من يساعدني

[shams10]

السلام عليكم ورحمة الله وبركاته


بنات ديرتي الغالية ( تمير )

أنا عضوه جديدة في المنتدى وحبيت اشارك

أخواتي ...

أنا عندي مشكلة يا بنات وهي اني أكره الطبخ برغم اني متزوجه .. وودي اتعلمه لكن ما عندي وقت بسبب ظروف عملي وانشغالي لكني احاول اتعلمه
ابي خطوات تساعدني في حب الطبخ وتعلمه من يقدر يساعدني .. كما اني اعاني هالايام (لا ادري بسبب الحر الشديد) ان عندي فقدان شهيه فضيع مدري الاخوات مثلي والا بس انا !! بالإضافة الى اني ما ادري وش اطبخ وقت الفطور ولا الغداء او العشاء ؟؟ ليت تعطوني مقترحات
أحيانا ينتابني شعور اني سيدة فاشله في البيت لكن ناجحه في العمل ..

ليت الاخوات يساعدوني

[shams10]

عند الله السعه يا بنت عمومتي ما فيه وحده تفيدني .. ؟؟؟!!!

[طير شلوى]

انا لله وانا اليه راجعون
اتمنى الاخوات يحصلون حل للمشكله الصعبه !!

[shams10]

الله يسامحك إذا مهيب مشكلة عندك فهي عندي مشكلة :t18:

[طير شلوى]

صعب جدا ان تكون المرأه لاتطبخ ولا تحب المطبخ ،
وانا والله ادعي ان الله يفرج همك ويساعدك على حل مشكلتكـ فهي والله صعبه .

[روح الورد]

هلا اختي الغالية
امري

[عزوز الرياض]

خلك على البيض بس تره زين وخبز صامولي وجبن
وبس اكل خفيف واذا جاكم احد نادي الاثنين الله يخلي المطاعم
بس فيه كتاب عن الاكل حلو يمكن يجوزلك بس انتبهي لا تحرقين الاكل

[روح الورد]

كتاب نخبه الاطباق راح يفيدك حلو وسهل

اذا بغيتي شي حنا باالخدمه

[» اِلـَوَفْآءْ بـِنْـتْ]

وعليكم السلام
حللتٍ آهلاً وسهلاً أختيّ الغالية
والله مشكلتك ِ سهلة وبآذنْ الله تكونينْ طبآخة
اولاً الصعوبة في البدآية وبعدين خلآص يتسهل كل شئ
شوفي
الفطور والعشآء سهل
الغدآء هو العلة

عندي استعدآد اعلمك بس كيف تبغين آنتي ..؟

[- فوق مستواك -]

فية منال العالم ع قناة ابو ظبي طباخها خطييييييييييييرة !
تجي العصر ع مااظن http://vb.eqla3.com/images/smilies/biggrin.gif هههههههههههه <~ اهلي دايم حاطين عليها

[آللـّورد]

طيب أختي إذ1 أنتي مآتحبينه حآولي تكثرين الإستغفآر بنيه اللي تبين
وإن شالله يعجبك الأكل والطبآخ هع

[ام منى]

اهم شي حطيه قدامك حبك للمطبخ والطبخ..ولاتفكرين في انك اذا سويتي اي طبخه راح تخرب واذا خربت حاولي ثانيه الى ان تنجح..
وفيه عندك كتب الطبخ اشكال والوان (كتاب النخبه)روعه فيه كل شي..
وربي يعينك ويساعدك..

[وردهـ]

اهم شي انك تكوني تحبي الطبخ وتعطينه نفسك
عشان تتفنني فيه
وابداي بالطرق السهله على الفطور او على الغداء او على العشاء
واهم شي الملح لايكون مالح وانتبهي للطبخه ولاتتركينها تحترق بعد النضج اتركيها على نار هادئه
واذا لا سمح الله احترقت اضيفي كمون ينزع طعم الحرق
والحلى عليك بالطرق السريعه والسهله
وعندك كتاب ام عبد العزيز كتاب النخبه سهل وبسيط ويساعد على الطبخ
والله يوفقك

[المحبة للخير]

هلا والله ببنت ديرتي :107:هلا بشمس تمير ...شوفي حبيبتي الحمد لله فرصة.. العطلة وقربت أستغليها في تعلم الطبخ:t116: وأنا أضم صوتي للأخوات:t47: وأنصحك تشترين كتاب
(النخبة)لأم عبدالعزيز رائع بمعنى الكلمة وماراح تندمين إذا شريتيه لأن مقاديره مضبوطة تمام التمام...ودائما المشكلة في الغداء أما الفطور والعشاء أكل خفيف والحمد لله على النعمة ..أنا مثلك ماكنت أحب الطبخ لكن الحين أموت فيه بس العلة في المواعين...وإذا أحتجتي شي أنا والبنات ماراح نقصر إن شاء الله ...يارب تصيرين أحسن طباخة:t45: والكل يمدح في طبخك وخاصة:t23:

http://www.tumaer.com/vb/mwaextraedit4/extra/91.gif

[shams10]

