الوسـم صــرم الحـدايـق
اثنيـن وخمسيـن تــرا نجـومـه اربـعـةاولــهــن الــعــوا كــمــا الام لاهــــق
والسماك مع غفرن كما القوس وصفـةوزبـنــاه نـجـمـيـن كــرمــح مـعـانــق
تكـثـر عواصفـهـا بـهـا الـظـل سبـعـةوعن الفصد والمسهل نهونـا الحـواذق
بهـا القطـع للاشجـار والاثـل والنـخـليصلـح عـن الـقـادوح ولـلـدود عـالـق
ويطـلـع لــك إكلـيـل وقـلــب وشـولــةهــي (الاربعانـيـة) لــلاوراق مـاحـق
تـســع وثـلاثـيــن اذا فــــات ثـلـثـهـننهـايـة طــول الـيــل بالـقـلـب فـــارق
وبروجـهـن بالـقـوس الـجـدي ينـتـهـيكثـيـر بــه المـاطـر حـقـوق الـبـوارق
يقـف ظلهـا عـن سـبـع الاقــدام زايــدبـه البرد،دخانـة مــن الـجـوف عـالـق
وتبـدي النعايـم تـسـع نجـمـات سبـكـةتاسـعـهـن مـرتـفـع علـيـهـن شــاهــق
وبــدت عقبـهـا البـلـدة نظيمـيـن سـتـةخـلـف الـقـلادة وان تحـقـقـت رامـــق
نجمـيـن يسـمـن السماكـيـن وبعضـهـميسمونـهـن (الشـبـط) بـالـبـرد عـالــق
تــرا برجـهـن بالـدلـو والـظـل سبـعـةومحسوبهـن سـتـة وعشـريـن شــارق
بهـن يظهـر الهدهـد والاشـجـار كلـهـاتغـرس ويجـري المـاء بالعـود سـايـق
وتطـلـع سـعــودات الـنـجـوم الـثـلاثـةوهن (العقارب) عنـد بعـض الخلايـق
فالذابـح نجميـن كمـا الالـف وصفـهـنبجـنـب العـلـو نـجـم شـمــال مـلابــق
وسعـد بلـع نجميـن بالعـرض وافتخـرالاعلى على الاسفل بهـا الكبـر فـارق
وسعـد السعـود يشابـه الذابـح إن بـداءتـرى انـوره النجـم الشمالـي مـشـارق
فـالـورد والـرمـان والـخــوخ يـــورقبالاولى،وينظر تيـن غصـن المطـارق
والثانـيـة هــي اخـــر الـبــرد وابـتــداربيعة مع انوا الصيف والعرق عالـق
وبالثـالـثـة يـورقــن الاشـجــار كـلـهـاوتـزهـر رياحـيـن بـهـا الـبـرد خـافـق
عــدال الـزمـن بليلـهـا مـــع نـهـارهـاتواسى بـراس الحـوت فصلـه موافـق
فـالاسـعـدة تـسـعــة وثـلاثـيــن لـيـلــةالاولـى بـراس الدلـو والحـوت لاحـق
ويطلـع لـك نجـم (الحميمين)وسمـهـنالاخـبــيــة ثـــــم الـمــقــدم يــعــانــق
فالاخبـيـة وصـفـه كـمـا رجــل بـطــةوصـــف الـمـقـدم نجمـتـيـن شـعـايــق
ستـة وعشريـن تـرا الحـمـل برجـهـنفيـه الـدواء والفـصـد والحـجـم لايــق
ويظهر لك الفرع المؤخـر مـع الرشـانجميـن لـهـن اســم الذراعـيـن عـالـق
ووصـــف سـمـكـة نــجــوم زواهــــروحـادي عشـر نــوره عليـهـن فــارق
بـاخـر بــرج الحـمـل والـثــور ظـلــهقـدم،وهـو فـصــل الـربـيـع الـمـوافـق
واعـدادهــن سـتــة وعـشـريـن لـيـلــةيوافق بهـن غـرس الشجـر والحدايـق
ويظهـر لـك الشرطيـن كـالاف مـايـلثـــلاث نـجـمــات حــداهــن غــامــق
ويظهـر عقـب هـذا البطيـن ونجـومـهثــلاث كنـقـط الـثـاء صـغـار خـوافـق
باّخر فصل الصيف يصلح بـه الـدواءوفصـده وحجـمـه هـايـج الــدم وافــق
فالشرطيـن والبطـيـن نجمـيـن ظلـهـنقـدم،وهــن سـتــة وعـشـريـن فـــارق
يسـد الخلـل مـن شـاف عيـب وختـمـةصـلاة علـى المخـتـار مــاذر شــارق

