بــرقــع وجــــوال

[هبوب الشمال]

( بــرقــع وجــــوال )=-


هذا بنـات اليـوم برقـع وجـوال
ولا عبايـة كتـف هـم يلبسـوهـا
والراس فوق الراس طرحه مع الشال
حتـى الخصـال الطيبـة أفقدوهـا
يوم البنات اللي غـدٍ سبـت اهمـال
ويـوم السبايـب اهلهـا هملـوهـا
الأم نامـت والأبـو صـار تمثـال
والبنت راحت ويـن مـا يسألوهـا
بالليل تسهر بيـن هاتـف وجـوال
وإلا علـى دش الفلـس سهـروهـا
اقفاي هي ما بين الأسـواق واقبـال
بلا غـرض راحـت ولا انشدوهـا
اللبس تلبس كل مـا يطـرب البـال
وفلوس لو تنقـص عليهـا عطوهـا
من شافها باللبس يا ساتـر الحـال
يسبهـا ويسـب مــن خلفـوهـا
كومة لحم وعيـون والرمـش قتـال
ولا مشـت كـل الشبـاب أتبعوهـا
هم مادرو لـوإن البراقـع بتنشـال
ونشوف وش تحت البراقـع خفوهـا
يرتاح من صابه من أسبابها هبـال
ويشوف والله مـن عيونـه هووهـا
وين البنات اللي بهم تضرب أمثـال
ليت السلـوم الطيبـه مـا تركوهـا
البنت زين البنت لا زانـت الحـال
ماهـو بلبـس ولا علـوم خذوهـا
وين المراجل ما بقى غيرة إرجـال
ليـت الشـوارب واللحـى حلقوهـا
اللي على عاره رضى الـذل ينقـال
ليـت الكرامـه ليتهـم يرفعـوهـا
ماعاد ينفـع قـول فيهـا ولا قـال
لا الأم والله ولا الأبــو أنفعـوهـا
اصبح ضياع البنت بسبـاب جـوال
البنت ضاعـت والأهـل ضيعوهـا


منقول

[عهود]

قصيده جميله هبوب

والمشكله ليست بالجوال

لا

المشكله التربيه لها دور اساسي

والا الجوال ماجاء الا امس!!

ولكن لازال فيه الخير الكثير في أمة محمد صلى الله عليه وسلم

شكرا لك وبالتوفيق مع التحيه

[ابو متعب]

تسلم ياهبوب الشمال على حسن الاختيار
وحسن النقل المميز
وسلمت يداك يالهبوب
تحيات ابولافى

[هادي]

مشكور على اختياااااارك

وهذا خبرنا في الهبووووووب


سلام

[علم تميـــــــــــــــــر]

صح السان الشاعر

وتسسسسسسسسسسسسسسسسسسلم على النقل الاكثر من رائع ياهبوب الخير