لاتفوتكم عدة راعي جيب العشه هع

[الموادع]

أنا اشهد أنه راعي مكاشيت
منقووووول
الاخوه الغالين
السلام عليكم
اخواني واحبتي في الله موضوعي بيتكلم عن عدتي المكشاتيه وذلك للمشاركه والمشوره
وتبادل الخبره المكشاتيه بيننا وسوف اقوم بوضع بعض الصور لهذه العدة
مع الشرح
........................

في هذه الصوره نشاهد هذا العفش متنثر كأنه عفش في حراج ابن قاسم وكل هذا العفش
محمل في سيارتي الثلث وعن الغلط احد يقول (عشه)

http://www.kshta.com/up-pic/uploads/ra3y_kshta_1.jpg (http://www.kshta.com/up-pic/uploads/ra3y_kshta_1.jpg)

عدة المطبخ او الطبخ وعدة القهوه والشاهي
وكذلك شنطة مناديل للتمسيح وهذي ملزومه للطباخ

http://www.kshta.com/up-pic/uploads/ra3y_kshta_2.jpg (http://www.kshta.com/up-pic/uploads/ra3y_kshta_2.jpg)

شنطة المراجع او الكتب الخاصه بالرحلات والاحدثيات وغيرها من الكتب
وكذلك اجهزة احتياط قارمن وماجلان
وعدة مختلفه من اقلام ومساطر ومفكات صفيره والكثير جدآ

http://www.kshta.com/up-pic/uploads/ra3y_kshta_3.jpg (http://www.kshta.com/up-pic/uploads/ra3y_kshta_3.jpg)

شنطة الاسعافات الاوليه وهي مهمه جدآ
وهي عباره عن شنطه تقريبآ متكامله من بلاستر ( لزقات ) ومقصات ومطهرات
وغيرها وكذلك جباير طويله وجباير قصيره و جبيرة عنقية وجهاز لعملية الإنعاش القلبي الرئوي
نسال الله الا نستعملها والله يحفظنا وياكم من كل مكروه امين

http://www.kshta.com/up-pic/uploads/ra3y_kshta_4.jpg (http://www.kshta.com/up-pic/uploads/ra3y_kshta_4.jpg)

عدة الغراز وهي مكونه من مسحات وكريك وكذلك وتد حديد طوله 1 م وهو جبر جدآ وكذلك
سلالم حديديه للغراز مربوطه مع بعضها بسلسله قصيره وكذلك كنادر الله يكرمكم حقة خلطه
للمناطق الطينيه الي حد نصف الساق اما اذا كان الموتر متغبي الي نصفه فتشاهدون البس الكامل للمناطق الطينيه
لي ( هوز ) علي رفرف الايمن للسياره ويوجد كذلك سلسه المانيه حقت التريلات طولها 10 متر وكذلك
وايرات بمقاسات مختلفه وقفزان وهوكات وبكرة سحب حقة الونش وكذلك دسوس (قفزات )
ويوجد في وجه الموتر ونش 4 طن (سنقل لين)

http://www.kshta.com/up-pic/uploads/ra3y_kshta_5.jpg (http://www.kshta.com/up-pic/uploads/ra3y_kshta_5.jpg)

طاولة تصفط وتصبح صغيره وتاخذ اربع رجاجيل ويمكن ان تستعملها كمكتب مكشاتي اما للقراءه
او مشاهدة الخرائط ولها كذلك مظله

http://www.kshta.com/up-pic/uploads/ra3y_kshta_6.jpg (http://www.kshta.com/up-pic/uploads/ra3y_kshta_6.jpg)

عدة الماء وتشمل جراكل وليات وكذلك ماطور سحب الماء واسلك كهرب باطول مختلفه
وكذلك اديتر ثلجه وذلك لستعماله وقت الوضوء في الفجر ايام البرد وبزبوز بقاعده مغناطيسيه

http://www.kshta.com/up-pic/uploads/ra3y_kshta_7.jpg (http://www.kshta.com/up-pic/uploads/ra3y_kshta_7.jpg)