[نسيم]

لحول يعني حر http://vb.eqla3.com/images/smilies/frown.gif
الله اعلم

[نسيم]

حر شديد و عواصف !!
عواصيف ترابية يعني شعوف ماهيب اللي انت خابر ذيك العجات الواقفه

[نسيم]

يا شيخ تروعنا ..
رح مدونتك وكتب هالقصيد http://vb.eqla3.com/images/smilies/biggrin.gif

بس والله القصيدة جامع فيها كل شي !!
شوي وبترك هالساحة كلها، بس منك الصبر ومنا الوفا

[- فوق مستواك -]

لا لا يا نسسيم نبيك دوووم في هالساحة يا قايدنا

[نسيم]

حولك مانيب مبعد، لكن تراي قيمتك

[وردهـ]

الله يستر
يعني فيه حر غير هذا
حنا قلنا جى البراد
والغبار باقي
ياااااااااااااااااااااااه نسيم
النشره الجويه اتخوف
الله يرفق بنا
وتشكر على التنبيه

[نسيم]

الله يستر
يعني فيه حر غير هذا
حنا قلنا جى البراد
والغبار باقي
ياااااااااااااااااااااااه نسيم
النشره الجويه اتخوف
الله يرفق بنا
وتشكر على التنبيه
ماهوب على كل حال يصير حر .لان الايام اللي راحت تعتبر حالة وليست كما هي العادة بمشيئة الله ,نجم الجوزاء يكون حر شديد كما جرت العادة لكن يمكن تتغير وتستمر الرياح شمالية ويصير براد بحول الله .
لكن نحن نذكر خواص كل نجم فقط مثل المربعانية في الشتاء معروفه بالبرد الشديد وبعض السنين تصير جو دافي جميل وهكذا .

[سُلاَفْ القَصِيدْ]

تسلم نسيم على المتآبعه
مدري انآ اتآبع النشره ولآ أقرأ القصيده
الله يعينآ على الحر ممدى ونقول زآن الجو هـ اليومين

[وردهـ]

ماهوب على كل حال يصير حر .لان الايام اللي راحت تعتبر حالة وليست كما هي العادة بمشيئة الله ,نجم الجوزاء يكون حر شديد كما جرت العادة لكن يمكن تتغير وتستمر الرياح شمالية ويصير براد بحول الله .
لكن نحن نذكر خواص كل نجم فقط مثل المربعانية في الشتاء معروفه بالبرد الشديد وبعض السنين تصير جو دافي جميل وهكذا .
الحمد لله ان شاء الله تكون براد
ريحتني الله يريحك (زمله للغبار)
ربي يعطيك العافيه

[نسيم]

تسلم نسيم على المتآبعه

مدري انآ اتآبع النشره ولآ أقرأ القصيده

الله يعينآ على الحر ممدى ونقول زآن الجو هـ اليومين

تسلمين يالراقية .
القصيدة هذي للفائدة فقط وتعتبر مثل المقبلات او ماتعرفين المقبلات يالقروية .يعني مثل الحلا .

[نسيم]

الحمد لله ان شاء الله تكون براد
ريحتني الله يريحك (زمله للغبار)
ربي يعطيك العافيه
احمدي ربك يابنت الحلال الحريم لايطلعن نوم عند المكيفات لكن الموت والله حنا اللي من صبح وحنا في جهاد لين عقب الظهر .

[احلام وردية]

الله يستر من الحر
اذكر العام في مثل هالوقت بنتي طلعت للحوش بدون نعال ومشت على غطاء الخزان من حرارته قامت تصايح ونبخت رجليها بشكل ما ينتوقع

[برق1]

ماشاء الله عليك
هالايام نحس ببراد ما شاء الله وش السالفة لا يكون بيّاع الخبل مكيفه ؟
شكرا لك يا نسيم حسن كراني ,.,

[نسيم]

الله يستر من الحر
اذكر العام في مثل هالوقت بنتي طلعت للحوش بدون نعال ومشت على غطاء الخزان من حرارته قامت تصايح ونبخت رجليها بشكل ما ينتوقع
مسيكينه والله صغيره . تحسبينها مثل رجلين المهند مواطي رجليه كنها سبوت زبيريه ماتلين ولا بكسجين .

