لـــــي صاحــبٍ

[عهود]

لاصار خالك مثل خالـي فـلا تبالـي=لاضاق صدرك سحب من صدرك العلّه

طيّب كريـمٍ وفـيّ ويضيّـع المالـي=لعيون ضيفه وكـل حجاجـه يفلّـه

شبّاب نـار ويحـف النـار بدلالـي=معلق هرافي ومامـن شخـص مادلّـه

لامادحة شيخ ولالـي مقصـد بمالـي=أبمدح الخـال ظـل وماحـلا ظلّـه

لي صاحبٍ غاليٍ لي حيل لي غالـي=يرخص له العمر جلّ العمر له جلّـه

قبّاض الأرواح خذ شينيـن الأفعالـي=والطيّب القرم زين الطبـع لـي خلّـه

يفزع ليا جاه من ضاقت بـه الحالـي=وإن شاف له غارقٍ من غرقتـه شلّـه

ماشيّخـه جـاه ولا ماكـول الأنذالـي=يمنـاه ترفعـه بيـن النـاس وتتلّـه

يالله يالله يالمـعـبـود يـالـوالــي=تحفظ لي الخال وتصونه عـن الزلّـه

لي صاحـبٍ ماخلقـه الله بالأخوالـي=الطِيـب ثـوب وثوبـه لابسـه كلّـه

أفِز ليا قال(بنـت آخـي) ولا ابالـي=وأطرب ليا صرت موجـوده بهالفلّه

عـهود

[هبوب الشمال]

من صدرك العلة

كلمات عال العال

وشى الحقيقة يثلج الصدر

صح السانك وسلم بنانك

[ابو متعب]

عهود صح لسانك وتسلمين
لى صاحب غالى لى حيل لى غالى=يرخص له العمر جل العمر له جله
تحياتى

[عهود]

تسلمون الاستاذ هبوب الشمال

مشكور لمرورك الكريم مع التحيه

==========================

الاخ ابو لافي شكرا جزيلا لمرورك الكريم

وصح بدنك وسلمت روحك

تحيتي لك

[هادي]

عهووود

والله ما يجي من الطيب الا الكلام الطيب

مشكووووووووووره

والابيات جميله جداااااا


سلام

[المتواصل]

ارجو من الاخ النايف عدم تكرر مثل هذه القصائد داخل هذه الساحه
ارجو النقد الهادف وعدم المساس باي شخص داخل هذا المنتدي سواء مشرف او عضوا
تحياتي للجميع
النادر