عدة النوم وتشمل السرير والخيمه تسفط وتوضع في كيسها وكذلك جكيت مفصل خصيصن وبه 8 مخابي
ومبطن بإسفنج من الداخل وهو ضد الماء وكرسي للجلوس وغيرها كما في الصوره

http://www.kshta.com/up-pic/uploads/ra3y_kshta_8.jpg (http://www.kshta.com/up-pic/uploads/ra3y_kshta_8.jpg)

عدة النزول في الدحول وتشمل كرسي النزول وكذلك طوق النجات
وكذلك ادوات السلامه للشخص الذي يريد ان ينزل للدحل مثل الخوذه وحق المرافق والركب

http://www.kshta.com/up-pic/uploads/ra3y_kshta_9.jpg (http://www.kshta.com/up-pic/uploads/ra3y_kshta_9.jpg)

هنا نشاهد عملية لبس كرسي النزول وكذلك عملية ربط طوق النجاة ويمكن ربط الشخص المصاب
او الشي الذي نزلت الي الدحل من اجله معك في نفس الكرسي وقوت حبال الكرسي وطوق النجاة
2 طن حسب كتلوج الشركه المصنعه والله اعلم واجل
اخواني واحبتي هذا بعض الاشياء التي لدي

http://www.kshta.com/up-pic/uploads/ra3y_kshta_10.jpg (http://www.kshta.com/up-pic/uploads/ra3y_kshta_10.jpg)

منقول للأمانه

[روح الورد]

رائع مانقلته هنا

الله يعطيك العافيه

[الموادع]

يعافيك ربي ياروح الورد
على تواجدك العطر
دمتي بخير

[المهند]

مجهز كل شيء ... لكن بقى الرحول .. يبي من يجدده

[ابو شادي]

اقول هذي العده يبيلها همر 2011

او شاص 2011

ماتوقع يتحمل العشه هذا كله

[عرق الأرطى]

مشاء الله عليه طالع كنه محل رحلات كل شي معه
تسلم اخوي .

[جار القمر]

يبلشة بالتحميل والتنزيل والصف
شكرا يالموادع

[النادر]

يعطيك العافيه يالموادع
وش بيشيل وش بيخلي
هالموتر ماروح عليه يم
ام الشقوق

[أبـوحـمـد]

وين بيروح له هذا لوه بيجاهد ما حط هالعده كلها...

مشكور يالموادع على النقل..

تحياتي لك..

[» اِلـَوَفْآءْ بـِنْـتْ]

تصدق حسبته آرهآبي مآسكتة الدولة http://www.5foq.net/uploads/images/5foq.com-f16744bb93.png
وش هـ الحوسة كلهآ الله يعينه وتعينه يآرب ْ

أحترآميّhttp://www.t9oor.com/forum/images/smilies/0000100.gif (http://www.tumaer.com/vb/showthread.php?t=65623)

[الموادع]

مجهز كل شيء ... لكن بقى الرحول .. يبي من يجدده
يسئل عن محلك بيكمل بعض اغراضه من عندك هع
منور الموضوع

[الموادع]

اقول هذي العده يبيلها همر 2011

او شاص 2011

ماتوقع يتحمل العشه هذا كله

وانت الصادق العفش يبيله شروكي هع
منور الموضوع

[الموادع]

ماشاء الله عليه طالع كنه محل رحلات كل شي معه
تسلم اخوي .
الله يسلمك اخوي منور الموضوع

[ابوخليــــل]

والله ياااااهو فاااااضي ماشاء الله عليه

[الموادع]

منور ياهاوي الموضوع
والي يحب البر ويعشقه مستعد يسوي اكثر من كذى
دمت بخير

[الأنيق]

والله إللي غاثن عميرته بهالموتر
لو يشب يبي ياخذ له شهر ما طفاء
بس أعجبتني فكرة شنطة الأسعاف..

[أبو تميم الفيصل]

مشكور يالموادع على النقل الرائع

[الموادع]

ابومنيره . ابو تميم
منورين الموضوع بتواجدكم العطر

[وردهـ]

ربي يعطيك العافيه
الله يعينه على تحميلهن

[الموادع]

الله يعافيك على تاوجدك العطر