[احلام وردية]

اضحك الله سنك يا نسيم
قل ما شاء الله
الله لا يضره

[- فوق مستواك -]

تحسبينها مثل رجلين المهند مواطي رجليه كنها سبوت زبيريه ماتلين ولا بكسجين .

هههههههههههههههههههههههههههههههههههههههههههههههههه هههههههههههههههههههههه

[نسيم]

ماشاء الله عليك
هالايام نحس ببراد ما شاء الله وش السالفة لا يكون بيّاع الخبل مكيفه ؟
شكرا لك يا نسيم حسن كراني ,.,
ههههههههههههه حلوه بياع الخبل مكيفه .المفروض وحسب الوقت ان الايام اللي راحت مثل هالجو لكن مشيئة الله فوق كل شي .

[نسيم]

اضحك الله سنك يا نسيم
قل ما شاء الله
الله لا يضره
مايجيه شي له سنين وهو ماتغير يلاحق الضبان في الصمان وهو حفيان .

[عرق الأرطى]

الله يعينا على ذالحر
تسلم اخوي نسسسسسيم حار .؟

[ابوخليــــل]

الله يستر

[المهند]

اهب يا وجه ... عليك وصف يكسر الحصى ...

نسيم ترى رجلي كلها رهاص .. من لعب كورة في صبة محميتها الشمس من يوم تطلع إلين تغيب ..
ارفق علي يارجل ..

نسيم فيه سؤعال أبنشدك عنه ..
وعلى طلعة الجوزاء نبي نسهر الليل .. سرا الليل ياساري وجرحي عرفت دواه ..

وش سالفة هالبيت ..؟؟

[كحيلان التميمي]

خطير يانسيم حتي في التوصيف
الله يعين المهند عليك
احترامي لكم

[» اِلـَوَفْآءْ بـِنْـتْ]

علومك َمآهيبْ زينة يـ نسيمُ اليومُ

سلمتَ يمنآك َ http://www.t9oor.com/forum/images/smilies/0000100.gif

[جار القمر]

شكرا نسيم

[نسيم]

اهب يا وجه ... عليك وصف يكسر الحصى ...

نسيم ترى رجلي كلها رهاص .. من لعب كورة في صبة محميتها الشمس من يوم تطلع إلين تغيب ..
ارفق علي يارجل ..

نسيم فيه سؤعال أبنشدك عنه ..
وعلى طلعة الجوزاء نبي نسهر الليل .. سرا الليل ياساري وجرحي عرفت دواه ..

وش سالفة هالبيت ..؟؟
وش تحسب رجليك ؟رجلين ترفات الاقدامي.
البيت اللي تقول اخوي المهند (على طلعت الجوزا نبي نسهر الليله)هذا توصيف لقاء بين الاحبه ، والجوزا المقصود بها في البيت ،،،،،،،،،،تبي اكمل شرح البيت يالمهند والا اسكت .لاني اخاف يجينا انذارات وحذف .وانت بصرك .

[نسيم]

الله يستر
امين يارب

[نسيم]

الله يعينا على ذالحر
تسلم اخوي نسسسسسيم حار .؟
تبقا اخوي عرق الارطى

[نسيم]

شكرا نسيم
عفوا جارالقمر

[نسيم]

خطير يانسيم حتي في التوصيف

الله يعين المهند عليك

احترامي لكم

تسلم ياكحيلان .
ماعليك ياكحيلان محناب واصفينك لانك غالي ونخاف عليك

[نسيم]

علومك َمآهيبْ زينة يـ نسيمُ اليومُ

سلمتَ يمنآك َ http://www.t9oor.com/forum/images/smilies/0000100.gif
افا.يالوفاء.
ابشري بالخير ان شاء الله وابشري بالبراد والعلوم الزينه

[أبـوحـمـد]

الله يسهل ويعين كلها شهرونص يا رجال وتهون
والي صبرنا ذيك الايام يصبرنا الحين...

تحياتي لك يا صديقي..