السلام عليكم ورحمة الله وبركاته

أشكر للجميع تفاعلهم معي وألتمس العذر في تأخري في الرد كوني في مكه ولم تتح لي فرصة الدخول بالنت

اخواتي
ما رأيكم نبتدأ في ترتيب مواعين المطبخ بطريقة يسهل بها الوصول للماعون المطلوب بأدنى جهد وأقل وقت ،ولتستفيد منه الاخوات المتزوجات حديثاً

الكاسات ، المواعين ، الصحون، البيالات ، الفناجيل ، الاباريق ، .. الخ

نأمل من الاخوات افادتنا بتجاربهن في هذا المجال

شاكرة ومقدرة للجميع تعاونهم
وجزاكم الله عنا خير الجزاء

اختكم
شمس تمير

[مهرته]

افطور والعشاء سهل

اما الغداء لازم تفكرين من اليوم لبكرة وش بتسوين لانك تعانين من هالمشكله

ولما تقررين الغداء جهزي اغراضة وشوفي المنتديات وكتب الطبخ كيف تسوى الطبخه اللي اخترتيها

صح تتعبين بالبداية بس بتنفك عقدتك ان شاء الله
والحر حبيبتي مشكلة لايخليك تشتهين الاكل ولايخليك تشتغلين الله يكون بعونك


اتمنى اني افدتك

[الموادع]

موفقه اختي والله ييسر امرك ويعينك
ويولف قلوبكم لبعض وان شاء الله تطلعين
طباخه ماهره .. موفقه ان شاء الله

[سُلاَفْ القَصِيدْ]

الله يوفقك أختي ويسعدك
وإحنآ حآضرين باللي تبيه

[المحبة للخير]

http://www.tumaer.com/vb/mwaextraedit4/extra/04.gif
شوفي حبيبتي شمس هذي طريقتي بترتيب المواعين في المطبخ أتمنى تعجبك و تستفيدين

عندي دولاب كبير ببابين هذا خليته للأجهزة الكهربائية
وجنبه دولاب ثاني كبير لمواعين الضيوف والملاعق وكل شئ يخص التقديم للضيوف
وخليت بجانب الفرن دروج للملاعق والسكاكين وكل ما يخص الطبخ
وفيه دروج ثانية حطيت فيها البيالات والفناجيل
والدولاب القريب من الفرن للقدورالمستخدمة للطبخ
والدولاب اللي تحت الفرن الكهربائي بحطي صواني الفرن
و خصصت دولاب للمواعين المستخدمة يوميا
أما الدواليب العلوية فهي للأكوا ب وخصصت دولاب لأباريق وترامس الضيوف
وفيه دولاب كبير بأرفف سلات للمعلبات والشوربات ... الخ
اللي تحت المجلى أحط فيه الفحم والمنظفات

وسلامتك





http://www.tumaer.com/vb/mwaextraedit4/extra/34.gif

[وردهـ]

ماشاء الله عليك
ياالمحبة للخير
تنظيم وترتيب رائع
رب يعطيك العافيه

[المحبة للخير]

تسلمين حبيبتي وردة...........
http://www.tumaer.com/vb/mwaextraedit4/extra/77.gif

[shams10]

اشكرك اختي المحبة للخير وكل الاخوات المشاركات

بالنسبة لي انا اختلف عنك ولا ادري هل طريقتي صح ام خطأ بس مقارنة بطريقتك احس اني حوسه
انا جنب الفرن حطيت الاجهزة الكهربائية وادارج للملاعق والسكاكين
ودولاب زاويه عندي كبير حطيت فيه الاغراض الخاصة بالاباريق والصواني والترامس وتحت حطيت البقول والمعلبات الكبيرة
ومن الجهة الثانية من الفرن حطيت فيه المعلبات والمكرونه وغيرها
و درج في الزاويه الثانيه حطيت فيه القدور والتاوات وكل حقات القلي
وزاويه كبيره ثالثه حطيت فيها الصحون حقة الضيوف وكل اغراض التقديم
والادراج العلويه حطيت فيها كاسات القزاز

بس تبين لي اني حايسه الدنيا ولانيب مقتنعه بترتيبي
شرايكم اخواتي