[المهند]

وش تحسب رجليك ؟رجلين ترفات الاقدامي.
البيت اللي تقول اخوي المهند (على طلعت الجوزا نبي نسهر الليله)هذا توصيف لقاء بين الاحبه ، والجوزا المقصود بها في البيت ،،،،،،،،،،تبي اكمل شرح البيت يالمهند والا اسكت .لاني اخاف يجينا انذارات وحذف .وانت بصرك .

لا والله خلها على فالها يانسيم ..
مير أذكر أننا إلى اجتمعنا وهيجنا في الكنود تجي على البال هالقصيدة ولا أدري وش ماريتها والله..
من يوم دخلت هقعك وحنا في زود براد .. والظاهر أن جيل الخلاوي تغير ..
ليتك والله تجيب لنا شيء حديث وجديد ..

[نسيم]

الله يسهل ويعين كلها شهرونص يا رجال وتهون
والي صبرنا ذيك الايام يصبرنا الحين...

تحياتي لك يا صديقي..
ليتها والله شهر ونصف ياصديقي كان زين.مار عندك شهر 7كله و8كله و9كله و10كله كنات ورطوبة مثل الايام اللي راحت واكثر لكن يهونها الله ان شاء الله .
تسلم ياصديقي ابوحمد

[نسيم]

لا والله خلها على فالها يانسيم ..
مير أذكر أننا إلى اجتمعنا وهيجنا في الكنود تجي على البال هالقصيدة ولا أدري وش ماريتها والله..
من يوم دخلت هقعك وحنا في زود براد .. والظاهر أن جيل الخلاوي تغير ..
ليتك والله تجيب لنا شيء حديث وجديد ..
اجل نخليها في فالها يالمهند،بصرك.
انت تغني بشي ماتعرفه ولاهوب انت لحالك كثير وكثير لايعي مايحمل .
هذي قصيدة غزليه رمزيه تشبيهيه بين الفتاة ونجمة الجوزا لانها اخذت لجمال هذا النجم وسطوعه وايضا اخفاء مايقصد امام الناس مثل اللغز.مثل الشاعر اللي يقول /
يانجمة الصبح كبدي منك مرهوقه
،،،،،،،،،،،،،،،،،،،ليا شع نورك علينا لا تغيبيني
يستاير القلب من فرقاك مفتوقه
،،،،،،،،،،،،،،،،،اصبر من العام لين انك ذبحتيني
لبيك ياللي تتل القلب وعروقه
،،،،،،،،،،،،،،،،،،،كله على شان يوم انك تلبيني
ياقلبي اللي من الغالي دنا عوقه
،،،،،،،،،،،،،،،يا ناس اشيروا عليها لا تقاضيني
وان كان قلبي تليش عنه صندوقه
،،،،،،،،،،،،،،،،،،،،شدوه لين اتجود فيه بيديني
قالوا معاليق قلبك منه مسروقه
،،،،،،،،،،،،،،قلنا خذتها الضحى والناس واعيني
عديت عن مبسم المجمول لا ذوقه
،،،،،،،،،،،،،،،،انا بلاوي الحيا وادري على ديني
الود لو نتركه عنا وطاروقه
،،،،،،،،،،،،،،،،،،اظني ارتاح وانتي تستريحيني
يالله يا خالق الدنيا لمخلوقه
،،،،،،،،،،،،،،،تقدر على الموت تذبحني وتحييني
تلم شملي لابد الروح مرفوقه
،،،،،،،،،،،،،،بأربع هناديس في قبري تخاويني
في هذه القصيدة لايعني اي نجم بل العشيقه ومن يحب فقط.

[الأنيق]

تسلم ياحكيم المنتدى نسيم.

[نسيم]

تسلم ياحكيم المنتدى نسيم.
ايه هذه الكلام يابومنيرة امدحني تراي احب المدح .
تسلم يابومنيرة

[الأنيق]

منيب أمدحك أنا يانسيم.
أقول الصدق.

[نسيم]

منيب أمدحك أنا يانسيم.
أقول الصدق.
انا علي من المكتوب يابومنيرة .

[ولد نسيم]

نسيم ماجانا من الحر اللي تقوله شين

[نسيم]

نسيم ماجانا من الحر اللي تقوله شين
اجل يبي يجي من الحر سين